မိုဘိုင်းဖုန်းလုပ်ငန်း လုပ်ငန်းအသင်းဝင်များနှင့် မိုဘိုင်းဖုန်းရောင်းချသည့် လုပ်ငန်းရှင်များအပေါ် အခွန်ပညာပေး ရှင်းလင်းဆွေးနွေးပွဲသို့ စစ်ကိုင်းတိုင်းဒေသကြီး အစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး တက်ရောက်

(၂၂-၇-၂၀၁၉)ရက်နေ့၊ (၁၀၀၀)နာရီအချိန်တွင် စစ်ကိုင်းတိုင်းဒေသကြီး အစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးစိုးဦးသည် Glorious Monywa ဟိုတယ်တွင် ကျင်းပပြုလုပ်သည့် မိုဘိုင်းဖုန်းလုပ်ငန်းရှင် အသင်းဝင်များနှင့် မိုဘိုင်းဖုန်း အရောင်းဆိုင်များအား အခွန်ပညာပေး ရှင်းလင်းပွဲသို့ တက်ရောက်ခဲ့ပြီး ဟန်းဆက်နှင့် ဆက်စပ်ပစ္စည်းများ တင်သွင်းရောင်းချခြင်းအပေါ် အခွန်အမှတ်တံဆိပ် ကပ်နှိပ်ရောင်းချစေရေး၊ နိုင်ငံတော်အတွက် အခွန်လျာထားချက် ပြည့်မှီကျော်လွန်စွာ ကောက်ခံရရှိရေးအတွက် အခွန်ထမ်းဆောင်သင့် ထမ်းဆောင်ထိုက်သော လုပ်ငန်းရှင်များအနေဖြင့် ပူးပေါင်းဆောင်ရွက်ရန် လိုကြောင်း၊ အခွန်ကင်းလွတ် လျော့နည်းမှု မရှိစေရေး လုပ်ငန်းရှင်များနှင့် အခွန်ထမ်းပြည်သူများမှ ပူးပေါင်းဆောင်ရွက်ရန် လိုကြောင်းနှင့် နိုင်ငံတော်မှလည်း အဂတိကင်းစင်သော ခေတ်မီအခွန်စနစ်တစ်ရပ် ဖြစ်ထွန်းပေါ်ပေါက်စေရေး ကြိုးပမ်းဆောင်ရွက်လျက် ရှိကြောင်း အမှာစကား ပြောကြားခဲ့ပါသည်။

ဆက်လက်၍ တိုင်းဒေသကြီး ပြည်တွင်းအခွန်ဦးစီးဌာန တာဝန်ရှိသူမှ မိုဘိုင်းဖုန်းလုပ်ငန်းရှင် အရောင်းဆိုင်များမှ မိုဘိုင်းဖုန်းများ ရောင်းချရာတွင် တရားဝင်ပေးဆောင်ရမည့် ကုန်သွယ်လုပ်ငန်းခွန် ၅%ပေးဆောင်ရာတွင် ဆောင်ရွက်ရမည့် လုပ်ငန်းစဉ်များအား ချပြရှင်းလင်းခဲ့ပြီး အဆိုပါအခမ်းအနားသို့ ဌာနဆိုင်ရာများနှင့် မိုဘိုင်းဖုန်းလုပ်ငန်းရှင်များ စုစုပေါင်းအင်အား (၁၅၂)ဦး တက်ရောက်ခဲ့ပါသည်။

22-7-2019 sgg 01722-7-2019 sgg 01822-7-2019 sgg 01922-7-2019 sgg 02022-7-2019 sgg 02122-7-2019 sgg 02222-7-2019 sgg 023

၂၀၁၉ခုနှစ်၊ တက္ကသိုလ်ဝင် စာမေးပွဲတွင် ထူးချွန်စွာ အောင်မြင်သူများအား ဂုဏ်ပြုဆုချီးမြှင့်ပွဲ အခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် တက်ရောက်

