မုံရွာ မတ် ၃၀
စစ်ကိုင်းတိုင်းဒေသကြီးအတွင်းရှိ စေတနာ့ဝန်ထမ်းများအား ဂုဏ်ပြုမှတ်တမ်းလွှာပေးအပ်ခြင်း အခမ်းအနားကို မတ်လ(၂၉)ရက်၊ မွန်းလွဲ(၁)နာရီအချိန်တွင် တိုင်းဒေသကြီးအစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ် ဦးဇော်ထူးနှင့် အစိုးရအဖွဲ့ဝင်ဝန်ကြီးများ၊ တိုင်းဒေသကြီး ဥပဒေချုပ် ဒေါ်လှလှဝင်း၊ တိုင်းဒေသကြီးအဆင့် ဌာနဆိုင်ရာများ၊ လူမူရေးအသင်းအဖွဲ့ဝင်များ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်း ကိုဗစ်-၁၉ ကူးစက်ရောဂါ ကာကွယ်ထိန်းချုပ်ရေးအတွက် စွမ်းစွမ်းတမံ ကူညီဆောင်ရွက်ပေးနေကြတဲ့ စေတနာ့ဝန်ထမ်းများရဲ့ စွမ်းဆောင်မှုဟာ လေးစားစရာကောင်းတဲ့ စွမ်းဆောင်မှုတွေပဲ ဖြစ်ပါကြောင်း၊ နိုင်ငံအတွက် ဂုဏ်ယူစရာကောင်းသလို စစ်ကိုင်းတိုင်းဒေသကြီးအတွက် ဆောင်ရွက် ပေးနေကြတဲ့အတွက်လည်း ကျေးဇူးတင်ရှိပါကြောင်း၊ တိုင်းဒေသကြီးအတွင်းရှိ စေတနာ့ဝန်ထမ်းများကို ကိုဗစ်-၁၉ ကာကွယ်တိုက်ဖျက်ရေးလုပ်ငန်းများမှာ စွမ်းဆောင်ပေးကြတာကို နိုင်ငံတော်က အသိအမှတ်ပြုတဲ့အနေနဲ့ ဂုဏ်ပြုမှတ်တမ်းလွှာများကို ပေးအပ်ခြင်းဖြစ်ပါကြောင်း၊ စေတနာ့ဝန်ထမ်း၊ ပရဟိတအဖွဲ့အစည်း၊ Volunteer များ ခရီးသွားလာရေးလွယ်ကူစေရန် Volunteer Name Card များကို ထုတ်ပေးထားပါကြောင်း၊ နိုင်ငံတော်အနေနှင့်လည်း စေတနာ့ဝန်ထမ်းများ၏ “ကိုယ်ကျိုးမဖတ် တိုင်းပြည်အတွက်”ဆိုတဲ့ စိတ်ဓာတ်ကို အရင်းခံကာ ကြိုးစားမှုကို အသိအမှတ်ပြုတဲ့အတွက် စက်သုံးဆီ၊ ကျန်းမာရေး အထောက်အကူပြုပစ္စည်းများနှင့် စားစရိတ်များကို ပံ့ပိုးပေးခဲ့ပါကြောင်း၊ စေတနာ့ဝန်ထမ်းများကလည်း တစ်နိုင်ငံလုံးကျန်းမာပြီး ရောဂါအပြင်းအထန်ဖြစ်ပွားမှုကို လျော့နည်းစေမည့် နည်းလမ်းဖြစ်တဲ့ ကာကွယ်ဆေးထိုးနှံပေးမည့် စုရပ်များမှာ ပိုမိုပါဝင်ကူညီ အားဖြည့်ပေးကြရန် လိုအပ်ပါကြောင်း ပြောကြားခဲ့သည်။

ဆက်လက်၍ တိုင်းဒေသကြီး လူမူဝန်ထမ်းဦးစီးဌာနမှ ညွှန်ကြားရေးမှူး ဒေါ်သန္တာထွေးက စေတနာ့ဝန်ထမ်းများနှင့် ပတ်သက်၍ ဆောင်ရွက်ပေးခဲ့မှုများကို Power Point ဖြင့် ရှင်းလင်း တင်ပြသည်။ ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က မုံရွာခရိုင် စေတနာ့ဝန်ထမ်းများကိုယ်စား ကိုယ်စားလှယ်တစ်ဦးထံ ဂုဏ်ပြုမှတ်တမ်းလွှာများ ပေးအပ်ပြီး တိုင်းဒေသကြီး တရားသူကြီးချုပ် ဦးဇော်ထူးက ရွှေဘိုခရိုင်နှင့်ကန့်ဘလူခရိုင် စေတနာ့ဝန်ထမ်းများကိုယ်စား ကိုယ်စားလှယ်တစ်ဦးထံ ဂုဏ်ပြုမှတ်တမ်းလွှာများအား လည်းကောင်း၊ တိုင်းဒေသကြီး စီးပွား ရေးရာဝန်ကြီး ဒေါ်ရီရီသန်းက ယင်းမာပင်ခရိုင် စေတနာ့ဝန်ထမ်းများကိုယ်စား ကိုယ်စားလှယ်တစ်ဦးထံ ဂုဏ်ပြုမှတ်တမ်းလွှာများအား လည်းကောင်း အသီးသီးပေးအပ်ကြသည်။

