စစ်ကိုင်းတိုင်းဒေသကြီးသတင်းများ

သတ္တမအကြိမ်မြောက် မြန်မာနိုင်ငံ လူကုန်ကူးမှု တိုက်ဖျက်ရေးနေ့ အခမ်းအနား ကျင်းပ

၂၀၁၉ ခုနှစ်၊ သတ္တမအကြိမ်မြောက် မြန်မာနိုင်ငံလူကုန်ကူးမှု တိုက်ဖျက်ရေးနေ့ အခမ်းအနားကို (၁၃-၉-၂၀၁၉)ရက်နေ့ (၀၈၀၀)အချိန်တွင် မုံရွာမြို့၊ မြို့တော်ခန်းမ၌ ကျင်းပပြုလုပ်ခဲ့ရာ ယင်းအခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်၊ တိုင်းဒေသကြီး လွှတ်တော်ဥက္ကဌ ဦးသန်း၊ တိုင်းဒေသကြီးလွှတ်တော် ဒုဥက္ကဌ ဦးဘိုသန်းညွန့်၊ တိုင်းဒေသကြီး လူကုန်ကူးမှုတားဆီး ကာကွယ်ရေးအဖွဲ့ဥက္ကဌ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး သန်းထွန်းအောင်နှင့် အစိုးရအဖွဲ့ဝင် ဝန်ကြီးများ၊ တိုင်းဒေသကြီး ဥပဒေချုပ်၊ တိုင်းဒေသကြီး လူကုန်ကူးမှု တားဆီးကာကွယ်ရေး အဖွဲ့ဝင်များ၊ တိုင်းဒေသကြီး/ ခရိုင်/ မြို့နယ်အဆင့် ဌာနဆိုင်ရာများ၊ တက္ကသိုလ်/ ကောလိပ်/ အခြေခံပညာ အထက်တန်းကျောင်းများမှ ပါမောက္ခချုပ်များနှင့် ကျောင်းအုပ်ကြီးများ၊ တိုင်းဒေသကြီး အမျိုးသမီးရေးရာအဖွဲ့နှင့် မိခင်နှင့်ကလေး စောင့်ရှောက်ရေး အသင်းဝင်များ၊ တက္ကသိုလ်/ကောလိပ်များမှ ဆုရကျောင်းသား/သူများနှင့် ဆရာ/ဆရာမများ၊ ပညာရေးကောလိပ်မှ ကျောင်းသား/သူများ၊ သူနာပြု/သားဖွား သင်တန်းကျောင်းမှ ကျောင်းသူများ၊ အခြေခံပညာ အထက်တန်းကျောင်းအဆင့် ဆုရကျောင်းသား/သူများနှင့် ဆရာ/ဆရာမများ၊ ကိုယ်ပိုင်အထက်တန်း ကျောင်းများမှ ကျောင်းသား/ သူများ၊ ရဲတပ်ဖွဲ့ဝင်များ၊ ရပ်ကွက်အုပ်ချုပ်ရေးမှူးများနှင့် ပြည်သူလူထု (၅၁၀)ဦး တက်ရောက်ခဲ့ပါသည်။ အခမ်းအနားတွင် တိုင်းဒေသကြီး အစိုးရအဖွဲ့ ဝန်ကြီးချုပ်က အဖွင့်အမှာစကား ပြောကြားခြင်း၊ မြန်မာနိုင်ငံ လူကုန်ကူးမှု တိုက်ဖျက်ရေးနေ့ အထိမ်းအမှတ် စာစီစာကုံး ပြိုင်ပွဲများတွင် ဆုရရှိသူများကို ဆုချီးမြှင့်ခြင်း၊ ဝန်ကြီးချုပ်နှင့် ဝန်ကြီးများက ဆုရကျောင်းသား/ သူများနှင့် အမှတ်တရ ဓါတ်ပုံရိုက်ကူးခြင်းတို့ကို ဆောင်ရွက်ခဲ့ပြီး အသိပညာပေး ပြခန်းများအတွင်း လှည့်လည်ကြည့်ရှုခဲ့ပါသည်။ အဆိုပါ အခမ်းအနား၌ မြန်မာနိုင်ငံ လူကုန်ကူးမှု တိုက်ဖျက်ရေးနေ့ အထိမ်းအမှတ် စာစီစာကုံး ပြိုင်ပွဲတွင် တက္ကသိုလ်/ ကောလိပ်အဆင့် ဆုရရှိသူ(၈)ဦး၊ အထက်တန်းအဆင့် ဆုရရှိသူ( ၈ )ဦး စုစုပေါင်း ( ၁၆ )ဦးတို့အား ဆုချီးမြှင့်ခဲ့ပြီး တက်ရောက်လာကြသူများနှင့် ကျောင်းသား/သူများကို လူကုန်ကူးမှုဆိုင်ရာ အသိပညာပေး လက်ကမ်းစာစောင် စုစုပေါင်း( ၁၀၂၀ )စောင် ဖြန့်ဝေကာ အခမ်းအနားကို (၀၉၀၀)အချိန်တွင် အောင်မြင်စွာ ပြီးစီးခဲ့ပါသည်။

