မုံရွာ ၊ ဒီဇင်ဘာ ၂၃

စစ်ကိုင်းတိုင်းဒေသကြီး၊ မုံရွာမြို့၊ ဒီဇင်ဘာအားကစားလ စတုတ္ထပတ် လူထုစုပေါင်း
လမ်းလျှေက်ပွဲကို ဒီဇင်ဘာလ ၂၃ ရက်နေ့၊ နံနက်ပိုင်းတွင် မုံရွာမြို့၊ ကန်သာယာကန် အရှေ့ ဗိုလ်ချုပ်လမ်းမကြီးပေါ်တွင် ကျင်းပရာ လူထုစုပေါင်းလမ်းလျှောက်ပွဲသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများမှဝန်ထမ်း များ၊ မုံရွာမြို့ပေါ်ရှိ တက္ကသိုလ်/ဒီဂရီကောလိပ်၊ သူနာပြုနှင့်သားဖွားသင်တန်းကျောင်းများမှ ပါမောက္ခချုပ်များ၊ ကျောင်းအုပ်ကြီးများ၊ ဆရာ/ဆရာမများ၊ ကျောင်းသား၊ ကျောင်းသူများ၊ မြို့နေပြည်သူများနှင့် အားကစားကို ချစ်မြတ်နိုးသူများ တက်ရောက်ကြသည်။

ရှေးဦးစွာ စုပေါင်းလမ်းလျှောက်ပွဲသို့ တက်ရောက်လာကြသည့် တိုင်းဒေသကြီး ဝန်ကြီးချုပ်နှင့်တာဝန်ရှိသူများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာဝန်ထမ်းများ၊ မုံရွာမြို့ပေါ်ရှိ တက္ကသိုလ်/ဒီဂရီကောလိပ်များမှ ပါမောက္ခချုပ်များ၊ ကျောင်းအုပ်ကြီးများ၊ ဆရာ/ ဆရာမများ၊ ကျောင်းသား၊ကျောင်းသူများနှင့် ရပ်ကွက်နေပြည်သူ အင်အား ၄၀၀၀ ကျော်မှ မုံရွာမြို့၊ အရှေ့ဘက်ကန်သာယာအနီး ဗိုလ်ချုပ်လမ်းမကြီးပေါ်ရှိ သက်မှတ်နေရာများတွင် အသီးသီးနေရာယူကြပြီး မီးရှူးပန်းပစ်ဖောက်ကာ သက်မှတ်နေရာများမှစတင်၍ ဗိုလ်ချုပ်လမ်း၊ ၄င်းမှ အနောက်ဘက် ကန်သာယာကန်တစ်ပတ်အား ကန်ပတ်လမ်းလမ်းတစ်လျှောက် တစ်ပျော် တစ်ပါး စုပေါင်းလမ်းလျှောက်ခဲ့ကြသည်။

ယင်းနောက် အရှေ့ဘက်ကန်သာယာရှိ ပြည်ထောင်စုရင်ပြင်သို့ ပြန်လည်ဝင်ရောက် ခဲ့ကြကာ အဆိုပါရင်ပြင်၌ ၆ ပေခြား စနစ်တကျနေရာယူကြပြီး တိုင်းဒေသကြီး အားကစား နှင့်ကာယပညာဦးစီးဌာနမှ လူငယ်မောင်မယ်များ၏ ကိုယ်ကာယလေ့ကျင့်ခန်း အမှတ်စဉ်(၁) အမှတ်စဉ်(၂)သရုပ်ပြသမှုနှင့် Physical Fltness Dance တေးသီချင်းများဖြင့် သွေးပူလေ့ကျင့်ခန်းအား စုပေါင်းဆောင်ရွက်ခဲ့ကြသည်။

ထို့နောက် စုပေါင်းလမ်းလျှောက်ပွဲသို့ တက်ရောက်လာသူများသည် လူမှုရေးရာဝန်ကြီး ဌာနမှကျွေးမွေးဧည့်ခံသည့် နံနက်စာများအား တစ်ပျော်တစ်ပါး စားသောက်နေမှုများကို တိုင်းဒေသကြီး ဝန်ကြီးချုပ်နှင့် တာဝန်ရှိသူများက လိုက်လံကြည့်ရှုအားပေးကာ ရင်းရင်းနှီးနှီး လိုက်လံ နှုတ်ဆက်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကံစမ်းမဲများဖွင့် ဖောက်ပေးနေမှုများကို ကြည့်ရှုအားပေးခဲ့ကြပြီး ဆုမဲပေါက်သူများအား တိုင်းဒေသကြီး ဝန်ကြီးချုပ်နှင့် အစိုးရအဖွဲ့ဝင်များ၊ တာဝန်ရှိသူများက ဆုမဲပေါက်သူများအား ဆုများအသီးသီး ပေးအပ်ချီးမြှင့်ခဲ့ကြောင်း သိရသည်။

20231226 14

20231226 14

20231226 14

20231226 14

မုံရွာ ၊ ဒီဇင်ဘာ ၂၂

စစ်ကိုင်းတိုင်းဒေသကြီးအစိုးရအဖွဲ့မှ ကြီးမှူးကျင်းပသည့် အသံမစဲ ဥပ္ပါတသန္တိ ပါဠိတော် ရွတ်ဖတ်ပူဇော်ပွဲ ဖွင့်ပွဲမင်္ဂလာ အခမ်းအနားကို ဒီဇင်ဘာလ ၂၂ ရက်နေ့၊ နံနက်ပိုင်းတွင် မုံရွာမြို့၊ ရွှေစည်းခုံစေတီတော်မြတ်ကြီးရှိ သာသနာ့ဗိမာန်တော်ကြီးတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်း ဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ နှင့်ဖိတ်ကြားထားသူများ တက်ရောက်ကြသည်။

