ပညာရေးကဏ္ဍ

မုံရွာဗောဓိတစ်ထောင်နယ်မြေလှည်းဒါးကျေးရွာမှ အမြွာညီမ(၃)ဦးအားပညာသင်ထောက်ပံ့ကြေးငွေ ဒုတိယအကြိမ် လွှဲပြောင်းပေးအပ်

စစ်ကိုင်းတိုင်းဒေသကြီး၊ မုံရွာမြို့နယ်၊ ခတက္ကန်(တ)ကျေးရွာအုပ်စု၊ လှည်းဒါးကျေးရွာမှ အမြွာညီအစ်မ(၃)ဦးအား ပညာသင်စရိတ်အတွက် အနယ်နယ်အရပ်ရပ်မှ ပညာဒါနပြုလိုသူများမှ ပညာသင် ထောက်ပံ့ငွေများ ပေးပို့ကြကြောင်းသိရှိရသည်။

အနယ်နယ်အရပ်ရပ်မှ စေတနာရှင်အသီးသီး၏ ထောက်ပံ့ငွေများ ဒုတိယအကြိမ်လွှဲပြောင်း ပေးအပ်ခြင်းအခမ်းအနားကို စက်တင်ဘာလ (၁၆)ရက် နေ့လည်(၁)နာရီအချိန်က အဆိုပါကျေးရွာရှိ အမှတ်(၁၁၇)အခြေခံပညာမူလတန်းလွန်ကျောင်းတွင် ကျင်းပပြုလုပ်ခဲ့ရာ ပညာသင်ထောက်ပံ့ကြေးငွေ (၁၂)သိန်း (၆)သောင်းကျပ်ကို မုံရွာခရိုင်ပြန်/ဆက်မှ မြို့နယ်ဦးစီးမှူး ဦးအောင်ဝင်းဆွေက အမြွာညီအစ်မ(၃)ဦးနှင့် မိဘများဖြစ်ကြသည့် ဦးကျော်ရွှေ၊ ဒေါ်နှင်းကြည် တို့ထံ လက်ဝယ်အရောက် လွှဲပြောင်းပေးအပ်ခဲ့သည်။

အဆိုပါ အနယ်နယ်အရပ်ရပ်မှ စေတနာရှင်အသီသီး၏ ပညာသင်ထောက်ပံ့ငွေ ဒုတိယအကြိမ် လွှဲပြောင်းပေးအပ်ပွဲသို့ ခတက္ကန်တောင်အုပ်စုအုပ်ချုပ်ရေးမှူး ဦးထွန်းထွန်းလင်း၊ လှည်းဒါးကျေးရွာ အုပ်ချုပ်ရေးမှူး ဦးမြင့်ဇော်နှင့် ကျောင်းဆရာ၊ ဆရာမများ၊ ကျောင်းသူ၊ ကျောင်းသားများ၊ ဒေသခံ ကျေးရွာသူ ကျေးရွာသားများ တက်ရောက်ကြသည်။

ရပ်ဝေးရပ်နီးမှ စေတနာရှင်အလှူရှင်များက ပညာဒါနထောက်ပံ့ငွေများမှာ ဇူလိုင်လ (၁၈)ရက်နေ့က ပထမအကြိမ်လွှဲပြောင်းပေးအပ်ငွေ ကျပ်(၁၆)သိန်း၊ စက်တင်ဘာလ(၁၆)ရက်နေ့က ဒုတိယအကြိမ် လွှဲပြောင်းပေးအပ်ငွေ ကျပ်(၁၂)သိန်း(၆)သောင်းနှင့် မိဘများထံသို့ တိုက်ရိုက် သွားရောက်ထောက်ပံ့ငွေ ကျပ်(၁၀)သိန်း၊ စုစုပေါင်းထောက်ပံ့ငွေ(၃၈)သိန်း(၆)သောင်းဖြစ်ပြီး ဩဂုတ်လ (၁)ရက်မှစတင်ပြီး အမြွာညီအစ်မ(၃)ဦးဖြစ်သည့် မဖြူပြာ၊ မမူရာ၊ မသူဇာ နဝမတန်းကျောင်းသူလေး (၃)ဦးမှာ လှည်းဒါးကျေးရွာ အသွား^အပြန်(၁၄)မိုင်ကွာဝေးသည့် ဗောဓိတထောင် ခတက္ကန်တောင်ရွာ အခြေခံပညာ အထက်တန်း ကျောင်းခွဲသို့ အခက်အခဲများစွာဖြင့် ကျောင်းမတက်ရတော့ပဲ အနယ်နယ်အရပ်ရပ်မှ စေတနာရှင်များ၏ ကူညီ ထောက်ပံ့မှုဖြင့် ကျောင်းအနီးရှိ အမျိုးသမီးအဆောင်တွင် နေထိုင်၍ စိတ်ချမ်းသာ ကိုယ်ချမ်းသာဖြင့် ပညာကို ကြိုးစားသင်ယူနေနိုင်ကြပြီး ဖြစ်ကြောင်းသိရှိရသည်။

