မုံရွာ အောက်တိုဘာ ၂၃

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းဒေသကြီးအဆင့် ဌာနဆိုင်ရာများ၊ ခရိုင်/မြို့နယ် စီမံအုပ်ချုပ်ရေးအဖွဲ့ဥက္ကဌ များနှင့် တာဝန်ရှိသူများလိုက်ပါလျက် အောက်တိုဘာလ ၂၂ ရက်နေ့၊ နံနက်ပိုင်းတွင် နာဂကိုယ် ပိုင်အုပ်ချုပ်ခွင့်ရဒေသ၊ လေရှီးမြို့၊ နာဂယဉ်ကျေးမှုပြတိုက် တွင်ကျင်းပပြုလုပ်သော လေရှီးမြို့ရှိ မြို့မိမြို့ဖများ၊ နာဂရိုးရာစာပေနှင့်ယဉ်ကျေးမှုအဖွဲ့ များ၊ ဒေသခံတိုင်းရင်းသားများနှင့် တွေ့ဆုံပွဲ အခမ်းအနားသို့ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၄-ခုနှစ်၊ ဇန်နဝါရီလတွင် ကျင်းပပြုလုပ်မည့် နာဂတိုင်းရင်းသားတို့၏ နှစ်သစ်ကူးရိုးရာပွဲတော်ကြီးအား စည်ကားသိုက် မြိုက်စွာ ကျင်းပနိုင်ရေးအတွက် ဒေသရှိဌာနဆိုင်ရာဝန်ထမ်းများနှင့် ဒေသခံတိုင်းရင်းသားများမှ ဝိုင်းဝန်းပူးပေါင်းဆောင်ရွက်သွားကြရန် လိုအပ်ပါကြောင်း၊ ဒေသခံတိုင်းရင်းသားများအနေဖြင့် လည်း မိမိတို့ရိုးရာနှစ်သစ်ကူးပွဲတော်သို့ လာရောက်ကြမည့် ဧည့်သည်များ၊ဒေသခံတိုင်းရင်း သားအကအဖွဲ့များ အဆင်ပြေစွာ နေထိုင်သွားလာနိုင်ရေး၊ စားသောက်ရေးနှင့် ကျန်းမာရေး ဆိုင်ရာကိစ္စရပ်များ လိုအပ်ချက်မရှိအောင် ကြိုတင်ပြင်ဆင်ဆောင်ရွက်သွားကြရန် မှာကြားလိုပါကြောင်း၊

နှစ်သစ်ကူးရိုး ရာ ပွဲတော်ကျင်းပမည့် ရိုးရာကွင်းအတွင်း ကြိုတင်ဆောင်ရွက်မည့် ပြင် ဆင်မှုများ၊ တည်ဆောက်ရေးလုပ်ငန်းများအား စနစ်တကျရှိစေရေးနှင့် ကြံ့ခိုင်မှုရှိစေရေးတို့အား အလေးထားဆောက်ရွက်သွားကြရန် လိုအပ်ပါကြောင်း၊ မိမိတို့တိုင်း ဒေသကြီးအစိုးရအဖွဲ့အနေ ဖြင့်လည်း ရိုးရာပွဲတော်ကြီးအား အောင်မြင်စွာကျင်းပနိုင်ရေးအတွက် လိုအပ်သည်များကို တာဝန်ရှိသူများနှင့်ပေါင်းစပ် ပံ့ပိုးကူညီဆောင်ရွက်ပေး သွားမည်ဖြစ်ပါကြောင်း ပြောကြားခဲ့ သည်။     

ယင်းနောက် နာဂကိုယ်ပိုင်အုပ်ချုပ်ခွင့်ရဒေသ၊ စီမံအုပ်ချုပ်ရေးအဖွဲ့ အတွင်းရေးမှူးနှင့် လေရှီးမြို့ရှိမြို့မိမြို့ဖများ၊ နာဂရိုးရာစာပေနှင့်ယဉ်ကျေးမှုအဖွဲ့များ၊ ဒေသခံတိုင်း ရင်းသားများက ၂၀၂၄-ခုနှစ်၊ ဇန်နဝါရီလတွင် ကျရောက်မည့် နာဂရိုးရာနစ်သစ်ကူးပွဲတော်ကြီး စည်ကားသိုက် မြိုက်စွာ အောင်မြင်စွာကျင်းပနိုင်ရေးအတွက် ကြိုတင်ပြင်ဆင်ဆောင်ရွက်ထားရှိမှုများနှင့် ဆက်လက်ဆောင်ရွက်သွားမည့် လုပ်ငန်းအခြေအနေများအား အသီးသီး ရှင်းလင်းတင်ပြကြ သည်။