13-9-2019 sgg 01513-9-2019 sgg 01613-9-2019 sgg 01713-9-2019 sgg 018

စစ်ကိုင်းတိုင်းဒေသကြီး ဝန်ကြီးချုပ် အင်ဒေါင်းကျေးရွာ စက္ခုဒါန-မျက်စိအထူးကုဌာနဖွင့်ပွဲ တက်ရောက်ပြီး ဝက်လက်မြို့နယ် ပြည်သူ့ဝန်ဆောင်မှု(OSS)ရုံးမှ ရွေ့လျားဝန်ဆောင်မှု(Mobile Service Delivery)ကွင်းဆင်းဆောင်ရွက်နေမှုများအား ကြည့်ရှုစစ်ဆေး

စစ်ကိုင်းတိုင်းဒေသကြီး ဝန်ကြီးချုပ် ဒေါက်တာမြင့်နိုင်သည် တိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းဒေသကြီး အစိုးရအဖွဲ့ အတွင်းရေးမှူးနှင့်အတူ တိုင်း၊ ခရိုင်၊ မြို့နယ်အဆင့် ဌာနဆိုင်ရာ တာဝန်ရှိသူများ လိုက်ပါ၍ စက်တင်ဘာ ၁၃ ရက် နံနက်ပိုင်းက ကျင်းပပြုလုပ်သော ရွှေဘိုခရိုင်၊ ဝက်လက်မြို့နယ်၊ အင်ဒေါင်းကျေးရွာ သီတဂူအာရောဂျဒါန ဆေးရုံတော်အတွင်း စက္ခုဒါန-မျက်စိအထူးကုဌာန ဖွင့်ပွဲသို့ တက်ရောက်ခဲ့ပါသည်။

ရှေးဦးစွာ သီတဂူ အဓိပတိဆရာတော် ဦးညာဏိဿရက ဝက်လက်မြို့နယ်၊ အင်ဒေါင်းကျေးရွာ သီတဂူအာရောဂျဒါန ဆေးရုံတော်ကို ဆိုင်းဘုတ်အား စက်ခလုပ်နှိပ် ဖွင့်လှစ်ပေးခဲ့ပါသည်။

ဆက်လက်ပြီး လူမှုရေးဝန်ကြီး ဒေါက်တာဇော်ဝင်း၊ တိုင်းဒေသကြီး လွှတ်တော်ကိုယ်စားလှယ် ဦးမောင်မောင်ဝင်းနှင့် တာဝန်ရှိသူများက ဖဲကြိုးဖြတ်ဖွင့်လှစ်ပေးပြီး သီတဂူစက္ခုဒါန အမှတ်တံဆိပ်အား အမွှေးနံ့သာရေများ ပက်ဖြန်းကာ အမှတ်တရ စုပေါင်းမှတ်တမ်းဓာတ်ပုံ ရိုက်ကူးခဲ့ကြပါသည်။

