စစ်ကိုင်းတိုင်းဒေသကြီးသတင်းများ

အမျိုးသမီးများအပေါ် အကြမ်းဖက်မှုပပျောက်ရေး (၁၆)ရက်တာ လှုပ်ရှားမှု လူထုလမ်းလျှောက်ပွဲ ကျင်းပပြုလုပ်

နှစ်စဉ်နိုဝင်ဘာလ (၂၅)ရက်မှ ဒီဇင်ဘာလ (၁၀)ရက်နေ့အထိ အမျိုးသမီးများအပေါ်အကြမ်းဖက်မှု ပပျောက်ရေး (၁၆)ရက်တာ လှုပ်ရှားမှုအဖြစ် လူထုလမ်းလျှောက်ပွဲ အခမ်းအနားအား ယနေ့(၆.၁၂.၂၀၁၉) ရက်နေ့ နံနက် (၀၆:၀၀)နာရီအချိန်တွင် မုံရွာမြို့၊ မြို့တော်ခန်းမရှေ့မှ စတင်၍ဗိုလ်ချုပ်လမ်း၊ မြန်မာ့စီးပွားရေးဘဏ် - ဘူတာ - ဗိုလ်ချုပ်ကြေးရုပ်မှ မြို့တော်ခန်းမအထိ လမ်းကြောင်းတစ်လျှောက် ကျင်းပပြုလုပ်ခဲ့ရာ အဆိုပါလမ်းလျှောက်ပွဲတွင် စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်၊တိုင်းဒေသကြီး လွှတ်တော်ဥက္ကဌ၊ တိုင်းဒေသကြီး အစိုးရအဖွဲ့ဝင် ဝန်ကြီးများနှင့်ဇနီးများ၊ တိုင်းဒေသကြီးဥပဒေချုပ်၊ တိုင်းဒေသကြီး စာရင်းစစ်ချုပ်၊ တိုင်းဒေသကြီး/ ခရိုင်/ မြို့နယ်အဆင့် ဌာနဆိုင်ရာများ၊ ဖိတ်ကြားထားသော ဧည့်သည်တော်များနှင့် လူမှုရေးအသင်းအဖွဲ့များ စုစုပေါင်း (၄၀၀)ဦးခန့် တက်ရောက်ခဲ့ကြပါသည်။


6-12-2019 sgg 0016-12-2019 sgg 0026-12-2019 sgg 0036-12-2019 sgg 004

စစ်ကိုင်းတိုင်းဒေသကြီး အပြည်ပြည်ဆိုင်ရာ မသန်စွမ်းသူများနေ့ အခမ်းအနား ကျင်းပပြုလုပ်

၂၀၁၉ခုနှစ်၊ ဒီဇင်ဘာလ (၃)ရက်နေ့တွင် ကျရောက်သော အပြည်ပြည်ဆိုင်ရာ မသန်စွမ်းသူများနေ့ အခမ်းအနားကို စစ်ကိုင်းတိုင်းဒေသကြီး မုံရွာမြို့၊ မြို့တော်ခန်းမ၌ (၃.၁၂.၂၀၁၉)ရက်နေ့ နံနက် (၀၉:၀၀)နာရီ အချိန်တွင် ကျင်းပရာ အဆိုပါအခမ်းအနားသို့ စစ်ကိုင်းတိုင်းဒေသကြီး ဝန်ကြီးချုပ် ဒေါက်တာမြင့်နိုင်၊ လွှတ်တော်ဉက္ကဌ ဦးသန်း၊ တိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းဒေသကြီး/ ခရိုင်/ မြို့နယ်အဆင့် ဌာနဆိုင်ရာများ၊ လူမှုရေးအသင်းအဖွဲ့များ၊ ဖိတ်ကြားထားသော ဧည့်သည်တော်များ စုစုပေါင်း (၂၅၀)ဦးခန့် တက်ရောက်ခဲ့ပါသည်။

