ဘာသာရေးကဏ္ဍ

ယင်းမာပင်​မြို့၌ အစ္စလာမ်​​ဘာသာဝင်​ ၇၁ဦးနှင့် ခရစ်​ယာန်​ဘာသာဝင်​နှစ်​​ဦးတို့ ဗုဒ္ဓဘာသာဝင်​အဖြစ်​သို့ကူး​ပြောင်းလျက်​ရှိ

k6

ယင်းမာပင်​၊​ ဇွန်​ ၁၈

            စစ်​ကိုင်းတိုင်း​ဒေသကြီး၊ ယင်းမာပင်​ခရိုင်​၊ ယင်းမာပင်​မြို့နယ်​​ ​ရေဝန်း​ကျောင်းတိုက်​ သံဃာ့နာယကဥက္ကဌဆရာ​တော်​ဦးအာဒိစ္စ အမှူးပြု​သော မဘသ ဆရာတော်ကြီးများ​ ၁၉ပါး​၊တိုင်း​ဒေသကြီးလွှတ်​​တော်​ကိုယ်​စားလှယ်​ ဦး​အောင်​ဗိုလ်​မြင့်၊ ယင်းမာပင်​ခရိုင်​အုပ်​ချုပ်​​ရေးမှူး ဦး​ဇော်​မျိုးညွန့်၊ မြို့နယ်​အုပ်​ချုပ်​​ရေးမှူး ဦးစိုးဝင့်နှင့် ခရိုင်​/မြို့နယ်​အဆင့်တာဝန်​ရှိသူများရှေ့​မှောက်​တွင်​မည်​သူတစ်​ဦးတစ်​​ယောက်​၏ ​သွေး​ဆောင်​ဖျား​ယောင်းခြင်း ခြိမ်း​ခြောက်​ခြင်းတို့​ကြောင့်မဟုတ်​ဘဲ အစ္စလာမ်​ဘာသာနှင့် ခရစ်​ယာန်​ဘာသာတို့မှ မိမိတို့ဆန္ဒသ​ဘောအ​လျှောက်​ ဗုဒ္ဓဘာသာဝင်​အဖြစ်​ကူး​ပြောင်းပွဲကြီးကို ပထမအကြိမ်​အဖြစ်​ (က၊ခ)ရပ်​ကွက်​တို့မှ အစ္စလာမ်​ဘာသာဝင်​ ၇၁ ဦးနှင့် ခရစ်​ယာန်​ဘာသာဝင်​ နှစ်​​ဦး တို့သည်​ ဇွန်​၁၈ ရက်​၊နံနက်​၉နာရီကယင်းမာပင်​မြို့​ရွှေ​စေတီဘုရားဝန်း အတွင်းရှိခဏ္ဍသိမ်​​တော်​တွင်​ကျင်းပပြုလုပ်​ခဲ့ကြောင်းသိရသည်​။

            ​ရှေးဦးစွာအခမ်းအနားကို ဆရာ​တော်​ကြီးများနှင့် တက်​​ရောက်​လာကြသည့် ဧည့်ပရိတ်​သတ်​အ​ပေါင်းတို့က န​မောတဿ (၃)ကြိမ်​ဘုရားကန့်​တော့ရွတ်​ဆိုကာ ဖွင့်လှစ်​​ပေးကြသည်​။ဆက်​လက်​ပြီး မြို့နယ်​သံဃနာယကဥက္ကဌ ဆရာ​တော်​ဦးအာဒိစ္စက တက်​​ရောက်​လာသူများအား ငါးပါးသီလချီးမြှင့်ပေးပြီး ဩဝါဒ ကထာမြွတ်​ကြားခဲ့သည်​။

            ထို့​နောက်​ ဗုဒ္ဓဘာသာ မျိုး​စောင့်ဥပ​ဒေ ပြဌာန်းချက်​အရ ဂတိသစ္စာဝန်​ခံချက်​ကို မြို့နယ်​ ဥပတ္ထမ္ဘကအဖွဲ့ ဒု-ဥက္ကဌ ဦးတင်​​အောင်​စိုးမှ ဖတ်​ကြားပြီး မိမိတို့ဆန္ဒသ​ဘောအ​လျှောက်​ မိမိသက်​ဝင်​ယုံကြည်​​သော ဗုဒ္ဓဘာသာသို့ကူး​ပြောင်းသူများစာရင်းကိုကြေငြာ​ပေးခဲ့သည်​။