ထို့နောက် အလှူငွေပေးအပ်လှူဒါန်းပွဲ အခမ်းအနားကို ကျင်းပရာ စစ်ကိုင်းတိုင်းဒေသကြီး ဝန်ကြီးချုပ် ဒေါက်တာမြင့်နိုင်က ဝက်လက်မြို့နယ်၊ အင်ဒေါင်းကျေးရွာ သီတဂူအာရောဂျဒါန ဆေးရုံတော်အတွင်း စက္ခုဒါန-မျက်စိအထူးကုဌာန ဖွင့်လှစ်ပေးသည့်အတွက် ဒေသခံများကိုယ်စား များစွာ ဝမ်းသာပီတိ ဖြစ်မိပါကြောင်းနှင့် သာသနာရေးဆိုင်ရာများကို လျှောက်ထားပြီး ဝန်ကြီးများ၊ တိုင်း၊ ခရိုင်၊ မြို့နယ် တာဝန်ရှိသူများနှင့်အတူ အလှူရှင်များထံသို့ ဂုဏ်ပြုမှတ်တမ်းလွှာများကို ပြန်လည်ပေးအပ်ခဲ့ပြီး လှူဒါန်းမှု အစုစုအတွက် ရေစက်သွန်းချ အမျှပေးဝေခဲ့ပါသည်။

ယင်းနောက် သီတဂူအာရောဂျဒါန ဆေးရုံတော်အတွင်း စက္ခုဒါန-မျက်စိအထူးကု ဌာနအတွင်း ဆေးကုသမှုခံယူနေသော ပြည်သူများအား ကြည့်ရှုအားပေးခဲ့ပါသည်။ ဆက်လက်ပြီး ဝန်ကြီးချုပ်နှင့်အဖွဲ့သည် ဝက်လက်မြို့နယ်၊ ရုံးပင်ကုန်းကျေးရွာအုပ်စု၊ ဖိုးဝင်းတပ်ကျေးရွာ၊ မေတ္တာရွှေပြည် ကျောင်းတိုက်တွင် ပြည်သူ့ဝန်ဆောင်မှု (OSS)ရုံး ရွေ့လျားဝန်ဆောင်မှု (Mobile Service Delivery) ကွင်းဆင်းဆောင်ရွက်နေမှုများအား ကြည့်ရှုအားပေးခဲ့ပြီး အသက်(၁၀)နှစ်ပြည့် နိုင်ငံသားစိစစ်ရေး ကတ်ပြားများကို ကျောင်းသူ ကျောင်းသားများ လက်ဝယ်အရောက် ပေးအပ်ခဲ့ပြီး ပြည်သူ့ဝန်ဆောင်မှုလုပ်ငန်း ဆောင်ရွက်ပေးနေမှု အခြေအနေများအား လှည့်လည်ကြည့်ရှု အားပေးခဲ့ပါသည်။

13-9-2019 sgg 00113-9-2019 sgg 00213-9-2019 sgg 00313-9-2019 sgg 00413-9-2019 sgg 00513-9-2019 sgg 00613-9-2019 sgg 00713-9-2019 sgg 00813-9-2019 sgg 00913-9-2019 sgg 01013-9-2019 sgg 01113-9-2019 sgg 01213-9-2019 sgg 01313-9-2019 sgg 014

စစ်ကိုင်းတိုင်းဒေသကြီး ဒေသသင်ရိုး အကောင်အထည်ဖော်ရေး ကော်မတီ၏ လုပ်ငန်းညှိနှိုင်း အစည်းအဝေးကျင်းပ

စစ်ကိုင်းတိုင်းဒေသကြီး ဒေသသင်ရိုး အကောင်အထည်ဖော်ရေး ကော်မတီ၏ လုပ်ငန်းညှိနှိုင်း အစည်းအဝေးကို (၁၂.၉.၂၀၁၉)ရက်နေ့ နံနက်(၁၀၀၀) နာရီအချိန် စစ်ကိုင်းတိုင်းဒေသကြီး အစိုးရအဖွဲ့ရုံး၊ အစည်းအဝေးခန်းမ (၂)၌ ကျင်းပပြုလုပ်ခဲ့ရာ စစ်ကိုင်းတိုင်းဒေသကြီး အစိုးရအဖွဲ့ လူမှုရေးဝန်ကြီး ဒေါက်တာဇော်ဝင်း၊ ချင်းတိုင်းရင်းသားရေးရာ ဝန်ကြီး၊ ရှမ်းတိုင်းရင်းသားရေးရာ ဝန်ကြီး၊ တက္ကသိုလ်အသီးသီးမှ ပါမောက္ခချုပ်များ၊ တိုင်းဒေသကြီး ပညာရေးမှူးနှင့် မြို့နယ်ပညာရေးမှူးများ၊ ကော်မတီဝင်များ တက်ရောက်ခဲ့ကြပြီး အဆိုပါ အခမ်းအနားတွင် စစ်ကိုင်းတိုင်းဒေသကြီး ဒေသသင်ရိုး အကောင်အထည်ဖော်ရေး ကော်မတီဉက္ကဌ စစ်ကိုင်းတိုင်းဒေသကြီး အစိုးရအဖွဲ့၊ လူမှုရေးဝန်ကြီး ဒေါက်တာဇော်ဝင်းမှ အဖွင့်အမှာစကား ပြောကြားကာ တက်ရောက်လာသူများမှ တင်ပြဆွေးနွေးပြီး ချင်း/ရှမ်း တိုင်းရင်းသားရေးရာ ဝန်ကြီးများမှ ဖြည့်စွက်ဆွေးနွေးခဲ့ပြီး အစည်းအဝေးကို ရုပ်သိမ်းခဲ့ပါသည်။

