ဒီဇင်ဘာ ၂၀

စစ်ကိုင်းတိုင်းဒေသကြီး အလုပ်အကိုင်အခွင့်အလမ်းများ ဖန်တီးပေးရေးလုပ်ငန်းကော်မတီ၏ တန်ဘိုးမြင့်စားသောက်ကုန် ထုတ်လုပ်မှုနည်းပညာသင်တန်း အမှတ်စဉ် (၂/၂၀၂၁) ဖွင့်ပွဲအခမ်းအနားကို ဒီဇင်ဘာလ(၂၀)ရက်၊ နံနက်(၉)နာရီအချိန်တွင် တိုင်းဒေသကြီးအစိုးရအဖွဲ့ရုံးဝန်းအတွင်းရှိ ချင်းတွင်ခန်းမတွင် ကျင်းပရာအခမ်းအနားသို့ တိုင်းဒေသကြီးဝန်ကြီးချုပ် ဦးမြတ်ကျော်၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီး/ ခရိုင်/ မြို့နယ်အဆင့်ဌာနဆိုင်ရာ အကြီးအကဲများ၊ သင်တန်းသား၊ သင်တန်းသူများ၊ ဖိတ်ကြားထားသူများ တက်ရောက်ကြသည်။

ရှေးဦးစွာ စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်က အဖွင့်အမှာစကား ပြောကြားရာတွင် “ စစ်ကိုင်းတိုင်းဒေသကြီး အစိုးရအဖွဲ့အနေဖြင့် မိမိတို့ဒေသနဲ့ စီးပွားရေးလုပ်ငန်းခွင် အခြေအနေများအရ လိုက်လျောညီထွေမှုရှိစေတဲ့ တစ်နည်းအားဖြင့် အခြေအနေပေးမဲ့ လုပ်ငန်းများအတွက် အသက်မွေးမှုနဲ့ ကျွမ်းကျင်မှုသင်တန်းများကို စဉ်ဆက်မပြတ် ဖွင့်လှစ်ပေးသွားရန် စီစဉ်ဆောင်ရွက်လျက် ရှိပါကြောင်း၊ ကလေးအလုပ်သမား ပပျောက်ရေးသည် အလုပ်သမားများ၏ လူမူအခွင့်အရေးများကို ကာကွယ်စောင့်ရှောက်ပေးရသည့် လုပ်ငန်းများဖြစ်ခြင်းကြောင့် အမျိုးသားရေးတာဝန် တစ်ရပ်အနေဖြင့်သက်မှတ်ပြီး သက်ဆိုင်ရာ လုပ်ငန်းကော်မတီများ အနေဖြင့် မဖြစ်မနေ ညှိနိုင်းစီမံ ဆောင်ရွက်ကြရန် လိုအပ်ပါကြောင်း၊  သင်တန်းသူများအဖြင့် သင်တန်းက ပို့ချပေးတဲ့ နည်းပညာရပ်များကို စာတွေ့လက်တွေ့လုပ်ငန်းများ ဆောင်ရွက်ရာမှာ စိတ်ပါ ဝင်စားစွာဖြင့် နာယူမှတ်သားပြီး သင်တန်းကချမှတ်ထားတဲ့ စည်းမျည်းစည်းကမ်းများကိုလည်း အပြည့်အဝလိုက်နာကြပါ၊ အထူးသဖြင့် ရက်တိုကာလ သင်တန်းဖြစ်တဲ့အတွက် သင်တန်းပျက်ရက်မရှိအောင် တက်ရောက်ကြရန် မှာကြားလိုပါကြောင်း ” ပြောကြားခဲ့ သည်။

ယင်းနောက် တိုင်းဒေသကြီး အသေးစားစက်မှုလက်မှု လုပ်ငန်းဦးစီးဌာန၊ တိုင်းဒေသကြီးဦးစီးမှူး ဦးအောင်ဖြိုးက တန်ဘိုးမြင့်စားသောက်ကုန် ထုတ်လုပ်မှုနည်းပညာ သင် တန်းဖွင့်လှစ်ရခြင်းနှင့် ပတ်သက်၍ ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက အခမ်းအနားသို့ တက်ရောက်လာကြသော သင်တန်းသူများအား ရင်းရင်းနှီးနှီးလိုက်လံနုတ်ဆက် အားပေးပြီး သင်တန်းတွင်အသုံးပြုမည့် သင်ထောက်ကူပစ္စည်းများအား လှည့်လည်ကြည့်ရှု အားပေးခဲ့ကြသည်။