အလှူရှင် ဆောက်လုပ်လှူဒါန်းသည့် ကျောင်းဆောင်သစ်အား မြို့နယ်ပညာရေးဌာနသို့ လွှဲပြောင်းပေးအပ်

u2

 မြင်းမူ  ဇွန်(၂၃)

            စစ်ကိုင်းတိုင်းဒေသကြီး၊ မြင်းမူမြို့နယ်၊ စံတင်ကင်း(မ)ကျေးရွာ၊ အခြေခံပညာမူလတန်းကျောင်း တွင် အလှူရှင် ဆရာတော်ဘဒ္ဒန္တသုမနနှင့် ဒေါ်စန်းညို မောင်နှမတစ်စုတို့က ဆောက်လုပ်လှူဒါန်းသည့် ကျောင်းဆောင်သစ်အား မြို့နယ်ပညာရေးဌာနသို့ ဇွန်လ(၂၃)ရက်က လွှဲပြောင်းပေးအပ်ခဲ့ကြောင်း သိရသည်။

            အဆိုပါ ကျောင်းဆောင်သစ် လွှဲပြောင်းပေးအပ်ပွဲတွင် တိုင်းဒေသကြီးလွှတ်တော်ကိုယ်စားလှယ် ဦးသောင်းမြင့်နှင့် မြို့နယ်စီမံခန့်ခွဲမှုကော်မတီဥက္ကဌ ဦးသိန်းဇော်တို့က အမှာစကားပြောကြားကြပြီး အလှူရှင် ဒေါ်စန်းညိုက ကျောင်းဆောင်သစ်နှင့် ပတ်သက်သည့် စာရွက်စာတမ်းများကို မြို့နယ် ပညာရေးမှူး ဒေါ်မြသိန်းထံသို့ လွှဲပြောင်းပေးအပ်ခဲ့သည်။ဆက်လက်ပြီး မြို့နယ်ပညာရေးမှူး ဒေါ်မြသိန်းနှင့် ကျေးရွာအုပ်စုအုပ်ချုပ်ရေးမှူး ဦးမြင့်ဆွေတို့က ကျေးဇူး တင် စကား ပြန်လည်ပြောကြားခဲ့ကြသည်။

u3

            ထို့နောက် စံတင်ကင်း(မ)ကျေးရွာမှ အလှူရှင် ဦးကျော်လွင်ဦး+ဒေါ်ချိုချိုဝင်း မိသားစုက ကျောင်းသုံးဗလာ စာအုပ်(၆)ဒါဇင်၊ ဘောလ်ပင်(၆)ဒါဇင်နှင့် ခဲတံ(၆)ဒါဇင်အား ကျောင်းသား၊ ကျောင်းသူများထံသို့ ထောက်ပံ့ပေးအပ်ခဲ့သည်။

            အဆိုပါ ကျောင်းဆောင်သစ်သည် အလျား(၄၀)ပေ၊ အနံ(၂၆)ပေ၊ အမြင့်(၁၃)ပေရှိ သွပ်မိုး၊ အုတ်ကာ၊ သမံတလင်းခင်း အဆောက်အဦးဖြစ်ပြီး ငွေကျပ်သိန်း(၁၀၀) အကုန်ကျခံ ဆောက်လုပ်လှူဒါန်းခဲ့ခြင်းဖြစ်ရာ ကျောင်းသား၊ ကျောင်းသူများ အေးချမ်းစွာ ပညာသင်ကြားနိုင်ပြီဖြစ်ကြောင်း သိရသည်။

ကျောင်းထောက်ပံ့ကြေးလုပ်ငန်းများ(မြို့နယ်အဆင့်) မြင်းမူမြို့၌ အလုပ်ရုံဆွေးနွေး

MyinMu150623

 

     ကျောင်းထောက်ပံ့ကြေးလုပ်ငန်းများ မြို့နယ်အဆင့် အလုပ်ရုံဆွေးနွေးပွဲကို စစ်ကိုင်းတိုင်းဒေသကြီး၊ မြင်းမူမြို့၌ ဇွန်လ(၁၉)ရက်မှ (၂၁)ရက်အထိ (၃)ရက်ကြာ ကျင်းပခဲ့ရာ မြို့နယ်အတွင်းရှိ ကျောင်းအုပ်ဆရာ၊ ဆရာမကြီးများ တက်ရောက်ဆွေးနွေးခဲ့ကြကြောင်း သိရသည်။