ရှေးဦးစွာ “နမောတဿ” သုံးကြိမ်ရွတ်ဆို ဘုရားကန်တော့၍ အခမ်းအနားအား ဖွင့်လှစ် ခဲ့ကြပြီး မုံရွာမြို့၊ ချမ်းမြသာစည်ရပ်ကွက်၊ မြို့မရွှေဂူကျောင်းတိုက် မြို့နယ်သံဃ နာယက ဥက္ကဋ္ဌ ဆရာတော်မှ နတ်ဗြဟ္မာများအားပင့်ဖိတ်ကာ နိုင်ငံတော်သြဝါဒါစရိယ မုံရွာမြို့၊ ဘုရားကြီးရပ် ကွက်၊ မဟာဝဇ္ဇာသိပ္ပံကျောင်းတိုက် ပဓာနနာယက အဂ္ဂမဟာပဏ္ဍိတ ဆရာတော်ကြီးထံတော်မှ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ငါးပါးသီလ ခံယူဆောက်တည်ကြသည်။

ယင်းနောက် ဆရာတော်၊ သံဃာတော်များထံမှ မေတ္တာသုတ်ပရိတ်တရားတော်အားနာ ယူကြည်ညိုပြီး ဆရာတော်၊သံဃာတော်များထံ တိုင်းဒေသကြီး ဝန်ကြီးချုပ်နှင့် တာဝန်ရှိသူများ က လှူဖွယ်ဝတ္ထုပစ္စည်းများ ဆက်ကပ်လှူဒါန်းခဲ့ကြသည်။

ထို့နောက် မုံရွာမြို့၊ ရန်ကင်းကျောင်းတိုက် ပဓာနနာယက အဂ္ဂမဟာပဏ္ဍိတ ဒွိပိဋကဓရ၊ ဒွိပိဋကကောဝိဒ ဆရာတော်ကြီးထံတော်မှ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အနုမောဒနာတရား နာယူကြည်ညိုကာ လှူဒါန်းမှုအစုစုတို့အတွက် ရေစက်သွန်းချအမျှ ပေးဝေ ကြပြီး “ ဗုဒ္ဓသာသနံ စိရံ တိဌတု ” သုံးကြိမ်ရွတ်ဆို ဆုတောင်းကာ အခမ်းအနားကို ရုပ်သိမ်းခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပပြုလုပ်သည့် (၇၆)နှစ်မြောက်လွတ်လပ်ရေးနေ့
အခမ်းအနား ကျင်းပရေးလုပ်ငန်း ညှိနှိုင်းအစည်းအဝေးသို့ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က (၇၆)နှစ်မြောက် လွတ်လပ်ရေး နေ့ အခမ်းအနားအား ယခင်နှစ်များနည်းတူ စည်ကားသိုက်မြိုက်စွာ ကျင်းပနိုင်ရေး ကော်မတီ အသီးသီးမှ အဖွဲ့ဝင်များအနေဖြင့် လုပ်ငန်းများအောင်မြင်စွာ ဆောင်ရွက်နိုင်ရေး ညှိနှိုင်းပေါင်းစပ် ဆောင်ရွက်သွားကြရန် လိုအပ်ပါကြောင်း၊ ရောင်စုံအလှမီးများထွန်းညှိရေးနှင့် နိုင်ငံတော် အလံများ လွှင့်ထူနိုင်ရေးအတွက် တာဝန်ရှိသူများမှ စီမံဆောင်ရွက်သွားကြရန် လိုအပ်ပါ ကြောင်း၊ နိုင်ငံတော်၏ထူးခြားမွန်မြတ်လှသည့် အထိမ်းအမှတ်နေ့ထူးနေ့မြတ်ဖြစ်ပါ၍ လွတ် လပ်ရေးရရှိရန် စွန့်လွတ်အနစ်နာခံကြိုးပမ်းခဲ့မှုများနှင့်လွတ်လပ်ရေး၏အနှစ်သာရနှင့်တန်ဖိုးကို လူငယ်များသိရှိစေရန်အတွက် ဆွေးနွေးဟောပြောပွဲနှင့်ပြပွဲ အခမ်းအနားများ၊ ပျော်ပွဲရွှင်ပွဲ၊ အားကစားပွဲများကို စည်ကားသိုက်မြိုက်စွာ ကျင်းပသွားရန်လိုအပ်ပါကြောင်း၊ တိုင်းဒေသကြီး အစိုးအဖွဲ့အနေဖြင့်လည်း လိုအပ်ချက်များကို ဖြည့်ဆည်းဆောင်ရွက်ပေးသွားမည် ဖြစ်ပါ ကြောင်း၊ တာဝန်ရှိသူများအားလုံးအနေဖြင့် လုပ်ငန်းများဆောင်ရွက်ရာတွင် လုံခြုံရေးအသိ၊ သတိတို့ဖြင့် ဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ထို့နောက် (၇၆)နှစ်မြောက် လွတ်လပ်ရေးနေ့အခမ်းအနား ကျင်းပရေးကော်မတီ ဥက္ကဋ္ဌ၊ တိုင်းဒေသကြီး လူမူရေးရာဝန်ကြီး ဦးဝင်းမြတ်စိုးက (၇၆)နှစ်မြောက် လွတ်လပ်ရေးနေ့ အခမ်း အနား အောင်မြင်စွာကျင်းပနိုင်ရေးအတွက် ကြိုတင်ပြင်ဆင်ဆောင်ရွက်ထားရှိမှု လုပ်ငန်းများနှင့် ပတ်သက်၍ ရှင်းလင်းတင်ပြသည်။

ဆက်လက်ပြီး (၇၆)နှစ်မြောက် လွတ်လပ်ရေးနေ့အခမ်းအနား အောင်မြင်စွာကျင်းပနိုင် ရေးအတွက် ကော်မတီအသီးသီးမှ တာဝန်ရှိသူများက မိမိတို့ကော်မတီများအလိုက် တာဝန်ယူ ဆောင်ရွက်သွားမည့် လုပ်ငန်းများအခြေအနေများနှင့် ပတ်သက်၍ Power Point ဖြင့် အသီးသီး ဆွေးနွေးတင်ပြကြသည်။

