စစ်ကိုင်းတိုင်းဒေသကြီး၊ မုံရွာစက်မှုဇုန်အတွင်းရှိ လုပ်ကိုင်ဆောင်ရွက်နေသည့် MSME လုပ်ငန်းများ ရေရှည်ဖွံ့ဖြိုးတိုးတက်ရေးအတွက် အရည် အသွေးပြည့်မီသည့် ကုန်ချောပစ္စည်းများထုတ်လုပ်ကာ ကုန်ထုတ်လုပ်ငန်းများ ပိုမိုအဆင်ပြေချောမွေ့စေရေးနှင့် ဝါစိုက်ပျိုးရေးလုပ်ငန်းများမှထွက်ရှိသည့် ကုန်ကြမ်းပစ္စည်းများအား အခြေခံ၍ အဆင့်မြှင့် ကုန်ချောပစ္စည်းများထုတ်လုပ်နိုင်ရေးနှင့် ဒေသခံပြည်သူများ အလုပ်အကိုင် အခွင့်အလမ်း များရရှိစေရေးတို့အတွက် ဇူလိုင်လ ၃၀ ရက်၊နံနက်ပိုင်းတွင် တိုင်းဒေသကြီး ဝန်ကြီးချုပ် ဦးကိုလေး၊ တိုင်းဒေသကြီးအစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ် အဆင့် ဌာနဆိုင်ရာများ၊ မုံရွာခရိုင်/မြို့နယ် စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌများနှင့် တာဝန်ရှိသူများသည် မုံရွာစက်မှုဇုန်ရှိ တစ်ရက်လျင် ပုဆိုး/ထဘီနှင့် အဝတ်အထည် ၂၀၀ ကျော်ထုတ်လုပ်နေသည့် ဦးဇင်မျိုးသန့်၏ စက်ရက္ကန်းစက်ရုံသို့ ရောက်ရှိကြသည်။
ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများအား စက်ရက္ကန်းစက်ရုံတာဝန်ခံမှ စက်ရုံအတွင်း လုပ်ငန်းများလုပ်ကိုင်ဆောင်ရွက်နေမှု အခြေအနေများနှင့် ကုန်ကြမ်းရရှိမှုအခြေအနေများအား လိုက်လံရှင်းလင်းပြသရာ တိုင်းဒေသကြီး ဝန်ကြီးချုပ်က လိုက်လံရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင် ရွက်ခဲ့ပြီး ပုဆိုး/ထဘီနှင့် အဝတ်အထည်များအား ခေတ်မီဒီဇိုင်း ဆန်းသစ် မှုများဖြင့် ထုတ်လုပ်သွားရေး၊ ဈေးကွက်အတွင်းသို့ ဈေးနှုန်းသင့်တင့်စွာဖြင့် ဖြန့်ဖြူးရောင်း ချသွားရေးတို့အား တာဝန်ရှိသူများအား မှာကြားခဲ့သည်။
ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာစက်မှုဇုန်ရှိ ဦးအောင်ခင်ဇော်၏ စက်ရက္ကန်းစက်ရုံသို့ ရောက်ရှိရာ စက်ရုံတာဝန်ခံမှ စက်ရုံအတွင်း လုပ်ငန်းများဆောင်ရွက်နေမှု အခြေအနေများအား လိုက်လံရှင်းလင်းပြသရာ တိုင်းဒေသကြီး ဝန်ကြီးချုပ်က လိုက်လံရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့်ဖြည့်ဆည်းပေါင်းစပ် ဆောင်ရွက်ပေးခဲ့ပြီး ကုန်ချောအဝတ်အထည်များအား ကြည့်ရှု အားပေးခဲ့ကြသည်။
ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာစက်မှုဇုန်ရှိ ဒေါ်ခင်တင့်၏ ဖြတ်စ၊ညှပ်စကြိတ်ပြီး ကုန်ချောစက်ရုံသို့ ရောက်ရှိရာ စက်ရုံတာဝန်ခံမှ စက်ရုံအတွင်း လုပ်ငန်းဆောင်ရွက်နေမှု အခြေအနေများအား လိုက်လံရှင်းလင်းပြသရာ တိုင်းဒေသကြီး ဝန်ကြီးချုပ်က လိုက်လံရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။
ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာစက်မှုဇုန်ရှိ ဝါကုန်ကြမ်းမှ ဝါးဂွမ်းနှင့်ဝါစေ့ခွဲသည့် ကြိတ်စက်ဖြင့် တစ်ရက်လျင် ဝါစေ့ဆီ ၄၅၀ ပိဿာ ကြိတ်ခွဲထုတ်လုပ်နေသည့် “မြို့ညွန့်အောင်” ဝါကြိတ်စက်ရုံသို့ ရောက်ရှိရာ စက်ရုံတာဝန် ခံမှ ဝါကြိတ်စက်ရုံအတွင်း လုပ်ငန်းများဆောင်ရွက်နေမှု အခြေအနေများအား လိုက်လံရှင်း လင်းပြသရာ တိုင်းဒေသကြီး ဝန်ကြီးချုပ်က လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးခဲ့သည်။
ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါ စက်ရုံ၌ ချည်ထည်စက်ရုံ၊ ဝါကြိတ်စက်ရုံလုပ်ငန်းရှင်များ၊ ဝါစိုက်တောင်သူများနှင့် ရင်းရင်းနှီးနှီး တွေ့ဆုံရာ စက်ရုံလုပ်ငန်းရှင်များနှင့် ဝါစိုက်တောင်သူများက မိမိတို့လုပ်ကိုင်ဆောင်ရွက်နေသည့် လုပ်ငန်းများနှင့် လိုအပ်ချက်များအား ရှင်းလင်းတင်ပြကြသည်။
ယင်းနောက် တိုင်းဒေသကြီး ဝန်ကြီးချုပ်က ချည်ထည်စက်ရုံ၊ ဝါကြိတ်ခွဲစက်လုပ် ငန်းရှင်များနှင့် ဝါစိုက်တောင်သူများ၏ ဆွေးနွေးတင်ပြချက်များအပေါ် လိုအပ်သည်များ ကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။
ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာစက်မှုဇုန်ရှိ NCY International Co,Ltd သို့ ရောက်ရှိရာ စက်ရုံတာဝန်ခံမှ စက်ရုံအတွင်း တန် ၁၀၀ ကျ ဆန်စက်၊ ပဲခွဲစက်၊ ပဲမှုန့်ကြိတ်စက်မျိုးစုံ ကြိတ်ခွဲရေးသုံးစက်ပစ္စည်းများနှင့် မီးသွေးတောင့် မီးဖိုများ ထုတ်လုပ်နေမှုများအား လိုက်လံရှင်းလင်းပြသရာ တိုင်းဒေသကြီး ဝန်ကြီးချုပ်က ထုတ် လုပ်နေသည့် စက်ပစ္စည်းများအရည်အသွေးပြည့်မီစွာဖြင့် ထုတ်လုပ်သွားရေးတို့အား တာဝန်ရှိသူများအား မှာကြားခဲ့ကြောင်း သိရသည်။