အဆိုပါ အလုပ်အကိုင်အခွင့်အလမ်းများ ဖန်တီးပေးရေးလုပ်ငန်းကော်မတီ၏ တန်ဘိုးမြင့်စားသောက်ကုန် ထုတ်လုပ်မှု နည်းပညာသင်တန်း အမှတ်စဉ်(၂/၂၀၂၁)သို့ သင်တန်းသူ (၂၀)ဦး တက်ရောက်သင်ကြားသွားမည်ဖြစ်ပြီး သင်တန်းကာလကို ဒီဇင်ဘာလ (၂၀)ရက်နေ့မှ ဒီဇင်ဘာလ (၂၆)ရက်နေ့အထိ စာတွေ့လက်တွေ့ သင်ကြားပေးသွားမည်ဖြစ်ကြောင်း သတင်း ရရှိသည်။


ဒီဇင်ဘာ ၁၉
စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး၊ သယံဇာတရေးရာဝန်ကြီး ဦးတင်သန်းဝင်း၊ တိုင်းရင်းသားရေးရာဝန်ကြီး ဦးစိုင်းနိုင်နိုင်ကျော်နှင့် တာဝန်ရှိသူများ လိုက်ပါလျက် ဒီဇင်ဘာ လ(၁၉)ရက်၊ နံနက်ပိုင်းတွင် မုံရွာမြို့နယ် ထနောင်းတောကျေးရွာ၊ ဟင်းသီးဟင်းရွက် အထူးဇုန်စိုက်ခင်းသို့ ရောက်ရှိရာ မြို့နယ်စိုက်ပျိုးရေးဦးစီးဌာနမှ မြို့နယ်ဦးစီးမှူးက စားဖိုဆောင်သီးနှံနှင့်ဟင်းသီးဟင်းရွက် (၃၁၈.၀၀)ဧက စိုက်ပျိုးထားရှိမှုနှင့် အောင်ဖြင်ဖြစ်ထွန်းနေမှုများအား ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က စားဖိုဆောင်သီးနှံ၊ ဟင်းသီးဟင်းရွက်များ သန့်ရှင်းလက်ဆက်မှုရှိစေရေး၊ ဈေးကွက်တွင်ဈေးကောင်းရရှိစေရန် တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး အောင်မြင်ဖြစ်ထွန်းလျက်ရှိသော ဟင်းသီးဟင်းရွက်စိုက်ခင်းများအား ကြည့်ရှုစစ်ဆေးခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ကျွဲရဲကျေးရွာ၊ မုံရွာမြို့ပတ်လမ်းဘေးတွင် စိုက်ပျိုးထားသော ဆီထွက်နေကြာစံပြ စိုက်ခင်းနှင့် ကျောက်စစ်ပုံကျေးရွာ၊ ကြက်သွန်နီစံပြစိုက်ခင်းများသို့ သွားရောက်၍ ဒေသခံတောင် သူများနှင့် ရင်းရင်းနှီးနှီးတွေ့ဆုံနုတ်ဆက်ပြီး သီးနှံဈေးကွက်များ တည်ငြိမ်မှုရှိစေရေး၊ စိုက်ပျိုးရေ ပြည့်မီစွာရရှိရေးလုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးပြီး အောင်မြင်ဖြစ်ထွန်းလျက်ရှိသော ဆီထွက်နေကြာစံပြစိုက်ခင်းနှင့် ကြက်သွန်နီစံပြစိုက်ခင်းတို့အား ကြည့်ရှုစစ်ဆေးခဲ့ပြီး တောင်သူများအား နှာခေါင်းစည်း Mark များပေးအပ်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ခံတောကျေးရွာ၊ ဆင်းပဒေသာ(၁၁)မြေပဲသီးနှံ ဘက်စုံပိုးမွှားကာကွယ်နှိမ်နင်းနည်း (IPM) စံပြကွက်သို့ ရောက်ရှိရာ မြို့နယ်စိုက်ပျိုးရေးဦးစီးဌာနမှ မြို့နယ်ဦးစီးမှူးက မုံရွာမြို့နယ်၏ ဆီထွက်သီးနှံ၊ ပဲမျိုးစုံစိုက်ပျိုးထားရှိမှုများအား ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က မုံရွာမြို့နယ်၏ ဆီထွက် သီးနှံ၊ ပဲမျိုးစုံစိုက်ပျိုးထားရှိမှုများနှင့် ပတ်သက်၍ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ ဆင်းပဒေသာ (၁၁)မြေပဲခင်းနှင့် တစ်ရှူးငှက်ပျောစိုက်ခင်းများ အောင်မြင်ဖြစ်ထွန်းနေမှုအား ကြည့်ရှုစစ်ဆေးပြီး ဒေသခံတောင်သူများနှင့် ရင်းရင်းနှီးနှီးတွေ့ဆုံနုတ်ပြီး တောင်သူများအား နှာခေါင်းစည်း Mark များ အသီးသီးပေးအပ်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် တိုင်းဒေသကြီး စိုက်ပျိုးရေးဦးစီးဌာနရုံးဝန်းအတွင်းတွင် ကျင်းပသော ပဲမျိုးစုံသီးနှံပြပွဲသို့ ရောက်ရှိရာ တိုင်းဒေသကြီး စိုက်ပျိုးရေးဦးစီးဌာနမှ ဒုတိယညွှန်ကြားရေးမှူး ဦးအောင်ကြည်ဝင်းက တိုင်းဒေသကြီးအတွင်း ပဲမျိုးစုံသီးနှံစိုက်ပျိုးထားရှိမှုအား လိုက်လံရှင်းလင်းတင်ပြပြီး ပဲမျိုးစေ့များနှင့် ပဲမျိုးစုံသီးနှံဓာတ်မြေသြဇာ ပြခန်းများအား လှည့်လည်ကြည့်ရှု အားပေးခဲ့ကြ သည်။
ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် အဆိုပါရုံး အစည်းအဝေးခန်းမတွင် ကျင်းပသော ပဲမျိုးစုံသီးနှံအထွက်နှုန်းတိုးတက်ရေးနှင့် အရည်အသွေးကောင်းမွန်ရေး ဆွေးနွေးပွဲသို့ တက်ရောက်ရာ တိုင်းဒေသကြီး ဝန်ကြီးချုပ် ဦးမြတ်ကျော်က အဖွင့်အမှာစကား ပြောကြားသည်။

