မုံရွာ၊ မတ် ၁၆
စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ကလေးခရိုင်/မြို့နယ် စီမံအုပ်ချုပ်ရေးအဖွဲ့ ဉက္ကဌများနှင့် တာဝန်ရှိသူများ လိုက်ပါလျက် ယမန်နေ့၊ နံနက်ပိုင်း တွင် ကလေးခရိုင်၊ ကလေးမြို့၊ စကားလှဓမ္မာရုံကျောင်းတိုက်သို့ ရောက်ရှိရာ မြို့နယ်သံ ဃနာယကအကျိုးတော်ဆောင်၊ အဂ္ဂမဟာကမဌာနာစရိယ ဘဒ္ဒန္တထေရဝံသ ဆရာတော် ကြီးထံ သာသနာရေးဆိုင်ရာများလျှောက်ထားပြီး တိုင်းဒေသကြီး အစိုးရအဖွဲ့ဝင်များနှင့် အတူ လှူဖွယ်ပစ္စည်းများ၊ ဆွမ်းဆန်၊ ဆီ၊ ဆား၊ ပဲ အမယ် ၄ မျိုးတို့အား ဆက်ကပ်လှူ ဒါန်းခဲ့ကြသည်။
ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကလေးမြို့၊ ဘိုး ဘွားရိပ်သာသို့ ရောက်ရှိရာ ရုံးခန်းမတွင် ဘိုးဘွားရိပ်သာဦးဆောင်ကော်မတီ အဖွဲ့ဝင်များ နှင့်ရင်းရင်းနှီးနှီးတွေ့ဆုံရာ ကော်မတီအဖွဲ့ဝင်များမှ ရိပ်သာရှိအဘိုး၊အဘွားများအား ပြုစု စောင့်ရှောက်ပေးနေမှု အခြေအနေများအား ရှင်းလင်းတင်ပြကြသည်။
ဆက်လက်၍ တိုင်းဒေသကြီး ဝန်ကြီးချုပ်က ရိပ်သာရှိအဘိုး၊အဘွားများအား သက်ရှည်ကျန်းမာစွာဖြင့် စားသောက်နေထိုင် သွားလာနိုင်စေရေးတို့အတွက် လိုအပ် သည်များကို တာဝန်ရှိသူများနှင့်ဖြည့်ဆည်းပေါင်းစပ် ဆောင်ရွက်ပေးပြီး တာဝန်ရှိသူများ နှင့်အတူ အဘိုး၊အဘွားများအား အဟာရဖြည့်စားသောက်ဖွယ်ရာများ လိုက်လံပေးအပ်ခဲ့ ကြသည်။
ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကလေးမြို့၊ ဧရိပ်မွန် အမျိုးသမီးမိဘမဲ့ဂေဟာသို့ ရောက်ရှိရာ ကလေးငယ်များနှင့် ရင်းရင်းနှီးနှီးတွေ့ ဆုံ၍နှုတ်ဆက်စကားများပြောကြားပြီး တိုင်းဒေသကြီး အစိုးရအဖွဲ့ဝင်များနှင့်အတူ ကျောင်းအုပ်ဆရာမကြီးထံ ကျောင်းသုံးဗလာစာအုပ်၊ စာရေးကိရိယာများ၊ ဂုဏ်ပြုချီးမြှင့် ငွေများနှင့်ဆန်များ ပေးအပ်ခဲ့ကြသည်။
ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကလေးမြို့၊ ကုတင် ၂၀၀ ဆံ့၊ ပြည်သူ့ဆေးရုံကြီးသို့ ရောက်ရှိရာ ဆေးရုံးအုပ်ကြီး၊ ဆရာဝန်၊ သူနားပြု များနှင့် ဆေးရုံဝန်ထမ်းများအား ရင်းရင်းနှီးနှီးတွေ့ဆုံရာ ဆေးရုံအုပ်ကြီးထံ ဆေးရုံဝန် ထမ်းများအတွက် ဂုဏ်ပြုချီးမြှင့်ငွေများပေးအပ်ပြီး တာဝန်ရှိသူများနှင့်အတူ ဆေးကုသမှု ခံယူနေကြသည့် ဒေသခံပြည်သူများအား အဟာရဖြည့်စွက်စာများ လိုက်လံပေးအပ်ခဲ့ကြ ပြီး ကုသရေးလုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။