ထို့နောက် တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်းက စစ်ကိုင်းခရိုင် စေတနာ့ဝန်ထမ်းများကိုယ်စား ကိုယ်စားလှယ်တစ်ဦးထံ ဂုဏ်ပြုမှတ်တမ်းလွှာများအား လည်းကောင်း၊တိုင်းဒေသကြီး လူမူရေးရာဝန်ကြီး ဦးအေးလိူင်က ကလေးခရိုင်နှင့် တမူးခရိုင် စေတနာ့ဝန်ထမ်းများကိုယ်စား ကိုယ်စားလှယ်တစ်ဦးထံ ဂုဏ်ပြုမှတ်တမ်းလွှာများအား လည်း ကောင်း၊ တိုင်းဒေသကြီး ဥပဒေချုပ် ဒေါ်လှလှဝင်းက ကသာခရိုင်၊ ကောလင်းခရိုင် စေတနာ့ဝန်ထမ်းများကိုယ်စား ကိုယ်စားလှယ်တစ်ဦးထံ ဂုဏ်ပြုမှတ်တမ်းလွှာများအား လည်းကောင်း၊ တိုင်းဒေသကြီး လူမူဝန်ထမ်းဦးစီးဌာနမှ ညွှန်ကြားရေးမှူးက မော်လိုက်ခရိုင်ခရိုင်၊ ခန္တီးခရိုင်၊ နာဂကိုယ်ပိုင်အုပ်ချုပ်ခွင့်ရဒေသ စေတနာ့ဝန်ထမ်းများကိုယ်စား ကိုယ်စားလှယ်တစ်ဦးထံ ဂုဏ်ပြုမှတ်တမ်းလွှာများ အသီးသီး ပေးအပ်ကြသည်။

ဆက်လက်ပြီး တိုင်းဒေသကြီးအတွင်းရှိ စေတနာ့ဝန်ထမ်းများကိုယ်စား မုံရွာမြို့၊ ဂရုဏာမြင်းမိုရ် လူမူကူညီရေးအသင်းမှ ကိုယ်စားလှယ်တစ်ဦးက ကျေးဇူးတင်စကား ပြန်လည် ပြောကြားကာ အခမ်းအနားကို ရုပ်သိမ်းခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက အခမ်းအနားသို့ တက်ရောက်လာကြသော စေတနာ့ဝန်ထမ်း၊ လူမူရေးအသင်းအဖွဲ့ အစည်းများနှင့် Volunteer များအား ရင်းရင်းနှီးနှီး လိုက်လံနှုတ်ဆက်အားပေးခဲ့ကြောင်း သတင်းရရှိသည်။ 

မုံရွာ မတ် ၂၉
စစ်ကိုင်းတိုင်းဒေသကြီး၊ မြန်မာသက္ကရာဇ် ၁၃၈၃-ခုနှစ်၊ ၂၀၂၂-ခုနှစ်၊ မြန်မာ့ရိုးရာ ယဉ်ကျေးမှု မဟာသင်္ကြန်ပွဲတော် အောင်မြင်စွာကျင်းပနိုင်ရေး (ဒုတိယအကြိမ်) လုပ်ငန်းညှိနှိုင်း အစည်းအဝေးကို မတ်လ(၂၈)ရက်၊ မွန်းလွဲ(၁)နာရီအချိန်တွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းဒေသကြီးဥပဒေချုပ် ဒေါ်လှလှဝင်း၊ တိုင်းဒေသကြီးအစိုးရအဖွဲ့ အတွင်းရေးမှူး ဦးခင်မောင်ဆန်း၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင်/မြို့နယ်စီမံအုပ်ချုပ်ရေးအဖွဲ့ ဥက္ကဌများ၊ မြို့မိ၊မြို့ဖများနှင့် လုပ်ငန်းရှင်များ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က စစ်ကိုင်းတိုင်းဒေသကြီး မြန်မာ့ ရိုးရာယဉ်ကျေးမှု မဟာသင်္ကြန်ပွဲတော်အား စည်စည်ကားကား ကျင်းပနိုင်ရေးအတွက် တာဝန်ရှိသူများက အလေးအနက်ထားကာ ပြင်ဆင်ဆောင်ရွက်ကြစေလိုပါကြောင်း၊ ၂၀၂၀နှင့်၂၀၂၁ ခုနှစ်တို့တွင် မဟာသင်္ကြန်ပွဲတော် မကျင်းပနိုင်ခဲ့ခြင်းနှင့် ကိုဗစ်-၁၉ ကူးစက်ရောဂါကြောင့် သွားလာနေထိုင်မှု ဆင်ခြင်ခဲ့ရသည့် ပြည်သူများ၏ မွန်းကြပ်မှုများပြေပျောက်ပြီး စိတ်ပျော်ရွှင် အောင် ဆောင်ရွက်ရမည် ဖြစ်ပါကြောင်း၊  တာဝန်ရှိသူများအနေဖြင့် ကော်မတီများဖွဲ့စည်းကာ ပူးပေါင်းဆောင်ရွက်ရမည်ဖြစ်ပါကြောင်း၊ မြန်မာ့ရိုးရာယဉ်ကျေးမှု မဟာသင်္ကြန်ပွဲတော်ကို ရိုးရာယဉ်ကျေးမှု အစဉ်အလာနှင့်အညီ စည်းကားသိုက်မြိုက်စွာ ကျင်းပနိုင်ရေး တာဝန်ရှိသူများက ဝိုင်းဝန်းပူးပေါင်း ဆောင်ရွက်ကြရန် လိုအပ်ပါကြောင်း၊ လုပ်ငန်းများဆောင်ရွက်ရာတွင် ကျန်းမာရေးနှင့် လုံခြုံရေးအသိ၊သတိတို့ဖြင့် ဆောင်ရွက်သွားရမည်ဖြစ်ပါကြောင်း၊ မိမိတို့ တိုင်းဒေသ ကြီးအစိုးရအဖွဲ့ အနေဖြင့်လည်း လုပ်ငန်းများဆောင်ရွက်ရာတွင် လိုအပ်သည်များကို ဖြည့်ဆည်း ပေါင်းစပ်ဆောင်ရွက်ပေးသွားမည်ဖြစ်ပါကြောင်း ပြောကြားခဲ့သည်။

