စစ်ကိုင်းတိုင်းဒေသကြီးသတင်းများ

လူမှုကူညီရေးအသင်းအဖွဲ့များသို့ အလှူငွေပေးအပ်ပွဲနှင့် U-21 ဘောလုံးပြိုင်ပွဲသို့ ဝင်ရောက်ယှဉ်ပြိုင်မည့် တိုင်းဒေသကြီး ဘောလုံးအသင်းအား အောင်နိုင်ရေးအလံပေးအပ်ပွဲ အခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ကိုယ်စား လူမှုရေးဝန်ကြီး ဒေါက်တာဇော်ဝင်းတက်ရောက်

စစ်ကိုင်းတိုင်းဒေသကြီး အစိုးရအဖွဲ့ဝင် လူမှုရေးဝန်ကြီး ဒေါက်တာဇော်ဝင်းသည် မြန်မာစားဖိုမှူးများအသင်း၊ ဂျာမနီနိုင်ငံရှိ German Interplast အသင်းနှင့် မုံရွာမြို့ ပရဟိတ အဖွဲ့များပူးပေါင်း၍၊ ဂျာမနီနိုင်ငံမှ ဆရာဝန်များ၏ အကူအညီဖြင့် မုံရွာမြို့ ပြည်သူ့ဆေးရုံကြီးတွင် နှုတ်ခမ်းကွဲ၊ အာခေါင်ကွဲ၊ ခြေပူးလက်ပူး၊ မီးလောင်ဒဏ်ရာ၊ အဖုအကြိတ်လူနာများအား (၁၉.၁.၂၀၂၀) ရက်နေ့မှ (၁.၂.၂၀၂၀)ရက်နေ့အထိ အခမဲ့ ခွဲစိတ်ကုသမှုများ ပြုလုပ်ပေးလျှက်ရှိသော ပရဟိတအဖွဲ့များအား စစ်ကိုင်းတိုင်းဒေသကြီး အစိုးရအဖွဲ့အနေဖြင့် ထောက်ပံ့ငွေကျပ်သိန်း (၅၀)ကို ပေးအပ်လှူဒါန်းခဲ့ပြီး ခွဲစိတ်ကုသမှုခံယူနေသော လူနာများအား လှည့်လည်ကြည့်ရှု့ အားပေးခဲ့ပါသည်။ ဆက်လက်၍ နေပြည်တော်တွင် ကျင်းပပြုလုပ်မည့် ၂၀၂၀ ပြည့်နှစ်၊ တိုင်းဒေသကြီးနှင့်ပြည်နယ် U-21 ဘောလုံးပြိုင်ပွဲသို့ ဝင်ရောက်ယှဉ်ပြိုင်မည့် စစ်ကိုင်းတိုင်းဒေသကြီး ဘောလုံးအသင်းအား အောင်နိုင်ရေးအလံ ပေးအပ်ပွဲ အခမ်းအနားသို့ တက်ရောက် ဩဝါဒစကား မြွက်ကြားခဲ့ပြီး အားကစားသမားများမှ တစ်ဉီးချင်းမိတ်ဆက်ခဲ့ကာ အုပ်ချုပ်သူသို့ အောင်နိုင်ရေးအလံ ပေးအပ်ခဲ့ကြောင်း သတင်းရရှိပါသည်။

23-1-2020 sgg 00123-1-2020 sgg 00223-1-2020 sgg 00323-1-2020 sgg 00523-1-2020 sgg 00423-1-2020 sgg 00623-1-2020 sgg 00723-1-2020 sgg 00823-1-2020 sgg 00923-1-2020 sgg 01023-1-2020 sgg 01123-1-2020 sgg 01223-1-2020 sgg 01323-1-2020 sgg 01423-1-2020 sgg 01523-1-2020 sgg 01623-1-2020 sgg 01723-1-2020 sgg 018

