မုံရွာ၊ မတ် ၁၁
စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်းစစ်ဌာန ချုပ်တိုင်းမှူး ဗိုလ်ချုပ် ကျော်သူရ၊ တိုင်းဒေသကြီး အစိုးရအဖွဲ့ဝင်များ၊တိုင်းဒေသကြီးအဆင့်ဌာနဆိုင်ရာများ၊မုံရွာတက္ကသိုလ်၊ စီးပွားရေးတက္ကသိုလ်မှ တာဝန်ရှိသူ များ၊ မုံရွာခရိုင်/မြို့နယ် စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌများနှင့် တာဝန်ရှိသူများသည် မတ်လ ၁၁ ရက်၊ နံနက်ပိုင်းတွင် မုံရွာမြို့၊ အမှတ်(၂) အခြေခံပညာ အထက်တန်းကျောင်း (အလုံ)သို့ ရောက်ရှိရာ ကျောင်းသား၊ကျောင်းသူများ စိတ်အေးချမ်းသာစွာဖြင့် ၂၀၂၆-ခုနှစ်၊ တက္ကသိုလ်ဝင်စာမေးပွဲ ဖြေဆိုနေမှုများအား လိုက်လံကြည့်ရှုခဲ့ကြသည်။
ယင်းနောက် တိုင်းဒေသကြီး ဝန်ကြီးချုပ်က ၂၀၂၆ ခုနှစ်၊ တက္ကသိုလ်ဝင်စာမေးပွဲ တက္ကသိုလ်စာမေးပွဲ ဖြေဆိုနေကြသည့် ကျောင်းသား၊ကျောင်းသူများ စိတ်အေးချမ်းသာ စွာဖြင့်ဖြေဆိုနိုင်ရေးအတွက် ပတ်ဝန်းကျင်ဆူညံမှုမရှိစေရေး၊ လျပ်စစ်မီးပြတ်တောက်မှု မရှိစေရေး၊ ယာဉ်အန္တရာယ်လမ်းအန္တရာယ်ကင်းရှင်းစေရေး၊ ကျန်းမာရေးစောင့်ရှောက်မှု များပေးထားရေး၊ မီးဘေးအန္တရာယ်ကြိုတင်ကာ ကွယ်ရေးလုပ်ငန်းများ စီမံဆောင်ရွက် ထားရှိရေးတို့အား စာမေးပွဲကြီးကြပ်ရေးမှူးများနှင့် တာဝန်ရှိသူ များအား မှာကြားခဲ့သည်။
ဆက်လက်၍ တိုင်းဒေသကြီး ဝန်ကြီးချုပ်၊ တိုင်းမှူးနှင့် တာဝန်ရှိသူများက စက်မှု၊ စိုက်ပျိုးရေးနှင့်မွေးမြူရေး အထက်တန်းကျောင်းရှိ ကျောင်းသား၊ကျောင်းသူများ ၂၀၂၆-ခုနှစ်၊ တက္ကသိုလ်ဝင်စာမေးပွဲ စိတ်မေးချမ်းသာစွာဖြင ဖြေဆိုနေမှုများအား လိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ သည်။
ထို့နောက် တိုင်းဒေသကြီး ဝန်ကြီးချုပ်၊ တိုင်းမှူးနှင့် တာဝန်ရှိသူများသည် အမှတ် (၂)အခြေခံပညာအထက်တန်းကျောင်း(အလုံ)ရှိ ကျောင်းခန်းမအဆောင်နှင့် အလျား – ၁၄၀ ပေ၊ အနံ – ၃၀ ပေရှိ RCC ၂ ထပ်ကျောင်းဆောင် အဆောက်အဦသစ်များ တည် ဆောက်နေမှုများအား လိုက်လံကြည့်ရှုခဲ့ကြပြီး တည်ဆောက်ရေးလုပ်ငန်းများ စံချိန်စံ ညွှန်းမီအရည်အသွေးကောင်းမွန်စွာဖြင့် သတ်မှတ်ကာလတွင် တည်ဆောက်ပြီးစီးရေးတို့ အား တာဝန်ရှိသူများအား မှာကြားခဲ့ကြသည်။
ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့အား မြို့အင်္ဂါရပ်နှင့်အညီ ဖွံ့ဖြိုးတိုးတက်စေရေးနှင့် ရေစီးရေလာ ကောင်းမွန်စေရန်အတွက် မုံရွာ-ရေဦးကား လမ်းမပေါ်ရှိ အနောက်ဘက်ကန်သာယာကန်မှ အောင်ချမ်းသာရပ်ကွက် မုံရွာဂေါက်ကွင်းအထိ အရှည် -၄၂၀၀ ပေအား အကျယ် ၄ ပေရှိ အုတ်စီရေမြောင်းနှင့် လမ်းဘေးဝဲ/ယာ ကွန်ကရစ်ခင်းခြင်း၊ ကပ်တုံးပြုလုပ်ခြင်းလုပ်ငန်းများ ဆောင်ရွက်နေမှု များအား လိုက်လံကြည့်ရှုကြပြီး လိုအပ်သည်များကို တာဝန် ရှိသူများနှင့် ဖြည့်ဆည်းပေါင်း စပ်ဆောင်ရွက်ပေးခဲ့သည်။
ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာပညာရေး ဒီဂရီကောလိပ်သို့ ရောက်ရှိရာ ကျောင်းအုပ်ဆရာမကြီးနှင့် ဆရာ၊ဆရာမများ၊ ပထမနှစ် ပထမနှစ်ဝက် ကျောင်းသား၊ကျောင်းသူ(၉၉)ဦး၊ ဒုတိယနှစ် ပထမနှစ်ဝက် ကျောင်းသား၊ ကျောင်းသူ(၈၅) တတိယနှစ် ပထမနှစ်ဝက် ကျောင်းသား၊ကျောင်းသူ(၆၅)ဦး၊ စတုတ္ထနှစ် ပထမနှစ်ဝက် ကျောင်းသား၊ကျောင်းသူ (၂၃၉)ဦး၊ စတုတ္ထနှစ် ဒုတိယနှစ်ဝက် ကျောင်းသား ကျောင်းသူ(၃၅၁)ဦး စုစုပေါင်း ကျောင်းသား၊ကျောင်းသူ စုစုပေါင်း(၈၃၉)တို့ဖြင့် အတူတကွ အထူးနေ့လည်စာ သုံးဆောင်ခဲ့ကြပြီး တိုင်းဒေသကြီး ဝန်ကြီးချုပ်က ဂုဏ်ပြုအမှာစကား ပြောကြားခဲ့ကြောင်း သိရသည်။