ဆက်လက်၍ အစည်းအဝေးသို့ တက်ရောက်လာသည့် တိုင်းဒေသကြီး အစိုးရအဖွဲ့ဝင် များက (၇၆)နှစ်မြောက် လွတ်လပ်ရေးနေ့အခမ်းအနား အောင်မြင်စွာ ကျင်းပနိုင်ရေး လုပ်ငန်း များနှင့် ပတ်သက်၍ ဖြည့်စွက်အကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့တက် ရောက်လာသူများ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားပြီး အစည်းအဝေးကို ရုပ်သိမ်း ခဲ့ကြောင်း သိရသည်။

20231226 01

20231226 01

20231226 01

20231226 01

20231226 01

20231226 01

20231226 01

20231226 01

20231226 01

20231226 01

20231226 01

20231226 01

မုံရွာ ၊ ဒီဇင်ဘာ ၂၁

စစ်ကိုင်းတိုင်းဒေသကြီးအတွင်းရှိ အသေးစား၊အငယ်စားနှင့်အလတ်စား စီးပွားရေးလုပ် ငန်းများ ဖွံ့ဖြိုးတိုးတက်ရေးအတွက် လုပ်ငန်းညှိနှိုင်းအစည်းအဝေးကို ဒီဇင်ဘာလ ၂၁ ရက်နေ့၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး အဆင့် ဌာနဆိုင်ရာများ၊ မုံရွာခရိုင် စီမံအုပ်ချုပ်ရေးအဖွဲ့ ခေတ္တဥက္ကဋ္ဌတို့ တက်ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဥက္ကဋ္ဌနှင့် ကလေးခရိုင်၊ ခန္တီး ခရိုင်၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဋ္ဌများက Video Conferencing စနစ်ဖြင့် တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အစိုးရ အနေဖြင့် အသေးစား၊အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေး အား ကျယ်ကျယ်ပြန့်ပြန့် ပိုမိုပါဝင်ဆောင်ရွက်နိုင်ရန် တိုင်းဒေသကြီး အသေးစား၊ အငယ်စားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး အေဂျင်စီကို ယခင်အဖွဲ့ဝင် (၁၂)ဦးမှ ယခုအဖွဲ့ဝင်(၂၀)ဦးဖြင့် ပြင်ဆင်ဖွဲ့စည်းခဲ့ပါကြောင်း၊ ပြည်ထောင်စုမှ MSME ဖွံ့ဖြိုးတိုးတက် ရေးဆိုင်ရာ ညွှန်ကြားချက်များအား အကောင် အထည်ဖော် ဆောင်ရွက်ခြင်း၊ MSME လုပ်ငန်း ရှင်များ၏ လိုအပ်ချက်များကို ဖြေရှင်းဆောင်ရွက်ပေးခြင်းနှင့် တိုင်းဒေသကြီးအတွင်း MSME လုပ်ငန်းများဖွံ့ဖြိုးတိုးတက်ရေးအစီအစဉ်များ အကောင်အထည်ဖော် ဆောင်ရွက်ခြင်းတို့တွင် တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ် အဆင့်ဌာနဆိုင်ရာများ၊ စီးပွားရေးဆိုင်ရာ အဖွဲ့အစည်းများ၊ ပညာရှင်များနှင့် MSME လုပ်ငန်းရှင်များ အတူတကွ ပူးပေါင်းဆောင်ရွက် အကောင်အထည်ဖော် ဆောင်ရွက်နိုင်ခဲ့ပါကြောင်း၊ တိုင်းဒေသကြီးအတွင်း MSME လုပ်ငန်းများအား ရာခိုင်နှုန်းပြည့် အကောင်အထည် ဖော်နိုင်ရေးအတွက် ပိုမိုတိုး တက်ပြည့်စုံကောင်းမွန်အောင် တာဝန်ရှိသူအားလုံးမှ ကြိုးပမ်းဖြည့်ဆည်းဆောင်ရွက် ပေးသွားကြရန် လိုအပ်ပါကြောင်း၊ နိုင်ငံ့စီးပွားမြှင့်တင်ရေးရန်ပုံငွေများဖြင့် MSME လုပ်ငန်းများ ဆောင် ရွက်နေသည့် လုပ်ငန်းများကိုလည်း ရေရှည်ဖွံ့ဖြိုးတိုးတက်အောင် တာဝန်ရှိသူများမှ စနစ်တကျ စီမံဆောင်ရွက်သွားကြရန် လိုအပ်ပါကြောင်း၊ မေခရို စီးပွားရေးအခြေအနေ အပေါ်အကြံပြု ချက်များမှ ကာလတို(၆)လအတွင်း ကာလလတ်(၁၈)လအတွင်း ဆောင်ရွက်သင့်သည့်အချက် များ၊ ကုန်ထုတ်လုပ်မှုတိုးတက်ရေး၊ ပို့ကုန်တိုးမြှင့်နိုင်ရေး၊ ထွက်ကုန်အရည်အသွေးများတိုး တက်ကောင်းမွန်ရေး၊ ရင်းနှီးမြှုပ်နှံမှု တိုးမြှင့်ရေးတို့နှင့်ပတ်သတ်၍ တိုင်းဒေသကြီး အေဂျင်စီမှ သိရှိလိုက်နာဆောင်ရွက်၍ ဗဟိုအေဂျင်စီသို့ ဆောင်ရွက်မည့်အစီအစဉ်များ ပြန်လည်တင်ပြ နိုင်ရန်အတွက် ယခု MSME လုပ်ငန်းများဖွံ့ဖြိုးတိုးတက်ရေး လုပ်ငန်းညှိနှိုင်းအစည်းအဝေးတွင် သက်ဆိုင်ရာဌာန/အဖွဲ့အစည်းမှ တာဝန်ရှိသူများမှ ပွင့်လင်းစွာဖြင့် ဆွေးနွေးတင်ပြသွားကြရန် လိုအပ်ပါကြောင်း တိုက်တွန်းပြောကြားခဲ့သည်။