             ယင်းနောက်​ ဗုဒ္ဓဘာသာမျိုး​စောင့်ဥပ​ဒေပြဌာန်းချက်​အရ ဂတိသစ္စာဝန်​ခံချက်​ကို အစ္စလာမ်​ဘာသာ၊ခရစ်​ယာန်​ဘာသာတို့မှ ဗုဒ္ဓဘာသာဝင်​အဖြစ်​သို့ မိမိတို့သ​ဘောဆန္ဒဖြင့် မြို့နယ်​သံဃ နာယက ဥက္ကဌ ဆရာ​တော်​ကြီးနှင့် မဘသဆရာ​တော်​ကြီးများ၊ ခရိုင်​/မြို့နယ်​ ဌာနဆိုင်​ရာတာဝန်​ရှိသူများ၊မဘသဒု-ဥက္ကဌ၊ ခရိုင်​/မြို့နယ်​သာသနာ​ရေးမှူး၊ဖိတ်​ကြားထား​သောဧည့်သည်​​တော်​များ​ရှေ့​မှောက်​တွင်​ သ​ဘောတူလက်​မှတ်​​ရေးထိုးခဲ့​ကြသည်​။ဆက်​လက်​ပြီး  ယင်းမာပင်​မြို့နယ်​ မဟာ​ဇောတိကာရာမ​ကျောင်းတိုက် ​မြို့နယ်​သံဃ နာယက အတွင်း​ရေးမှူး ဆရာ​တော်​ ဦး​ရေဝဒက ဗုဒ္ဓဘာသာဝင်​သို့ကူး​ပြောင်းလာ​သော အစ္စလာမ်​ဘာသာဝင်​ ၇၁ ဦးနှင့် ခရစ်​ယာန်​ဘာသာဝင်​ နှစ်​​ဦး စုစု​ပေါင်း ၇၃ ဦးတို့အား သရဏဂုဏ်​ (၃)ပါး​ဆောက်​တည်​​ပေးပြီး ဗုဒ္ဓသာသနံ စိရံ တိဌတု (၃)ကြိမ်​ရွတ်​ဆိုကာ အခမ်းအနားကိုရုတ်​သိမ်းလိုက်​​ကြောင်​းသိရသည်​။

             ထို့​နောက်​ ယင်းမာပင်​မြို့နယ်​ စား​တော်​ပြင်​​ကျေးရွာပြည်​သူလူထုကိုယ်​စား ​ဦး​အောင်​စိုးက မြို့နယ်​ ဥပတ္ထမ္ဘကအဖွဲ့ ဒု-ဥက္ကဌ ဦးတင်​​အောင်​စိုးထံသို့ နွားဇီဝိတဒါနအဖြစ်​ အလှူ​တော်​​ငွေကျပ်​ ၅၄၀၀ဝ ကျပ်​ကို ​လည်း​ကောင်း၊ တက်​​ရောက်​လာကြသည့်တာဝန်​ရှိသူများမှ အလှူ​တော်​​ငွေကျပ်​ ၃၀၀၀ဝ ကိုလည်း​ကောင်း စုစု​ပေါင်​းငွေကျပ်​ ၈၄၀၀ဝ ကိုအသီးသီးပေးအပ်​လှူဒါန်းခဲ့ပြီး ဆရာ​တော်​ကြီး ၁၉ ပါးနှင့် အတူ တာဝန်​ရှိသူများပါမကျန်​ ဗုဒ္ဓဘာသာဝင်​သို့ ကူ​ပြောင်းလာသူ ၇ဝ ဦးတို့က အမှတ်​တရမှတ်​တမ်းတင်​ဓာတ်​ပုံရိုက်​ကူးခဲ့ကြသည်​။