စစ်ကိုင်းတိုင်းဒေသကြီး အစိုးရအဖွဲ့မှ ကြီးမှူးကျင်းပသော ၂၀၁၉ခုနှစ်၊ တက္ကသိုလ်ဝင် စာမေးပွဲတွင် ထူးချွန်စွာ အောင်မြင်သူများအား ဂုဏ်ပြုဆုချီးမြှင့်ပွဲ အခမ်းအနားကို (၂၂.၇.၂၀၁၉)ရက်၊ တနင်္လာနေ့၊ နံနက်(၀၉၀၀)နာရီ အချိန်တွင် မုံရွာမြို့၊ မြို့တော်ခန်းမ၌ ကျင်းပပြုလုပ်ခဲ့ရာ အဆိုပါအခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်၊ စစ်ကိုင်းတိုင်းဒေသကြီး လွှတ်တော်ဉက္ကဌ ဉီးသန်း၊ တိုင်းဒေသကြီး တရားလွှတ်တော် တရားသူကြီးချုပ် ဉီးမျိုးမောင်၊ တိုင်းဒေသကြီး အစိုးရအဖွဲ့ဝင် ဝန်ကြီးများနှင့်ဇနီးများ၊ တိုင်းဒေသကြီး လွှတ်တော်ကိုယ်စားလှယ်များ၊ တိုင်း/ ခရိုင်/ မြို့နယ်အဆင့် ဌာနဆိုင်ရာများနှင့် အလှူရှင်များ တက်ရောက်ခဲ့ကြပြီး နိုင်ငံတော်အဆင့်(Top Ten)၃ဉီး၊ တိုင်းဒေသကြီးအဆင့် (ဘာသာတွဲအလိုက်) (Top Five)၁၆ဉီး၊ ၆-ဘာသာဂုဏ်ထူးရှင် (၃၄)ဉီး၊ ၅-ဘာသာ ဂုဏ်ထူးရှင် (၇၃)ဉီး၊ အောင်ချက်အကောင်းဆုံးကျောင်း (ပထမ)၆ကျောင်း၊ အောင်ချက် အကောင်းဆုံးကျောင်း (ဒုတိယ)၆ကျောင်း၊ အောင်ချက် အကောင်းဆုံးကျောင်း (တတိယ)၆ကျောင်း၊ အောင်ချက် အကောင်းဆုံးမြို့နယ် (ပထမ)၁ကျောင်း၊ အောင်ချက် အကောင်းဆုံးမြို့နယ် (ဒုတိယ) ၁ကျောင်း၊ အောင်ချက် အကောင်းဆုံးမြို့နယ် (တတိယ)၁ကျောင်းတို့အား ဂုဏ်ပြုဆုကတ်နှင့် ဆုတံဆိပ်များ ချီးမြှင့်ခဲ့ပြီး ဘာသာရပ်အလိုက် ဆုကြေးငွေ စုစုပေါင်းကျပ်(၂၀၁.၁၅)သိန်းအား ချီးမြှင့်ပေးအပ်ခဲ့ပါသည်။

22-7-2019 sgg 00122-7-2019 sgg 00222-7-2019 sgg 00322-7-2019 sgg 00422-7-2019 sgg 00522-7-2019 sgg 00622-7-2019 sgg 00722-7-2019 sgg 00822-7-2019 sgg 00922-7-2019 sgg 01022-7-2019 sgg 01122-7-2019 sgg 01222-7-2019 sgg 01322-7-2019 sgg 01422-7-2019 sgg 01522-7-2019 sgg 016

စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်နှင့် ဇနီးတို့သည် အာဇာနည်နေ့အထိမ်းအမှတ် ဆွမ်းဆက်ကပ် လှူဒါန်းပွဲနှင့် လွမ်းသူပန်းခွေချ အလံတင်အခမ်းအနားသို့ တက်ရောက်

၂၀၁၉ ခုနှစ် (၇၂)နှစ်မြောက် အာဇာနည်နေ့ အထိမ်းအမှတ်အဖြစ် ဆွမ်းဆက်ကပ်လှူဒါန်းပွဲကို (၁၉.၇.၂၀၁၉)ရက်နေ့ နံနက်(၀၅၀၀)နာရီအချိန်တွင် မုံရွာမြို့ ရွှေစည်းခုံသာသနာ့ ဗိမာန်တော်၌ ကျင်းပပြုလုပ်ခဲ့ရာ အဆိုပါအခမ်းအနားသို့ ပင့်သံဃာ ဆရာတော်ကြီး(၁၈)ပါး၊ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်နှင့်ဇနီး၊ စစ်ကိုင်းတိုင်းဒေသကြီး တရားသူကြီးချုပ် စစ်ကိုင်းတိုင်းဒေသကြီး အစိုးရအဖွဲ့ဝင် ဝန်ကြီးများနှင့်ဇနီးများ၊ တိုင်းဒေသကြီး လွှတ်တော်ဒုတိယ ဉက္ကဌ၊ တိုင်းဒေသကြီး ဉပဒေချုပ် ၊ တိုင်းဒေသကြီး စာရင်းစစ်ချုပ်နှင့် တိုင်းဒေသကြီးလွှတ်တော် ကိုယ်စားလှယ်များ၊ တိုင်း/ ခရိုင်/ မြို့နယ်အဆင့် ဌာနဆိုင်ရာများ တက်ရောက်ခဲ့ပြီး စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်နှင့်အဖွဲ့မှ ဆရာတော်ကြီး(၁၈)ပါးအား ဆွမ်းဆက်ကပ်လှူဒါန်းပြီး လှူဖွယ်ပစ္စည်းများ ဆက်ကပ်လှူဒါန်း ခဲ့ပါသည်။