ယင်းနောက် တိုင်းဒေသကြီး စက်မှုကြီးကြပ်ရေးနှင့်စစ်ဆေးရေးဦးစီးဌာနမှ ညွှန်ကြား ရေးမှူးမှ အသေးစား၊အငယ်စားနှင့်အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး အေဂျင်စီ ပြင်ဆင်ဖွဲ့စည်းခြင်းအား ရှင်းလင်းပြောကြားသည်။

ထို့နောက် တိုင်းဒေသကြီးအဆင့် ဌာနဆိုင်ရာများက မိမိတို့၏ဌာနများအလိုက် တိုင်း ဒေသကြီးအတွင်းရှိ ခရိုင်/မြို့နယ်များအတွင်း၌ လုပ်ကိုင်ဆောင်ရွက်နေသည့် အသေးစား၊ အငယ်စားနှင့်အလတ်စား စီးပွားရေးလုပ်ငန်းများ ဖွံဖြိုးတိုးတက်ရေးအတွက် ဆောင်ရွက် နေမှုအခြေအနေများနှင့် ဆက်လက်ဆောင်ရွက်သွားမည့် အခြေအနေများအား Power Point ဖြင့် အသီးသီး ရှင်းလင်းဆွေးနွေး တင်ပြကြသည်။

ဆက်လက်ပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဋ္ဌ၊ ကလေးခရိုင်၊ ခန္တီးခရိုင်၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဋ္ဌများက Video Conferencing စနစ်ဖြင့် လည်းကောင်း၊ မုံရွာခရိုင် စီမံအုပ်ချုပ်ရေး အဖွဲ့ ခေတ္တဥက္ကဋ္ဌတို့မှ မိမိတို့ခရိုင်များအတွင်းရှိ မြို့နယ်များ၏ အသေးစား၊အငယ်စားနှင့်အလတ်စား စီးပွားရေးလုပ်ငန်းများ ဖွံဖြိုးတိုးတက်ရေးအတွက် လုပ်ငန်းများဆောင်ရွက်နေမှု အခြေအနေ များနှင့် ပတ်သက်၍ အသီးသီး ရှင်းလင်းတင်ပြကြသည်။

ယင်းနောက် တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့ တက်ရောက်လာသူများက တိုင်းဒေသကြီးအတွင်း အသေးစား၊အငယ်စားနှင့်အလတ်စား စီးပွားရေးလုပ်ငန်းများ ဖွံဖြိုးတိုးတက်ရေးအတွက် ဆောင်ရွက်နေသည့်လုပ်ငန်းများနှင့် ပတ်သက်၍ ဖြည့်စွက်အကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့တက် ရောက်လာသူများ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားပြီး အစည်းအဝေးကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် မုံရွာမြို့၊ ပြည်သူ့အားကစားကွင်းတွင် ကျင်းပပြုလုပ်သည့် ၂၀၂၃-ခုနှစ်၊ ဒီဇင်ဘာအားကစားလ လူထုလှုပ်ရှားမှုအထိမ်းအမှတ် ဌာနပေါင်းစုံ အမျိုးသား ဘောလုံးပြိုင်ပွဲ အကြို ဗိုလ်လုပွဲစဉ်အဖြစ် လူမှုရေးရာဝန်ကြီးဌာန-၁ အသင်းနှင့် စည်ပင်သာယာရေးအဖွဲ့အသင်းတို့ ယှဉ်ပြိုင်ကစားနေမှုအား ကြည့်ရှုအားပေးခဲ့ကြောင်း သိရသည်။

20231222 01

20231222 01

20231222 01

20231222 01

20231222 01

20231222 01

မုံရွာ ၊ ဒီဇင်ဘာ ၂၀

စစ်ကိုင်းတိုင်းဒေသကြီး၊ မုံရွာစီးပွားရေးတက္ကသိုလ် ငွေရတုအထိမ်းအမှတ် ပင်မဆောင် အဆောက်အဦသစ် ဖွင့်ပွဲအခမ်းအနားကို ဒီဇင်ဘာလ ၂၀ ရက်နေ့၊ နံနက်ပိုင်းတွင် အဆိုပါ ကျောင်းရှိ ပင်မဆောင် အဆောက်အဦသစ်ရှေ့တွင် ကျင်းပရာ ဖွင့်ပွဲအခမ်းအနားသို့ တိုင်းဒေသကြီးဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ် အဆင့်ဌာနဆိုင်ရာများ၊ ပါမောက္ခချုပ်၊ ဒုတိယပါမောက္ခချုပ်များ၊ ပါမောက္ခ/ဌာနမှူးများ၊ ဆရာ/ ဆရာမများနှင့် ကျောင်းသား၊ကျောင်းသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး လူမှုရေးရာဝန်ကြီး ဦးဝင်းမြတ်စိုး၊ မုံရွာစီးပွားရေးတက္ကသိုလ် ပါမောက္ခချုပ် ဒေါက်တာသီတာကြူတို့က ငွေရတု အထိမ်းအမှတ် ပင်မဆောင်အဆောက်အဦသစ်အား ဖဲကြိုးဖြတ်ဖွင့်လှစ်ပေးခဲ့ကြပြီး တာဝန်ရှိသူများနှင့်အတူ ခေတ်အဆက်ဆက် တာဝန်ထမ်းဆောင်ခဲ့ကြသည့် ပါမောက္ခချုပ်များနှင့် ဌာန အသီးသီးမှ လှုပ်ရှားမှုမှတ်တမ်းဓါတ်ပုံများအား လိုက်လံကြည့်ရှုခဲ့ကြသည်။