ဂျပန်ဘာသာစကားပြောသင်တန်းဖွင့်ပွဲ အခမ်းအနား ကျင်းပပြုလုပ်

၁၈.၁.၂၀၂၀ ရက်နေ့ နံနက် ၁၀၀၀ နာရီအချိန်တွင် စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့၊ မေတ္တာရိပ် အမျိုးသမီးစောင့်ရှောက်ရေး ဂေဟာနှင့် သက်မွေးပညာ သင်တန်းကျောင်း၌ တိုင်းဒေသကြီး အစိုးရအဖွဲ့၊ ဝန်ကြီးချုပ်၏ လမ်းညွှန်မှုဖြင့် လူဝင်မှုကြီးကြပ်ရေးနှင့် လူ့စွမ်းအားအရင်းအမြစ် ဝန်ကြီးဌာနနှင့် ZMH and JP ကုမ္ပဏီတို့ ပူးပေါင်းဆောင်ရွက်သော ဂျပန်ဘာသာစကားပြော သင်တန်းဖွင့်ပွဲ အခမ်းအနားအား တိုင်းဒေသကြီး အစိုးရအဖွဲ့၊ ဝန်ကြီးချုပ် ဒေါက်တာမြင့်နိုင်၊ လူဝင်မှုကြီးကြပ်ရေးနှင့် လူ့စွမ်းအားအရင်းအမြစ် ဝန်ကြီး ဉီးမိုးကျော်သူ၊ ပြည်သူ့လွှတ်တော် ကိုယ်စားလှယ် ဒေါက်တာအေဇင်လတ်၊ ZMH and JP ကုမ္ပဏီမှ ဥက္ကဋ္ဌ ဉီးဗညားဇော်၊ ကုမ္ပဏီအဖွဲ့ဝင်များ၊ ခရိုင်/မြို့နယ်အဆင့် ဌာနဆိုင်ရာများ၊ သင်တန်းတက်ရောက်ကြမည့် ကျောင်းသား/သူများ တက်ရောက်ခဲ့ကြပါသည်။

အခမ်းအနားအစီအစဉ်အရ တိုင်းဒေသကြီးအစိုးရအဖွဲ့၊ ဝန်ကြီးချုပ် ဒေါက်တာမြင့်နိုင်က အဖွင့်အမှာစကား ပြောကြားခဲ့ပြီး တိုင်းဒေသကြီးအစိုးရအဖွဲ့၊ လူဝင်မှုကြီးကြပ်ရေးနှင့် လူ့စွမ်းအားအရင်းအမြစ် ဝန်ကြီး ဉီးမိုကျော်သူက ဂျပန်ဘာသာစကားပြော သင်တန်းဖွင့်လှစ်ရခြင်းနှင့် ပတ်သက်၍ ရှင်းလင်းပြောကြားခဲ့ပါသည်။ ထို့နောက် ZMH and JP ကုမ္ပဏီဒါရိုက်တာမှ မိတ်ဆက်ပြောကြားခဲ့ပါသည်။ ဆက်လက်၍ ရွှေဘိုမြို့နယ် သင်တန်းတာဝန်ခံ ဉီးခင်မောင်ရွှေက သင်တန်းဖွင့်လှစ်နိုင်ရေး ဆောင်ရွက်ခဲ့မှုများအား ရှင်းလင်းဆွေးနွေးခဲ့ပါသည်။

ထို့နောက် ZMH and JP ကုမ္ပဏီမှဥက္ကဋ္ဌ ဉီးဗညားဇော်က သင်တန်းနှင့်ပတ်သက်သော အချက်အလက်များ၊ ဂျပန်နိုင်ငံသို့ အလုပ်အကိုင်အခွင့်အလမ်း ဆောင်ရွက်ရမည့် လုပ်ငန်းစဉ်များအား ရှင်းလင်းချပြ ဆွေးနွေးဆောင်ရွက်ခဲ့ကြပါသည်။

18-1-2020 sgg 00118-1-2020 sgg 00218-1-2020 sgg 00318-1-2020 sgg 00418-1-2020 sgg 00518-1-2020 sgg 00618-1-2020 sgg 00718-1-2020 sgg 00818-1-2020 sgg 00918-1-2020 sgg 010