             ယင်းမာပင်​မြို့​ပေါ် (၄)ရပ်​ကွက်​မှ လူဦး​ရေ ၄၄၁၃ ဦးနှင့် ကျေးရွာအုပ်​စု ၄၂ အုပ်​စုတွင်​ လူဦး​ရေ ၁၄၂၈၂၅ ဦး ရှိရာတွင်​ ဗုဒ္ဓဘာသာဝင်​ ၁၄၆၇၅၈ ဦး၊ အစ္စလာမ်​ဘာသာဝင်​ ၄၇ဝ ဦး၊ ခရစ်​ယာန်​ဘာသာဝင်​ ၁ဝ ဦး၊ စုစု​ပေါင်းလူဦး​ရေ ၁၄၇၂၃၈ ဦး​​ နေထိုင်​လျက်​ရှိသည်။ ယခုအခါ အစ္စလာမ်​ဘာသာဝင်​ ကျား ၂၉ဦး၊ မ ၄၂ဦးနှင့် ခရစ်​ယာန်​ဘာသာဝင်​ ကျား ၁ ဦး၊ မ ၁ ဦး စုစု​ပေါင်း လူဦး​ရေ ၇၃ဦးသည်​ ဗုဒ္ဓဘာသာဝင်​အဖြစ်​သို့ ပထမအကြိမ်​ကူး​ပြောင်းလာခြင်းဖြစ်​​ကြောင်း မြို့နယ်​သာသနာ​ရေးမှူးက ​ပြောကြားသည်​။ ဆက်​လက်​ပြီး ဒုတိယအကြိမ်​အဖြစ်​ အခြားဘာသာများမှ ဗုဒ္ဓဘာသာဝင်​အဖြစ်​သို့ ကူးပြောင်းလာရန်​ရှိ​ကြောင်းအခမ်းအနားသို့ တက်​​ရောက်​သူတစ်​ဦးထံမှ သိရသည်​။

စစ်ကိုင်းတိုင်းဒေသလုံးဆိုင်ရာ ဓမ္မစကူးလ်ဖောင်ဒေးရှင်း ဓမ္မစကူးလ်ဦးဆောင် ဆရာတော်များ စုံညီအစည်းအဝေး မုံရွာရန်ကင်းကျောင်းတိုက်တွင် ကျင်းပပြုလုပ်

j16

မုံရွာ  ဇွန် (၁၆)

                   စစ်ကိုင်းတိုင်းဒေသလုံးဆိုင်ရာ ဓမ္မစကူးလ်ဖောင်ဒေးရှင်း ဓမ္မစကူးလ်ဦးဆောင် ဆရာတော်များ စုံညီအစည်းအဝေးကို ဇွန်လ(၁၆)ရက်နေ့ နံနက်ပိုင်းက မုံရွာမြို့ရန်ကင်းကျောင်းတွင် ကျင်းပပြုလုပ်ခဲ့ပါသည်။

                   ဓမ္မစကူးလ်ဖောင်ဒေးရှင်း ဓမ္မစကူးလ်ဦးဆောင်ဆရာတော်များ မျက်နှာစုံညီ အစည်းအဝေးကျင်းပရခြင်းနှင့် ပတ်သက်ပြီး `` ဓမ္မစကူးလ်ဖောင်ဒေးရှင်း တည်ထောင်လာတာ (၃)နှစ်ရှိသွားပါပြီ ဘုန်းကြီးတို့ စစ်ကိုင်းတိုင်းဒေသကြီး အတွင်းမှာတော့ ဓမ္မစကူးလ်သင်တန်းတွေဖွင့်လှစ်တာ (၁)နှစ်ခွဲတာကာလပဲရှိသေးတယ်၊ သက်တမ်းနုတယ်ဆိုပေမဲ့ အခြားတိုင်းတွေနဲ့စာရင်တော့ အခုအချိန်မှာ သင်တန်းကျောင်းဖွင့်လှစ်နိုင်မှု အများဆုံးဖြစ်နေပါပြီ၊ ဒီလိုအောင်မြင်စွာဖွင့်လှစ်နိုင်တာကလည်း ဘုန်းကြီးတို့နှင့်အတူ ဒေသဆိုင်ရာ တာဝန်ရှိသူတွေ၊ ဒါယကာတွေ၊ ဒါယိကာမတွေ ပူးပေါင်းပါဝင်လို့ အောင်မြင်တာပါ၊ ဓမ္မစကူးလ်သင်တန်းတွေ ရေရှည်တည်တံ့စွာ ဖွင့်လှစ်နိုင်ဖို့ ဆက်လက် လုပ်ဆောင်လျက်ရှိပါတယ်´´ဟု ဓမ္မစကူးလ်ဖောင်ဒေးရှင်း ဗဟိုနာယက ဆရာတော် ရန်ကင်း ကျောင်းတိုက် ဦးစီးပဓါနနာယက ဆရာတော်  ဒွိပိဋကဒွိပိဋက ကောဝိဒ အဂ္ဂမဟာဂန္တဝါစက ပဏ္ဍိတ ဘဒ္ဒန္တပညာဝံသက မိန့်ကြားသည်။