ထို့နောက် ငွေရတုခန်းမကြီးတွင် ဒုတိယပိုင်းအခမ်းအနားကို ကျင်းပရာ တိုင်းဒေသကြီး ဝန်ကြီးချုပ်က စီးပွားရေးတက္ကသိုလ်မှ ပညာသင်ကြားပေးလိုက်သည့် ဘွဲ့ရမောင်မယ်များသည် နိုင်ငံတော်မှအားထားရသည့် စီးပွားရေးပညာရှင်များ၊ စီးပွားရေးလုပ်ငန်းရှင်များ၊ စီးပွားရေးနှင့် ပတ်သက်သည့် အသိပညာရှင်၊ အတတ်ပညာရှင်များသည် တိုင်းဒေသကြီး ဖွံ့ဖြိုးတိုးတက်မှုအတွက်နှင့် နိုင်ငံတော်ဖွံ့ဖြိုးတိုးတက်မှုများအတွက် အလွန်အရေးပါသည့် စွမ်းအားစုများ ဖြစ်ပါကြောင်း၊ အမိမြန်မာနိုင်ငံတော်ကြီးကို ခေတ်မီဖွံ့ဖြိုးတိုးတက် အောင်ဘက်စုံထောင့်စုံကနေ ဝိုင်းဝန်းတည်ဆောက်လျက်ရှိရာ မုံရွာစီးပွားရေးတက္ကသိုလ်မှ ကျောင်းသား၊ကျောင်း သူများသည်လည်း အရေးပါသည့် လူ့စွမ်းအားအရင်းအမြစ်များဖြစ်ပြီး တန်ဖိုးရှိသည့်လူ့ စွမ်းအား အရင်းအမြစ်များ မွေးထုတ်ပေးနေသည့် မုံရွာစီးပွားရေးတက္ကသိုလ်၏ (၂၅)နှစ်မြောက်ငွေရတု မှသည် ရတုအဆက်ဆက်တိုင်အောင် တိုင်းကျိုးပြည်ပြုသည့် စီးပွားရေးဆိုင်ရာအသိပညာရှင်၊ အတတ်ပညာရှင်များ ဆတက်ထမ်းပိုးမွေး ထုတ် ပေးနိုင်ကြပါစေကြောင်း ပြောကြားခဲ့သည်။

ယင်းနောက် မုံရွာစီးပွားတက္ကသိုလ်အား စတင်တည်ထောင်ခဲ့သည့် ပထမဆုံး ပါမောက္ခချုပ် ရင်းနှီးမြုပ်နှံမှုနှင့်နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာကံဇော်၏ ဝမ်းမြောက်အမှာစကားအား ဗီဒီယိုဖိုင်ဖြင့် ဖွင့်လှစ်ပြသသည်။

ဆက်လက်၍ မုံရွာစီးပွားရေးတက္ကသိုလ် ပါမောက္ခချုပ် ဒေါက်တာသီတာကြူက (၂၅)နှစ် တာကာလအတွင်း တာဝန်ထမ်းဆောင်ခဲ့ကြသည့် ပါမောက္ခချုပ်၊ ဒုတိယပါမောက္ခချုပ်များ၏ ကိုယ်ရေးများအား ဂုဏ်ပြုမှတ်တမ်းတင် ဖတ်ကြားသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ဆရာ/ဆရာမများနှင့် ကျောင်းသား/ကျောင်းသူများ၏ သီဆိုကပြဖျော်ဖြေမှုများအား ကြည့်ရှုအားပေးခဲ့ကြပြီး အခမ်း အနားသို့ တက်ရောက်လာကြသည့် ဆရာ/ဆရာမများနှင့် ကျောင်းသား/ကျောင်းသူများအား ရင်းရင်းနှီးနှီးလိုက်လံနှုတ်ဆက်အားပေးကာ ဖွင့်ပွဲအခမ်းအနားကို ရုပ်သိမ်းခဲ့ကြောင်း သိရသည်။