အဆိုပါအခမ်းအနားတွင် စစ်ကိုင်းတိုင်းဒေသကြီး ဝန်ကြီးချုပ်မှ အဖွင့်အမှာစကား ပြောကြားခြင်း၊ တိုင်းဒေသကြီး အစိုးရအဖွဲ့ဝင် လူဝင်မှုကြီးကြပ်ရေးနှင့် လူ့စွမ်းအားအရင်းအမြစ် ဝန်ကြီးဦးမိုးကျော်သူက ကုလသမဂ္ဂ အထွေထွေအတွင်းရေးမှူးချုပ်မှ ပေးပို့သော သဝဏ်လွှာကို ဖတ်ကြားခြင်း၊ မျက်မမြင် ကျောင်းများမှ ကျောင်းသား/ ကျောင်းသူများက တေးဂီတများဖြင့် သီဆိုဖျော်ဖြေခြင်း၊ အပြည်ပြည်ဆိုင်ရာ မသန်စွမ်းသူများနေ့ အထိမ်းအမှတ် အဆိုပြိုင်ပွဲများတွင် ဆုရရှိသူများမှ သီဆိုဖျော်ဖြေခြင်း၊ အပြည်ပြည်ဆိုင်ရာ မသန်စွမ်းသူများနေ့ အထိမ်းအမှတ် အခြေခံပညာ မူလတန်းအဆင့်၊ အလယ်တန်း အဆင့်၊ အထက်တန်းအဆင့်၊ စာစီစာကုံးပြိုင်ပွဲ၊ အဆို၊ စစ်တုရင်နှင့် ပန်းချီပြိုင်ပွဲများတွင် ဆုရရှိသူများအား တာဝန်ရှိသူများက ဆုချီးမြှင့်ခြင်းတို့ကို အသီးသီးဆောင်ရွက်ပြီး အခမ်းအနားကို(၁၀:၃၀) နာရီအချိန်တွင် အောင်မြင်စွာ ကျင်းပပြီးစီးခဲ့ပါသည်။

3-12-2019 sgg 0013-12-2019 sgg 0023-12-2019 sgg 0033-12-2019 sgg 0043-12-2019 sgg 0053-12-2019 sgg 0063-12-2019 sgg 0073-12-2019 sgg 0083-12-2019 sgg 0093-12-2019 sgg 010

မြေနှင့်အဆောက်အဦ တိုင်းတာခြင်း (Survey) သင်တန်းဆင်းပွဲ ကျင်းပ

၂.၁၂.၂၀၁၉ ရက်​နေ့ နံနက် ၀၉၀၀ နာရီအချိန်တွင် စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့ရှိ အားကာသိပ္ပံသင်တန်းကျောင်း အစည်းအဝေးခန်းမ၌ မြန်မာနိုင်ငံ ဆောက်လုပ်ရေးဆိုင်ရာ လုပ်ငန်းရှင်များ အသင်းချုပ် (စစ်ကိုင်းတိုင်းဒေသကြီး) မုံရွာနှင့် Amigos International Co.Ltdတို့ ပူးပေါင်းဖွင့်လှစ်သော မြေနှင့်အဆောက်အဦ တိုင်းတာခြင်း (Survey) သင်တန်းဆင်းပွဲ အပတ်စဉ်(၁)အား ကျင်းပပြုလုပ်ခဲ့ရာ တိုင်းဒေသကြီးအစိုးရအဖွဲ့၊ လူဝင်မှုကြီးကြပ်ရေးနှင့် လူ့စွမ်းအားအရင်းအမြစ် ဝန်ကြီး ဦးမိုးကျော်သူ၊ စစ်ကိုင်းတိုင်းဒေသကြီး ဆောက်လုပ်ရေး လုပ်ငန်းရှင်များအသင်း ဥက္ကဋ္ဌနှင့် အဖွဲ့ဝင်များ၊ သင်တန်းသား/သူများ တက်ရောက်ခဲ့ကြပါသည်။

သင်တန်းဆင်းပွဲ အခမ်းအနားတွင် တိုင်းဒေသကြီးအစိုးရအဖွဲ့၊ လူဝင်မှုကြီးကြပ်ရေးနှင့် လူ့စွမ်းအားအရင်းအမြစ် ဝန်ကြီး ဦးမိုးကျော်သူမှ အဖွင့်အမှာစကား ပြောကြားပြီး စစ်ကိုင်းတိုင်းဒေသကြီး ဆောက်လုပ်ရေးဆိုင်ရာ လုပ်ငန်းရှင်များအသင်းချုပ် ဥက္ကဋ္ဌမှ အမှာစကား ပြောကြားကာ သင်တန်းဆင်း လက်မှတ်များအား ပေးအပ်ခဲ့ကြပါသည်။