ဆက်လက်၍ ၂၀၁၉ ခုနှစ် (၇၂)နှစ်မြောက် အာဇာနည်နေ့ လွမ်းသူပန်းခွေချ အလံတင် အလေးပြု အခမ်းအနားကို နံနက်(၁၀၂၅)အချိန်၌ မုံရွာမြို့ ဗိုလ်ချုပ်ကြေးရုပ်တွင် စတင်ကျင်းပပြုလုပ်ကာ အခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်နှင့်ဇနီး၊ အနောက်မြောက် တိုင်းစစ်ဌာနချုပ်တိုင်းမှူး၊ စစ်ကိုင်းတိုင်းဒေသကြီး တရားသူကြီးချုပ် ဉီးမျိုးမောင် စစ်ကိုင်းတိုင်းဒေသကြီး အစိုးရအဖွဲ့ဝင် ဝန်ကြီးများနှင့်ဇနီးများ၊ တိုင်းဒေသကြီး လွှတ်တော်ဒုတိယဉက္ကဌ၊ တိုင်းဒေသကြီး ဉပဒေချုပ်၊ တိုင်းဒေသကြီး စာရင်းစစ်ချုပ်နှင့် တိုင်းဒေသကြီး လွှတ်တော် ကိုယ်စားလှယ်များ၊ တိုင်း/ ခရိုင်/ မြို့နယ်အဆင့် ဌာနဆိုင်ရာများ၊ နိုင်ငံရေးပါတီများ၊ ကျောင်းသား/သူများနှင့် ရပ်ကွက်ပြည်သူများ တက်ရောက်ခဲ့ပြီး ဝန်ကြီးချုပ်နှင့်အဖွဲ့မှ ဗိုလ်ချုပ်အောင်ဆန်းနှင့် အာဇာနည်ခေါင်းဆောင်ကြီး (၉)ဉီးတို့အား (၁၀၃၇)မိနစ်တွင် ဝမ်းနည်းကြောင်း အထိမ်းအမှတ်အဖြစ် (၁)မိနစ်ငြိမ်သက်၍ ဂါဝရပြု အလေးပြုခဲ့ကြပါသည်။ ထို့နောက် စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်၊ အနောက်မြောက် တိုင်းစစ်ဌာနချုပ်တိုင်းမှူး၊ စစ်ကိုင်းတိုင်းဒေသကြီး တရားလွှတ်တော် တရားသူကြီးချုပ်၊ တိုင်းဒေသကြီး လွှတ်တော်ဒုတိယဉက္ကဌ၊ တိုင်း/ ခရိုင်/ မြို့နယ်ဌာနဆိုင်ရာများ၊ နိုင်ငံရေးပါတီများနှင့် NGO အသင်းအဖွဲ့များမှ လွမ်းသူပန်းခွေများချပြီး အခမ်းအနားကို ရုပ်သိမ်းခဲ့ပါသည်။

19-7-2019 sgg 00019-7-2019 sgg 00119-7-2019 sgg 00219-7-2019 sgg 00319-7-2019 sgg 00419-7-2019 sgg 00519-7-2019 sgg 00619-7-2019 sgg 00719-7-2019 sgg 00819-7-2019 sgg 00919-7-2019 sgg 01019-7-2019 sgg 01119-7-2019 sgg 01219-7-2019 sgg 01319-7-2019 sgg 01419-7-2019 sgg 01519-7-2019 sgg 01619-7-2019 sgg 01719-7-2019 sgg 01819-7-2019 sgg 01919-7-2019 sgg 02019-7-2019 sgg 02119-7-2019 sgg 02219-7-2019 sgg 02319-7-2019 sgg 024