ယင်းနောက် တိုင်းဒေသကြီး စိုက်ပျိုးရေးဦးစီးဌာနမှ ဈေးကွက်သတင်းအချက် အလက်စနစ် (Market Imformation System) တာဝန်ခံ ဒေါက်တာတင်မာမာဦး က ပဲမျိုး စုံသီးနှံများ၏ စိုက်ပျိုးထုတ်လုပ်မှုဆိုင်ရာ အခြေခံအချက်အလက်များအား လည်းကောင်း၊ တိုင်းဒေသကြီးဦးစီးမှူး ဦးဝင်းလိူင်ဦးက ပဲမျိုးစုံသီးနှံ အထွက်နှုန်းကောင်းမွန်ရေးနှင့် အရည် အသွေးကောင်းမွန်ရေး ဆောင်ရွက်မည့်အစီအစဉ်များအား လည်းကောင်း ရှင်းလင်းတင်ပြ ကြပြီး တိုင်းဒေသကြီး စိုက်ပျိုးရေးညှိနှိုင်းမှုကော်မတီ အဖွဲ့ဝင်များက မိမိတို့ဌာနများအလိုက် ပဲမျိုးစုံသီးနှံ အထွက်နှုန်းကောင်းမွန်ရေးနှင့် အရည်အသွေးကောင်းမွန်ရေး ဆောင်ရွက်မည့် လုပ်ငန်းများနှင့် ပတ်သက်၍ အသီးသီး ရှင်းလင်းဆွေးနွေး တင်ပြကြသည်။

ယင်းနောက် မုံရွာခရိုင်/မြို့နယ် စိုက်ပျိုးရေးဦးစီးဌာနမှ ဦးစီးမှူးများက ခရိုင်/ မြို့ နယ်များအတွင်း ပဲမျိုးစုံသီးနှံ စိုက်ပျိုးထားရှိမှုနှင့် ပတ်သက်၍ ရှင်းလင်းတင်ပြပြီး တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက ပဲမျိုးစုံသီးနှံ အထွက်နှုန်းကောင်းမွန်ရေးနှင့် အရည်အသွေးကောင်းမွန်ရေး လုပ်ငန်းများနှင့် ပတ်သက်၍ အကြံပြုဆွေးနွေး တင်ပြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က ပဲမျိုးစုံသီးနှံ အထွက်နှုန်း ကောင်းမွန်ရေးနှင့် အရည်အသွေးကောင်းမွန်ရေး လုပ်ငန်းများနှင့် ပတ်သက်၍ အသီးသီး အကြံပြုဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးပြီး နိဂုံးချုပ်စကား ပြောကြားကာ တောင်သူနည်းပညာပေးဝန်ထမ်းအဖွဲ့အား ဂုဏ်ပြုငွေများချီးမြင့်ပြီး ဆွေးနွေးပွဲအား ရုပ်သိမ်းခဲ့ကြောင်း သတင်းရရှိသည်။