2-12-2019 sgg 0012-12-2019 sgg 0022-12-2019 sgg 0032-12-2019 sgg 0042-12-2019 sgg 0052-12-2019 sgg 0062-12-2019 sgg 0072-12-2019 sgg 008

မုံရွာလူထု စက်ဘီးစီးပွဲ အခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်နှင့်အဖွဲ့ တက်ရောက်

(၁.၁၂.၂၀၁၉)ရက်နေ့တွင် မုံရွာလူထု စက်ဘီးစီးပွဲကို မုံရွာမြို့ပြည်သူ့ အားကစား ကွင်းမှ မိန်းလမ်းအတိုင်း ကျွဲရဲအဝိုင်း - ကျွဲရဲအဝိုင်းမှ တောင်ဘက် ကမ်းနားလမ်းအတိုင်း မြို့ပတ် လမ်းအထိ - မြို့ပတ်လမ်းမှ ဗိုလ်ချုပ်လမ်းအတိုင်း မြောက်သို့ ပြည်သူ့အားကစားကွင်းအထိ စုပေါင်း စီးနင်းခဲ့ရာ လူဉီးရေတစ်ထောင်ကျော် ပါဝင်စီးနင်းခဲ့ကြောင်း၊ အဆိုပါစက်ဘီးနင်းပွဲ အခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်နှင့် ဇနီး၊ တိုင်းဒေသကြီး လွှတ်တော်ဉက္ကဌ၊ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးများနှင့် ဇနီးများ၊ တိုင်းဒေသကြီး လွှတ်တော်ကိုယ်စားလှယ်များ၊ အားကစားကော်မတီဝင်များ တက်ရောက်ကာ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်မှ သေနတ်ပစ်ဖေါက်ပြီး အခမ်းအနားကို ဖွင့်လှစ်ပေးခဲ့ပါသည်။

၎င်းနောက် စက်ဘီး(၃)စီးအား ကံစမ်းမဲနှိုက် ဖောက်ပေးခဲ့ရာ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်မှ ပေးအပ်သည့် စက်ဘီးကို မုံရွာတောင်ရပ်နေ ကိုရဲထွန်းမှ လည်းကောင်း၊ တိုင်းဒေသကြီး လွှတ်တော်ဉက္ကဌမှ ပေးအပ်သည့် စက်ဘီးကို ချမ်းမြသာစည် ရပ်နေ မောင်အာကာမင်းပြည့်ဖြိုးမှလည်းကောင်း၊ သိန်းလင်းစက်ဘီးဆိုင်မှ ပေးအပ်သော စက်ဘီးကို ဆူးလေကုန်းရပ်နေ မောင်ဇင်မင်းသန့်အား စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်၏ ဇနီးမှလည်းကောင်း အသီးသီးချီးမြှင့်ခဲ့ကြပါသည်။

အလားတူ ဒီဇင်ဘာ (၁၅)ရက်နှင့် (၂၉)ရက်နေ့များတွင် ကျင်းပမည့် စက်ဘီးစီးနင်းပွဲ တွင်လည်း စက်ဘီး(၃)စီးအား ယခုကဲ့သို့ ကံစမ်းမဲနှိုက်ချီးမြှင့်သွားမည် ဖြစ်ပါသည်။

1-12-2019 sgg 0011-12-2019 sgg 0021-12-2019 sgg 0031-12-2019 sgg 0041-12-2019 sgg 0051-12-2019 sgg 006

သင်တန်းဖွင့်ပွဲအခမ်းအနားသို့ စစ်ကိုင်းတိုင်းဒေသကြီးအစိုးရအဖွဲ့ လူမှုရေးဝန်ကြီး ဒေါက်တာဇော်ဝင်း တက်ရောက်