၂၃၀ကေဗွီ နဘား-ရွှေဘို-အုန်းတော မဟာဓာတ်အားလိုင်း (၁၇၈.၅၆)မိုင်နှင့် ၂၃၀/၃၃/၁၁ကေဗွီ ၁၀၀အမ်ဗွီအေ ရွှေဘိုပင်မဓာတ်အားခွဲရုံ ဖွင့်ပွဲအခမ်းအနား ကျင်းပ

လျှပ်စစ်နှင့်စွမ်းအင်ဝန်ကြီးဌာန၊ လျှပ်စစ်ဓာတ်အားပို့လွှတ်ရေးနှင့် ကွပ်ကဲရေးဦးစီးဌာနမှ စစ်ကိုင်းတိုင်းဒေသကြီးအတွင်း လျှပ်စစ်ဓာတ်အား တိုးမြှင့်ဖြန့်ဖြူးရေးအတွက် ၂၃၀ကေဗွီ နဘား-ရွှေဘို-အုန်းတော မဟာဓာတ်အားလိုင်း (၁၇၈.၅၆)မိုင်နှင့် ၂၃၀/၃၃/၁၁ကေဗွီ ၁၀၀ အမ်ဗွီအေ ရွှေဘိုပင်မဓာတ်အားခွဲရုံ ဖွင့်ပွဲအခမ်းအနားကို (၁၁.၁.၂၀၂၀)ရက်နေ့ (၀၉:၃၀)နာရီ အချိန်တွင် ၂၃၀/၃၃/၁၁ကေဗွီ ၁၀၀ အမ်ဗွီအေ ရွှေဘိုပင်မ ဓာတ်အားခွဲရုံ၌ ကျင်းပပြုလုပ်ခဲ့ပါသည်။ အဆိုပါ ဖွင့်ပွဲအခမ်းအနားသို့ လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်၊ ဒုတိယဝန်ကြီး ဦးခင်မောင်ဝင်း၊ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်၊ တိုင်းဒေသကြီး လွှတ်တော်ဉက္ကဌ ဦးသန်း၊ စစ်ကိုင်းတိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းဒေသကြီး စာရင်းစစ်ချုပ်၊ မြန်မာနိုင်ငံဆိုင်ရာ တရုတ်နိုင်ငံသံအမတ်ကြီး၊ CCPG ကုမ္ပဏီမှ တာဝန်ရှိ ပုဂ္ဂိုလ်များ တက်ရောက်ခဲ့ကြပါသည်။ အခမ်းအနားတွင် လျှပ်စစ်နှင့်စွမ်းအင် ဝန်ကြီးဌာန ပြည်ထောင်စုဝန်ကြီး ဦးဝင်းခိုင်မှ အဖွင့်အမှာစကား ပြောကြားခြင်း၊ စစ်ကိုင်းတိုင်းဒေသကြီး ဝန်ကြီးချုပ် ဒေါက်တာမြင့်နိုင်မှ ဖွင့်ပွဲအခမ်းအနားနှင့် ပတ်သက်၍ ရှင်းလင်းပြောကြားခြင်း၊ တာဝန်ယူ တည်ဆောက်ခဲ့သည့် CCPG ကုမ္ပဏီမှ တာဝန်ရှိသူတစ်ဦးမှ လုပ်ငန်းဆောင်ရွက်ခဲ့မှု အခြေအနေအား ရှင်းလင်းတင်ပြခြင်း တို့ကို အစီအစဉ်အတိုင်း ဆောင်ရွက်ခဲ့ပါသည်။