     အဆိုပါ အလုပ်ရုံဆွေးနွေးပွဲဖွင့်ပွဲတွင် မြို့နယ်စီမံခန့်ခွဲမှုကော်မတီဥက္ကဋ္ဌ ဦးသိန်းဇော်က အမှာစကား ပြောကြားပြီး မြို့နယ်ပညာရေးမှူး ဒေါ်မြသိန်းက ၂၀၁၅-၂၀၁၆ပညာသင်နှစ်တွင် မြို့နယ်အတွင်းရှိ ကျောင်းများသို့ ကျောင်းထောက်ပံ့ကြေးများ ထောက်ပံ့ပေးမှုအခြေအနေများကို ရှင်းလင်းဆွေးနွေးခဲ့သည်။

     ထို့နောက် မြို့နယ်စာရင်းစစ်အရာရှိ ဒေါ်မြင့်မြင့်ကြည်က ကျောင်းထောက်ပံ့ကြေးများကို ဘဏ္ဍာရေးစည်းမျဉ်း၊ စည်းကမ်းများနှင့်အညီ စနစ်တကျ သုံးစွဲရေး ရှင်းလင်းဆွေးနွေးခဲ့သည်။ ဆက်လက်ပြီး အလုပ်ရုံဆွေးနွေးပွဲကို ကျင်းပရာ တက်ရောက်လာကြသည့် ကျောင်းအုပ်ဆရာ၊ ဆရာမကြီးများအား အစုအဖွဲ့များ ဖွဲ့စည်း၍ မိဘရပ်ရွာ ပူးပေါင်းပါဝင်ခြင်း၊ ရပ်ရွာလူထုနှင့် ပူးပေါင်းဆောင်ရွက်ခြင်း၊ ကျောင်းထောက်ပံ့ကြေးများအား အကျိုးရှိအောင် သုံးစွဲသောအဖွဲ့နှင့် အကျိုးမရှိအောင် သုံးစွဲသော အဖွဲ့ဟူ၍ အစုအဖွဲ့ များဖြင့် သရုပ်ပြဆွေးနွေးခဲ့ကြကြောင်း သိရသည်။

ဝန်ထမ်းသား၊ သမီးများအား ပညာသင်ထောက်ပံ့ကြေးများ မြင်းမူမြို့၌ ပေးအပ်

k7

မြင်းမူ   ဇွန်(၁၈)

            စစ်ကိုင်းတိုင်းဒေသကြီး၊ မြင်းမူမြို့နယ် အထွေထွေအုပ်ချုပ်ရေးဦးစီးဌာန ဝန်ထမ်းသား၊ သမီးများအား ၂၀၁၅-၂၀၁၆ပညာသင်နှစ်အတွက် ပညာသင်ထောက်ပံ့ကြေးများ ပေးအပ်ပွဲကို ဇွန်လ(၁၈)ရက်က မြင်းမူမြို့၊ ရွှေပြည်သစ်ခန်းမ၌ ကျင်းပပြုလုပ်ခဲ့ကြောင်း သိရသည်။

            အခမ်းအနားတွင် မြင်းမူမြို့နယ်အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူး ဦးသိန်းဇော်က ဝန်ထမ်းသား၊ သမီးများ ပညာကို အဆင်ပြေစွာ သင်ကြားနိုင်ရေးအတွက် ပညာသင်ထောက်ပံ့ကြေးများကို ပေးအပ်ခြင်း ဖြစ်ကြောင်း၊ ကျောင်းသား၊ ကျောင်းသူများအနေဖြင့် မိမိတို့ဘဝ တိုးတက်မြင့်မားရေးအတွက် ပညာကို ကြိုးစားသင်ယူကြစေလိုကြောင်း ပြောကြားသည်။

k8

            ထို့နောက် မြို့နယ်အုပ်ချုပ်ရေးမှူး ဦးသိန်းဇော်၊ မြို့နယ်ထွေ/အုပ်ဦးစီးဌာန ဝန်ထမ်းမိသားစု စည်းကမ်း ထိန်းသိမ်းရေးကော်မတီဥက္ကဌ ဒေါ်သင်းသင်းနိုင်၊ ဒုတိယမြို့နယ်အုပ်ချုပ်ရေးမှူး ဦးတင်အောင်ဝင်းနှင့် တာဝန်ရှိသူ များက ကျောင်းသား၊ ကျောင်းသူများအား ပညာသင်ထောက်ပံ့ကြေးများ ပေးအပ်ခဲ့ကြသည်။