တိုင်းဒေသကြီး အားကစားနှင့် ကာယပညာဉီးစီးဌာနမှ မြန်မာ-အိန္ဒိယ (၂)နှစ်နိုင်ငံ ချစ်ကြည်ရေး အစီအစဉ်အရ အိန္ဒိယနိုင်ငံ၏ Ball Badminton အားကစားနည်းဖြစ်သည့် သင်တန်းအား အိန္ဒိယနိုင်ငံဘက်မှ သင်တန်းနည်းပြဆရာ (၂)ဉီးမှ (၁၅.၁၁.၂၀၁၉) ရက်နေ့မှ (၇.၁၁.၂၀၁၉) ရက်နေ့အထိ မုံရွာမြို့၊ မြသလ္လာတင်းနစ်ကလပ်တွင် တာဝန်ယူပို့ချမည်ဖြစ်ရာ သင်တန်းဖွင့်ပွဲ အခမ်းအနားကို (၁၅.၁၁.၂၀၁၉)ရက်နေ့ နံနက်(၀၉၀၀) နာရီအချိန် မုံရွာမြို့၊ မြသလ္လာတင်းနစ်ကလပ်တွင် ကျင်းပပြုလုပ်ခဲ့ပါသည်။ အဆိုပါ သင်တန်းဖွင့်ပွဲသို့ စစ်ကိုင်းတိုင်းဒေသကြီး အစိုးရအဖွဲ့ လူမှုရေးဝန်ကြီး ဒေါက်တာဇော်ဝင်း၊ အိနိ္ဒယနိုင်ငံ မဏိပူရ်ပြည်နယ်မှ Ball Badminton အဖွဲ့ချုပ်အတွင်းရေးမှူး Shri YAJA RAO.၊ တိုင်းဒေသကြီး အားကစားကော်မတီ ဉက္ကဌနှင့်အဖွဲ့ဝင်များ၊ တင်းနစ်သင်တန်းသားများ အားကစားသမားများ တက်ရောက်ကာ လူမှုရေးဝန်ကြီး ဒေါက်တာဇော်ဝင်းမှ အဖွင့်အမှာစကား ပြောကြားခဲ့ပါသည်။ ၎င်းနောက် အိနိ္ဒယနိုင်ငံ မဏိပူရ်ပြည်နယ်မှ Ball Badminton အဖွဲ့ချုပ် အတွင်းရေးမှူး Shri YAJA RAO. Secretory general Ball Badminton Federation Of Asia သင်တန်းဖွင့်လှစ်ရခြင်း၏ ရည်ရွယ်ချက်များအား ရှင်းလင်းပြောကြားပြီး သင်တန်းသား/သူ အားကစားသမားများအား လိုက်လံနှုတ်ဆက်၍ မှတ်တမ်းတင်ဓါတ်ပုံများ ရိုက်ကူးခဲ့ကြပါသည်။

15-11-2019 sgg 01015-11-2019 sgg 01115-11-2019 sgg 01215-11-2019 sgg 01315-11-2019 sgg 01415-11-2019 sgg 01515-11-2019 sgg 01615-11-2019 sgg 01715-11-2019 sgg 01815-11-2019 sgg 01915-11-2019 sgg 020

အမျိုးသမီးဘောလုံးပြိုင်ပွဲ ဖွင့်ပွဲအခမ်းအနားသို့ စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ် ဒေါက်တာမြင့်နိုင်နှင့်အဖွဲ့ တက်ရောက်

၂၀၁၉ ခုနှစ်၊ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်ဖလား ခရိုင်ပေါင်းစုံ အသက်(၂၅)နှစ်အောက် အမျိုးသမီးဘောလုံးပြိုင်ပွဲကို (၁၄.၁၁.၂၀၁၉)ရက်နေ့မှ (၂၃.၁၁.၂၀၁၉) ရက်နေ့အထိ မုံရွာမြို့ ပြည်သူ့အားကစားကွင်း၌ ကျင်းပပြုလုပ်မည်ဖြစ်ရာ ဖွင့်ပွဲအခမ်းအနားကို (၁၄.၁၁.၂၀၁၉)ရက်နေ့ ညနေ(၁၅၃၀) နာရီ အချိန်တွင် မုံရွာမြို့၊ ပြည်သူ့အားကစားကွင်း၌ ကျင်းပပြုလုပ်ခဲ့ပါသည်။ အဆိုပါ ဖွင့်ပွဲအခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်၊ တိုင်းဒေသကြီး တရားသူကြီးချုပ်၊ စစ်ကိုင်းတိုင်းဒေသကြီး အစိုးရအဖွဲ့ လူမှုရေးဝန်ကြီးနှင့်ဇနီး၊ တိုင်းဒေသကြီး လွှတ်တော်ကိုယ်စားလှယ်များ၊ တိုင်း/ခရိုင်/မြို့နယ်အဆင့် ဌာနဆိုင်ရာများ ဖိတ်ကြားထားသော ဧည့်သည်တော်များ တက်ရောက်ကာ စစ်ကိုင်းတိုင်းဒေသကြီး အစိုးရအဖွဲ့ဝန်ကြီးချုပ် ဒေါက်တာမြင့်နိုင်မှ အဖွင့်အမှာစကား ပြောကြားခဲ့ပါသည်။ ၎င်းနောက် ဝန်ကြီးချုပ်နှင့်အဖွဲ့မှ ခရိုင်အလိုက် အားကစားသမားများအား လိုက်လံနှုတ်ဆက်ပြီး ဖွင့်ပွဲအခမ်းအနားတွင် မော်လိုက်ခရိုင်နှင့် ကသာခရိုင်တို့၏ ယှဉ်ပြိုင်ကစားမှုအား အားပေးကြည့်ရှု့ခဲ့ပါသည်။