ဆက်လက်၍ မြန်မာ့ရိုးရာယဉ်ကျေးမှု မဟာသင်္ကြန်ပွဲတော် အောင်မြင်စွာ ကျင်းပနိုင်ရေးအတွက် မဏ္ဍပ်တာဝန်ခံများက ဖျော်ဖြေရေးအကမဏ္ဍပ်၊ ရေကစားမဏ္ဍပ်များ ဆောက်လုပ်မည့်အခြေအနေများနှင့် လုပ်ငန်းကော်မတီများအလိုက် တာဝန်ခွဲဝေချထားမှု၊ စတုဒီသာမဏ္ဍပ်များ ဆောက်လုပ်မည့် အခြေအနေများအား ရှင်းလင်းတင်ပြပြီး လုပ်ငန်းရှင်များက မြန်မာ့ရိုးရာ ယဉ်ကျေးမှု မဟာသင်္ကြန်ပွဲတော် စည်ကားသိုက်မြိုက်စွာ ကျင်းပနိုင်ရေးအတွက် မိမိတို့အနေဖြင့် ပူးပေါင်းဆောင်ရွက်သွားမည့် လုပ်ငန်းများအား ရှင်းလင်းတင်ပြကြသည်။

ဆက်လက်၍ တိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းဒေသကြီးအဆင့်ဌာနဆိုင်ရာများက မြန်မာ့ရိုးရာ ယဉ်ကျေးမှုမဟာသင်္ကြန်ပွဲတော် ကျင်းပနိုင်ရေးအတွက် လိုအပ်သည်များကို ဆွေးနွေးတင်ပြကြကာ အစည်းအဝေးသို့ တက်ရောက်လာသူများက အထွေထွဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က မြန်မာ့ရိုးရာယဉ်ကျေးမှု မဟာသင်္ကြန်ပွဲတော် ကျင်းပနိုင်ရေးအတွက် အသီးသီးဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ နိဂုံးချုပ်စကား ပြောကြားပြီး အစည်းအဝေးကို ရုပ်သိမ်းခဲ့ကြောင်း သတင်းရရှိသည်။

မတ် ၂၈
စစ်ကိုင်းတိုင်းဒေသကြီး အစိုးရအဖွဲ့၏ ကြီးကြပ်မှုဖြင့် လူငယ်များဘက်စုံဖွံ့ဖြိုးတိုးတက်ရေးအသိပညာပေး ဟောပြောပွဲနှင့် နွေရာသီသင်တန်းများ ဖွင့်ပွဲအခမ်းအနားကို မတ်လ (၂၈)ရက်၊ နံနက်ပိုင်းတွင် မုံရွာမြို့၊ အလုံတပ်မြို့အမှတ်(၂)အခြေခံပညာ အထက်တန်းကျောင်း ခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက် မြောက်တိုင်းစစ်ဌာနချုပ်တိုင်းမှူး ဗိုလ်မှူးချုပ် သန်းထိုက်၊ တိုင်းဒေသကြီး တရားသူကြီးချုပ်နှင့် အစိုးရအဖွဲ့ဝင်များ၊ တပ်မတော်အရာရှိကြီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် ဝန်ထမ်းများ၊ ဆရာ/ဆရာမများ၊ ကျောင်းသား၊ ကျောင်းသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိဘနှင့်ဆရာများက သားသမီး တပည့်များကို ဗလငါးတန်နှင့်ပြည့်စုံပြီး တိုင်းပြည်ကအားထားရသော လူတော်လူကောင်းများ စိတ်ရင်းစိတ်ထားကောင်းကောင်းဖြင့် အများအကျိုးသယ်ပိုးလိုသော စိတ်ကောင်းစေတနာ ကောင်းရှိသူများ ဖြစ်စေချင်ကြပါကြောင်း၊ ကျောင်းသား ကျောင်းသူများသည် ကာယ၊ဉာဏ၊ စာရိတ္တ ဘက်စုံဖွံ့ဖြိုးတိုးတက်ခြင်းနှင့် မျိုးချစ်စိတ်ဓာတ်ရှင်သန်ထက်မြတ်ပြီး ယဉ်ကျေးလိမ္မာသော သားငယ်သမီးငယ်များဖြစ်လာစေရန် အခြေခံပညာကျောင်းများသည် အဓိကတာဝန်ဖြစ်ပါကြောင်း၊ အခြေခံပညာကျောင်းများမှ ဆရာ၊ဆရာမများသည် ယခုလိုနွေရာသီကျောင်းပိတ်ရက် ကာလများကို ကျောင်းသား၊ကျောင်းသူများအတွက် အချိန်ကိုအကျိုးရှိစွာအသုံးပြု၍ ဟောပြောပွဲနှင့် သင်တန်းများဖွင့်လှစ်ပို့ချပေးခြင်းဖြင့် နိုင်ငံတော်ကအားကိုးအားထားရသော နိုင်ငံသားကောင်းများစွာ ပေါ်ထွန်းလာမည်ဟု ယုံကြည်ပါကြောင်း၊ ကျောင်းသားကျောင်းသူများ အနေဖြင့်လည်း ကျောင်းပိတ်ရက်အချိန်ကို အကျိုးရှိစွာဖြင့်အသုံးချ၍ မိမိတို့အလိုရှိသော ပညာရပ်များကို စိတ်ပါဝင်စားစွာ လေ့လာသွားကြရန် လိုအပ်ပါကြောင်း ပြောကြားခဲ့သည်။ 