ဆက်လက်၍ စစ်ကိုင်းတိုင်းဒေသကြီး လွှတ်တော်ဉက္ကဌ ဦးသန်း၊ လျှပ်စစ်နှင့်စွမ်းအင် ဝန်ကြီးဌာန ဒုတိယဝန်ကြီး ဦးခင်မောင်ဝင်း၊ စစ်ကိုင်းတိုင်းဒေသကြီး အစိုးရအဖွဲ့ လျှပ်စစ်၊စက်မှုနှင့် လမ်းပန်းဆက်သွယ်ရေး ဝန်ကြီးဦးသန်းညွန့်ဝင်း၊ မြန်မာနိုင်ငံဆိုင်ရာ တရုတ်နိုင်ငံ သံအမတ်ကြီး၊ CCPG ကုမ္ပဏီ တာဝန်ရှိသူတို့မှ အခမ်းအနားကို ဖဲကြိုးဖြတ်ဖွင့်လှစ်ခြင်း၊ ကမ္ပည်းကျောက်စာအား အမွှေးနံသာရည်များ ပက်ဖျန်းခြင်း၊ အမှတ်တရ မှတ်တမ်းတင် ဓာတ်ပုံများ ရိုက်ကူးပြီး လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်၊ ဒုတိယဝန်ကြီး ဦးခင်မောင်ဝင်းနှင့် စစ်ကိုင်းတိုင်းဒေသကြီး ဝန်ကြီးချုပ် ဒေါက်တာမြင့်နိုင်တို့မှ ၂၃၀/၃၃/ ၁၁ကေဗွီ ၁၀၀အမ်ဗွီအေ ရွှေဘို ပင်မဓာတ်အားခွဲရုံ ကမ္ပည်းကျောက်စာအား စက်ခလုတ်နှိပ် ဖွင့်လှစ်ကြကာ တက်ရောက်လာသော ဧည့်သည်တော်များမှ ဓာတ်အားခွဲရုံ Control Room အတွင်း လှည့်လည်ကြည့်ရှု စစ်ဆေးခဲ့ကြောင်း သတင်းရရှိပါသည်။

11-1-2020 sgg 00111-1-2020 sgg 00211-1-2020 sgg 00311-1-2020 sgg 00411-1-2020 sgg 00511-1-2020 sgg 00611-1-2020 sgg 00711-1-2020 sgg 00811-1-2020 sgg 00911-1-2020 sgg 010

တိုင်းဒေသကြီးအဆင့် ပညာရေးစုံညီပွဲတော် အခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် တက်ရောက်

၂၀၁၉-၂၀၂၀ ပညာသင်နှစ်၊ စစ်ကိုင်းတိုင်းဒေသကြီး တိုင်းဒေသကြီးအဆင့် ပညာရေးစုံညီပွဲတော် အခမ်းအနားကို (၉.၁.၂၀၂၀)ရက်နေ့ နံနက်(၀၉၀၀)နာရီအချိန် မုံရွာမြို့၊ မြို့တော်ခန်းမ၌ ကျင်းပပြုလုပ်ခဲ့ရာ အခမ်းအနားကို စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်၊ တိုင်းဒေသကြီး တရားလွှတ်တော် တရားသူကြီးချုပ်၊ စစ်ကိုင်းတိုင်းဒေသကြီး အစိုးရအဖွဲ့ဝင် ဝန်ကြီးများ၊ စစ်ကိုင်းတိုင်းဒေသကြီး အစိုးရအဖွဲ့ အတွင်းရေးမှူး၊ တိုင်း/ ခရိုင်/ မြို့နယ်အဆင့် ဌာနဆိုင်ရာများ၊ လွှတ်တော်ကိုယ်စားလှယ်များ၊ ပညာရေးမှူးများ၊ ကျောင်းဆရာ/မများနှင့် ကျောင်းသား/သူများ တက်ရောက်ခဲ့ကြပြီး ပထမဉီးစွာ မုဒ်ဉီးဖွင့်ပွဲအခမ်းအနား ကျင်းပပြုလုပ်ခဲ့ပြီး မှတ်တမ်းဓါတ်ပုံများ ရိုက်ကူးခဲ့ကာ ဝန်ကြီးချုပ်နှင့်အဖွဲ့သည် ပြခန်းများအား လှည့်လည်ကြည့်ရှု့ အားပေးခဲ့ကြပါသည်။