15-11-2019 sgg 00115-11-2019 sgg 00215-11-2019 sgg 00315-11-2019 sgg 00415-11-2019 sgg 00515-11-2019 sgg 00615-11-2019 sgg 00715-11-2019 sgg 00815-11-2019 sgg 009

စစ်ကိုင်းတိုင်းဒေသကြီး ဝန်ကြီးချုပ် ဒေါက်တာမြင့်နိုင် မုံရွာမြို့ ဒေသဖွံဖြိုးရေးလုပ်ငန်းများ ကြည့်ရှုစစ်ဆေး

စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်သည် တိုင်းဒေသကြီး စည်ပင်သာယာရေးအဖွဲ့မှ အင်ဂျင်နီယာမှူးကြီး၊ မုံရွာခရိုင်နှင့်မြို့နယ် စီမံခန့်ခွဲမှုကော်မတီ ဥက္ကဌများနှင့်အတူ နိုဝင်ဘာ ၁၄ ရက်၊ နံနက်၉နာရီအချိန်က မုံရွာမြို့ မြန်မာ့စီးပွားရေးဘဏ်မှ ဇက်ဆိပ်သွားရာ ကိုယ့်အားကိုယ်ကိုး ကွန်ကရစ်လမ်း ခင်းနေမှုအား ကြည့်ရှု့စစ်ဆေးခဲ့ပြီး လမ်းအမြန်ပြီးစီးရေး သက်ဆိုင်ရာဌာနဆိုင်ရာ အဖွဲ့အစည်းများ ပေါင်းစပ်ဆောင်ရွက်ကြရန် မှာကြားခဲ့ပြီး မုံရွာမြို့ရှောင်လမ်းသို့ ရောက်ရှိကာ ကတ္တရာထပ်ပိုးလွှာ ခင်းကျင်းဆောင်ရွက်နေမှုများနှင့် စပ်လျဉ်း၍ သတ်မှတ်ကာလအတွင်း အမြန်ပြီးစီးရေး၊ စံချိန်စံညွှန်း ပြည့်မီရေးတို့ကို အလေးထား ဆောင်ရွက်သွားကြရန် တာဝန်ရှိသူများအား လမ်းညွှန်မှာကြားခဲ့ပါသည်။

14-11-2019 sgg 00114-11-2019 sgg 00214-11-2019 sgg 00314-11-2019 sgg 00414-11-2019 sgg 00514-11-2019 sgg 00614-11-2019 sgg 007

Subcategories

သတင်း အချက်အလက်

ဒေသန္တရ အချက်အလက်များ

ခရိုင်နှင့် မြို့နယ်အလိုက် ဒေသန္တရအချက်အလက်များ

ပညာရေးကဏ္ဍ

ကျန်းမာရေးကဏ္ဍ

ဘာသာရေးကဏ္ဍ

ကျေးလက်ဖွံ့ဖြိုးရေးနှင့် ဆင်းရဲမှုလျှော့ချရေးကဏ္ဍ

ရွေးကောက်ပွဲ ကော်မရှင်ကဏ္ဍ

တိုင်းရင်းသား လူမျိုးများ

ပွဲတော်များ

Online Visitors

Flag Counter

စစ်ကိုင်းတိုင်းဒေသကြီးအစိုးရအဖွဲ့

စိန်ပန်းပြာလမ်းနှင့် ကမ်းနားလမ်းထောင့်၊ အိုးဘိုတောင်ရပ်ကွက်၊ မုံရွာမြို့။
ဖုန်း - ၀၇၁ - ၂၂၅၃၁
ဖက် - ၀၇၁ - ၂၂၅၃၇
facebook-icon