20231221 01

20231221 01

20231221 01

20231221 01

20231221 01

20231221 01

20231221 01

20231221 01

20231221 01

20231221 01

20231221 01

20231221 01

20231221 01

20231221 01

20231221 01

20231221 01

20231221 01

မုံရွာ ၊ ဒီဇင်ဘာ ၁၉

စစ်ကိုင်းတိုင်းဒေသကြီးအစိုးရအဖွဲ့ ဒေသတည်ငြိမ်အေးချမ်းရေးနှင့် အကောင်အထည်ဖော်ဆောင်ရွက်နေသည့် လုပ်ငန်းများအောင်မြင်အောင်ဆောင်ရွက်ရေး ညှိနှိုင်းအစည်းအဝေး (၆/၂၀၂၃)ကို ဒီဇင်ဘာလ ၁၉ ရက်နေ့၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်း အဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင်စီမံ အုပ်ချုပ်ရေးအဖွဲ့ ဥက္ကဋ္ဌတို့ တက်ရောက်ကြပြီး တိုင်းဒေသကြီးအတွင်းရှိ ကလေးခရိုင်၊ စစ်ကိုင်း ခရိုင်၊ ရေဦးခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဋ္ဌများက Video Conferencing စနစ်ဖြင့် တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က စိုက်ပျိုးမွေးမြူရေးကို အခြေခံသည့်ကုန်ထုတ်လုပ်ငန်းများကိုမြှင့်တင်၍ နိုင်ငံ့စီးပွားမြင့်မားရေးနှင့် ပြည်သူလူထုတစ်ရပ်လုံး၏ လူမှုစီးပွားဘဝမြင့်မားရေးအတွက် တည်ငြိမ်အေးချမ်းသည့်ဒေသများကို အဓိကအခြေပြုကာ စိုက်ပျိုးမွေးမြူရေးကုန်ထုတ်လုပ်ငန်းများအား အစွမ်းကုန်တိုးမြှင့်နိုင်ရေး ဆောင်ရွက်လျှက်ရှိပါ ကြောင်း၊ ပြည်သူလူထု၏ လူမှုစီးပွားဘဝလုံခြုံရေးအတွက် တည်ငြိမ်အေးချမ်းရေးနှင့်တရား ဥပဒေစိုးမိုးရေး အပြည့်အဝရရှိရန်လိုအပ်သဖြင့် တည်ငြိမ်အေးချမ်းရေးနှင့်တရားဥပဒေစိုးမိုးရေးကို လုံခြုံရေးတပ်ဖွဲ့ဝင်များသာမက အုပ်ချုပ်ရေးအဖွဲ့အစည်းများ၊ဌာနဆိုင်ရာများ၊ အစုအဖွဲ့ များအားလုံး ပူးပေါင်းဆောင်ရွက်သွားကြရန် လိုအပ်သကဲ့သို့ ပြည်သူများကိုလည်း သိရှိနား လည်အောင် စည်းရုံးပြောကြားသွားကြရန် လိုအပ်ပါကြောင်း၊ စားရေရိက္ခာဖူလုံရေး၊ ကုန်ဈေး နှုန်းတည်ငြိမ်ရေးအတွက် ကုန်ထုတ်လုပ်ငန်းများ၊ MSME လုပ်ငန်းများ၊ စိုက်ပျိုးရေးမွေးမြူရေး လုပ်ငန်းများကို တိုးတက်ပြီးစံပြဖြစ်အောင် ထုတ်ကုန်အဆင့်မြှင့်တင်ရေးအတွက် ဌာနဆိုင်ရာ များမှ လုပ်ငန်းရှင်များနှင့် အမြဲမပြတ်ထိတွေ့ပြီး ပူးပေါင်းအကောင်အထည်ဖော် ဆောင်ရွက်ကြ ရမည် ဖြစ်ပါကြောင်း၊ သာမန်၊ ငွေလုံးငွေရင်းရန်ပုံငွေဖြင့် ခွင့်ပြုဆောင်ရွက်လျှက်ရှိသည့် လုပ်ငန်းများသတ်မှတ် ကာလအတွင်း အရည်အသွေးပြည့်မီစွာဖြင့် အချိန်မီပြီးစီးရေးတို့ကို သက်ဆိုင်ရာ ဝန်ကြီးဌာန အလိုက်၊ ခရိုင်/မြို့နယ်အလိုက် စိစစ်ရေးအဖွဲ့များကို ဖွဲ့စည်းကြပ်မတ် ဆောင်ရွက်လျှက်ရှိရာ တွင် တာဝန်ရှိသူများမှ တွန်းအားပေးဆောင်ရွက်သွားကြရန် အထူးမှာကြား လိုပါကြောင်း၊ ဆောင်ရွက်၍မရနိုင်သည့် လုပ်ငန်းများရှိပါကလည်း အချိန်မီပြန်လည်အပ်နှံစေပြီး အခြားလို အပ်သည့်နေရာများသို့ လုပ်ငန်းပြောင်း၊ နေရာပြောင်းဆောင်ရွက်စေခြင်း ဖြင့်ဒေသအတွက် ပိုမိုအကျိုးရှိနိုင်မှာဖြစ်ပါ၍ အလေးထား ဆောင်ရွက်ပေးကြရန်နှင့် ခရိုင်/မြို့နယ်စီမံအုပ်ချုပ်ရေး အဖွဲ့များမှ အနီးကပ်စီစစ်သုံးသပ်ပြီး အချိန်မှီပြင်ဆင် ဆောင်ရွက်သွားကြရန် လိုအပ်ပါကြောင်း၊ နိုင်ငံတော်၏ဝင်ငွေနှင့် အသုံးစရိတ်မျှတမှုရှိအောင် လိုအပ်သည့်ဝင်ငွေဖြစ်သည့် အခွန် အခများအား ဥပဒေနှင့်အညီ ပြည့်ပြည့်ဝဝရရှိအောင် သတ်မှတ်လျာထားချက် ပြည့်မီကျော်လွန် စွာကောက်ခံရရှိနိုင်ရေးအတွက် ၂၀၂၃-၂၀၂၄ ဘဏ္ဍာနှစ်စတင်ကတည်းက ကြိုတင်စီမံဆောင် ရွက်ကြရမှာဖြစ်ပြီး တတိယသုံးလပတ် ကာလကုန်ဆုံးသွားပြီဖြစ်၍ အရှိန်အဟုန်မြှင့်ဆောင် ရွက်သွားကြရန် လိုအပ်ပါကြောင်း၊ ယခင်နှစ်လျာထားချက် ပြည့်မီကျော်လွန်သည့် ဌာနအဖွဲ့ အစည်းများအနေဖြင့် ယခုဘဏ္ဍာနှစ်တွင်လည်း အရှိန်အဟုန်မပျက် ရသင့်ရထိုက်သည့် အခွန် အခများရရှိရေး ဆက်လက်ဆောင်ရွက်သွားရန် လိုအပ်သကဲ့သို့ ပြည့်မီစွာကောက်ခံရရှိနိုင်ခြင်း မရှိသည့် ဌာနအဖွဲ့အစည်းများအနေဖြင့် လည်းမိမိဌာနအဖွဲ့အစည်း လျာထားချက်ပြည့်မီရေး ကိုယ်စွမ်းဉာဏ်စွမ်းရှိသမျှ အထူးကြိုးပမ်းဆောင်ရွက်သွားကြရန် တိုက်တွန်းပြောကြားခဲ့သည်။

ယင်းနောက် တိုင်းဒေသကြီးအဆင့် ဌာနဆိုင်ရာများက တိုင်းဒေသကြီးအတွင်းရှိ ခရိုင်/ မြို့နယ်များအတွင်း မိမိတို့ဌာနများအလိုက် အကောင်အထည်ဖော်ဆောင်ရွက်နေသည့် ပညာရေး၊ ကျန်းမာရေး၊ စိုက်ပျိုးရေး၊ မွေးမြူရေး၊ လမ်းပန်းဆက်သွယ်ရေး၊ ဒေသဖွံ့ဖြိုးရေး၊ မြို့သာယာ လှပရေး၊ MSMEs လုပ်ငန်းအခြေအနေများနှင့် အခွန်အခများ ပြည့်ဝစွာကောက်ခံရရှိရေး လုပ်ငန်းအခြေအနေများနှင့် ပတ်သက်၍ Power Point ဖြင့် အသီးသီး ရှင်းလင်းဆွေးနွေး တင်ပြကြသည်။