ဒီဇင်ဘာ ၁၇

စစ်ကိုင်းတိုင်းဒေသကြီးဒေသဆိုင်ရာခရီးသွားလုပ်ငန်းကော်မတီ(၃/၂၀၂၁)ကြိမ်မြောက် အစည်းအဝေးကို ဒီဇင်ဘာလ(၁၇)ရက်၊ မွန်းလွဲ(၁)နာရီအချိန်တွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီးအစိုးရအဖွဲ့ဝင် စီးပွားရေးရာဝန်ကြီး ဒေါ်ရီရီသန်း၊ တိုင်းဒေသကြီးဒေသဆိုင်ရာ ခရီးသွားလုပ်ငန်း ကော်မတီဝင်များ၊ ဖိတ်ကြားထားသူများ တက်ရောက်ကြသည်။

ရှေးဦးစွာ စစ်ကိုင်းတိုင်းဒေသကြီးဒေသဆိုင်ရာခရီးသွား လုပ်ငန်းကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က အဖွင့်အမှာစကား ပြောကြားရာတွင် “စစ်ကိုင်းတိုင်းဒေသကြီးမှာ ပြည်တွင်ခရီးသွားများ စိတ်ဝင်စားတဲ့ ထင်ရှားတန်ခိုးကြီးတဲ့ ဘုရားပုထိုးစေတီများရှိတဲ့အပြင် ပြည်တွင်း/ပြည်ပ ခရီးသွားများစိတ်ဝင်စားတဲ့ တောတောင်သဘာဝနဲ့ တိုင်းရင်းသားရိုးရာ ဓလေ့များကို လေ့လာနိုင်တဲ့ ခရီးသွားဇုန်(၆)ဇုန်နှင့် ခရီးစဉ်(၅၄)နေရာ ရှိပါကြောင်း၊ ကျန်းမာရေးဝန်ကြီးဌာနမှ ထုတ်ပြန် ထားသော ကိုဗစ်-၁၉ ကာလကာကွယ်ထိန်းချုပ်၊ စည်းကမ်းချက်များနှင့်အညီ ဟိုတယ်/တည်းခိုရိပ်သာများ ပြန်လည် ဖွင့်လှစ်ထားပြီးဖြစ်ကာ တိုင်းဒေသကြီးအတွင်း ပြည်တွင်းခရီးသွားများဖြင့် ခရီး သွားလုပ်ငန်းပြန်လည် ဖွံ့ဖြိုးလာအောင် ဆောင်ရွက်သွားကြရမှာ ဖြစ်ပါကြောင်း ” ပြော ကြားခဲ့သည်။

ယင်းနောက် တိုင်းဒေသကြီး ဒေသဆိုင်ရာခရီးသွား လုပ်ငန်းကော်မတီ ဒုတိယဥက္ကဌ၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက ဒေသဆိုင်ရာခရီးသွားလုပ်ငန်းဆိုင်ရာများနှင့်ပတ်သက်၍ အမှာစကားပြောကြားပြီး ဟိုတယ်နှင့်ခရီးသွား ညွှန်ကြားမှုဦးစီးဌာနမှ တိုင်းဒေသကြီးဦးစီးမှူး ဦးအောင်သူဦးမှ (၂၈-၁၀-၂၀၂၁)ရက်တွင် ကျင်းပခဲ့သော ခရီးသွားလုပ်ငန်း ကော်မတီ၏ ဆုံးဖြတ်ချက်များ၊ တိုင်းဒေသကြီးအတွင်း ဟိုတယ်/ တည်းခိုရိပ်သာ လုပ်ငန်းလိုင်စင်ပေးထားမှု အခြေအနေများ၊ နိုဝင်ဘာလအတွင်း တိုင်းဒေသကြီးရှိ ဟိုတယ်/တည်းခိုရိပ်သာ၊ စည်ပင်သာယာတည်းခိုခန်းများတွင် ခရီးသွားဝင်ရောက် တည်းခို မှုအခြေအနေများ၊ နိုဝင်ဘာလအတွင်း တိုင်းဒေသကြီးအတွင်းရှိ ထင်ရှားသည့် ခရီးစဉ်များကို ခရီးသွားများလာရောက်လည်ပတ်မှု အခြေအနေများ၊ ဧည့်လမ်းညွှန်လုပ်ငန်းလိုင် စင်သက်တမ်းတိုးတင်ပြခြင်း လုပ်ငန်းများနှင့် ပတ်သက်၍ Power Point ဖြင့် ရှင်းလင်း တင်ပြသည်။