12-9-2019 sgg 00712-9-2019 sgg 00812-9-2019 sgg 00912-9-2019 sgg 010

စစ်ကိုင်းတိုင်းဒေသကြီး ဝန်ကြီးချုပ်နှင့်ဇနီး ရွှေဘိုမြို့ ဂုဏ်ထူးဆောင် တောင်သူလယ်သမား ဖွံ့ဖြိုးတိုးတက်ရေးဘဏ်ခွဲ ဖွင့်ပွဲသို့ တက်ရောက်

စစ်ကိုင်းတိုင်းဒေသကြီး ရွှေဘိုမြို့တွင် ဂုဏ်ထူးဆောင် တောင်သူလယ်သမား ဖွ့ံဖြိုးတိုးတက်ရေးဘဏ် (Glory Farmar's Development Bank) ဖွင့်ပွဲအခမ်းအနားကို စက်တင်ဘာ (၁၂) ရက် နံနက်(၉)နာရီက ရွှေဘိုမြို့ အမှတ်(၃)ရပ်ကွက် BOC မီးပွိုင့်အရှေ့ရှိ အဆိုပါ ဘဏ်ရှေ့မုဒ်ဦး၌ ကျင်းပပြုလုပ်ရာ စစ်ကိုင်းတိုင်းဒေသကြီး ဝန်ကြီးချုပ် ဒေါက်တာမြင့်နိုင်နှင့်ဇနီး တက်ရောက်ခဲ့ပါသည်။

အခမ်းအနားတွင် စစ်ကိုင်းတိုင်းဒေသကြီး အစိုးရအဖွဲ့ တိုင်းဒေသကြီး လမ်းပန်းဆက်သွယ်ရေး ဝန်ကြီး၊ လူဝင်မှုကြီးကြပ်ရေးနှင့် လူ့စွမ်းအားအရင်းမြစ် ဖွံ့ဖြိုးရေးဝန်ကြီး၊ ရွှေဘိုခရိုင်အုပ်ချုပ်ရေးမှူး၊ စည်ပင်သာယာရေး ကော်မတီဥက္ကဌ၊ ဂုဏ်ထူးဆောင် တောင်သူလယ်သမား ဖွံ့ဖြိုးတိုးတက်ရေးဘဏ် ဒုတိယဥက္ကဌ၊ ဒါရိုက်တာအဖွဲ့ဝင်များက ဖဲကြိုးဖြတ် ဖွင့်လှစ်ပေးခဲ့ကြပါသည်။

ထို့နောက် တိုင်းဒေသကြီးဝန်ကြီးချုပ်၊ တိုင်းဒေသကြီး လွှတ်တော်ဥက္ကဌ၊ တိုင်းဒေသကြီး အစိုးရအဖွဲ့ စည်ပင်သာယာရေးဝန်ကြီးတို့က ရွှေဘိုမြို့ ဂုဏ်ထူးဆောင် တောင်သူလယ်သမား ဖွံ့ဖြိုးတိုးတက်ရေးဘဏ်ခွဲ (G-Bank)ဆိုင်းဘုတ်အား စက်ခလုပ်နှိပ် ဖွင့်လှစ်ပေးပြီး စုပေါင်းမှတ်တမ်းတင်ဓာတ်ပုံ ရိုက်ကူးခဲ့ကြပါသည်။