ဆက်လက်၍ ၂၀၁၉-၂၀၂၀ ပညာသင်နှစ်၊ စစ်ကိုင်းတိုင်းဒေသကြီး တိုင်းဒေသကြီးအဆင့် ပညာရေးစုံညီပွဲတော် အခမ်းအနားကို မုံရွာမြို့၊ မြို့တော်ခန်းမအတွင်း၌ ကျင်းပခဲ့ရာ ကျောင်းသူလေးများမှ “ကြိုဆိုပါသည် စုံညီပွဲတော်” သီချင်းဆို၍ အခမ်းအနား စတင်ဖွင့်လှစ်ပြီးနောက် အခမ်းအနားတွင် စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်က အဖွင့်အမှာစကား ပြောကြားကာ ဝန်ကြီးချုပ်နှင့်အဖွဲ့မှ National ICT Awards – 2019၊ သင်္ချာစွမ်းရည်ပြိုင်ပွဲ၊ အပြည်ပြည်ဆိုင်ရာ မူးယစ်ဆေးဝါး အလွဲသုံးမှုနှင့် တရားမဝင်တိုက်ဖျက်ရေးနေ့ အထိမ်းအမှတ်၊ အပြည်ပြည်ဆိုင်ရာ ဒီမိုကရေစီနေ့ အထိမ်းအမှတ်၊ အမျိုးသမီးများနေ့ အထိမ်းအမှတ်၊ ကမ္ဘာ့ခရီးသွားနေ့ အထိမ်းအမှတ်၊ Mitsubishi Asean Children’s Enikki Festa ၊ 9 th Asean Quiz လူ့အခွင့်အရေးဆိုင်ရာ လူငယ်စကားရည်လုပွဲတို့တွင် ဆုရရှိခဲ့သော ကျောင်းသား/သူများအား ဆုများချီးမြှင့်ကာ ကိုယ်ပိုင်ကျောင်းများနှင့် အခြေခံပညာကျောင်းများမှ ကျောင်းသား/သူများမှ အကအလှများဖြင့် ပြန်လည်ဖျော်ဖြေခဲ့ကြကြောင်း သတင်းရရှိပါသည်။

9-1-2020 sgg 0019-1-2020 sgg 0029-1-2020 sgg 0039-1-2020 sgg 0049-1-2020 sgg 0059-1-2020 sgg 0069-1-2020 sgg 0079-1-2020 sgg 0089-1-2020 sgg 0099-1-2020 sgg 0109-1-2020 sgg 0119-1-2020 sgg 0129-1-2020 sgg 0139-1-2020 sgg 0149-1-2020 sgg 0159-1-2020 sgg 0169-1-2020 sgg 0179-1-2020 sgg 0189-1-2020 sgg 0199-1-2020 sgg 0209-1-2020 sgg 0219-1-2020 sgg 022

ကျောင်းဆောင်သစ် ပေးအပ်ပွဲအခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်တက်ရောက်

ရွှေဘိုခရိုင်၊ ရေဉီးမြို့နယ်၊ ပန်းကုန်းကျေးရွာ၊ အခြေခံပညာ အထက်တန်းကျောင်းခွဲတွင် အောင်ဇမ္ဗူကျောင်းဆောင်သစ် ပေးအပ်ပွဲအခမ်းအနားကို (၇.၁.၂၀၂၀)ရက်နေ့ နံနက် (၀၈၀၀) နာရီအချိန်တွင် အဆိုပါကျောင်း၌ ကျင်းပပြုလုပ်ခဲ့ရာ အခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်၊ တိုင်းဒေသကြီး အစိုးရအဖွဲ့ဝင် လူမှုရေးဝန်ကြီး၊ ပြည်သူ့လွှတ်တော် ကိုယ်စားလှယ်၊ တိုင်းဒေသကြီး လွှတ်တော် ကိုယ်စားလှယ်များ၊ ရန်ကုန်တိုင်းဒေသကြီး၊ မှော်ဘီမြို့နယ် အောင်ဇမ္ဗူတောရ ဓမ္မရိပ်သာ ဆရာတော်ဘုရားကြီး အဂ္ဂမဟာသဒ္ဓမ္မ ဇောတိကဓဇ ဘဒ္ဒန္တပဏ္ဍဝံသနှင့် ဆရာတော်(၇)ပါး၊ အလှူရှင်များ ဌာနဆိုင်ရာများ၊ မြို့မိ/မြို့ဖများ၊ ဒေသခံပြည်သူများ တက်ရောက်ခဲ့ကြပါသည်။