ထို့နောက် တိုင်းဒေသကြီး ဝန်ကြီးချုပ်က ဆွေးနွေးတင်ပြချက်များအပေါ် လိုအပ်သည် များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ် စကားပြောကြား ကာ တွေ့ဆုံပွဲသို့ တက်ရောက်လာသူများအား ရင်းရင်းနှီးနှီးလိုက်လံ နှုတ်ဆက်အားပေးပြီး တွေ့ဆုံပွဲအခမ်းအနားကို ရုပ်သိမ်းခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ၂၀၂၄-ခုနှစ်၊ နာဂရိုးရာနှစ်သစ်ကူးပွဲတော် ကျင်းပမည့် ရိုးရာကွင်းအတွင်း ကြိုတင်ပြင်ဆင်အကွက်ချ ထားမှုများနှင့် စတိတ်စင်တို့အား လိုက်လံကြည့်ရှုစစ်ဆေးခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝနှ်ရှိသူများသည် လေရှီးမြို့၊ မြို့တော်ခန်းမ တည်ဆောက်နေမှုအား လိုက်လံကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ တည်ဆောက်ရေးလုပ်ငန်းများ သက်မှတ်ကာလတွင် စံချိန်စံညွှန်းမီစွာဖြင့် တည်ဆောက်ပြီးစီးရေးတို့အား မှာကြားခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် လေရှီးမြို့နယ်၊ ဒိန်းဂလိန်းကျေးရွာရှိ လှေကားထစ်လယ်ယာစနစ်ဖြင့် ကွင်းအမှတ် - OSS 3 ၊ ဦးပိုင်အမှတ် - ၁၁၃ တွင် တောင်သူ ဦးယားပေါ့ စိုက်ပျိုးထားသည့် GW 11 မိုးစပါး ပန်းတိုင် အထက်ထွက် ရှိရေးစံပြကွက် ရိတ်သိမ်းနေမှုအား ဒေသခံတောင်သူများနှင့် ကြည့်ရှုအားပေးပြီး ဒေသခံတိုင်း ရင်းသားတောင်သူများအတွက် မျိုးကောင်း၊မျိုးသန့်များရရှိရေးအတွက် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။     

အဆိုပါ GW 11 မိုးစပါးပန်းတိုင်အထက်ထွက်ရှိရေးစံပြကွက် ရိတ်သိမ်းရာတွင် တစ်ဧက ၁၃၇ တင်းထွက်ရှိကြောင်း သိရသည်။

-

-

မုံရွာ အောက်တိုဘာ ၂၁

ဟုမ္မလင်းမြို့နှင့်အနီးဝန်းကျင်ရှိ ကျေးရွာနေဒေသခံပြည်သူများ စိတ်အေးချမ်းသာစွာဖြင့်ဆေးကုသမှုခံယူနိုင်ရေး၊ ဆေးရုံပတ်ဝန်းကျင် ဥပဓိရုပ်ကောင်းမွန်ရေးနှင့် သန့်ရှင်း သပ်ရပ်စေရေး၊ သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်းလင်းခြင်း၊ ရေနုတ်မြောင်း များရေစီးရေလာကောင်းမွန်စေရေးတို့အတွက် အောက်တိုဘာလ ၂၁ ရက်နေ့၊ နံနက်ပိုင်း တွင်  ဟုမ္မလင်းမြို့၊ ခုတင် ၁၀၀ ဆံ့၊ အထွေထွေရောဂါကု ပြည်သူ့ဆေးရုံကြီးတွင် တပ်မ တော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ခရိုင်/မြို့နယ်အဆင့် ဌာနဆိုင်ရာဝန်ထမ်းများ၊ စည်ပင်သာယာရေးအဖွဲ့များ၊ လူမူရေးအသင်းအဖွဲ့များ စုပေါင်း၍  စုပေါင်း သန့်ရှင်းရေးလုပ်ငန်းများအား ဆောင်ရွက်ခဲ့ကြသည်။