ဆက်လက်၍ အစည်းအဝေးသို့ တက်ရောက်လာသူများမှ စစ်ကိုင်းတိုင်းဒေသကြီးအတွင်း ဒေသဆိုင်ရာခရီးသွား လုပ်ငန်းဆိုင်ရာ ကိစ္စရပ်များနှင့် ပတ်သက်၍ အသီးသီး အကြံပြု ဆွေးနွေးတင်ပြကြသည်။

ထို့နောက် စစ်ကိုင်းတိုင်းဒေသကြီး ဒေသဆိုင်ရာခရီးသွား လုပ်ငန်းကော်မတီ ဥက္ကဌ၊ တိုင်းဒေသကြီးဝန်ကြီးချုပ် ဦးမြတ်ကျော်က ဒေသဆိုင်ရာ ခရီးသွားလုပ်ငန်းဆိုင်ရာကိစ္စရပ်များနှင့် ပတ်သက်၍ အသီးသီး အကြံပြုဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးပြီး နိဂုံးချုပ်စကား ပြော ကြားကာ အစည်းအဝေးကို ရုပ်သိမ်းခဲ့ကြောင်း သတင်းရရှိသည်။  

ဒီဇင်ဘာ ၁၆

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီးအစိုးရအဖွဲ့ဝင် ဝန်ကြီးများနှင့် တာဝန်ရှိသူများ လိုက်ပါလျက် ဒီဇင်ဘာလ(၁၆)ရက်၊ နံနက်ပိုင်းတွင် မုံရွာမြို့၊ မြဝတီရပ်ကွက်ရှိ၊ သီတာရုံကျောင်းတိုက်သို့ ရောက်ရှိရာ ရွှေဥဒေါင်းကျောင်းတိုက်၊ သတိပဌာန်ကျောင်းတိုက်၊ သစ္စာရောင်ခြည်ကျောင်းတိုက်၊ ဇေယျာသုခကျောင်း တိုက်များရှိ ဆရာတော်ကြီးများထံ တာဝန်ရှိသူများနှင့်အတူ လှူဖွယ်ပစ္စည်းများနှင့် ဆွမ်းဆန်စိမ်းများ အသီးသီး ဆက်ကပ်လှူဒါန်းခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် နန္ဒဝန်ရပ်ကွက်ရှိ သုဗောဓာရုံကျောင်းတိုက် တိုက်အုပ်ဆရာတော် ဘဒ္ဒန္တ စန္ဒာဝရထံ လှူဖွယ်ပစ္စည်းနှင့် ကျောင်းထိုင်ဆရာတော်ကြီး တိပိဋကဓရ၊ တိပိဋကကောဝိဒ ဘဒ္ဒန္တ ဝိဇာတာ ဘိဝံသ ဆရာတော်ကြီး ဆေးကုသရန်အလှူငွေကျပ် (၁၀)သိန်းအား ဆက်ကပ်လှူဒါန်းခဲ့သည်။

ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်း စစ်ဌာနချုပ်တိုင်းမှူး ဗိုလ်မှူးချုပ် ဖြိုးသန့်နှင့် တာဝန်ရှိသူများသည် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပသော တိုင်းဒေသကြီး ကိုဗစ်-၁၉ ရောဂါ ကာကွယ်၊ ထိန်းချုပ်၊ ကုသရေး လုပ်ငန်းညှိနှိုင်းအစည်းအဝေး (၄၁/၂၀၂၁)သို့ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အမှာစကား ပြောကြားရာတွင် “ကာကွယ်ဆေးထိုးနှံပေးရာတွင် ကျန်ရှိမှုမရှိအောင် တာဝန်ရှိသူများက အထူးအလေးထားဆောင်ရွက်သွားကြရန် လိုအပ်ပါကြောင်း၊ ဆေးထိုးနှံနိုင်မှုအပေါ် မူတည်၍ ခွဲဝေပေးမှုကို စနစ်တကျဖြင့် အလေးထားဆောင်ရွက်ရန် လိုအပ်ပါကြောင်း၊  ကာကွယ်ဆေးထိုးနှံခြင်းအား အခြေပြု စနစ်အပြင် ရွေ့လျားစနစ်ဖြင့်လည်း ဆောင်ရွက်သွားရမည်ဖြစ်ပါကြောင်း၊ ပြည်သူများကလည်း ရောဂါကူးဆက်မှု မရှိစေရေး အတွက် ကျန်းမာရေးဝန်ကြီးဌာနမှ ထုတ်ပြန်ထားသော ညွှန်ကြားချက်များကို တိကျစွာလိုက်နာ သွားကြရန် လိုအပ်ပါကြောင်း ” ပြောကြားခဲ့သည်။