အဆိုပါ အခမ်းအနားတွင် ရန်ကုန်တိုင်းဒေသကြီး မှော်ဘီမြို့နယ် အောင်ဇမ္ဗူတောရ ဓမ္မရိပ်သာ ဆရာတော်ဘုရားကြီး အဂ္ဂမဟာသဒ္ဓမ္မ ဇောတိကဓဇ ဘဒ္ဒန္တပဏ္ဍဝံသမှ ကျောင်းဆောင်သစ် လှူဒါန်းရသည့် အကြောင်းကို ရှင်းလင်းမိန့်ကြားခဲ့ပြီး စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်က အမှာစကား ပြောကြားခဲ့ပါသည်။ ဆက်လက်၍ RC နှစ်ထပ် ကျောင်းဆောင်သစ် နှစ်ဆောင်ကို အောင်ဇမ္ဗူဆရာတော် ဘုရားကြီးကိုယ်စား အောင်ဇမ္ဗူသာသနာပြုဉက္ကဌ ဉီးကျော်ညွန့်မှ ကျောင်းဆောင်သစ်နှင့် ပတ်သက်သည့် မှတ်တမ်းများကို စစ်ကိုင်းတိုင်းဒေသကြီး အစိုးရအဖွဲ့ဝင် လူမှုရေးဝန်ကြီး ဒေါက်တာဇော်ဝင်းသို့ လွှဲပြောင်းပေးအပ်ကာ စစ်ကိုင်းတိုင်းဒေသကြီး ပညာရေးမှူးမှ ကျေးဇူးတင်စကား ပြန်လည်ပြောကြားခဲ့ပြီး ဧည့်သည်တော်များအား လက်ဆောင်ပစ္စည်းများ ပေးအပ်ခဲ့ကာ စတုဒီသာထမင်းနှင့် ဧည့်ခံကျွေးမွေးခဲ့ကြောင်း သတင်းရရှိပါသည်။

7-1-2020 sgg 0017-1-2020 sgg 0027-1-2020 sgg 0037-1-2020 sgg 0047-1-2020 sgg 0057-1-2020 sgg 0067-1-2020 sgg 007

မုံရွာမြို့နယ်၊ ညောင်ပင်တဲကျေးရွာ၊ ရိုးဆုံချောင်းတံတားနှင့် မြင်းမူမြို့နယ်၊ ဝါကျကျေးရွာ၊ သာယာအေးတံတား ဖွင့်ပွဲအခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် တက်ရောက်

ရန်ကုန်မြို့ ဓမ္မစေတီဆရာတော် ဘဒ္ဒန္တပညာဝရ အမှူးထား၍ အလှူရှင် ဦးဝင်းမော်+ဒေါ်ခင်ခင်လေး Forever Group Co,Ltd ( MRTV-4 , Channel-7 ) မိသားစုတို့မှ ဆောက်လုပ်လှူဒါန်းသည့် မုံရွာမြို့နယ်၊ ညောင်ပင်တဲကျေးရွာ၊ ရိုးဆုံချောင်းတံတားနှင့် မြင်းမူမြို့နယ်၊ ဝါကျကျေးရွာ သာယာအေးတံတား ဖွင့်ပွဲအခမ်းအနားများကို ၂၀၂၀ပြည့်နှစ် ဇန်နဝါရီလ (၅)ရက်နေ့ နံနက် (၀၉၀၀) နာရီ အချိန်တွင် စတင်ကျင်းပပြုလုပ်ရာ စစ်ကိုင်းတိုင်းဒေသကြီး အစိုးရအဖွဲ ဝန်ကြီးချုပ် ဒေါက်တာမြင့်နိုင်၊ စည်ပင်သာယာရေးဝန်ကြီး ဉီးမြင့်ကြည်၊ တိုင်းဒေသကြီး အစိုးရအဖွဲ့ အတွင်းရေးမှူးနှင့် လွှတ်တော် ကိုယ်စားလှယ်များ၊ တိုင်း / ခရိုင် / မြို့နယ်အဆင့် ဌာနဆိုင်ရာများ ကျေးရွာပြည်သူများ တက်ရောက်ခဲ့ကြပါသည်။

