စစ်ကိုင်းတိုင်းဒေသကြီးသတင်းများ

စစ်ကိုင်းတိုင်းဒေသကြီး မြို့နယ်ပေါင်းစုံ အသက်(၂၅)နှစ်အောက် ဝန်ကြီးချုပ်ဖလား ပြေးခုန်ပစ်ပြိုင်ပွဲ ဆုချီးမြှင့်ပွဲအခမ်းအနား ကျင်းပ

၂၀၁၉ ခုနှစ်၊ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်ဖလား မြို့နယ်ပေါင်းစုံ အသက်(၂၅)နှစ်အောက် ပြေးခုန်ပစ်ပြိုင်ပွဲကို (၁၈.၁၂.၂၀၁၉)ရက်နေ့မှ (၂၀.၁၂.၂၀၁၉) ရက်နေ့အထိ မုံရွာမြို့ ပြည်သူ့အားကစားကွင်း၌ ကျင်းပပြုလုပ်ခဲ့ရာ ဆုချီးမြှင့်ပွဲအခမ်းအနားကို (၂၀.၁၂.၂၀၁၉) ရက်နေ့နံနက်(၀၈၀၀)နာရီ အချိန်တွင် မုံရွာမြို့၊ ပြည်သူ့အားကစားကွင်း၌ ကျင်းပပြုလုပ်ခဲ့ပါသည်။ အဆိုပါ ဆုချီးမြှင့်ပွဲအခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ လူမှုရေးဝန်ကြီး ဒေါက်တာဇော်ဝင်း၊ ရှမ်းတိုင်းရင်းသားရေးရာဝန်ကြီး ဒေါ်နန်းမွှေးမွှေးခင်၊ တိုင်းဒေသကြီး လွှတ်တော်ကိုယ်စားလှယ်များ၊ တိုင်းဒေသကြီး ပြေးခုန်ပစ်ဆပ်ကော်မတီ ဉက္ကဌ၊ တိုင်းဒေသကြီး လက်ဝှေ့ဆပ်ကော်မတီဉက္ကဌ၊ တိုင်းဒေသကြီး ခြင်းလုံးဆပ်ကော်မတီ ဉက္ကဌ၊ တိုင်းဒေသကြီး ဘောလုံးဆပ်ကော်မတီ အတွင်းရေးမှူးတို့ တက်ရောက်ခဲ့ကြပါသည်။

ပြေးခုန်ပစ် အမျိုးသမီးတံခွန်စိုက်ဖလားကို ဟုမ္မလင်းမြို့နယ်မှ လည်းကောင်း၊ ဒုတိယဆုကို ကသာမြို့နယ်မှလည်းကောင်း၊ တတိယဆုကို အင်းတော်မြို့နယ်မှလည်းကောင်း၊ ပြေးခုန်ပစ်အမျိုးသား တံခွန်စိုက်ဖလားကို ဟုမ္မလင်းမြို့နယ်မှ လည်းကောင်း၊ ဒုတိယဆုကို အင်းတော်မြို့နယ်မှလည်းကောင်း၊ တတိယဆုကို မုံရွာမြို့နယ်မှလည်းကောင်း၊ အမျိုးသမီး/ အမျိုးသား စုပေါင်းတံခွန်စိုက်ဖလားကို ဟုမ္မလင်းမြို့နယ်တို့မှ အသီးသီးရရှိခဲ့ကာ ဆုများကို စစ်ကိုင်းတိုင်းဒေသကြီး အစိုးရအဖွဲ့ဝန်ကြီးများက ချီးမြှင့်ခဲ့ကာ မှတ်တမ်းတင်ဓါတ်ပုံများ ရိုက်ကူးခဲ့ကြောင်း သတင်းရရှိပါသည်။

20-12-2019 sgg 00120-12-2019 sgg 00220-12-2019 sgg 00320-12-2019 sgg 00420-12-2019 sgg 00520-12-2019 sgg 00620-12-2019 sgg 00720-12-2019 sgg 008

ကသာမြို့နယ်အတွင်းရှိ အခြေခံပညာကျောင်းများသို့ စက်ဘီးများ ပေးအပ်လှူဒါန်းခြင်း အခမ်းအနားသို့ တက်ရောက်

စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်နှင့် အဖွဲ့သည် ယနေ့(၁၁၃၀)အချိန်တွင် ကသာမြို့၊ အထက(၁) အောင်ဆန်းခန်းမတွင် Lesswalk Organizationမှ ကသာမြို့နယ်ရှိ ကျောင်းသား/ သူများအား စက်ဘီးစီးရေ(၁၅၀)စီး ပေးအပ်လှူဒါန်းပွဲသို့ တက်ရောက်ခဲ့ကြောင်း သတင်းရရှိပါသည်။