ယင်းနောက် အနောက်မြောက်တိုင်း စစ်ဌာနချုပ်တိုင်းမှူး ဗိုလ်မှူးချုပ် ဖြိုးသန့်က မိမိတို့အနေဖြင့် ကာကွယ်ဆေး ထိုးနှံရေးလုပ်ငန်းများ၊ လုံခြုံရေးလုပ်ငန်းများနှင့် ပတ်သက်၍ တာဝန်ရှိသူများနှင့် ပေါင်းစပ်၍ ပူးပေါင်းဆောင်ရွက်ပေးသွားမည် ဖြစ်ပါကြောင်း ပြောကြားကာ အစည်းအဝေးသို့ တက်ရောက်လာကြသော တိုင်းဒေသကြီးအစိုးရအဖွဲ့ဝင် ဝန်ကြီးများ၊ တပ်မတော်အရာရှိကြီးများနှင့် တာဝန်ရှိသူများက နေ့စဉ်ရောဂါပိုး စစ်ဆေးတွေ့ရှိမှု၊ ဆေးရုံတက်ရောက် ကုသမှုနှင့်ဆေးရုံဆင်းမှု၊ အောက်ဆီဂျင်ထုတ်လုပ်သုံးစွဲမှု၊ သတ်မှတ် လျာထားချက်ပြည့်မီအောင် ကာကွယ်ဆေးထိုးနှံမှု၊ ကိုဗစ်-၁၉ ရောဂါ ကူးစက်မှုမခံရ စေရေးအတွက် ပညာပေးမှု၊ ကာကွယ်ရေးပစ္စည်းများ ပေးဝေနေမှုများနှင့် လုပ်ဆောင်မှုတိုင်းတွင် လုံခြုံရေး ဂရုပြု ဆောင်ရွက်ရန်လိုအပ်မှု အခြေအနေများနှင့် ပတ်သက်၍ အသီးသီးအကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီးဝန်ကြီးချုပ် ဦးမြတ်ကျော်က အသီးသီးဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ်စကားပြောကြားကာ အစည်းအဝေးကို ရုပ်သိမ်းခဲ့ကြောင်း သတင်းရရှိသည်။

ဒီဇင်ဘာ ၁၅
၂၀၂၁-ခုနှစ်၊ စစ်ကိုင်းတိုင်းဒေသကြီး အားကစားနှင့်ကာယပညာ ဦးစီးဌာနမှ ကြီးမှူး ဖွင့်လှစ်သည့် ဘောလုံးနည်းပြ “ C ” လိုင်စင် သင်တန်းဖွင့်ပွဲ အခမ်းအနားကို ဒီဇင်ဘာလ (၁၅)ရက်၊ နံနက်(၉)နာရီအချိန်တွင် မုံရွာမြို့၊ ပြည်သူအားကစားကွင်းအတွင်းရှိ မိုးလုံလေလုံ အားကစားခန်းမတွင် ကျင်းပရာ ဖွင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီး /ခရိုင်/ မြို့နယ် အဆင့်ဌာနဆိုင်ရာ အကြီးအကဲများ၊ သင်တန်းနည်းပြ ဆရာများနှင့် သင်တန်းသား၊ သင်တန်းသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အဖွင့်အမှာစကား ပြောကြား ရာတွင် “ နိုင်ငံတစ်နိုင်ငံရဲ့ ဘောလုံးအားကစား အဆင့်အတန်းဟာ အဲဒီနိုင်ငံမှာ ကျင်းပနေတဲ့ ဘောလုံးပြိုင်ပွဲများရဲ့ အဆင့်အတန်းရှိမှုအပေါ် မူတည်နေသလို အဆင့်အတန်းရှိသောဘောလုံးပြိုင်ပွဲများ ကျင်းပနိုင်ရန်အတွက်လည်း ဘောလုံးနည်းပြ ဆရာကောင်းများ ရှိရန် အထူးအရေးကြီးပါကြောင်း၊ နိုင်ငံတစ်နိုင်၏ ဘောလုံးအားကစား ဖွံ့ဖြိုးတိုးတက်ရေးလုပ်ငန်းများကို ရေတိုရေရှည်စီမံကိန်းများ ချမှတ်အကောင်အထည်ဖော်ဆောင်ရွက်ရာမှာ အရည်အသွေးမြင့်မားတဲ့ နည်းပြကောင်းတွေ စဉ်ဆက်မပြတ် ပေါ်ထွက်စေရေး စီမံချက်ကိုလည်း မဖြစ်မနေထည့်သွင်းစဉ်းစား လုပ်ဆောင်ရမှာဖြစ်ပါကြောင်း၊ သင်တန်းသား၊ သင်တန်းသူများအနေဖြင့် ဘောလုံအားကစားရဲ့ စည်းမျဉ်းစည်းကမ်း ဥပဒေတွေနဲ့ ကစားကွက်တွေကို သဘောပေါက်နားလည်သွားရမှာဖြစ်ပါကြောင်း၊ ဒီသင်တန်းကရရှိခဲ့တဲ့ အသိပညာဗဟုသုတတွေနဲ့ နည်းပညာတွေကို သင်တန်းမှာမထားခဲ့ဘဲ လက်တွေ့နယ်ပယ်ထဲအထိ အသုံးချနိုင်ဖို့ အမြဲတမ်းလေ့ကျင့် လှုပ်ရှားသင်ယူနေကြဖို့ တိုက်တွန်းလိုပါကြောင်း “ ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က သင်တန်းနည်းပြဆရာများအား ဂုဏ်ပြုလက်ဆောင်နှင့် ဂုဏ်ပြုငွေများ ပေးအပ်ချီးမြင့်ပြီး သင်တန်းသား၊ သင်တန်းသူများအား ရင်းရင်းနှီးနှီး လိုက်လံနှုတ်ဆက်အားပေးကာ ဖွင့်ပွဲအခမ်းအနားကို ရုပ်သိမ်းခဲ့ကြသည်။