တံတားများဖွင့်ပွဲ အခမ်းအနားတွင် ဝန်ကြီးချုပ်ဒေါက်တာမြင့်နိုင်က အဖွင့်အမှာစကား ပြောကြားခြင်း၊ ဓမ္မစေတီဆရာတော် ဘဒ္ဒန္တပညာဝရက တံတားဆောက်လုပ် လှူဒါန်းရခြင်းနှင့် ပတ်သက်၍ ရှင်းလင်းပြောကြားခြင်း၊ တံတားအလှူရှင်မှ ကျေးဇူးတင်စကား ပြောကြားခြင်း၊ တံတားဖွင့်ပွဲ အထိမ်းအမှတ်အလံ ပေးအပ်ခြင်း၊ ဖဲကြိုးဖြတ်ဖွင့်လှစ်ခြင်းနှင့် စုပေါင်းမှတ်တမ်းတင် ဓါတ်ပုံများ ရိုက်ကူးခဲ့ကြပါသည်။

5-1-2020  sgg 0015-1-2020  sgg 0025-1-2020  sgg 0035-1-2020  sgg 0045-1-2020  sgg 005

လွတ်လပ်ရေးနေ့ အခမ်းအနားကျင်းပ

၂၀၂၀ ပြည့်နှစ် (၇၂)နှစ်မြောက် လွတ်လပ်ရေးနေ့ အလံတင်အခမ်းအနားကို (၄.၁.၂၀၂၀) ရက်နေ့ နံနက်(၀၄၂၀) နာရီအချိန်တွင် မုံရွာမြို့ ကန်သာယာကျောက်တိုင်ကွင်း၌ ကျင်းပပြုလုပ်ခဲ့ရာ အဆိုပါအခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ဝင် ဝန်ကြီးများ၊ လွတ်တော် ဒုတိယဉက္ကဌနှင့် လွှတ်တော်ကိုယ်စာလှယ်များ၊ တိုင်း/ ခရိုင်/ မြို့နယ်အဆင့် ဌာနဆိုင်ရာများ နိုင်ငံရေးပါတီများ၊ ရပ်ကွက်ပြည်သူများ တက်ရောက်ခဲ့ပြီး ဂုဏ်ပြုတပ်ဖွဲ့မှ နံနက်(၀၄၂၀)အချိန်တွင် ပြည်ထောင်စုသမ္မတ မြန်မာနိုင်ငံတော်အလံအား တိုင်ထိပ်သို့လွှင့်ထူပြီး ဂုဏ်ပြုတပ်ဖွဲ့ဖြင့် အလေးပြုခဲ့ကြပါသည်။

နိုင်ငံတော်အလံအလေးပြုခြင်း (သဝဏ်လွှာဖတ်ကြားခြင်း) အခမ်းအနားကို မုံရွာမြို့ မြို့တော် ခန်းမ၌ နံနက်(၀၉၃၀)နာရီအချိန် ကျင်းပခဲ့ရာ အဆိုပါအခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်နှင့်ဇနီး၊ တိုင်းဒေသကြီး တရားလွတ်တော် တရားသူကြီးချုပ်၊ အနောက်မြောက် တိုင်းစစ်ဌာနချုပ် တိုင်းမှူးနှင့် အရာရှိကြီးများ၊ စစ်ကိုင်းတိုင်းဒေသကြီး အစိုးရအဖွဲ့ဝင် ဝန်ကြီးများ၊ လွတ်တော် ဒုတိယဉက္ကဌ၊ တိုင်းဒေသကြီးဉပဒေချုပ်၊ တိုင်းဒေသကြီး စာရင်းစစ်ချုပ်၊ လွှတ်တော်ကိုယ်စားလှယ်များ၊ တိုင်း/ ခရိုင်/ မြို့နယ်အဆင့် ဌာနဆိုင်ရာများ၊ နိုင်ငံရေးပါတီများ၊ လူမှုရေးအသင်းအဖွဲ့များ၊ ဆုရကျောင်းသား/ သူများနှင့် ဆုရအားကစားသမားများ၊ ရပ်ကွက်ပြည်သူများ စုစုပေါင်းအင်အား (၅၀၀)ခန့် တက်ရောက်ခဲ့ကြပြီး ပြည်ထောင်စုသမ္မတ မြန်မာနိုင်ငံတော်၊ နိုင်ငံတော်သမ္မတ ဉီးဝင်းမြင့်ထံမှ ၂၀၂၀ပြည့်နှစ်၊ (၇၂) နှစ်မြောက် လွတ်လပ်ရေးနေ့ အခမ်းအနားသို့ ပေးပို့သော သဝဏ်လွှာအား စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်က ဖတ်ကြားခဲ့ပါသည်။