အဆိုပါ စုပေါင်းသန့်ရှင်းရေး လုပ်ငန်းများဆောင်ရွက်နေမှုအား တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များနှင့် တာဝနှ်ရှိသူများက လိုက်လံကြည့်ရှုအားပေးပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေကြသူများအား စားသောက်ဖွယ်ရာများဖြင့် ဧည့်ခံကျွေးမွေးခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၃၀ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ ဌာနဆိုင်ရာဝန် ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၃၅၀၀ ဦးကျော်ဖြင့် ပြည်သူ့ ဆေးရုံကြီးများနှင့် မြို့သန့်ရှင်းသပ်ရပ်သာယာရေးလုပ်ငန်းများကို စုပေါင်းဆောင်ရွက်ခဲ့ ကြသည်။                                             

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့၊ ခုတင် ၁၀၀ ဆံ့ အထွေထွေရောဂါကု ပြည်သူ့ဆေးရုံကြီးတွင် ဆေးကုသမှုခံယူနေကြ သောဒေသခံတိုင်ရင်းသားများအား ရင်းရင်းနှီးနှီး လိုက်လံနှုတ်ဆက်အားပေးကာ တာဝန်ရှိ သူများနှင့်အတူ အဟာရဖြည့်စွက်စာများ အသီးသီးထောက်ပံ့ပေးအပ်ခဲ့ကြောင်း သိရသည်။

lllllllllllllllll

မုံရွာ အောက်တိုဘာ ၂၀

            စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီးအဆင့်ဌာန ဆိုင်ရာ များ၊ ဟုမ္မလင်းခရိုင်/မြို့နယ် စီမံအုပ်ချုပ်ရေးအဖွဲ့ဥက္ကဌနှင့် တာဝန်ရှိသူများလိုက်ပါလျက် အောက်တိုဘာလ ၂၀ ရက်နေ့၊ မွန်းလွဲပိုင်းတွင် ဟုမ္မလင်းမြို့နယ်၊ နားသကျိုက်ကျေးရွာအနီး နမ့်ပငချောင်း ပေါ်တွင်တည်ဆောက်လျက်ရှိသည့် နမ့်ပင အသေးစားရေအားလျှပ်စစ်စီမံကိန်း ယာယီရှင်းလင်း ဆောင်သို့ရောက်ရှိရာ ရေအားလျှပ်စစ် အကောင်အထည်ဖော်ရေးဦးစီးဌာန၊ အမှတ်-၂ တည်ဆောက်ရေး၊ တာဝန်ခံအင်ဂျင်နီယာမှ နမ့်ပင အသေးစားရေအားလျှပ်စစ်စီမံကိန်း တည်ဆောက်ရေးလုပ်ငန်းများ ဘဏ္ဍာနှစ်အလိုက် ဆောင်ရွက်ပြီးစီးမှုနှင့် ဆက်လက်ဆောင်ရွက် မည့်လုပ်ငန်းအခြေအနေများ နှင့်ပတ်သက်၍ ရှင်းလင်းတင်ပြသည်။

            ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က နမ့်ပငအသေးစားရေအား လျှပ်စစ်စီမံကိန်း တည်ဆောက်ပြီးစီးပါက ဟုမ္မလင်းမြို့နှင့်အနီးရှိ ကျေးရွာများမှ ဒေသခံပြည် သူများနှင့် MSMEs လုပ်ငန်းများအတွက် လျှပ်စစ်ဓါတ်အားလုံလောက်အောင် ဖြည့်ဆည်းပေးနိုင် တော့မည်ဖြစ်ပါ၍ သက်မှတ်ကာလတွင်ပြီးစီးအောင် ဆောင်ရွက်စေလိုပါကြောင်း၊ သက်မှတ် အရည်အသွေးများနှင့် ကိုက်ညီစွာတည်ဆောက်ကာ လုပ်ငန်းများဆောင်ရွက်မှုအပေါ် စေတနာ ထားဆောင်ရွက်ကြရန် လိုအပ်ပါကြောင်းနှင့် လုပ်ငန်းခွင်အန္တရာယ်ကင်းရှင်းရေးတို့အား အသေး စိတ်မှာကြားကာ တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့သည်။

            ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက နမ့်ပင အသေးစားရေ အားလျှပ်စစ်စီမံကိန်း တည်ဆောက်ရေးလုပ်ငန်း ဆောင်ရွက်နေမှုများအား လိုက်လံကြည့်ရှု့ စစ်ဆေးခဲ့ကြသည်။