ယင်းနောက် တိုင်းဒေသကြီး ဝန်ကြီးချုပ်နှင့်ဇနီး၊ အခမ်းအနားသို့ တက်ရောက်လာကြသည့် တာဝန်ရှိသူများ၊ ဖိတ်ကြားထားသော ဧည့်သည်တော်များနှင့်အတူ အဆိုပါဘဏ်အဝင်တံခါးအား အမွှေးနံ့သာရည်များ ပက်ဖျန်းပေးကာ ဘဏ်အတွင်းသို့ လှည့်လည်ကြည့်ရှု အားပေးခဲ့ကြပါသည်။

12-9-2019 sgg 00312-9-2019 sgg 00412-9-2019 sgg 00512-9-2019 sgg 006

အမျိုးသား သဘာဝဘေးအန္တရာယ်ဆိုင်ရာ စီမံခန့်ခွဲမှုလုပ်ငန်းကော်မတီ ညှိနှိုင်းအစည်းအဝေးသို့ စစ်ကိုင်းတိုင်းဒေသကြီး အစိုးရအဖွဲ့၊ လုံခြုံရေးနှင့် နယ်စပ်ရေးရာဝန်ကြီး တက်ရောက်

အမျိုးသား သဘာဝဘေးအန္တရာယ်ဆိုင်ရာ စီမံခန့်ခွဲမှုလုပ်ငန်း ညှိနှိုင်းအစည်းအဝေး (၁/၂၀၁၉) ကို ယနေ့ ၁၁-၉-၂၀၁၉ ရက်နေ့ နံနက်ပိုင်းတွင် နေပြည်တော်ရှိ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန စုပေါင်းခန်းမ၌ ကျင်းပခဲ့ပါသည်။

အစည်းအဝေးတွင် ပြည်ထောင်စုဝန်ကြီး ဒေါက်တာဝင်းမြတ်အေးက မိမိတို့လုပ်ငန်းကော်မတီ အနေဖြင့် လုပ်ငန်းတာဝန် (၁၅)ရပ်နှင့်အညီ လုပ်ငန်းကော်မတီများအကြား ပေါင်းစပ်ညှိနှိုင်း ဆောင်ရွက်ခြင်း၊ မှန်ကန်သည့် သတင်းအချက်အလက်များ ဖြစ်စေရေး   ဆောင်ရွက်ခြင်း၊   သဘာဝဘေးအန္တရာယ် ဖြစ်ပွားပါက အလျင်အမြန် တုံ့ပြန်နိုင်ရေး ဆောင်ရွက်ခြင်း၊ ဘေးဒဏ်ခုခံ ရင်ဆိုင်တုံ့ပြန်နိုင်စွမ်းရှိရေး ဆောင်ရွက်ခြင်း စသည့်လုပ်ငန်းများအလိုက် သက်ဆိုင်ရာဌာနများ၊ တိုင်းဒေသကြီး/ ပြည်နယ်အစိုးရအဖွဲ့များနှင့် ပူးပေါင်းဆောင်ရွက်လျှက် ရှိပါကြောင်း၊ ကြိုတင်ပြင်ဆင်မှုလုပ်ငန်းများကို နေပြည်တော်ကောင်စီနယ်မြေ အပါအဝင် ပြည်နယ်နှင့် တိုင်းဒေသကြီးများတွင် အခြေခံလိုအပ်သော အရေးပေါ်ရှာဖွေ ကယ်ဆယ်ရေး ပစ္စည်းများသာမက ခေတ်မီနည်းပညာသုံး အသက်ကယ်ပစ္စည်းကိရိယာများ အသင့်ရှိရန် ဆောင်ရွက်လျှက်ရှိကြောင်း၊ စီမံချက်များ၊ စီမံကိန်းများရေးဆွဲ၍ စနစ်တကျ ရေးဆွဲအကောင်အထည်ဖော် ဆောင်ရွက်ရန်လိုကြောင်း၊ သဘာဝဘေး စီမံခန့်ခွဲမှုဆိုင်ရာ အကြံပေးအဖွဲ့ကို ဖွဲ့စည်းထားရှိပြီး တွေ့ဆုံဆွေးနွေးမှုများ ပြုလုပ်ကာ ပညာရှင်များ၏ အကြံပြုချက်များ ရယူဆောင်ရွက်လျှက် ရှိပါကြောင်း၊ ပြည်သူများ၏ လှူဒါန်းမှုများကိုလည်း အလျင်အမြန် တု့ံပြန်ရေးလုပ်ငန်းများ၊ ပြန်လည်ထူထောင်ရေး လုပ်ငန်းများတွင် အကျိုးရှိစွာ သုံးစွဲလျှက်ရှိပါကြောင်း၊ မိမိတို့လုပ်ငန်း ကော်မတီများအနေဖြင့် အခြားလုပ်ငန်း ကော်မတီများနှင့်လည်း လုပ်ငန်းကဏ္ဍအလိုက် ပူးပေါင်းဆောင်ရွက်လျှက် ရှိပါကြောင်း ပြောကြားခဲ့ပါသည်။