18-12-2019 sgg 00818-12-2019 sgg 00918-12-2019 sgg 01018-12-2019 sgg 01118-12-2019 sgg 012

ရပ်ရွာအခြေပြု မူးယစ်ဆေးဖြတ်ကုသရေးနှင့် ပြန်လည်ထူထောင်ရေး ဖွင့်ပွဲအခမ်းအနားသို့ တက်ရောက်

စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်နှင့်အဖွဲ့သည် ယနေ့(၁၀၅၅)အချိန်တွင် ကသာမြို့၊ ဧရာရွှေလီအားကစားခန်းမတွင် လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ ပြန်လည်ထူထောင်ရေး ဉီးစီးဌာနနှင့် တိုင်းဒေသကြီး အစိုးရအဖွဲ့တို့ ပူးပေါင်းဖွင့်လှစ်သည့် ရပ်ရွာအခြေပြု မူးယစ်ဆေးဖြတ်ကုသခြင်းနှင့် ပြန်လည်ထူထောင်ရေး သင်တန်းဖွင့်ပွဲအခမ်းအနားသို့ တက်ရောက်ခဲ့ အဆိုပါအခမ်းအနားကို သင်တန်းသား(၄၉)ဉီး တက်ရောက်ခဲ့ကြောင်းနှင့် စစ်ကိုင်းတိုင်း ဒေသကြီးအစိုးရအဖွဲ့ ဝန်ကြီးချုပ်မှ ငွေကျပ်(၁၀)သိန်းနှင့် ကသာ/ထီးချိုင့် မြို့နယ်များသို့ အားကစား ပစ္စည်းများ ပေးအပ်လှူဒါန်းခဲ့ကြောင်း၊ တိုင်းဒေသကြီး ပြည်သူ့ကျန်းမာမှ သင်တန်းသားများသို့ ဆေးစိမ်ခြင်ထောင်များ ပေးအပ်ခဲ့ကြောင်း သတင်းရရှိပါသည်။

18-12-2019 sgg 00518-12-2019 sgg 00618-12-2019 sgg 007

ကသာပညာရေးကောလိပ် ဖွင့်ပွဲအခမ်းအနားသို့ တက်ရောက်

စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်၊ စစ်ကိုင်းတိုင်းဒေသကြီး လွှတ်တော်ဥက္ကဌ၊ စစ်ကိုင်းတိုင်းဒေသကြီး အစိုးရအဖွဲ့ဝင် ဝန်ကြီးများနှင့် လွှတ်တော်ကိုယ်စားလှယ်များ၊ ဧည့်သည်တော်များသည် ယနေ့နံနက်(၀၉၀၀)အချိန်တွင် ကသာပညာရေး ကောလိပ်ဖွင့်ပွဲ အခမ်းအနား သို့တက်ရောက်ဖွင့်လှစ်ခဲ့၊ အခမ်းအနားတွင် စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်မှ အမှာစကား ပြောကြားပြီး ပညာရေးကောလိပ် ဆိုင်းဘုတ်အား စက်ခလုပ်နှိပ်ဖွင့်လှစ်ခဲ့ ပညာရေးဝန်ကြီးဌာန၊ ညွှန်ကြားရေးချုပ် ဒေါက်တာသိန်းဝင်းနှင့် တက်ရောက်လာသော ဧည့်သည်တော်များမှ ပညာရေး ကောလိပ်ကမ္ဗည်းမော်ကွန်းအား အမွေးနံ့သာရေများဖြင့် ပက်ဖြန်းပြီး အခမ်းအနား ဖွင့်လှစ်ခဲ့ကြောင်း သတင်းရရှိပါသည်။

18-12-2019 sgg 00118-12-2019 sgg 00218-12-2019 sgg 00318-12-2019 sgg 004

ဒီဇင်ဘာလူထုအားကစားလ (ဒုတိယပတ်) လမ်းလျှောက်ပွဲသို့ စစ်ကိုင်းတိုင်းဒေသကြီး အစိုးရအဖွဲ့ဝန်ကြီးချုပ် ဒေါက်တာမြင့်နိုင်နှင့်အဖွဲ့ တက်ရောက်