            အဆိုပါ နမ့်ပင အသေးစားရေအားလျှပ်စစ်စီမံကိန်းသည် ဟုမ္မလင်းမြို့၏ အနောက်ဘက် ၇.၅ မိုင်ခန့်အကွာ၊ နားသကျိုက်ကျေးရွာအနီးတွင်တည်ရှိပြီး Concrete Gravity Dam တမံအမျိုးအစားဖြစ်ပြီး၊ တမံအလျား - ၄၇၃ ပေ၊ တမံအမြင့် - ၁၁၄.၈ ပေ၊ ရေအားအမြင့် - ၈၀.၃၈ ပေ၊ နှစ်စဉ်ပျဉ်းမျှစီးဝင်ရေ ၁.၁၀ သိန်းဧကပေ၊ သံကူကွန်ကရစ်- ရေပိုလဲွဲှဖြစ်ကာ တပ်ဆင် စက်အင်အား -၆ မဂ္ဂါဝပ် (၂ x ၃ မဂ္ဂါဝပ်)ဖြစ်ပြီး နှစ်စဉ်လျှပ်စစ်ဓာတ်အား - ၃၄.၆၈ သန်းကီလိုဝပ် နာရီပျဉ်းမျှထုတ်လုပ်နိုင်မည်ဖြစ်ပြီး တည်ဆောက်ရေးလုပ်ငန်းများအား ၂၀၂၄-၂၀၂၅ ဘဏ္ဍာရေး နှစ်တွင် အပြီးတည်ဆောက်သွားမည်ဖြစ်ကာ ယခုအချိန်တွင် လုပ်ငန်းအားလုံး၏ ၄၁ ရာခိုင်နှုန်း ကျော် ပြီးစီးနေပြီဖြစ်ကြောင်း သိရသည်။

            ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့၊ ခရိုင်စု ပေါင်းရုံး အဆောက်အဦသစ် တည်ဆောက်ရေးရှင်းလင်းဆောင်သို့ ရောက်ရှိရာ ခရိုင်စီမံအုပ် ချုပ်ရေးမှူး ဦးရဲဝင်းနှင့် တည်ဆောက်ရေးတာဝန်ခံများက ခရိုင်စုပေါင်းရုံး အဆောက်အဦသစ် တည်ဆောက် ပြီးစီးမှုအခြေအနေများနှင့် ပတ်သက်၍ အသီးသီး ရှင်းလင်းတင်ပြကြသည်။      

            ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က တည်ဆောက်ရေးလုပ်ငန်းများ အား စံချိန်စံညွှန်းမီအရည်အသွေးကောင်းမွန်စွာဖြင့် သက်မှတ်ဘဏ္ဍာနှစ်အတွင်း အပြီးတည် ဆောက်ပြီးစီးရေး၊ လုပ်ငန်းများအပေါ်စေတနာထားကာ ဆောင်ရွက်သွားရေးနှင့် လုပ်ငန်းခွင် အန္တရာယ်ကင်းရှင်းရေးတို့အား အသေးစိတ်မှာကြားခဲ့သည်။

            ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ဟုမ္မလင်းခရိုင် စုပေါင်းရုံး အဆောက်အဦသစ် တည်ဆောက်နေမှုများအား လိုက်လံကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ အောက်တိုဘာ ၁၉        

            စစ်ကိုင်းတိုင်းဒေသကြီး၊ (၂၄)ကြိမ်မြောက် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲသို့ သွားရောက်ယှဉ်ပြိုင်မည့် စစ်ကိုင်းတိုင်းဒေသကြီး ကိုယ်စားပြုပြိုင်ပွဲ ဝင်အဖွဲ့အား အောင်နိုင်ရေးအလံပေးအပ်ပွဲ အခမ်းအနားကို အောက်တိုဘာလ ၁၉ ရက် နေ့၊ မွန်းလွဲပိုင်းတွင် စစ်ကိုင်းပညာရေးတက္ကသိုလ်ရှိ ဘွဲ့နှင်းသဘင်ခန်းမတွင် ကျင်းပရာ အခမ်းအနားသို့ တိုင်းဒေသ ကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ စစ်ကိုင်း ပညာရေးတက္ကသိုလ် ပါမောက္ခချုပ်နှင့် ပါမောက္ခဌာနမှူးများ၊ ဆရာ၊ဆရာမများ၊ အဆို၊ အက၊ အရေး၊ အတီး၊ ပြိုင်ပွဲဝင်များ၊ အနုပညာရှင်များနှင့် ဖိတ်ကြားထားသူများ တက်ရောက်ကြသည်။

            ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အနာဂတ်ကာလတွင် လက်ဆင့် ကမ်းတာဝန်ယူ ထမ်းဆောင်ကြမည့် မျိုးဆက်သစ်လူငယ်များအား ဗလ(၅)တန် နှင့်ပြည့်စုံရေး တာဝန်ရှိသူများအားလုံးမှ လေ့ကျင့်၊ပြုစု၊ ပျိုးထောင်ပေးသွားရမည် ဖြစ်ပါ ကြောင်း၊ လူငယ်၊ လူရွယ်များအား မျိုးချစ်စိတ်ဓာတ်ရှင်သန်ရေး အမျိုးဂုဏ်၊ဇာတိဂုဏ်နှင့် ယဉ်ကျေးမှုအမွေအနှစ် များအား ချစ်မြတ်နိုးစွာဖြင့်တန်ဖိုးထားကာ ထိန်းသိမ်းစောင့် ရှောက်ရေးအတွက် မျိုးချစ်စိတ် ရှိသူတိုင်းမှ ပူးပေါင်းဆောင်ရွက်ပေးသွားကြရန် လိုအပ်ပါကြောင်း၊

            မိမိတို့ တိုင်းဒေသကြီး၏ အဆို၊ အက၊ အရေး၊ အတီး၊ ပြိုင်ပွဲဝင်အဖွဲ့ကို အင်အားပြည့်ဖြင့် ပါဝင်ယှဉ်ပြိုင်နိုင်အောင် ကိုယ်တိုင်ပါဝင်ဆင်နွဲကျသည့် အနုပညာရှင်များ ဝါသနာရှင်များ ပံ့ပို့အတီးပညာရှင်များ မျိုးဆက်သစ်လူငယ်များအားပါဝင် ယှဉ်ပြိုင်ခွင့်ပြုပေးခဲ့ကြသည့် မိဘများ နှင့် အုပ်ချုပ်သူများအား အသိအမှတ်ပြုပါကြောင်း၊ ပါဝင်ယှဉ်ပြိုင်ကြမည့် ပြိုင်ပွဲဝင်တိုင်းသည် မိမိတို့တစ်ဦးချင်း၊တစ်ဖွဲ့ချင်း အချိန်ကိုတန်ဖိုးရှိစွာဖြင့် စနစ်ကျသည့်လေ့ကျင့်အားထုတ်မှုများနှင့် အသုံးချဆောင်ရွက်နေသူများ သာအောင်မြင်မှု ကိုရရှိနိုင်မည်ဖြစ်ပါကြောင်း၊ မိမိတို့အနေဖြင့် လည်း တိုင်းဒေသကြီးအတွက် ရွှေတံဆိပ်ဆုများစွာကိုရရှိကာ အောင်မြင်မှုများစွာဖြင့် ပြန်လာ မည့် ပြိုင်ပွဲဝင်များ၏အပြန် လမ်းကို စောင့်ကြိုလျက်ရှိပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က (၂၄)ကြိမ်မြောက် မြန်မာ့ရိုးရာယဉ် ကျေးမှု အဆို၊ အက၊ အရေး၊ အတီးပြိုင်ပွဲသို့ သွားရောက်ယှဉ်ပြိုင်မည့် စစ်ကိုင်းတိုင်းဒေသကြီး ကိုယ်စားပြုပြိုင်ပွဲဝင်အဖွဲ့ အုပ်ချုပ်သူထံ အောင်နိုင်ရေးအလံအားပေးအပ်ပြီး ပြိုင်ပွဲဝင်အနု ပညာရှင်၊ဝါသနာရှင်များက ပြိုင်ပွဲဝင်ရန် အသင့်ပြင်ဆင်လေ့ကျင့်ထားသည့် အဆို၊ အက၊ အတီး များဖြင့် ဖျော်ဖြေခဲ့ကြသည်။