အဆိုပါ ၂၀၂၁-ခုနှစ်၊ စစ်ကိုင်းတိုင်းဒေသကြီး အားကစားနှင့်ကာယပညာ ဦးစီးဌာနမှ ကြီးမှူးဖွင့်လှစ်သည့် ဘောလုံးနည်းပြ “ C ” လိုင်စင် သင်တန်းကို ဒီဇင်ဘာလ(၁၅)ရက် နေ့မှ ဒီဇင်ဘာလ (၂၀)ရက်နေ့အထိ (၆)ရက်ကြာ သင်ကြားသွားမည်ဖြစ်ပြီး သင်တန်းသို့ တိုင်းဒေသကြီးအတွင်းရှိ မြို့နယ်များမှ သင်တန်းသား၊သင်တန်းသူ (၃၃)ဦး တက်ရောက် သင်ကြားသွားမည်ဖြစ်ကြောင်း သတင်းရရှိသည်။

ဒီဇင်ဘာ ၁၁
စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် အနောက်မြောက်တိုင်း စစ်ဌာနချုပ်တိုင်းမှူး ဗိုလ်မှူးချုပ် ဖြိုးသန့်၊ တိုင်းဒေသကြီး အစိုးရအဖွဲ့ဝင် ဝန်ကြီးများနှင့် တာဝန်ရှိသူများ လိုက်ပါလျှက် ဒီဇင်ဘာလ(၁၀)ရက်၊ နံနက်ပိုင်းတွင် မုံရွာမြို့၊ နန္ဒဝန်ရပ် ကွက်ရှိ၊ ဗြဟ္မဝိဟာရကျောင်းတိုက်သို့ ရောက်ရှိရာ မဟာမတောင့်ကျောင်းတိုက်၊ ပညာတော်ကျောင်းတိုက်၊ မဟာကင်းစမ်းကျောင်းတိုက်၊ မဟာဓမ္မရံသီကျောင်းတိုက်များရှိ ဆရာတော်ကြီးများထံ တာဝန်ရှိသူများနှင့်အတူ လှူဖွယ်ပစ္စည်းများနှင့် ဆွမ်းဆန်စိမ်းများ အသီးသီး ဆက်ကပ်လှူဒါန်းခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်း စစ်ဌာနချုပ်တိုင်းမှူး ဗိုလ်မှူးချုပ် ဖြိုးသန့်နှင့် တာဝန်ရှိသူများသည် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပသော တိုင်းဒေသကြီး ကိုဗစ်-၁၉ ရောဂါ ကာကွယ်၊ ထိန်းချုပ်၊ ကုသရေးလုပ်ငန်းညှိနိုင်း အစည်းအဝေး (၄၀/၂၀၂၁)သို့ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အမှာစကား ပြောကြားရာတွင် “ စစ်ကိုင်းတိုင်းဒေသကြီးအတွင်းရှိ မြို့နယ်များတွင် ကာကွယ်ဆေးထိုးနှံခြင်း လုပ်ငန်းများ အား ၅၀% ပြီးစီးရေး အလေးထား ဆောင်ရွက်လျက်ရှိပါကြောင်း၊ မြို့ဝင်မြို့ထွက် စစ်ဆေးရေးဂိတ်များတွင် ကာကွယ်ဆေးမထိုးနှံရသေးသည့် ခရီးသွားပြည်သူများအား ကာကွယ် ဆေးများထိုးနှံခဲ့ခြင်းသည် များစွာတိုးတက်လာပါကြောင်းနှင့် ကာကွယ်ဆေးထိုးနှံခြင်းအား