ယင်းနောက် တိုင်းဒေသကြီး ပညာရေးဦးစီးမှူး ဦးတိုးဝင်းက ဟောပြောပွဲနှင့် သင်တန်း များဖွင့်လှစ်ရခြင်းနှင့် ပတ်သက်၍ ရှင်းလင်းပြောကြားပြီး ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊တိုင်းဒေသကြီး ညွှန်ကြားရေးမှူး ဒေါ်ခင်စောလင်းက လူငယ်များစာရိတ္တမြင့်မားရေး နှင့် မျိုးချစ်စိတ်ဓာတ် အကြောင်းအရာများအား ဟောပြောခဲ့ကြသည်။ 

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်က သင်တန်းသား၊ သင်တန်းသူများအတွက် ငွေကျပ်(၅)သိန်းအားပေးအပ်ခဲ့ရာ အလုံတပ်မြီု့ အမှတ်(၂) အခြေခံပညာ အထက်တန်းကျောင်း၊ ကျောင်းအုပ်ကြီးက လက်ခံရယူပြီး အနောက်မြောက်တိုင်း စစ်ဌာနချုပ် တိုင်းမှူးဗိုလ်မှူးချုပ် သန်းထိုက်က အားကစားပစ္စည်းများ ထောက်ပံ့ပေးအပ်ရာ ဆရာမ တစ်ဦးက လက်ခံရယူခဲ့ပြီး အခမ်းအနားကို ရုပ်သိမ်းခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်၊ တိုင်းမှူးနှင့် တာဝန်ရှိသူများသည် ပြန်ကြားရေး နှင့် ပြည်သူ့ဆက်ဆံရေးဦးစီးဌာနမှ ခင်းကျင်းပြသထားသာ နံရံကပ်ဓာတ်ပုံများနှင့် စာအုပ်၊ စာစောင်များအား လိုက်လံကြည့်ရှုအားပေးပြီး အလုံအမှတ်(၂) အခြေခံပညာအထက်တန်း ကျောင်းရှိ ကျောင်းသား၊ ကျောင်းသူများ ကွန်ပျူတာအခြေခံ၊ ဗုဒ္ဓဘာသာယဉ်ကျေးမှုနှင့် အင်္ဂလိပ်စကားပြောအခြေခံ သင်ကြားနေမှုများအား ကြည့်ရှုအားပေးကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သတင်းရရှိသည်။ 