j15

                   ရှေးဦးစွာ အစည်းအဝေးကို နမောတဿ (၃)ကြိမ် ရွတ်ဆို ဘုရားကန်တော့၍ ဖွင့်လှစ်ပြီး မုံရွာမြို့၊ ရန်ကင်းကျောင်းတိုက် ဦးစီးပဓာန၊ ဓမ္မစကူးလ်ဖောင်ဒေးရှင်း ဗဟို နာယကဆရာတော် ဘဒ္ဒန္တပညာဝံသမှ အဖွင့်ဩဝါဒစကား မိန့်ကြားသည်။

                   ယင်းနောက် ဓမ္မစကူးလ်ဖောင်ဒေးရှင်း အတွင်းရေးမှူး(၁) ဆရာတော် ဒေါက်တာအရှင်ဉာဏဝံသမှ ဓမ္မစကူးလ် ဖောင်ဒေးရှင်းနှင့် ပတ်သက်သော အကြောင်း အရာများနှင့် အစည်းအဝေး ကျင်းပရခြင်းအကြောင်းကို ရှင်းလင်းလျှောက်ထားပြီး ကလေးမြို့နယ် နေသာကျောင်းတိုက်ဦးစီးပဓာန၊ မြို့နယ်လုံးဆိုင်ရာ ဓမ္မစကူးလ်ဦးဆောင် ဆရာတော် ဘဒ္ဒန္တဓမ္မိကမှ ဓမ္မစကူးလ်များ ဖွင့်လှစ် သင်ကြားရခြင်း၏ အကျိုးကျေးဇူးများနှင့် စပ်လျဉ်း၍ ရှင်းလင်းမိန့်ကြားသည်။

                   ဆက်လက်ပြီး တိုုင်းဒေသကြီးအစိုးရအဖွဲ့ကိုယ်စား တိုင်းဒေသကြီး ဘဏ္ဍာရေးဝန်ကြီး ဦးတင်ဝင်းက သာသနာရေးဆိုင်ရာများ လျှောက်ထားပြီး ဆရာတော်ထံ အလှူငွေနှင့် လှူဖွယ်ပစ္စည်းများ ဆက်ကပ်လှူဒါန်းကာ အခမ်းအနားကို ဗုဒ္ဓသာသနံ စိရံတိဌတု (၃)ကြိမ် ရွတ်ဆိုဆုတောင်းကာ ရုပ်သိမ်းခဲ့သည်။

                   အဆိုပါ အစည်းအဝေးဖွင့်ပွဲ အခမ်းအနားသို့ မုံရွာမြို့၊ ရန်ကင်းကျောင်းတိုက် ဦးစီးပဓာန ဓမ္မစကူးလ်ဖောင်ဒေးရှင်း ဗဟို နာယကဆရာတော် ဘဒ္ဒန္တပညာဝံသနှင့် ဆရာတော် သံဃာတော်များ၊ တိုင်းဒေသကြီးအစိုးရအဖွဲ့ဝင် ဘဏ္ဍာရေးဝန်ကြီး ဦးတင်ဝင်း၊ လူမှုရေးဝန်ကြီး ဒေါက်တာမြင့်သိန်းနှင့် တိုင်းဒေသကြီးအစိုးရအဖွဲ့ အတွင်းရေးမှူး ဦးစိုးစိုးဇော်နှင့် အခြားဖိတ်ကြားထားသူများ တက်ရောက်ခဲ့ကြ ကြောင်းသိရှိရသည်။