ဆက်လက်ပြီး တိုင်းဒေသကြီးအတွင်းရှိ ကလေးခရိုင်၊ စစ်ကိုင်းခရိုင်၊ ရေဦးခရိုင်၊ ရွှေဘို ခရိုင် စီမံအုပ်ချုပ်ရေးအဖွဲ့ ဥက္ကဋ္ဌများက Video Conferencing စနစ်ဖြင့် လည်းကောင်း၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဋ္ဌတို့မှ မိမိတို့ခရိုင်များအတွင်းရှိ မြို့နယ်များ၏ ဒေသတည်ငြိမ်အေးချမ်းရေးနှင့် အကောင်အထည်ဖော် ဆောင်ရွက်နေသည့်လုပ်ငန်းများ ဆောင်ရွက်နေမှု အခြေအ နေများ၊ အခွန်အခများ ပြည့်ဝစွာကောက်ခံရရှိရေး လုပ်ငန်းများဆောင်ရွက်နေမှုများနှင့် ပတ်သက်၍ အသီးသီး ရှင်းလင်းတင်ပြကြသည်။

ယင်းနောက် တိုင်းဒေသကြီး အစိုးရအဖွဲ့ဝင်များက တိုင်းဒေသကြီးအတွင်း ဒေသတည် ငြိမ်အေးချမ်းရေးနှင့် အကောင်အထည်ဖော်ဆောင်ရွက်နေသည့် လုပ်ငန်းများအောင်မြင်အောင် ဆောင်ရွက်ရေးနှင့် အခွန်အခများ ပြည့်ဝစွာကောက်ခံရရှိရေး ဆောင်ရွက်နေသည့် လုပ်ငန်းများ နှင့် ပတ်သက်၍ ဖြည့်စွက်အကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့တက် ရောက်လာသူများ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားပြီး အစည်းအဝေးကို ရုပ်သိမ်းခဲ့ကြောင်း သိရသည်။

20231220 01

20231220 01

20231220 01

20231220 01

20231220 01

20231220 01

20231220 01

20231220 01

20231220 01

20231220 01

မုံရွာ ၊ ဒီဇင်ဘာ ၁၈

စစ်ကိုင်းတိုင်းဒေသကြီး၊ “အသေးစားထုတ်ကုန်များဖန်တီးပေးနိုင်ရေးနှင့် ကျေးလက်နေ မိသားစုဝင်ငွေတိုးရေးစီမံကိန်း” မုန့်လုပ်နည်းသင်တန်း ထူးချွန်သင်တန်းသား/သင်တန်းသူများအား ဒေသဖွံ့ဖြိုးရေးလုပ်ငန်းသုံးပစ္စည်းများ ပေးအပ်ပွဲအခမ်းအနားကို ဒီဇင်ဘာလ ၁၈ ရက် နေ့၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ထူးချွန်သင်တန်းသား/သင်တန်းသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့ တိုင်းဒေသကြီးအစိုးရ အဖွဲ့အနေဖြင့် နိုင်ငံတော် စီမံအုပ်ချုပ်ရေးကောင်စီက ချမှတ်ထားသည့် ရှေ့လုပ်ငန်းစဉ်(၅)ရပ်၊ ဦးတည်ချက်(၁၂)ရပ်အနက် စီးပွားရေးဦးတည်ချက်တွင် ပါဝင်သော သွင်းကုန် အစားထိုးရန်နှင့် ပို့ကုန်မြှင့်တင်နိုင်ရေး၊ ဒေသထွက်ကုန်ကြမ်းများကို အခြေခံသည့် အသေးစား၊အငယ်စား၊ အလတ်စားစီပွားရေးလုပ်ငန်း (MSME)များကို ရေရှည်အာမခံချက်ရှိအောင် အားပေးကူညီပြီး နိုင်ငံတော်၏ထုတ်ကုန်များ ထုတ်လုပ်နိုင်သည့် အလုပ်အကိုင်အခွင့် အလမ်းများဖော်ဆောင်ရေး ကို များစွာအထောက်အကူပြုမှာဖြစ်သကဲ့သို့ မြို့ပြနှင့်ကျေးလက်နေလူငယ်များထဲမှ ပညာရေး ဆုံးခန်းတိုင်အောင် သင်ကြားနိုင်ခြင်းမရှိသည့် လူငယ်လူရွယ်များ၊ အမျိုးသမီးငယ်များ အိုးမကွာ အိမ်မကွာ မိသားစုဝင်ငွေတိုး စီမံကိန်းများကို အကောင်အထည် ဖော်ဆောင်ရွက်ပေးလျက်ရှိ ပါကြောင်း၊ ဒေသတစ်ခုထုတ်ကုန်တစ်ခု အသေးစား၊ အငယ်စားစီးပွားရေးလုပ်ငန်းများ ပေါ်ထွန်း လာစေပြီး ခေတ်မီစံပြကျေးရွာနေပြည်သူများ အလုပ်အကိုင်အခွင့်အလမ်းနှင့် ဝင်ငွေတိုးပွားလာ စေပြီး အမျိုးသမီးများနှင့် လူငယ်များအားအလုပ်အကိုင်အခွင့်အလမ်း ဖန်တီးပေးခြင်းဖြင့် လူငယ်များဝင်ငွေတိုးလာစေကာ ဘေးဒဏ်သင့်ပြည်သူများအတွက် စီးပွားရေးလုပ်ငန်းများပြန် လည်ထူထောင်ပေးနိုင်စေမည် ဖြစ်ပါကြောင်း၊၎င်းအပြင် အသက်မွေးဝမ်း ကျောင်း အထောက် အကူပြုနည်းပညာများပံ့ပိုးခြင်းဖြင့် လုပ်ငန်းရှင်များ၏ ကုန်ထုတ်လုပ်မှုဖွံ့ ဖြိုးတိုးတက်လာခြင်း ဖြင့် ဘိန်းစိုက်ပျိုးသည့်မြို့နယ်များတွင် အစားထိုးအသေးစားကုန် ထုတ်လုပ်ငန်းများ ဖွံ့ဖြိုးရေး ဆောင်ရွက်ခြင်းတို့ကိုရရှိစေမှာ ဖြစ်ပါကြောင်း၊ အသေးစားကုန်ထုတ်လုပ်ငန်းများ ဖန်တီးပေးနိုင်ရေးနှင့် ကျေးလက်နေမိသားစု ဝင်ငွေ တိုးရေး စီမံကိန်းလုပ်ငန်းများ အကောင်အထည်ဖော်ဆောင်ရွက်ရာတွင် ကိုယ်ပိုင်လုပ်ငန်းထူ ထောင်လိုသည့် သင်တန်းသား/သူများ၏ စိတ်အားထက်သန်မှု၊ ကျေးရွာစီမံကိန်း အကောင် အထည်ဖော်ရေး ကော်မတီဝင်များ၏ မိမိဒေသဖွံ့ဖြိုးရေး သက်ဆိုင်ရာဌာန စီမံကိန်းလုပ်ငန်း ကြီးကြပ်ရေး ကော်မတီဝင်များ၏ စနစ်တကျကြီးကြပ်ပေးမှုနှင့် ဒေသဆိုင်ရာအာဏာပိုင်များ၏ ဒေသနှင့်လိုက်လျောညီထွေသည့် ထုတ်ကုန်အမယ်ရနိုင်မည့် နေရာဒေသရွေးချယ်မှုသည် အရေးကြီးသဖြင့် တာဝန်ရှိသူအားလုံးမှ လုပ်ငန်းများအောင်မြင်အောင် ပူးပေါင်းအကောင် အထည်ဖော်ဆောင်ရွက်သွားကြရန် လိုအပ်ပါကြောင်း တိုက်တွန်းပြောကြားခဲ့သည်။

