၀က်လက်မြို့နယ်

ဝက်လက်မြို့နယ် ဒေသဆိုင်ရာအချက်အလက်များ

ဒေသသမိုင်းအကျဉ်း

၁၈၈၅ခုနှစ်မတိုင်မီ ဝက်လက်မြို့နယ်အား ရွှေဘိုတောင်လက်ဟုခေါ်ပြီး ဗြိတိသျှအုပ်ချုပ်ရေးစနစ်တွင် ရှိမ်းမကား ကျေးရွာကို (Sub-Division)အဖြစ် သတ်မှတ်ရုံးစိုက်ပြီး ဝန်ထောက်အယ်လီကမ်းနား အုပ်ချုပ်ပြီးနောက် လှတောရွာသား စစ်ကဲဦးထွန်း အုပ်ချုပ်ခဲ့ချိန်တွင်လည်း ဝက်လက်မြို့ မရှိသေးပါ။ ရှိမ္မကား၏ အုပ်ချုပ်မှုအောက်၌သာ ရှိခဲ့သည်။ စစ်ကိုင်း-မြစ်ကြီးနား မီးရထားလမ်း ဖောက်လုပ်ရာမှ ဝက်လက်မြို့နယ် စတင်တိုးတက်လာပါသည်။ မြန်မာသက္ကရာဇ်အားဖြင့် ၁၂၅၃ခုနှစ်ဖြစ်၍ အင်ကြင်းဖူးစ နာသိင်္ဃရောက်ရာ မီးရထားဟူ၍ သတ်မှတ်ခဲ့ပါသည်။ ရေနွေးငွေ့စက်ခေါင်းသုံး မီးရထားဖြစ်၍ ဝက်လက်မြို့၏ တောင်ဘက်(၂)မိုင်ခန့် အကွာ၌ ပြွန်ကြီးကျေးရွာအနီးရပ်စခန်းဘူတာအား အရှေ့ဘက် အနီးစပ်ဆုံး ၀က်လက်ရွဲရွာကို အကြောင်းပြု၍ ဝက်လက်ဘူတာဟု ခေါ်တွင်ခဲ့ပါသည်။ ယခု၀က်လက်ဘူတာအနီး စိမ့်ရေတွင်းရှိ၍ ဘူတာရွှေ့ခဲ့ပြီး တွင်းဖိုဟုခေါ်၍ ဟန်လင်းမြို့ဟောင်း စိမ့်တွင်းအား တွင်းမဟု ခေါ်ကြသည်။ တွင်းဖိုအား ယခုတိုင် ရေတွင်းကြီးအဖြစ် လူအများသုံးစွဲလျက်ရှိပါသည်။ ၁၈၉၉၊ ၁၉၀၂ ခုနှစ်တွင် ကာဘိုးတူးမြောင်း ရေပေး​ဝေမှု ဆောင်ရွက်ခဲ့၍ စတင်ကာဖောက်လုပ်ခဲ့သည့် ၁၂၆၁ကို အောင်ကျော်သာဦး စ၍တူးဟူ၍ လည်းကောင်း၊ ရေစတင် ရောက်သည့် ၁၂၆၄ကို အံ့ကြူး သာယာရေဦးလာ ဟူ၍လည်းကောင်း အဆိုများဖြင့် လူနေစည်ကား လာခဲ့ပါသည်။ ၁၉၀၅ ခုနှစ်တွင် ရုံးများသည် ရှိမ်းမကားမှ ဝက်လက်သို့ ပြောင်းပြီး(ShweBo Sub-Division)အောက်သို့ လွှဲပြီးနောက် ဝက်လက်မြို့ဟု တည်ရှိခဲ့သည်။ ၁၉၇၂ခုနှစ် စနစ်သစ်အုပ်ချုပ်ရေးတွင် စစ်ကိုင်းတိုင်းဒေသကြီး ဝက်လက်မြို့ ဟု သီးခြား မြို့နယ်တစ်ခုအဖြစ် ရပ်တည် ပေါ်ပေါက်ခဲ့ပါသည်။

ပထဝီဝင် အနေအထား

တည်နေရာ၊ အကျယ်အဝန်း

ဝက်လက်မြို့နယ်သည် ‌မြောက်လတ္တီတွဒ်   ၂၂ ဒီဂရီ ၁၀ မိနစ် ၁၅ စက္ကန့်နှင့် ၂၂ ဒီဂရီ ၃၅ မိနစ်၂၀ စက္ကန့်အကြား အရှေ့လောင်ဂျီတွဒ် ၉၅ဒီဂရီ ၀၀မိနစ်၀၀စက္ကန့်နှင့် ၉၆ဒီဂရီ ၃၀ မိနစ်၊၂၅စက္ကန့် အကြားတွင် တည်ရှိပါသည်။ အရှေ့မှ အနောက်သို့ (၂၇) မိုင်နှင့် တောင်မှမြောက်သို့(၁၉)မိုင် ရှည်းလျားပါသည်။ ဝက်လက်မြို့နယ်နှင့် မြို့တို့၏ ဧရိယာစတုရန်းမိုင်မှာ အောက်ပါအတိုင်း ဖြစ်ပါသည်-