 

၂၀၁၅ ခုနှစ် သာသနာတော်ဆိုင်ရာဘွဲ့တံဆိပ်တော်ရ ဆရာတော်၊ သီလရှင်ဆရာကြီးများအား ထပ်ဆင့်ဂုဏ်ပြု ပူဇော်ပွဲ မုံရွာသာသနာ့ဗိမာန်တော်တွင် ကျင်းပ

e13

                                                                                                                                           မုံရွာ  ဇွန် ၈

            စစ်ကိုင်းတိုင်းဒေသကြီး၊ မုံရွာမြို့၊ သာသနာ့ဗိမာန်တော်ကြီးတွင် တိုင်းဒေသကြီးအစိုးရအဖွဲ့မှ ကြီးမှူး ကျင်းပသော ၂၀၁၅ ခုနှစ် ဇွန်လ(၈)ရက်နေ့ နံနက်(၈)နာရီ(၄၅)မိနစ်က ၂၀၁၅ ခုနှစ် သာသနာတော်ဆိုင်ရာ ဘွဲ့တံဆိပ်တော်ရ ဆရာတော်၊ သီလရှင်ဆရာကြီးများအား ထပ်ဆင့်ဂုဏ်ပြုပူဇော်ပွဲ ဂုဏပူဇာမဟာမင်္ဂလာ အခမ်းအနားကို ကျင်းပရာ သာသနာတော်ဆိုင်ရာ ဘွဲ့တံဆိပ်တော်ရ ဆရာတော်များ၊ သီလရှင်ဆရာကြီးများ ပင့်သံဃာတော်များ၊ တိုင်းဒေသကြီးဝန်ကြီးချုပ် ဦးသာအေးနှင့် ဇနီးဒေါ်ဝေဝေခိုင်၊ တိုင်းဒေသကြီးလွှတ်တော်ဥက္ကဌ၊ တိုင်းဒေသကြီးတရားသူကြီးချုပ်၊ ဥပဒေချုပ်၊ စာရင်းစစ်ချုပ်နှင့်တိုင်းဒေသကြီးအစိုးရအဖွဲ့ဝင်ဝန်ကြီးများနှင့်ဇနီးများ၊ တိုင်းဒေသကြီး၊ခရိုင်၊ မြို့နယ်အဆင့်ဌာနဆိုင်ရာ အကြီးအကဲများ၊ မြို့မိမြို့ဖများ၊ လူမှုရေးအသင်းအဖွဲ့ဝင်များ ဖိတ်ကြားထားသူများ တက်ရောက်ကြသည်။

            အခမ်းအနားကို  နမောတဿသုံးကြိမ်ရွတ်ဘုရားကန်တော့ကာ နိုင်ငံတော်သံဃမဟာနာယကအဖွဲ့ ဒုတိယဥက္ကဌ ဓမ္မပါရဂူပါဠိတက္ကသိုလ် ကျောင်းတိုက်ပဓါနနာယကဆရာတော် အဘိဓဇမဟာရဌဂုရု ဘဒ္ဒန္တ အရိယာလင်္ကာရ မဟာထေရ်မြတ်ထံမှ တိုင်းဒေသကြီးဝန်ကြီးချုပ်နှင့် ဧည့်ပရိတ်သတ်များက ငါးပါးသီလခံယူဆောက်တည်ကြပြီး ဆရာတော်၊သံဃာတော်များက ပရိတ်တရားတော်များ ရွတ်ပွားသရဇ္ဈာယ်ကြကာ ဘဏ္ဍာရေးဝန်ကြီးဦးတင်ဝင်းက သာသနာရေးဆိုင်ရာများကို လျှောက်ထားသည်။