ယင်းနောက် အသေးစားစက်မှုလက်မှုလုပ်ငန်းဦးစီးဌာန တိုင်းဒေသကြီးဦးစီးမှူး၊ တိုင်းဒေသကြီးအဆင့် စီမံကိန်းကြီးကြပ်မှုကော်မတီ အတွင်းရေးမှူး ဦးအောင်မောင်းက အသေးစား ထုတ်ကုန်များ ဖန်တီးပေးနိုင်ရေးနှင့် ကျေးလက်နေမိသားစု ဝင်ငွေတိုးရေးစီမံကိန်းနှင့် ပတ်သက်၍ ရှင်းလင်းပြောကြားသည်။

ဆက်လက်ပြီး တိုင်းဒေသကြီး ဝန်ကြီးချုပ်၊ တိုင်းဒေသကြီး တရားသူကြီးချုပ်နှင့် တိုင်းဒေသကြီး အစိုးရအဖွဲ့ဝင်များက အသေးစားထုတ်ကုန်များ ဖန်တီးပေးနိုင်ရေးနှင့် ကျေးလက်နေမိသားစု ဝင်ငွေတိုးရေးစီမံကိန်းများမှ ထူးချွန်သင်တန်းသား/သင်တန်းသူများထံ ဒေသ ဖွံ့ဖြိုးရေးလုပ်ငန်းသုံးပစ္စည်းများနှင့် ထူးခွန်ဆုများအား ထောက်ပံ့ပေးအပ် ချီးမြှင့်ခဲ့ကြပြီး ထူးချွန်သင်တန်းသား၊ သင်တန်းသူများကိုယ်စား သင်တန်းသူတစ်ဦးက ကျေးဇူးတင်စကား ပြန်လည်ပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက စုပေါင်းမှတ်တမ်းတင် ဓါတ်ပုံရိုက်ကူးကာ ဒေသဖွံ့ဖြိုးရေးလုပ်ငန်းသုံးပစ္စည်းများအား လိုက်လံကြည့်ရှုစစ်ဆေးခဲ့ကြပြီး ထူးချွန်သင်တန်းသား၊သင်တန်းသူများအား ရင်းရင်းနှီးနှီး လိုက်လံနှုတ်ဆက်အားပေးကာ အခမ်းအနားကို ရုပ်သိမ်းခဲ့သည်။

အဆိုပါ “အသေးစားထုတ်ကုန်များဖန်တီးပေးနိုင်ရေးနှင့် ကျေးလက်နေမိသားစုဝင် ငွေတိုးရေးစီမံကိန်း” မုန့်လုပ်နည်းသင်တန်း ထူးချွန်သင်တန်းသား/သင်တန်းသူများအား ဒေသ ဖွံ့ဖြိုးရေးလုပ်ငန်းသုံးပစ္စည်းများ ပေးအပ်ပွဲအခမ်းအနား တိုင်းဒေသကြီး အစိုးရအဖွဲ့ ရန်ပုံငွေဖြင့် တန်ဖိုးငွေကျပ်သိန်း-၁၀၀ တန်ဖိုးရှိ တန်ဖိုးမြှင့်စားသောက်ကုန် (Bakery) အမျိုးမျိုးထုတ်လုပ်နိုင်သည့် စက်ပစ္စည်းများအား မုံရွာမြို့နယ်၊ ရွာတုံကျေးရွာနှင့် စားသောက်ကုန်ဘေးအန္တရာယ် ကင်းရှင်းရေးဇုန်တို့မှ လုပ်ငန်းရှင် ၁၀ ဦးအား ထောက်ပံ့ပေးအပ်ခဲ့ကြောင်း သိရသည်။

20231218 27

20231218 27

20231218 27

20231218 27

20231218 27

20231218 27

20231218 27

20231218 27

သတင်း အချက်အလက်