၂၀၁၉ခုနှစ်၊ ဒီဇင်ဘာလ၏ ဒုတိယပတ်ဖြစ်သော (၁၄.၁၂.၂၀၁၉)ရက်နေ့ (စနေ့နေ့)တွင် စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်၊ တိုင်းဒေသကြီး လွှတ်တော်ဉက္ကဌ  တိုင်းဒေသကြီး တရားလွှတ်တော် တရားသူကြီးချုပ်၊ တိုင်းဒေသကြီးအစိုးရအဖွဲ့ ဝန်ကြီးများနှင့် ဇနီးများ၊ တိုင်းဒေသကြီး ဉပဒေချုပ်၊ တိုင်းဒေသကြီး စာရင်းစစ်ချုပ်၊ လွှတ်တော် ကိုယ်စားလှယ်များ တိုင်းဒေသကြီး/ ခရိုင်/ မြို့နယ်အဆင့် ဌာနဆိုင်ရာများ၊ ကျောင်းသား/သူများ၊ လူမှုရေးအသင်း အဖွဲ့များ၊ ရပ်ကွက်နေပြည်သူများ စုပေါင်း၍ စုစုပေါင်းအင်အား (၃၇၀၀)ခန့်သည် နံနက်(၀၅၃၀) နာရီအချိန် ဗိုလ်ချုပ်ကြေးရုပ်မှ မြန်မာ့စီးပွားရေးဘဏ်၊ မြန်မာ့စီးပွားရေးဘဏ်မှ တိုင်းဒေသကြီး ပြည်သူ့အားကစားကွင်းထိ စုပေါင်းလမ်းလျှောက်ခဲ့ပြီး တိုင်းဒေသကြီး ပြည်သူ့အားကစားကွင်း၌ ကိုယ်ကာယကြံ့ခိုင်မှု လေ့ကျင့်ခန်းအတွဲ(၁)၊ (၂)နှင့် Fitness Dance အကများကို ပြုလုပ်ကြခဲ့ပြီး လျှပ်စစ်၊စက်မှုနှင့် လမ်းပန်းဆက်သွယ်ရေး ဝန်ကြီးဌာနနှင့် စည်ပင်သာယာရေး ဝန်ကြီးဌာနအောက်ရှိ ဌာနများမှ စုပေါင်းလမ်းလျှောက်သည့် ပြည်သူများသို့ ကောက်ညှင်းထုပ်များ ဝေငှပြီး ကံစမ်းမဲများ ဖွင့်ဖောက်ပေးခဲ့ကြောင်းနှင့် ပျော်ရွှင်စရာ အားကစားပွဲများ ကျင်းပပေးခဲ့ကြောင်း သတင်းရရှိပါသည်။

14-12-2019 sgg 00114-12-2019 sgg 00214-12-2019 sgg 00314-12-2019 sgg 00414-12-2019 sgg 00514-12-2019 sgg 00614-12-2019 sgg 00714-12-2019 sgg 00814-12-2019 sgg 01014-12-2019 sgg 01114-12-2019 sgg 01214-12-2019 sgg 013

အခြေခံပညာကျောင်းပေါင်းစုံ ကျောင်းသားအားကစားပွဲတော် ဆုချီးမြှင့်ပွဲ အခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ဝန်ကြီးချုပ် ဒေါက်တာမြင့်နိုင်နှင့်အဖွဲ့ တက်ရောက်

၂၀၁၉-၂၀၂၀ ပညာသင်နှစ် စစ်ကိုင်းတိုင်းဒေသကြီး အတွင်းရှိ အခြေခံပညာ ကျောင်းပေါင်းစုံ ကျောင်းသား အားကစားပွဲတော် ပိတ်ပွဲ/ဆုချီးမြှင့်ပွဲ အခမ်းအနားကို (၁၂.၁၂.၂၀၁၉)ရက်နေ့ (၁၅၀၀)နာရီအချိန် မုံရွာမြို့ ပြည်သူ့အားကစားကွင်း၌ ကျင်းပပြုလုပ်ခဲ့ရာ အဆိုပါပိတ်ပွဲ အခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်၊ စစ်ကိုင်းတိုင်းဒေသကြီး လွှတ်တော်ဉက္ကဌ၊ တိုင်းဒေသကြီး တရားလွှတ်တော် တရားသူကြီးချုပ် စစ်ကိုင်းတိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းဒေသကြီး လွှတ်တော်ကိုယ်စားလှယ်များ၊ တိုင်း/ ခရိုင်/ မြို့နယ်အဆင့် ဌာနဆိုင်ရာများ၊ ကျောင်းသား/ ကျောင်းသူများ စုစုပေါင်းအင်အား (၇၅၀)ဉီးခန့် တက်ရောက်ခဲ့ပါသည်။ ဗိုလ်လုပွဲအနေဖြင့် ကလေးခရိုင် ဘောလုံးအသင်းနှင့် ကသာခရိုင်ဘောလုံးအသင်းတို့ ယှဉ်ပြိုင်ကစားကြရာ (၅)ဂိုး (၂)ဂိုးဖြင့် ကလေးခရိုင် ဘောလုံးအသင်းမှ ပထမဆုရရှိခဲ့ပြီး စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်နှင့်အဖွဲ့မှ ဆုရရှိသည့် ဘောလုံးအသင်းများအား ဆုများချီးမြှင့်ခဲ့ကာ မှတ်တမ်းဓါတ်ပုံများ ရိုက်ကူးခဲ့ကြောင်း သတင်းရရှိပါသည်။