မတ် ၂၄
စစ်ကိုင်းတိုင်းဒေသကြီးအစိုးရအဖွဲ့ ကိုဗစ်-၁၉ ရောဂါ ကာကွယ်ဆေးထိုးနှံမှု၊ ပန်းခင်းစီမံချက် အကောင်အထည်ဖော်ဆောင်ရွက်မှု၊ အခွန်ငွေကောက်ခံရရှိမှုနှင့် Mini Budgetတွင် တင်ဒါခေါ်ယူ ဆောင်ရွက်ခဲ့သည့် လုပ်ငန်းများအကောင်အထည်ဖော်ဆောင်ရွက်ပြီးစီးမှု လုပ်ငန်းညှိနှိုင်းအစည်းအဝေးကို မတ်လ(၂၄)ရက်နေ့နံနက်(၉)နာရီအချိန်တွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင်ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်း စစ်ဌာနချုပ်တိုင်းမှူး ဗိုလ်မှူးချုပ် သန်းထိုက်၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီး ဥပဒေချုပ်၊ တိုင်းဒေသကြီးအဆင့် ဌာနဆိုင်ရာ များ၊ မုံရွာခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဌများနှင့် တိုင်းဒေသကြီးအတွင်းရှိ ကလေး ခရိုင်၊ စစ်ကိုင်းခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဌများမှ Video Conferencing စနစ် ဖြင့် တက်ရောက်ကြသည်။
ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်းရှိ ဌာနဆိုင်ရာများ၊ ခရိုင်အုပ်ချုပ်ရေးမှူးများအနေနဲ့ မိမိတို့ဆောင်ရွက်နေတဲ့ လုပ်ငန်းများနှင့်ပတ်သက်ပြီး ဆောင်ရွက်ပြီးစီးမှုအခြေအနေ၊ ကျန်ရှိနေတဲ့ လုပ်ငန်းများအပေါ် ဆက်လက်ဆောင်ရွက်မဲ့ အခြေအနေများကို ပွင်းလင်းမြင်သာစွာနဲ့ ဆွေးနွေးတင်ပြကြရန် မှာကြားလိုပါကြောင်း၊ ကိုဗစ်-၁၉ ရောဂါ ကာကွယ်ဆေးထိုးနှံရေး လုပ်ငန်းများကိုလည်း တာဝန်ရှိများအနေနဲ့ သက်မှတ်ကာလအတွင်း သက်မှတ်ချက်ပြည့်မီအောင် ကြိုးစားဆောင်ရွက် ကြရန်လိုအပ်ပါ ကြောင်း၊ ပန်းခင်းစီမံချက် အကောင်အထည်ဖော် ဆောင်ရွက်ရာတွင် ၇၅% ဆောင်ရွက်ပြီးစီး ခဲ့ပြီး သက်မှတ်ကာလတွင် ရာနှုန်းပြည့်အမြန်ပြီးစီးအောင် ဆောင်ရွက်သွားကြရန် လိုအပ်ပါ ကြောင်း၊ အခွန်ကောက်ခံမှုအနေနဲ့ ပတ်သက်လို့ တိုင်းဒေသကြီးအတွင်း အခွန်ကောက်ခံတဲ့ဌာနကြီးများအနေဖြင့် ၂၀၂၁-၂၀၂၂ ခုနှစ်၊ ၆လဘတ်ဂျက်ကာလအတွင်း သက်မှတ်ချက်ပြည့်မီအောင်ကောက်ခံနိုင်ရေး ကြိုးစားဆောင်ရွက်ခဲ့သော်လည်း အခြေအနေအရပ်ရပ်အရ ကောက်ခံရန်ကျန်အခွန်တို့အား ထပ်မံကောက်ခံရန် လိုအပ်ပါကြောင်း၊ ၂၀၂၁-၂၀၂၂ ခုနှစ်၊ ၆ လ ဘက်ဂျက် ကာလအတွင်း တင်ဒါလုပ်ငန်းများကို သက်မှတ်ကာလအတွင်း စံချိန်စံညွှန်းမီအရည်အသွေးကောင်းမွန်စွာဖြင့် အချိန်မီပြီးပြတ်အောင်ဆောင်ရွက်နိုင်ခဲ့သော်လည်း အချို့လုပ်ငန်းများ အပြီးသတ်ရန်ကျန်ရှိပါက အချိန်နှင့်တစ်ပြေးညီ တိုင်းဒေသကြီးအစိုးရအဖွဲ့သို့ တင်ပြကြရန် လိုအပ်ပါကြောင်း ပြောကြားခဲ့သည်။
ယင်းနောက် တိုင်းဒေသကြီးအဆင့် ဌာနဆိုင်ရာအကြီးအကဲများက ကိုဗစ်-၁၉ ရောဂါ ကာကွယ်ဆေးထိုးနှံမှု၊ ပန်းခင်းစီမံချက်ဆောင်ရွက်နေမှုများနှင့် မိမိတို့ဌာနများအလိုက် အခွန်ကောက်ခံရရှိမှု အခြေအနေများ၊ တင်ဒါလုပ်ငန်းများ ဆောင်ရွက်ပြီးစီးမှု အခြေအနေများနှင့် ပတ်သက်၍ အသီးသီးရှင်းလင်း တင်ပြကြသည်။
ဆက်လက်ပြီး တိုင်းဒေသကြီးအတွင်းရှိ ကလေးခရိုင်၊ စစ်ကိုင်းခရိုင်၊ ရွှေဘိုခရိုင်များမှ စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့် လည်းကောင်း၊ မုံရွာခရိုင် စီမံအုပ်ချုပ်ရေးအဖွဲ့မှ ဒုတိယညွှန်ကြားရေးမှူးတို့က မိမိတို့ ခရိုင်များအတွင်းရှိ မြို့နယ်များ၏ ကိုဗစ်-၁၉ ရောဂါ ကာကွယ်ဆေးထိုးနှံမှု အခြေအနေများ၊ ပန်းခင်းစီမံချက် အကောင်အထည် ဖော်ဆောင်ရွက်နေမှုများ၊ အခွန်ကောက်ခံရရှိမှုနှင့် တင်ဒါလုပ်ငန်း ဆောင်ရွက်မှုအခြေအနေ များနှင့် ပတ်သက်၍ အသီးသီးရှင်းလင်း တင်ပြကြသည်။
ယင်းနောက် တိုင်းဒေသကြီး အစိုးရအဖွဲ့ဝင် ဝန်ကြီးများနှင့် အနောက်မြောက်တိုင်း စစ်ဌာနချုပ်တိုင်းမှူး ဗိုလ်မှူးချုပ်သန်းထိုက်တို့က လုပ်ငန်းများနှင့် ပတ်သက်၍ အသီးသီး တင်ပြချက်များအပေါ် ဖြည့်စွက်အကြံပြု ဆွေးနွေးတင်ပြကြသည်။
ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က ကိုဗစ်-၁၉ ရောဂါ ကာကွယ် ဆေးထိုးနှံမှု အခြေအနေများ၊ ပန်းခင်းစီမံချက်အကောင်အထည်ဖော်ဆောင်ရွက်နေမှုများ၊ အခွန်ကောက်ခံရရှိမှုနှင့် တင်ဒါလုပ်ငန်းဆောင်ရွက်မှုအခြေအနေများနှင့် ပတ်သက်၍ အသီးသီးအကြံပြုဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားပြီး အစည်းအဝေးကို ရုပ်သိမ်းခဲ့ကြောင်း သတင်းရရှိသည်။