            ဆက်လက်ပြီး တိုင်းဒေသကြီး ဝန်ကြီးချုပ်က တိုင်းဒေသကြီး သယံဇာတရေးရာ ဝန်ကြီးထံ အဆို၊ အက၊ အတီးများဖြင့် ဧည့်ခံဖျော်ဖြေပေးခဲ့သူများအတွက် ငွေကျပ် သိန်း - ၃၀ အား ပေးအပ်ချီးမြှင့်ပြီး အခမ်းအနားသို့ တက်ရောက်လာသူများအား ရင်းရင်းနှီးနှီး လိုက်လံ နှုတ်ဆက်အားပေးကာ အခမ်းအနားကို ရုပ်သိမ်းခဲ့ကြသည်။

               ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါကျောင်းရှိ အစည်းအဝေးခန်းမတွင် စစ်ကိုင်းတိုင်းဒေသကြီး  (၂၄)ကြိမ်မြောက် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲသို့ သွားရောက်ယှဉ်ပြိုင်မည့် စစ်ကိုင်းတိုင်းဒေသကြီး ကိုယ်စား ပြုပြိုင်ပွဲဝင်အဖွဲ အုပ်ချုပ်ကြီးကြပ်သူများ၊ နည်းပြများနှင့် ဘာသာရပ်အလိုက် တာဝန်ခံ အနုပညာရှင်များနှင့် တွေ့ဆုံပွဲသို့ တက်ရောက်ကြသည်။

         ရှေးဦးစွာ တိုင်းဒေသကြီး ဝန်ကြီးချုပ်က စစ်ကိုင်းတိုင်းဒေသကြီးကိုယ်စားပြု ပါဝင်ယှဉ်ပြိုင် ကြမည့် တာဝန်ရှိသူများနှင့် ပြိုင်ပွဲဝင်များအား  ပြိုင်ပွဲစည်းကမ်း၊ အဆောင်စည်းကမ်းနှင့်သွား လာစည်းကမ်းမျာကိုလိုက်နာရေး၊  အမှတ်ပေးစည်းမျဉ်းများနှင့်အညီ ယှဉ်ပြိုင်ကာ အောင်နိုင်မှု ရရှိရေးအတွက် ပြိုင်ပွဲမကျင်းပမီအထိ ကြိုးပမ်းလေ့ကျင့်သွားရေးနှင့် ကျန်းမာရေး ဆိုင်ရာဂရုပြု လိုက်နာသင့်သည်များကို အသေးစိတ်မှာကြားခဲ့သည်။ 

            အဆိုပါ (၂၄)ကြိမ်မြောက် မြန်မာ့ရိုးရာယဉ်ကျေးမှု အဆို၊ အက ၊ အရေး၊ အတီး ပြိုင်ပွဲကြီး တွင် စစ်ကိုင်းတိုင်းဒေသကြီးအနေဖြင့် ပြိုင်ပွဲဝင် အမျိုးသား - ၁၄၈ ဦး၊ အမျိုးသမီး - ၉၂ ဦး၊ စုစုပေါင်း ၂၄၀ ဦးဖြင့် ဘာသာရပ်ပေါင်း ၈၉ မျိုး ဝင်ရောက်ယှဉ်ပြိုင်သွားမည် ဖြစ်ကြောင်း သိရ သည်။    

မုံရွာ အောက်တိုဘာ ၁၈

တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် စစ်ကိုင်းပညာရေးတက္ကသိုလ်သို့ ရောက်ရှိရာ တိုင်းဒေသကြီးကိုယ်စားပြု ၂၀၂၃-ခုနှစ်၊ (၂၄)ကြိမ် မြောက် မြန်မာရိုးရာယဉ်ကျေးမှု အဆို၊ အက ၊ အရေး၊ အတီးပြိုင်ပွဲတွင် စစ်ကိုင်းတိုင်းဒေသကြီး ကိုယ်စားပြုဝင်ရောက်ယှဉ်ပြိုင်မည့် အဆင့်အလိုက်ဘာသာရပ်များဖြစ်သော တစ်ကိုယ်တော်အက၊ ကဗျာလွတ်အက၊ ဆိုင်းအဖွဲ့လိုက်၊ ဒုံမင်း၊ အိုးစည်အဖွဲ့ လိုက်၊ ဆိုင်းတစ်ကိုယ်တော်၊ နှဲတစ်ကိုယ်တော်၊ ခောတ်ဟောင်းကာလပေါ်၊ အမျိုးဂုဏ်/ဇာတိဂုဏ်၊ ရုပ်သေးနှစ်ပါးသွားအကများ လေ့ကျင့်နေသည့်ပြိုင်ပွဲဝင်များအား လိုက်လံကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နည်းပြများနှင့် ပြိုင်ပွဲဝင်များအား ရင်းရင်းနှီးနှီးနှုတ်ဆက်အားပေးခဲ့ကြသည်။