စစ်ကိုင်းတိုင်းဒေသကြီး ဝန်ကြီးချုပ်နှင့်ဇနီးတို့သည် ရွှေဘိုမြို့၌ စစ်ကိုင်းတိုင်းဒေသကြီး အစိုးရအဖွဲ့မှ ကြီးမှူးကျင်းပသော (၃၅) ကြိမ်မြောက် ဝါဆိုသင်္ကန်း၊ ဆွမ်းဆန်တော်၊ ဆီနှင့်ဆွမ်းပဒေသာပင် ဆက်ကပ်လှူဒါန်းပွဲသို့ တက်ရောက်

စစ်ကိုင်းတိုင်းဒေသကြီး ဝန်ကြီးချုပ် ဒေါက်တာမြင့်နိုင်နှင့်ဇနီး၊ တိုင်းဒေသကြီးအစိုးရအဖွဲ့၊ လူဝင်မှုကြီးကြပ်ရေးနှင့် လူ့စွမ်းအားအရင်းအမြစ် ဝန်ကြီးနှင့်ဇနီးတို့သည် ရွှေဘိုမြို့၌ (၁၇-၇-၂၀၁၉)ရက်နေ့ (၁၄၀၀) နာရီအချိန်တွင် စစ်ကိုင်းတိုင်းဒေသကြီး အစိုးရအဖွဲ့မှ ကြီးမှူးကျင်းပသော (၃၅) ကြိမ်မြောက် ဝါဆိုသင်္ကန်း၊ ဆွမ်းဆန်တော်၊ ဆီနှင့်ဆွမ်းပဒေသာပင် ဆက်ကပ်လှူဒါန်းပွဲ အခမ်းအနားသို့ တက်ရောက်ခဲ့ပါသည်။ ဆက်လက်၍ ဝန်ကြီးချုပ်နှင့် အဖွဲ့သည် ရွှေဘိုမြို့၊ ရွှေရတနာ တပ်ဦးကျောင်းသို့ သွားရောက်၍ ဆရာတော် သံဃာတော်များအား ဝါဆိုသင်္ကန်းများ ဆက်ကပ်လှူဒါန်းခဲ့ပါသည်။

17-7-2019 sgg 01717-7-2019 sgg 01817-7-2019 sgg 01917-7-2019 sgg 02017-7-2019 sgg 02117-7-2019 sgg 02617-7-2019 sgg 02217-7-2019 sgg 02317-7-2019 sgg 02417-7-2019 sgg 025

စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်သည် မုံရွာမြို့နှင့် ရွှေဘိုမြို့တို့တွင် ပြုလုပ်သည့် ၂၀၀၈ဖွဲ့စည်းပုံ(ပြင်ဆင်ပြီး) အခြေခံဥပဒေမူကြမ်း အစီရင်ခံစာအား ကြိုဆိုထောက်ခံပွဲများသို့ သွားရောက်အားပေး

စစ်ကိုင်းတိုင်းဒေသကြီး ဝန်ကြီးချုပ် ဒေါက်တာမြင့်နိုင်သည် တိုင်းဒေသကြီး လွှတ်တော် ဒုတိယဥက္ကဋ္ဌနှင့် ဝန်ကြီးများ၊ လွှတ်တော် ကိုယ်စားလှယ်များ လိုက်ပါ၍ (၁၇-၇-၂၀၁၉) ရက်နေ့၊ နံနက် (၈) နာရီအချိန်၌ မုံရွာမြို့တွင် ၂၀၀၈ ဖွဲ့စည်းပုံ (ပြင်ဆင်ပြီး) အခြေခံဥပဒေမူကြမ်း အစီရင်ခံစာအား ကြိုဆိုထောက်ခံပွဲ ကျင်းပ ပြုလုပ်ရာသို့ သွားရောက်အားပေးကာ ဖျော်ဖြေရေးအဖွဲ့များအား ဂုဏ်ပြုချီးမြှင့်ငွေများ ချီးမြှင့်ခဲ့ပါသည်။ ဆက်လက်၍ ဝန်ကြီးချုပ်နှင့်ဇနီးတို့သည် တိုင်းဒေသကြီး လူဝင်မှုကြီးကြပ်ရေးနှင့် လူ့စွမ်းအားအရင်းအမြစ် ဝန်ကြီးနှင့် စာရင်းစစ်ချုပ်တို့ လိုက်ပါ၍ နံနက် (၁၀) နာရီအချိန်တွင် ရွှေဘိုမြို့၌ ကျင်းပပြုလုပ်သော ၂၀၀၈ဖွဲ့စည်းပုံ (ပြင်ဆင်ပြီး) အခြေခံဥပဒေမူကြမ်း အစီရင်ခံစာအား ကြိုဆိုထောက်ခံပွဲသို့ သွားရောက်အားပေး၍ ဖျော်ဖြေရေးအဖွဲ့များအား ဂုဏ်ပြုချီးမြှင့်ငွေများ ချီးမြှင့်ခဲ့ပြီး ထောက်ခံပွဲတွင် ပါဝင်ချီတက်သူများအား ရေသန့်ဘူးများ၊ ထမင်ဘူးများနှင့် စားသောက်ဖွယ်ရာများ ဝေငှခဲ့ပါသည်။