ထို့နောက် လုပ်ငန်းကော်မတီ အတွင်းရေးမှူး ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန ညွှန်ကြားရေးမှူးချုပ်က လုပ်ငန်းကော်မတီ၏ ဖွဲ့စည်းမှုနှင့် လုပ်ငန်းဆောင်ရွက်နေမှု၊ အမျိုးသား ကော်မတီ၏ လမ်းညွှန်ချက်များကို အကောင်အထည်ဖော် ဆောင်ရွက်နေမှု၊ ရန်ပုံငွေများစနစ်တကျ သုံးစွဲနေမှု၊ ၂၀၁၈ ခုနှစ် ရေဘေးပြန်လည် ထူထောင်ရေးလုပ်ငန်းများ ဆောင်ရွက်နေမှုနှင့် ယခုနှစ် ရေကြီးရေလျှံမှုများ ဖြစ်ပွားမှုနှင့် ပြန်လည်ထူထောင်ရေးများ စတင်ဆောင်ရွက်နေမှုများကို ရှင်းလင်းတင်ပြခဲ့ပါသည်။

ယင်းနောက် ကော်မတီဝင်များက လုပ်ငန်းဆောင်ရွက်မှုများ၊ ဖြည့်ဆည်းဆောင်ရွက်ပေးရန် လိုအပ်ချက်များကို ဆွေးနွေးတင်ပြကြပြီး တင်ပြချက်များအပေါ် အမျိုးသားသဘာဝ ဘေးအန္တရာယ်ဆိုင်ရာ စီမံခန့်ခွဲမှုလုပ်ငန်းကော်မတီဥက္ကဌ ပြည်ထောင်စုဝန်ကြီး ဒေါက်တာဝင်းမြတ်အေးက ပေါင်းစပ်ညှိနှိုင်းပေးခဲ့ပါသည်။

12-9-2019 sgg 00112-9-2019 sgg 002

စစ်ကိုင်းတိုင်းဒေသကြီး အစိုးရအဖွဲ့၊ စီမံကိန်းနှင့် ဘဏ္ဍာရေးဝန်ကြီးသည် Myanmar Global Investment Forum သို့ တက်ရောက်

 

 

စစ်ကိုင်တိုင်းဒေသကြီး အစိုးရအဖွဲ့၊ စီမံကိန်းနှင့် ဘဏ္ဍာရေးဝန်ကြီး ဦးစိုးဦးမှ တိုင်းအဆင့် ဌာနဆိုင်ရာများနှင့်အတူ (၁၀/၁၁-၉-၂၀၁၉) ရက်နေ့များတွင် နေပြည်တော် MICC-2 တွင် ကျင်းပပြုလုပ်သည့် Myanmar Global Investment Forum သို့ တက်ရောက်ခဲ့ပါသည်။

 

အဆိုပါအခမ်းအနားတွင် တိုင်းဒေသကြီး အစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးစိုးဦးမှ စစ်ကိုင်းတိုင်းဒေသကြီးအတွင်း ရင်းနှီးမြှုပ်နှံနိုင်သည့် စိုက်ပျိုးရေးကဏ္ဍ၊ လျှပ်စစ်ကဏ္ဍ၊ မွေးမြူရေးကဏ္ဍ အခြေခံအဆောက်အဦ တည်ရှိနေမှုနှင့် စက်မှုဇုံများရှိသည့်အတွက် ရင်းနှီးမြှုပ်နှံမှုများ ဆောင်ရွက်နိုင်ပါကြောင်းနှင့် တိုင်းဒေသကြီး အစိုးရအဖွဲ့မှ လိုအပ်သည်များ လုပ်ထုံးလုပ်နည်းနှင့်အညီ ကူညီဆောင်ရွက်ပေး သွားမည်ဖြစ်ပါကြောင်း ဆွေးနွေးခဲ့ပါသည်။