            အဆိုပါ (၂၄)ကြိမ်မြောက် မြန်မာရိုးရာယဉ်ကျေးမှု အဆို၊ အက ၊ အရေး၊ အတီး ပြိုင်ပွဲကြီး တွင် စစ်ကိုင်းတိုင်းဒေသကြီးအနေဖြင့် ပြိုင်ပွဲဝင် အမျိုးသား - ၁၄၈ ဦး၊ အမျိုးသမီး - ၉၂ ဦး၊ စုစုပေါင်း ၂၄၀ ဦးဖြင့် ဘာသာရပ်ပေါင်း ၈၉ မျိုး ဝင်ရောက်ယှဉ်ပြိုင်သွား မည်ဖြစ်ပြီး စက်တင်ဘာလ ၁၈ ရက်နေ့မှစတင်၍ ရက်ပေါင်း ၃၀ ကျော်ကြာ စခန်းသွင်းလေ့ကျင့် လျက်ရှိ ကြောင်းသိရှိရသည်။ 

မုံရွာ အောက်တိုဘာ ၁၈

စစ်ကိုင်းတိုင်းဒေသကြီး၊ ၂၀၂၃-ခုနှစ်၊ အပြည်ပြည်ဆိုင်ရာသဘာဝဘေးအန္တရာယ် ထိခိုက် ဆုံးရှုံးနိုင်ခြေလျှော့ချရေးနေ့ အခမ်းအနားကို အောက်တိုဘာလ ၁၈ ရက်နေ့ နံနက်ပိုင်းတွင် တိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီး ချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဓဒသကြီး/ခရိုင်/မြို့နယ်အဆင့် ဌာနဆိုင်ရာများ၊ လူမှုရေးအသင်းအဖွဲ့ ဝင်များနှင့် တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က သဘာဝဘေးအန္တရာယ် ထိခိုက် ဆုံးရှုံးနိုင်ခြေ လျော့ချရေးနေ့အတွက် သဘာဝဘေးအန္တရာယ်နှင့် မညီမျှမှုကြား အပြန်အလှန် ဆက်ဆံရေးကို ရှေးရှုဆောင်ရွက်သွားရမှာဖြစ်ပါကြောင်း၊ သဘာဝဘေး အန္တရာယ်ဆိုင်ရာစီမံ ခန့်ခွဲမှုနှင့် ပတ်သက်၍ အမျိုးသားအဆင့်မှ တိုင်းဒေသကြီး/ခရိုင်/မြို့နယ်/ရပ်ကွက်/ကျေးရွာ အဆင့်အထိ ကော်မတီအဆင့်ဆင့် ဖွဲ့စည်းထားရှိပြီး သဘာဝဘေးအန္တရာယ်များကြောင့် အတိဒုက္ခကြုံတွေ့နေရသည့် ဒုက္ခသည်များအား လတ်တလော သက်သာချောင်ချိမှုရရှိစေရေး အတွက် အထောက်အပံ့များပေးခြင်း၊ သဘာဝဘေးအန္တ ရာယ်များကြောင့် လူ့အသက်အိုးအိမ် ပစ္စည်းများ ဆုံးရှုံးမှုလျော့နည်းရေးအတွက် ကြိုတင်စီ မံဆောင်ရွက်ပေးခြင်းနှင့် အသိပညာပေး လုပ်ငန်းများနှင့် ဇာတ်တိုက်လေ့ကျင့်ခန်းများ ဆောင်ရွက်လျက်ရှိပါကြောင်း၊