အလားတူ စစ်ကိုင်းမြို့၊ ရေဦးမြို့၊ ကသာမြို့နှင့် ကလေးမြို့များတွင်၂၀၀၈ဖွဲ့စည်းပုံ (ပြင်ဆင်ပြီး) အခြေခံဥပဒေမူကြမ်း အစီရင်ခံစာအား ကြိုဆိုထောက်ခံပွဲများ ကျင်းပပြုလုပ်ခဲ့မှုအား တိုင်းဒေသကြီး လွှတ်တော်ဥက္ကဋ္ဌနှင့် တိုင်းဒေသကြီး အစိုးရအဖွဲ့ဝင် ဝန်ကြီးများမှ သွားရောက် အားပေးခဲ့ပါသည်။

17-7-2019 sgg 00117-7-2019 sgg 00217-7-2019 sgg 00317-7-2019 sgg 00417-7-2019 sgg 00517-7-2019 sgg 00617-7-2019 sgg 00717-7-2019 sgg 00817-7-2019 sgg 00917-7-2019 sgg 01017-7-2019 sgg 01117-7-2019 sgg 01217-7-2019 sgg 01317-7-2019 sgg 01417-7-2019 sgg 01517-7-2019 sgg 016

More Articles...

  1. စစ်ကိုင်းတိုင်းဒေသကြီး ဝန်ကြီးချုပ် ဒေါက်တာမြင့်နိုင်နှင့်ဇနီးတို့သည် ရွှေဘိုမြို့ ဘုန်းတော်ကြီး ကျောင်းတိုက်များသို့ သွားရောက်၍ ဝါဆိုသင်္ကန်း ဆက်ကပ်လှူဒါန်း
  2. စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်သည် ရွှေဘိုမြို့၊ အားကစားကွင်းတွင် ကျင်းပပြုလုပ်သည့် U 14 Football Tournament (Shwe Bo) ဖွင့်ပွဲအခမ်းအနားသို့ တက်ရောက်
  3. စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်နှင့်ဇနီး ဝါဆိုသင်္ကန်း ဆက်ကပ်ပွဲ အခမ်းအနားသို့ တက်ရောက်
  4. စစ်ကိုင်းတိုင်းဒေသကြီး အစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီးမှ မြို့သန့်ရှင်းသာယာ လှပရေးအတွက် ကွင်းဆင်းဆောင်ရွက်

Subcategories

သတင်း အချက်အလက်

ဒေသန္တရ အချက်အလက်များ

ခရိုင်နှင့် မြို့နယ်အလိုက် ဒေသန္တရအချက်အလက်များ

ပညာရေးကဏ္ဍ

ကျန်းမာရေးကဏ္ဍ

ဘာသာရေးကဏ္ဍ

ကျေးလက်ဖွံ့ဖြိုးရေးနှင့် ဆင်းရဲမှုလျှော့ချရေးကဏ္ဍ

ရွေးကောက်ပွဲ ကော်မရှင်ကဏ္ဍ

တိုင်းရင်းသား လူမျိုးများ

ပွဲတော်များ

Online Visitors

Flag Counter

စစ်ကိုင်းတိုင်းဒေသကြီးအစိုးရအဖွဲ့

စိန်ပန်းပြာလမ်းနှင့် ကမ်းနားလမ်းထောင့်၊ အိုးဘိုတောင်ရပ်ကွက်၊ မုံရွာမြို့။
ဖုန်း - ၀၇၁ - ၂၂၅၃၁
ဖက် - ၀၇၁ - ၂၂၅၃၇
facebook-icon