မတ် ၂၁
စစ်ကိုင်းတိုင်းဒေသကြီးအစိုးရအဖွဲ့ လုံခြုံတည်ငြိမ်အေးချမ်းရေးနှင့် တရားဥပဒေစိုးမိုးရေးလုပ်ငန်းညှိနိုင်း အစည်းအဝေး အမှတ်စဉ်(၂/၂၀၂၂)ကို မတ်လ(၂၁)ရက်နေ့ မွန်းလွဲပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်နှင့် အစိုးရအဖွဲ့ဝင်များ၊ အနောက်မြောက်တိုင်း စစ်ဌာနချုပ်မှ ဗိုလ်မှူးချုပ် ကျော်စွာဝင်း၊ တိုင်းဒေသကြီးအဆင့်ဌာနဆိုင်ရာများ၊ မုံရွာခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဌများနှင့် အဖွဲ့ဝင်များ၊ တိုင်းဒေသကြီးအတွင်းရှိ ကလေးခရိုင်၊ စစ်ကိုင်းခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဌများမှ Video Conferencing စနစ်ဖြင့် တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်း လုံခြုံတည်ငြိမ်အေးချမ်းရေးအတွက် ခရိုင်နှင့်မြို့နယ်အလိုက် လုပ်ဆောင်ရမည့် လုံခြုံရေး၊ တရားဥပဒေစိုးမိုးရေးနှင့် အုပ်ချုပ်ရေးဆိုင်ရာလုပ်ငန်းများကို အောင်မြင်အောင် အကောင်အထည်ဖော်ကြရန် လိုအပ်ပါကြောင်း၊ ဒေသတည်ငြိမ်အေးချမ်းမှသာ တရားဥပဒေစိုးမိုးကာ အခြား လုပ်ငန်းဆောင်တာများကိုလည်း ဆောင်ရွက်နိုင်မည်ဖြစ်၍ လုံခြုံမှုရှိရန် အရေးကြီးပါကြောင်း၊ ထိုကြောင့်တာဝန်ရှိသူများ ပေါင်းစပ်ညှိနိုင်းကာ ဒေသလုံခြုံအေးချမ်းအောင် ဆောင်ရွက်သွားရမည်ဖြစ်ပါကြောင်း၊ မြို့ရွာများနှင့် ဆက်သွယ်မှုလမ်းကြောင်းများ အမြဲလုံခြုံစွာဖြင့် သွားလာနိုင်ရန် လုံခြုံရေးတာဝန်ရှိသူများမှ စေတနာထားကာ တာဝန်ယူဆောင်ရွက်ကြရန် လိုအပ်ပါကြောင်း ပြောကြားခဲ့သည်။

ဆက်လက်ပြီး တိုင်းဒေသကြီးအတွင်းရှိ ကလေးခရိုင်၊ စစ်ကိုင်းခရိုင်၊ ရွှေဘိုခရိုင်များ မှ စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့် လည်းကောင်း၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဌတို့က မိမိတို့ ခရိုင်များအတွင်းရှိ ခရိုင်/မြို့နယ်များ၏ လုံခြုံတည်ငြိမ်အေးချမ်းရေးနှင့် တရားဥပဒေစိုးမိုးရေးလုပ်ငန်းများ ဆောင်ရွက်နေမှု၊ ပတ်သက်၍ Power Point ဖြင့် အသီးသီးရှင်းလင်း တင်ပြကြသည်။

ယင်းနောက် တိုင်းဒေသကြီးအဆင့် ဌာနဆိုင်ရာအကြီးအကဲများနှင့် တိုင်းဒေသကြီး အစိုးရအဖွဲ့ဝင် ဝန်ကြီးများက တိုင်းဒေသကြီးအတွင်းရှိ ခရိုင် / မြို့နယ်များအတွင်း မိမိတို့ ဌာနများအလိုက် လုံခြုံတည်ငြိမ်အေးချမ်းရေးနှင့် တရားဥပဒေစိုးမိုးရေးလုပ်ငန်းများ ဆောင်ရွက်နေမှုများနှင့် ပတ်သက်၍ အသီးသီးရှင်းလင်း ဖြည့်စွက်ဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်း လုံခြုံ တည်ငြိမ်အေးချမ်းရေးနှင့် တရားဥပဒေစိုးမိုးရေးလုပ်ငန်းများ ဆောင်ရွက်နေမှုအခြေအနေများနှင့် ပတ်သက်၍ အသီးသီးအကြံပြုဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ နိဂုံးချုပ်စကား ပြောကြားပြီး အစည်းအဝေးကို ရုပ်သိမ်းခဲ့ကြောင်း သတင်းရရှိသည်။