            မြင်းမူမြို့နယ်အထွေထွေအုပ်ချုပ်ရေးဦးစီးဌာနသည် ဝန်ထမ်းသား၊ သမီး ကျောင်းသား၊ ကျောင်းသူ တက္ကသိုလ်အဆင့်(၁၂)ဦး၊ အထက်တန်းအဆင့်(၈)ဦး၊ အလယ်တန်းအဆင့်(၉)ဦးနှင့် မူလတန်းအဆင့်(၁၃)ဦး၊ စုစုပေါင်း ကျောင်းသား၊ ကျောင်းသူ(၄၂)ဦးအတွက် ပညာသင်ထောက်ပံ့ကြေး ငွေကျပ်-၁၅၅၅၀ဝိ/- ကို ထောက်ပံ့ ပေးအပ်ခဲ့ကြောင်း သိရသည်။

ခန္တီးမြို့တွင် မြို့နယ်အခြေပြုမူလတန်းဆရာအတတ်ပညာအထူးသင်တန်းအမှတ်စဉ်(၂/၂၀၁၅)ဆင်းပွဲ ကျင်းပ

မုံရွာ  ဇွန် ၈

            စစ်ကိုင်းတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် တိုင်းဒေသကြီးပညာရေးဦးစီးဌာနမှ အနီးကပ် ကြီးကြပ်မှုဖြင့် ခန္တီးခရိုင်အတွင်းရှိ မြို့နယ်များတွင် တာဝန်ထမ်းဆောင်လျက်ရှိသော နေ့စားလပေးပညာရေး ဝန်ထမ်းများအား ဆရာဖြစ်လက်မှတ်ရရှိရေး မြို့နယ်အခြေပြုမူလတန်းဆရာအတတ်ပညာအထူးသင်တန်း အမှတ်စဉ်(၂/၂၀၁၅)ဆင်းပွဲကို ဇွန်လ(၈)ရက်နေ့ နံနက်(၁၀)နာရီက ခန္တီးမြို့၊ အခြေခံပညာအထက်တန်း ကျောင်း၊ ကျန်စစ်သားခန်းမတွင် ကျင်းပခဲ့ကြောင်း သိရသည်။

            သင်တန်းဖွင့်လှစ်မှုနှင့်ပတ်သက်ပြီး ``ခန္တီးခရိုင်အတွင်းရှိတဲ့ မြို့နယ်သုံးခုမှာ တာဝန်ထမ်းဆောင်နေကြတဲ့ နေ့စားလပေး ပညာရေးဝန်ထမ်းတွေကို သင်ကြားမှုစွမ်းရည်မြှင့်တင်တဲ့အနေနဲ့ ဖွင့်လှစ်တာပါ၊ သင်တန်းမှာ မြန်မာစာ၊ အင်္ဂလိပ်စာ၊ သချာင်္၊ အထွေထွေလူမှုရေး၊ စက်မှုလက်မှု၊ ဂီတ၊ ပန်းချီ၊ ကာယ၊ စိုက်ပျိုးရေး၊ ပညာရေးသဘောတရား၊ စိတ်ပညာ(ပညာရေး)စတဲ့ဘာသာတွေကို စာတွေ့လက်တွေ့သင်ကြားပေးတာပါ´´ဟု ခန္တီးပညာရေးမှူးရုံးမှ တာဝန်ရှိသူတစ်ဦးက ပြောသည်။

            အဆိုပါသင်တန်းသို့ ခန္တီးခရိုင်အတွင်းရှိ လဟယ်မြို့နယ်မှ သင်တန်းသား/သင်တန်းသူ(၁၉၃)ဦး၊ နန့်ယွန်း မြို့နယ်မှ (၁၉၃)ဦး၊ ခန္တီးမြို့နယ်မှ (၁၂၁)ဦး စုစုပေါင်း (၅၀၇)ဦးတို့အား သင်တန်းနည်းပြ ဆရာ/ ဆရာမ(၂၂)ဦးတို့မှ မေလ(၄)ရက်နေ့မှ ဇွန်လ (၈)ရက်နေ့အထိ စာတွေ့၊ လက်တွေ့သင်ကြားပေးခဲ့ကြောင်း သိရသည်။

Online Visitors

Flag Counter

စစ်ကိုင်းတိုင်းဒေသကြီးအစိုးရအဖွဲ့

စိန်ပန်းပြာလမ်းနှင့် ကမ်းနားလမ်းထောင့်၊ အိုးဘိုတောင်ရပ်ကွက်၊ မုံရွာမြို့။
ဖုန်း - ၀၇၁ - ၂၂၅၃၁
ဖက် - ၀၇၁ - ၂၂၅၃၇