12-12-2019 sgg 00912-12-2019 sgg 01012-12-2019 sgg 01112-12-2019 sgg 01212-12-2019 sgg 01312-12-2019 sgg 01412-12-2019 sgg 01512-12-2019 sgg 01612-12-2019 sgg 01712-12-2019 sgg 01812-12-2019 sgg 01912-12-2019 sgg 020

၂၀၁၉ ခုနှစ်၊ ကမ္ဘာ့ခုခံအား ကျဆင်းမှု ကူးစက်ရောဂါ တိုက်ဖျက်ရေးနေ့ အခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်နှင့်အဖွဲ့ တက်ရောက်

၂၀၁၉ ခုနှစ် ကမ္ဘာ့ခုခံအားကျဆင်းမှု ကူးစက်ရောဂါ တိုက်ဖျက်ရေးနေ့ တိုင်းဒေသကြီးအဆင့် အခမ်းအနားကို (၁၂.၁၂.၂၀၁၉)ရက်၊ နံနက် (၀၉၀၀)နာရီ အချိန်တွင် မုံရွာမြို့၊ မြို့တော်ခန်းမ၌ ကျင်းပပြုလုပ်ခဲ့ရာ အဆိုပါအခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်၊ တိုင်းဒေသကြီး တရားလွှတ်တော် တရားသူကြီးချုပ် ဉီးမျိုးမောင်၊ တိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းဒေသကြီး ဉပဒေချုပ်၊ တိုင်းဒေသကြီး စာရင်းစစ်ချုပ်၊ တိုင်းဒေသကြီး လွှတ်တော်ကိုယ်စားလှယ်များ၊ တိုင်း/ ခရိုင်/ မြို့နယ်အဆင့် ဌာနဆိုင်ရာများ၊ ကျောင်းသား/သူများ၊ လူမှုအဖွဲ့အစည်းအင်အား (၄၃၀)ခန့် တက်ရောက်ခဲ့ကြပါသည်။ အခမ်းအနားတွင် စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်မှ အဖွင့်အမှာစကား ပြောကြားခြင်း၊ တိုင်းဒေသကြီး ပြည်သူ့ကျန်းမာရေး ဉီးစီးဌာနမှူးမှ ကျန်းမာရေးနှင့် အားကစားဝန်ကြီးဌာန၊ ပြည်ထောင်စုဝန်ကြီး၏ ၂၀၁၉ ခုနှစ်၊ ကမ္ဘာ့ခုခံအားကျဆင်းမှု ကူးစက်ရောဂါ တိုက်ဖျက်ရေးနေ့ သဝဏ်လွှာအား ဖတ်ကြားခြင်း၊ အထိမ်းအမှတ်ပြိုင်ပွဲမှ ဆုရရှိသော ကျောင်းသား/သူများအား ဆုများချီးမြှင့်ခြင်းတို့ကို အစီအစဉ်အတိုင်း ကျင်းပပြုလုပ်ခဲ့ကြပြီး အခမ်းအနားအပြီးတွင် ပညာပေးပြခန်းများသို့ လှည့်လည်ကြည်ရှု့ခဲ့ကြောင်း သတင်းရရှိပါသည်။

12-12-2019 sgg 00112-12-2019 sgg 00212-12-2019 sgg 00312-12-2019 sgg 00412-12-2019 sgg 00512-12-2019 sgg 00612-12-2019 sgg 00712-12-2019 sgg 008

Subcategories

သတင်း အချက်အလက်

ဒေသန္တရ အချက်အလက်များ

ခရိုင်နှင့် မြို့နယ်အလိုက် ဒေသန္တရအချက်အလက်များ

ပညာရေးကဏ္ဍ

ကျန်းမာရေးကဏ္ဍ

ဘာသာရေးကဏ္ဍ

ကျေးလက်ဖွံ့ဖြိုးရေးနှင့် ဆင်းရဲမှုလျှော့ချရေးကဏ္ဍ

ရွေးကောက်ပွဲ ကော်မရှင်ကဏ္ဍ

တိုင်းရင်းသား လူမျိုးများ

ပွဲတော်များ

Online Visitors

Flag Counter

စစ်ကိုင်းတိုင်းဒေသကြီးအစိုးရအဖွဲ့

စိန်ပန်းပြာလမ်းနှင့် ကမ်းနားလမ်းထောင့်၊ အိုးဘိုတောင်ရပ်ကွက်၊ မုံရွာမြို့။
ဖုန်း - ၀၇၁ - ၂၂၅၃၁
ဖက် - ၀၇၁ - ၂၂၅၃၇
facebook-icon