မုံရွာ မတ် ၁၉

စစ်ကိုင်းတိုင်းဒေသကြီး စိုက်ပျိုးရေး၊ မွေးမြူရေးထုတ်ကုန်များ တိုးမြှင့်ထုတ်လုပ်ရေးလုပ်ငန်းညှိနှိုင်း (၂/၂၀၂၂)အစည်းအဝေးကို မတ်လ (၁၈)ရက်နေ့ မွန်းလွဲပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်း၊ တိုင်းဒေသကြီး အစိုးရအဖွဲ့ဝင် အတွင်းရေးမှူး ဦးခင်မောင်ဆန်း၊ တိုင်းဒေသကြီး /ခရိုင်အဆင့် စိုက်ပျိုးရေး ကြီးကြပ်မှု ကော်မတီအဖွဲ့ဝင်များ၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဌနှင့် ကလေးခရိုင်၊ စစ်ကိုင်းခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဌများမှ Video Conferencing စနစ်ဖြင့် တက်ရောက်ကြ သည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က စစ်ကိုင်းတိုင်းဒေသကြီးဟာ စိုက်ပျိုးရေးအားဖြင့် အရေးပါတဲ့ တိုင်းဒေသကြီးဖြစ်ပြီး ဒေသတွင်းဆန်ဖူလုံမှုမှာ ပျဉ်းမျှ(၁၆၅.၆၈)ရာခိုင်နှုန်း ရှိတဲ့အတွက် စပါးစိုက်ပျိုးရေးအားကောင်းသည့် တိုင်းဒေသကြီးတစ်ခု ဖြစ်ပါကြောင်း၊ လယ်ယာကဏ္ဍအနေဖြင့် စစ်ကိုင်းတိုင်းဒေသကြီး မှာ နှစ်စဉ်မိုးစပါးဧက (၁၈)သိန်း၊ နွေစပါးဧက (၃)သိန်းခန့် စုစုပေါင်း(၂၁)သိန်းကို ပုံမှန် အားဖြင့် စိုက်ပျိုးနိုင်ခဲ့တဲ့ တိုင်းဒေသကြီး ဖြစ်ပါကြောင်း၊ တိုင်းဒေသကြီးရဲ့ နွေစပါးစိုက်ပျိုးမှုမှာ ဆည်ရေရရှိမှုကို အဓိကအားထားကာ မှီခိုစိုက်ပျိုးရတာကို တွေ့ရှိရပါကြောင်း၊ ယခု ၂၀၂၁-၂၀၂၂ ခုနှစ်မှာ သဖန်းဆိပ်ဆည်အတွင်းမှာ ဆည်ရေဧကပေ (၂၄)သိန်း ကျော် သိုလှောင်နိုင်တဲ့အတွက် နွေစပါးလျာထားဧက (၃၄၇,၂၀၀-သုံးသိန်းလေး သောင်းခုနှစ်ထောင့်နှစ်ရာ)ဧက လျာထားစိုက်ပျိုးခဲ့ရာမှာ ယနေ့အထိ (၆၈၀,၇၉- ခြောက်သောင်း ရှစ်ထောင်ခုနှစ်ဆယ်ကိုး)ဧက စိုက်ပျိုးပြီးဖြစ်ကြောင်း တွေ့ရှိရပါကြောင်း၊ ကျန်ရှိနေတဲ့နွေစပါး စိုက်ဧကများကိုလည်း လျားထားချက်အတိုင်း ပြည့်မှီကျော်လွန်စွာ စိုက်ပျိုးနိုင်ရေး ဝိုင်းဝန်း ဆောင်ရွက်ကြဖို့ မှာကြားလိုပါကြောင်း၊ 

          တိုင်းဒေသကြီးအနေဖြင့် ဒေသတွင်းဆီဖူလုံမှုမှာ (၄၉၉.၉၇)ရာခိုင်နှုန်း ဖြစ်ပြီး ဆီထွက် သီးနှံစိုက်ပျိုးအားကောင်းမွန်တဲ့ တိုင်းဒေသကြီးဖြစ်ပါကြောင်း၊ တိုင်းဒေသကြီးအတွင်း ဆီထွက် သီးနှံများ စိုက်ပျိုးခဲ့ရာမှာ မြေပဲ၊နှမ်းနှင့် နေကြာတို့ကို အဓိကထားပြီး စိုက်ပျိုးခဲ့ရာမှာ စိုက်ပျိုး ထုတ်လုပ်မှု ကုန်ကျစရိတ်နည်းပြီး တစ်ဧကဆီထွက်နှုန်းလည်းမြင့်မားတဲ့ နေကြာသီးနှံကို တိုးချဲ့ စိုက်ပျိုးသွားမှာ ဖြစ်ပါကြောင်း၊ ယခုနှစ် မိုးနှင့်ဆောင်း နေကြာစိုက်ပျိုးမှုမှာ (၃၅၆,၉၁၅) ဖြစ်ပါကြောင်း၊ ၂၀၂၂-၂၀၂၃ ခုနှစ်မှာ စစ်ကိုင်းတိုင်း ဒေသကြီးအနေနဲ့ မိုးနေကြာ(၄၁,၄၂၆)ဧကနှင့် ဆောင်းနေကြာ (၃၅၁,၇၇၃ - သုံးသိန်းငါးသောင်းတစ်ထောင် ခုနှစ်ရာခုနှစ်ဆယ်သုံး)ဧက စုစု ပေါင်း (၃၉၃,၁၉၉ - သုံးသိန်းကိုးသောင်းသုံးထောင်တစ်ရာကိုးဆယ်ကိုး)ဧက စိုက်ပျိုးထုတ်လုပ် သွားမှာဖြစ်ပါ၍ ထပ်မံတိုးချဲ့ စိုက်ပျိုးမည့်ဧက (၄၀၀၀၀ - လေးသောင်း)ခန့်အတွက် အချိန်မီ စိုက်ပျိုးပြီးစီးရေးအတွက် တာဝန်တာဝန်ရှိသူများမှ ကြိုတင်ပြင်ဆင်စီမံထားရှိရန် လိုအပ်ပါ ကြောင်း၊ တိုင်းဒေသကြီးအတွင်း နေကြာသီးနှံ တိုးချဲ့စိုက်ပျိုးနိုင်ရေးအတွက် စိုက်ပျိုးဧကများ လျာထားတဲ့နေရာမှာလည်း လယ်ယာမြေစီမံခန့်ခွဲရေးနှင့် စာရင်းအင်းဦးစီး ဌာနအနေဖြင့် စိုက်ပျိုးနိုင်သည့် တောင်သူလယ်သမားများရဲ့စာရင်းများ စိုက်ဧကစာရင်းများ အချိန်မီပြုစု ပေးနိုင်ရေးတို့ကို မိတ်ဖက်ဌာနများနှင့်အညီ ဟန်ချက်ညီစွာ ပူးပေါင်းလုပ်ဆောင်သွားရမှာ ဖြစ်ပါကြောင်း၊ 