e12

            ထို့နောက် တိုင်းဒေသကြီးဝန်ကြီးချုပ်နှင့်ဇနီး တိုင်းဒေသကြီးလွှတ်တော်ဥက္ကဌနှင့်တာဝန်ရှိသူများက ဘွဲ့တံဆိပ်တော်ရ ဆရာတော်၊ သီလရှင်ဆရာကြီးများကို ဘွဲ့တံဆိပ်တော်များနှင့်လှူဖွယ် ဝတ္ထုပစ္စည်းများကို ဆက်ကပ်လှူဒါန်းကြသည်။

e11

            အခမ်းအနားအပြီးတွင် သာသနာဆိုင်ရာဘွဲ့တံဆိပ်တော်ရ ဆရာတော်၊ သီလရှင်ဆရာကြီးများနှင့် ပင့်သံဃာတော်များအား တိုင်းဒေသကြီးဝန်ကြီးချုပ်နှင့်ဇနီး၊ တိုင်းဒေသကြီးလွှတ်တော်ဥက္ကဌနှင့်ဧည့်ပရိတ် သတ်များက ဆွမ်းဆန်တော်နှင့်လှူဖွယ်ဝတ္ထုပစ္စည်းများကို လောင်းလှူခဲ့သည်။

            ယနေ့ကျင်းပသော သာသနာတော်ဆိုင်ရာဘွဲ့တံဆိပ်တော် ဆက်ကပ်လှူဒါန်းပွဲတွင် အဘိဓဇမဟာ ရဌဂုရုဘွဲတံဆိပ်တော်ရ ဆရာတော်(၁)ပါး၊ အဂ္ဂမဟာဂဏ္ဍဝါစကပဏ္ဍိတဘွဲတံဆိပ်တော်ရ ဆရာတော် (၂) ပါး၊ မဟာဂဏ္ဍဝါစကပဏ္ဍိတဘွဲတံဆိပ်တော်ရ ဆရာတော်(၃)ပါး၊ ဂဏ္ဍဝါစကပဏ္ဍိဘွဲတံဆိပ်တော်ရ ဆရာ တော်(၃)ပါး၊ အဂ္ဂမဟာသဒ္ဒမဇောတိကဓဇဘွဲ့တံဆိပ်တော်ရ ဆရာတော် (၂)ပါး၊ မဟာသဒ္ဒမဇောတိကဓဇ ဘွဲ့တံဆိပ်တော်ရ ဆရာတော်(၂)ပါး၊ သဒ္ဒမဇောတိကဓဇဘွဲ့တံဆိပ်တော်ရ ဆရာတော်(၂)ပါး၊ ကမ္မဌာနာ စရိယဘွဲ့တံဆိပ်တော်ရ ဆရာတော် (၁)ပါး၊ စုစုပေါင်းဆရာတော် (၁၆)ပါး၊ အဂ္ဂမဟာဂဏ္ဍဝါစကပဏ္ဍိတ ဘွဲတံဆိပ်တော်ရ သီလရှင် ဆရာကြီး (၁)ပါး၊ မဟာသဒ္ဒမဇောတိကဓဇဘွဲ့တံဆိပ်တော်ရ သီလရှင်ဆရာကြီး (၁)ပါး၊ မဟာဂဏ္ဍဝါစက ပဏ္ဍိတဘွဲတံဆိပ်တော်ရ သီလရှင်ဆရာကြီး(၁)ပါး၊ဂဏ္ဍဝါစကပဏ္ဍိတဘွဲတံဆိပ်တော်ရ သီလရှင်ဆရာကြီး(၂)ပါး စုစုပေါင်း (၅)ပါးတို့အား ထပ်ဆင့်ဂုဏ်ပြုပူဇော်ပွဲကျင်းပခြင်းဖြစ်ကြောင်း သိရသည်။

Online Visitors

Flag Counter

စစ်ကိုင်းတိုင်းဒေသကြီးအစိုးရအဖွဲ့

စိန်ပန်းပြာလမ်းနှင့် ကမ်းနားလမ်းထောင့်၊ အိုးဘိုတောင်ရပ်ကွက်၊ မုံရွာမြို့။
ဖုန်း - ၀၇၁ - ၂၂၅၃၁
ဖက် - ၀၇၁ - ၂၂၅၃၇