စဉ်

မြို့အမည်

မြို့ဧရိယာ စတုရန်းမိုင်

ကျေးရွာအုပ်စု ဧရိယာစတုရန်းမိုင်

မြို့နယ်ဧရိယာ စတုရန်းမိုင်

ဝက်လက်

၀.၃၂

၅၁၄.၂၆

၅၁၄.၅၈

 

မြို့နယ်ချုပ်

၀.၃၂

၅၁၄.၂၆

၅၁၄.၅၈

 

နယ်နမိတ်

ဝက်လက်မြို့နယ်၏ အရှေ့ဘက်တွင် စဉ့်ကူးမြို့နယ်၊ တောင်ဘက်တွင် စစ်ကိုင်းမြို့နယ်နှင့် ထိစပ်လျက်ရှိပါသည်။ အနောက်ဘက်တွင် အရာတော်မြို့နယ်တို့နှင့် ထိစပ်လျက်ရှိပြီး မြောက်ဘက်တွင် ရွှေဘိုမြို့နယ်တို့နှင့် နယ်နိမိတ် ထိစပ်လျက်ရှိပါသည်။

 

မြေမျက်နှာသွင်ပြင်

ဝက်လက်မြို့နယ်၏ မြေမျက်နှာပြင်သည် အများအားဖြင့် ညီညာ ပြန့်ပြူးသော လွင်ပြင်ဖြစ်၍ မြောက်မှတောင်သို့ ဆင်ခြေလျော တည်ရှိပါသည်

 

ရေဆင်း

ဝက်လက်မြို့နယ်တွင် မြစ်ချောင်းများ နည်းပါးသည့် ဒေသတစ်ခုဖြစ်ပြီး မြောက်မှတောင်သို့ စီးဆင်းလျက်ရှိပါသည်။ ထင်ရှားသည့်မြစ်ချောင်းများမှာ ဧရာဝတီမြစ်နှင့် မူးမြစ်တို့ ဖြစ်ပါသည်။ ဧရာဝတီမြစ်သည် သစ်ဆိမ့်ရွာနှင့် ရှိမ်းမကားရွာအနီးမှ ဖြတ်ပြီး မူးမြစ်သည် သမရိုးရွာအနီးမှ ဖြတ်ကာ မြောက်မှတောင်သို့ စီးဆင်းပါသည်။ မြစ်ချောင်းအများစုမှာ ရေချိုများဖြစ်၍ စိုက်ပျိုးရေ၊ သောက်သုံးရေစသည်ဖြင့် အသုံးပြုနိုင်သည်။ ဧရာဝတီမြစ်သည် သင်္ဘော / စက်လှေများလည်း သွားလာနိုင်သော မြစ်ဖြစ်ပါသည်။

ပင်လယ်ရေမျက်နှာပြင် အထက်အမြင့်

ဝက်လက်မြို့နယ်သည် ပင်လယ်ရေမျက်နှာပြင်အထက် အမြင့် (၅၄၄)ပေ အထက်တွင် တည်ရှိပါသည်။

ဆက်လက်ဖတ်ရှု့ရန်ဤနေရာကိုနှိပ်ပါ>>>Click Here

သတင်း အချက်အလက်

ဒေသန္တရ အချက်အလက်များ

ခရိုင်နှင့် မြို့နယ်အလိုက် ဒေသန္တရအချက်အလက်များ

ပညာရေးကဏ္ဍ

ကျန်းမာရေးကဏ္ဍ

ဘာသာရေးကဏ္ဍ

ကျေးလက်ဖွံ့ဖြိုးရေးနှင့် ဆင်းရဲမှုလျှော့ချရေးကဏ္ဍ

ရွေးကောက်ပွဲ ကော်မရှင်ကဏ္ဍ

တိုင်းရင်းသား လူမျိုးများ

ပွဲတော်များ

Online Visitors

Flag Counter

စစ်ကိုင်းတိုင်းဒေသကြီးအစိုးရအဖွဲ့

စိန်ပန်းပြာလမ်းနှင့် ကမ်းနားလမ်းထောင့်၊ အိုးဘိုတောင်ရပ်ကွက်၊ မုံရွာမြို့။
ဖုန်း - ၀၇၁ - ၂၂၅၃၁
ဖက် - ၀၇၁ - ၂၂၅၃၇
facebook-icon