တိုင်းဒေသကြီးအတွင်း မွေးမြူရေးကဏ္ဍအနေနဲ့လည်း ၂၀၂၁-၂၀၂၂ ဘဏ္ဍာ နှစ်အတွင်း နွား(၂၀,၇)သိန်း၊ ကျွဲ (၃,၆)သိန်း အပါအဝင် ဆိတ်၊ ဝက်၊ ကြက်၊ ငုံး၊ ဘဲ၊ ကြက်ဆင်၊ ဘဲငန်း၊ မန်ဒါလီစသည်ဖြင့် တိရိစ္ဆာန်မျိုးစုံ မွေးမြူထားရှိပါကြောင်း၊ တိုင်းဒေသကြီးအတွင်းရှိ မွေးမြူရေး လုပ်ငန်း လုပ်ကိုင်နေသူများအတွက် မျိုးကောင်းမျိုးသန့် တိရစ္ဆာန်များမွေးမြူနိုင်ရေး၊ မွေးမြူ ထားသည့် တိရိစ္ဆာန်များ ရောဂါကာကွယ် ထိန်းချုပ်နိုင်ရေး၊ တိရိစ္ဆာန်အစာ စားကျက် စိုက်ခင်း များ စိုက်ပျိုးနိုင်ရေးနှင့် တစ်ပိုင်တစ်နိုင် မွေးမြူရေးလုပ်ငန်းများမှလည်း စီးပွားဖြစ်မွေးမြူရေး လုပ်ငန်းများအဖြစ် ကူးပြောင်းနိုင်စေရေး ကူညီဆောင်ရွက်သွားကြရန် လိုအပ်ပါကြောင်း၊  မိမိတို့ တိုင်းဒေသကြီး အစိုးရအဖွဲ့ အနေဖြင့်လည်း ဌာနအသီးသီးရဲ့လိုအပ်ချက်များကို ဖြည့်ဆည်း၍ တိုင်းဒေသ ကြီးရဲ့ စိုက်ပျိုးရေးနှင့် မွေးမြူရေးကဏ္ဍ ထုတ်ကုန်များ တိုးမြှင့်ဆောင်ရွက် နိုင်ရေး ကူညီဆောင်ရွက်သွားမည် ဖြစ်ပါကြောင်း ပြောကြားသည်။

ယင်းနောက် တိုင်းဒေသကြီး စိုက်ပျိုးရေးကြီးကြပ်မှု ကော်မတီအဖွဲ့ဝင်များမှ မိမိတို့ဌာန များအလိုက် စိုက်ပျိုးရေး၊ မွေးမြူရေးထုတ်ကုန်များ တိုးမြှင့်ထုတ်လုပ်နိုင်ရေး လုပ်ငန်းများဆောင်ရွက်နေမှုများနှင့် ဆက်လက်ဆောင်ရွက် လုပ်ငန်းများအား Power Point ဖြင့် ရှင်းလင်း တင်ပြကြပြီး စစ်ကိုင်းခရိုင်၊ မုံရွာခရိုင်၊ ယင်းမာပင်ခရိုင်၊ ရွှေဘိုခရိုင်၊ ရေဦးခရိုင်များမှ စိုက်ပျိုးရေး ကြီးကြပ်မှုကော်မတီအဖွဲ့ဝင်များမှ မိမိတို့ခရိုင်များအတွင်း စိုက်ပျိုးရေး၊ မွေးမြူရေး လုပ်ငန်းများ နှင့်ပတ်သက်၍ လည်းကောင်း၊ ရွှေဘိုခရိုင်၊ စစ်ကိုင်းခရိုင်နှင့် ကလေးခရိုင်တို့မှ စီမံအုပ်ချုပ်ရေး အဖွဲ့ ဥက္ကဌများက Video Conferencing စနစ်ဖြင့် မိမိတို့ခရိုင်အတွင်း စိုက်ပျိုးရေး၊ မွေးမြူရေး လုပ်ငန်းများ ဆောင်ရွက်နေမှု အခြေအနေများအား ဖြည့်စွက်တင်ပြကြသည်။

ဆက်လက်၍ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး က တိုင်းဒေသကြီးအတွင်း စိုက်ပျိုးရေး၊ မွေးမြူရေးထုတ်ကုန်များ တိုးမြှင့်ထုတ်လုပ်နိုင်ရေး လုပ်ငန်းများနှင့် ပတ်သပ်၍ တင်ပြချက်များအပေါ် သုံးသပ်တင်ပြပြီး အစည်းအဝေးသို့ တက်ရောက်လာသူများမှ အထွေထွေဆွေးနွေး တင်ပြကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က အသီးသီးဆွေးနွေး တင်ပြ ချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက် ပေးကာ နိဂုံးချုပ်စကား ပြောကြားပြီး အစည်းအဝေးကို ရုပ်သိမ်းခဲ့ကြောင်း သတင်းရရှိသည်။