၂၀၂၀ပြည့်နှစ်၊ (၇၂) နှစ်မြောက် လွတ်လပ်ရေးနေ့ အထိမ်းအမှတ်ဂုဏ်ပြုပွဲ အခမ်းအနားကို ဆက်လက်ကျင်းပခဲ့ရာ ရှေးဉီးစွာ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်က အမှာစကား ပြောကြားခဲ့ပါသည်။ ၎င်းနောက် ဝန်ကြီးချုပ်နှင့်အဖွဲ့မှ တက်ရောက်လာသော လွတ်လပ်ရေးမော်ကွန်းဝင် (၂)ဉီးနှင့် (၇၂)နှစ်မြောက် လွတ်လပ်ရေးနေ့ အထိမ်းအမှတ်အဖြစ် အဆင်မြင့်ပညာ/ အခြေခံပညာအဆင့် စာစီစာကုံး၊ ကဗျာ၊ ပန်းချီဆုရရှိသည့် ကျောင်းသား/သူနှင့် မာရသွန်(ကျား/မ)ပြိုင်ပွဲ၊ စက်ဘီးစီးပြိုင်ပွဲများတွင် ဆုရရှိသူများကို ဆုများ အသီးသီး ချီးမြှင့်ခဲ့ပါသည်။

4-1-2020 sgg 0014-1-2020 sgg 0024-1-2020 sgg 0034-1-2020 sgg 0044-1-2020 sgg 0054-1-2020 sgg 0064-1-2020 sgg 0074-1-2020 sgg 0084-1-2020 sgg 0094-1-2020 sgg 0104-1-2020 sgg 0114-1-2020 sgg 0124-1-2020 sgg 0134-1-2020 sgg 0144-1-2020 sgg 0154-1-2020 sgg 0164-1-2020 sgg 0174-1-2020 sgg 0184-1-2020 sgg 0194-1-2020 sgg 0204-1-2020 sgg 0214-1-2020 sgg 0224-1-2020 sgg 0234-1-2020 sgg 0244-1-2020 sgg 0254-1-2020 sgg 0264-1-2020 sgg 0274-1-2020 sgg 0284-1-2020 sgg 029

Subcategories

သတင်း အချက်အလက်

ဒေသန္တရ အချက်အလက်များ

ခရိုင်နှင့် မြို့နယ်အလိုက် ဒေသန္တရအချက်အလက်များ

ပညာရေးကဏ္ဍ

ကျန်းမာရေးကဏ္ဍ

ဘာသာရေးကဏ္ဍ

ကျေးလက်ဖွံ့ဖြိုးရေးနှင့် ဆင်းရဲမှုလျှော့ချရေးကဏ္ဍ

ရွေးကောက်ပွဲ ကော်မရှင်ကဏ္ဍ

တိုင်းရင်းသား လူမျိုးများ

ပွဲတော်များ

Online Visitors

Flag Counter

စစ်ကိုင်းတိုင်းဒေသကြီးအစိုးရအဖွဲ့

စိန်ပန်းပြာလမ်းနှင့် ကမ်းနားလမ်းထောင့်၊ အိုးဘိုတောင်ရပ်ကွက်၊ မုံရွာမြို့။
ဖုန်း - ၀၇၁ - ၂၂၅၃၁
ဖက် - ၀၇၁ - ၂၂၅၃၇
facebook-icon