ရွေ့လျားစစ်နစ်ဖြင့်လည်း ဆောင်ရွက်သွားရမည်ဖြစ်ပါကြောင်း၊ အသက်-၁၂ နှစ်အထက် ကျောင်းသား၊ကျောင်းသူများအား ကာကွယ်ဆေးထိုးနှံပေးရာတွင် စာရင်းများကျန်ရှိမှု မရှိ အောင် တာဝန်ရှိသူများက အထူးအလေးထား ဆောင်ရွက်သွားကြရန် လိုအပ်ပါကြောင်း၊ တိုင်းဒေသကြီးအတွင်းရှိ မြို့နယ် ကိုဗစ်-၁၉ ရောဂါ ကာကွယ်၊ထိန်းချုပ်ရေးနှင့် အရေးပေါ် တုံ့ပြန်ရေးကော်မတီများအနေဖြင့်လည်း ကိုဗစ်-၁၉ ရောဂါသည် ပြီးပြတ်ဦးမည် မဟုတ်သည့်အပြင် အိုမီခရွန်ဗိုင်းရပ်စ် မျိုးကွဲအသစ်အတွက်လည်း ကြိုတင်ပြင်ဆင် စီမံဆောင် ရွက်ထားရှိရမည်ဖြစ်ပါကြောင်း ” ပြောကြားခဲ့သည်။

ယင်းနောက် အနောက်မြောက်တိုင်း စစ်ဌာနချုပ်တိုင်းမှူး ဗိုလ်မှူးချုပ် ဖြိုးသန့်က မိမိတို့အနေဖြင့် ကာကွယ်ဆေးထိုးနှံရေးလုပ်ငန်းများ၊ လုံခြုံရေးလုပ်ငန်းများနှင့် ပတ်သက်၍ တာဝန်ရှိသူများနှင့် ပေါင်းစပ်၍ ပူးပေါင်းဆောင်ရွက်ပေးသွားမည် ဖြစ်ပါကြောင်း ပြောကြားကာ အစည်းအဝေးသို့ တက်ရောက်လာကြသော တိုင်းဒေသကြီးအစိုးရအဖွဲ့ဝင် ဝန်ကြီးများ၊ တပ်မတော်အရာရှိကြီးများနှင့် တာဝန်ရှိသူများက နေ့စဉ်ရောဂါပိုး စစ်ဆေးတွေ့ရှိမှု အခြေအနေများ၊ ဆေးရုံတက်ရောက်ကုသမှုနှင့် ဆေးရုံဆင်းမှုအခြေအနေများ၊ အောက်ဆီ ဂျင်ထုတ်လုပ်သုံးစွဲမှု အခြေအနေများ၊ နယ်မြေလုံခြုံရေး ဆောင်ရွက်နေမှု အခြေအနေ များနှင့် အသက်-၁၂ နှစ်အထက် ကျောင်းသား၊ ကျောင်းသူများ ကာကွယ်ဆေးထိုးနှံရေး သက်ဆိုင်ရာကျောင်းများ အခြေပြု၍ ဆေးထိုးနှံရေး ပြင်ဆင်ဆောင်ရွက်နေမှု လုပ်ငန်းများနှင့် သက်မှတ်လျာထားချက် ပြည့်မီရေးအတွက် ကာကွယ်ဆေးထိုးနှံမည့် အစီအမံများနှင့် ပတ်သက်၍ အသီးသီးအကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က အသီးသီးဆွေးနွေး တင်ပြ ချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက် ပေးပြီး နိဂုံးချုပ်စကားပြောကြားကာ အစည်းအဝေးကို ရုပ်သိမ်းခဲ့ကြောင်း သတင်းရရှိသည်။

 

သတင်း အချက်အလက်