 

11-9-2019 sgg 00111-9-2019 sgg 00211-9-2019 sgg 00311-9-2019 sgg 00411-9-2019 sgg 00511-9-2019 sgg 00611-9-2019 sgg 00711-9-2019 sgg 008

 


 

စစ်ကိုင်းတိုင်းဒေသကြီး အလံနှင့် Logo တံဆိပ်များ ပါဝင်ယှဉ်ပြိုင်နိုင်ရေး ကြော်ငြာခေါ်ယူခြင်း

စစ်ကိုင်းတိုင်းဒေသကြီး အစိုးရအဖွဲ့ ကိုယ်စားပြုအလံနှင့် Logo အမှတ် တံဆိပ်(၂)မျိုး အား အသစ်ပြန်လည် ရေးဆွဲနိုင်ရေးအတွက် ဆောင်ရွက်မည်ဖြစ်ရာ ပါဝင်ယှဉ်ပြိုင်လိုပါက စစ်ကိုင်းတိုင်းဒေသကြီး၏ ထင်ရှားသော အမှတ်အသားများ ပါဝင်သည့် တိုင်းဒေသကြီး ကိုယ်စားပြု အလံနှင့် Logo အမှတ်တံဆိပ်များအား အဓိပ္ပာယ်ဖွင့်ဆိုချက်၊ ကိုယ်တိုင်ရေးဆွဲ ထားရှိပါကြောင်း ဝန်ခံချက်နှင့်အတူ Hard Copy (၃)စုံ / Soft Copy တို့နှင့်အတူ စစ်ကိုင်းတိုင်းဒေသကြီး အစိုးရအဖွဲ့ရုံး၊ လူမှုရေးဝန်ကြီး ဌာနသို့ (၁.၉.၂၀၁၉)ရက်နေ့မှ (၂၀.၉.၂၀၁၉)ရက်နေ့ ရုံးချိန်အတွင်းပေးပို့ရန် ဖြစ်ပါသည်။ ရွေးချယ်ခြင်းခံရပါက တိုင်းဒေသကြီး ကိုယ်စားပြုအလံအတွက် ဆုငွေကျပ်(၅)သိန်း၊ Logo အတွက် ငွေကျပ်(၅)သိန်း ချီးမြှင့်မည် ဖြစ်ပါသည်။

ဆက်သွယ်ရန်  

စစ်ကိုင်းတိုင်းဒေသကြီး အစိုးရအဖွဲ့ရုံး ၊ မုံရွာမြို့   071-2032773

ရုံးအဖွဲ့များ  09-420078454 ၊   09-400405091

Subcategories

သတင်း အချက်အလက်

ဒေသန္တရ အချက်အလက်များ

ခရိုင်နှင့် မြို့နယ်အလိုက် ဒေသန္တရအချက်အလက်များ

ပညာရေးကဏ္ဍ

ကျန်းမာရေးကဏ္ဍ

ဘာသာရေးကဏ္ဍ

ကျေးလက်ဖွံ့ဖြိုးရေးနှင့် ဆင်းရဲမှုလျှော့ချရေးကဏ္ဍ

ရွေးကောက်ပွဲ ကော်မရှင်ကဏ္ဍ

တိုင်းရင်းသား လူမျိုးများ

ပွဲတော်များ

Online Visitors

Flag Counter

စစ်ကိုင်းတိုင်းဒေသကြီးအစိုးရအဖွဲ့

စိန်ပန်းပြာလမ်းနှင့် ကမ်းနားလမ်းထောင့်၊ အိုးဘိုတောင်ရပ်ကွက်၊ မုံရွာမြို့။
ဖုန်း - ၀၇၁ - ၂၂၅၃၁
ဖက် - ၀၇၁ - ၂၂၅၃၇
facebook-icon