မိမိတို့တိုင်းဒေသကြီးအတွင်း သဘာဝဘေးအန္တရာယ် ကြီးကြီးမားမားမဖြစ်ပွားခဲ့ သော်လည်း မီးလောင်ခြင်း၊ လေပြင်းတိုက်ခတ်ခြင်း၊ ရေကြီးခြင်း၊ မိုးကြိုးပစ်ခြင်း၊ မြေပြိုခြင်း၊ ကမ်းပါးပြိုခြင်းနှင့် အခြားဘေးများအပါအဝင် လတ်တလောအကြမ်းဖက်မှု ကြောင့် ယာယီနေ ရပ်စွန့်ခွာသူများအား လိုအပ်သည့်ထောက် ပံ့မှုများဆောင်ရွက်ပေးခဲ့ပါကြောင်း၊ ၂၀၂၃-ခုနှစ်၊ အပြည်ပြည်ဆိုင်ရာသဘာဝဘေး အန္တရာယ်ထိခိုက်ဆုံးရှုံးနိုင်ခြေလျော့ချရေးနေ့ အထိမ်းအမှတ် အဖြစ် “ဘေးဒဏ်ကြံ့ကြံ့ခံနိုင်ဖို့ မညီမျှမှုတွေ တိုက်ဖျက်စို့”ဟူသော ဆောင်ပုဒ်နှင့်အညီ လူသားများ၏အသက်အိုးအိမ်၊ အသက်မွေးဝမ်း ကျောင်း၊ စီးပွားရေးနှင့် အခြေခံအဆောက်အဦများတွင် ဆုံးရှုံးမှုများအားကာကွယ်လျှော့ ချရန် ဆောင်ရွက် ခြင်းဖြင့် စဉ်ဆက်မပြတ် ဖွံ့ဖြိုးတိုးတက်မှု ပန်းတိုင်သို့ရောက်ရှိမှာ ဖြစ်ပါကြောင်း၊

ပြည်သူလူထုအနေဖြင့် ရာသီအလိုက်ဖြစ်ပေါ်တတ်သော မည့်သည့်ဘေးအန္တရာယ်မျိုးကို မဆို အသိသတိရှိစွာဖြင့် ကြိုတင်ပြင်ဆင်ဆောင်ရွက်ကြရန်နှင့် ယခုနှစ်အတွင်း ဖြစ်ပေါ်လာ နိုင်သည့် အယ်လ်နီညို(အပူလွန်ကဲခြင်း) ရာသီဉတုဖြစ်စဉ်အား အထူးဂရုပြုနေထိုင်သွားကြရန် တိုက်တွန်းပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကုလသမဂ္ဂဘေး အန္တရာယ်လျော့ပါးရေးရုံး (UNDRR)မှပေးပို့သော ၂၀၂၃-ခုနှစ်၊ အပြည်ပြည်ဆိုင်ရာ သဘာဝဘေး အန္တရာယ် ထိခိုက်ဆုံးရှုံးနိုင်ခြေလျှော့ချရေးနေ့ အထိမ်းအမှတ် သဝဏ်လွှာ သတင်းစကားရုပ်သံ Video Massage ၊ ၂၀၂၃-ခုနှစ်၊ အပြည်ပြည်ဆိုင်ရာသဘာ၀ ဘေးအန္တရာယ် ထိခိုက်ဆုံးရှုံးနိုင်ခြေ လျှော့ချရေးနေ့ အထိမ်းအမှတ် ပြဇာတ်ဇာတ်လမ်း Video နှင့် မိုခါမုန်တိုင်းတုန့်ပြန် ဆောင်ရွက် မှုဆိုင်ရာ မှတ်တမ်းတင် Video တို့အားကြည့်ရှု အားပေးကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့်တာဝန်ရှိသူများက ၂၀၂၃-ခုနှစ်၊ အပြည် ပြည်ဆိုင်ရာသဘာဝဘေးအန္တရာယ် ထိခိုက်ဆုံးရှုံးနိုင်ခြေလျှော့ချရေးနေ့ အထိမ်းအမှတ် စာစီစာ ကုံးပြိုင်ပွဲတွင် ဆုရရှိကြသော ကျောင်းသား၊ကျောင်းသူများအား ဂုဏ်ပြုဆု လက်မှတ်နှင့်ဆု ငွေများ ပေးအပ်ချီးမြှင့်ကာ တာဝန်ရှိသူများနှင့်အတူ စုပေါင်းမှတ်တမ်းတင် ဓါတ်ပုံရိုက်ကူးကာ ပြခန်းတွင်ပြသထားသော သဘာဝဘေးအန္တရာယ်ဖြစ်ပွားမှုနှင့် ကူညီ ကယ်ဆယ်ရေလုပ်ငန်း ဆောင်ရွက်မှု မှတ်တမ်းဓါတ်ပုံများအား လိုက်လံကြည့်ရှုအားပေး ကာအခမ်းအနားကို ရုပ်သိမ်း ခဲ့သည်။