ဒီဇင်ဘာ ၃၁
စစ်ကိုင်းတိုင်းဒေသကြီး ၂၀၂၂-ခုနှစ်၊ (၇၄)နှစ်မြောက်၊ လွတ်လပ်ရေးရေးနေ့ အထိမ်းအမှတ် အခြေခံပညာကျောင်းအဆင့် အားကစားပြိုင်ပွဲနှင့် စာစီစာကုံး၊ ကျပန်း စကားပြောပြိုင်ပွဲ ဖွင့်ပွဲအခမ်းအနားကို ဒီဇင်ဘာလ (၃၁)ရက်၊ နံနက်ပိုင်းက အမှတ်(၃) အခြေခံပညာအထက်တန်းကျောင်း၊ ကျောင်းခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းဒေသကြီးအဆင့် ဌာနဆိုင်ရာအကြီးအကဲများ၊ ဆရာ/ဆရာမများ၊ ပြိုင်ပွဲဝင်ကျောင်းသား၊ ကျောင်းသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အဖွင့်အမှာစကား ပြောကြားပြီး အဆိုပါ အထက်တန်းကျောင်းဝန်းအတွင်း မုံရွာမြို့ပေါ်ရှိ အခြေခံပညာ အလယ်တန်းကျောင်းများမှ ကျောင်းသား၊ကျောင်းသူများမှ အားကစားယှဉ်ပြိုင်နေမှုများအား ကြည့်ရှု အားပေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် နန္ဒဝန်ရပ်ကွက်ရှိ၊ အားကစားနှင့် ကာယပညာသိပ္ပံ (မုံရွာ) ကျောင်းတွင် ကျင်းပပြုလုပ်သော (၇၄)နှစ်မြောက် လွတ်လပ်ရေးနေ့အထိမ်းအမှတ် အားကစားပြိုင်ပွဲများ ကျင်းပနေမှုအား ကြည့်ရှုအားပေးခဲ့ကြသည်။

ယင်းနောက် ဆုချီးမြှင့်ပွဲအခမ်းအနားကို ကျင်းပရာ တိုင်းဒေသကြီးဝန်ကြီးချုပ် ဦးမြတ်ကျော်က မီတာ ၈၀၀ ကျား၊မ အပြေး ပြိုင်ပွဲများတွင် ဆုများရရှိကြသော အထက် တန်းအဆင့် ကျောင်းသား၊ကျောင်းသူများအား ဆုများအသီးသီးပေးအပ် ချီးမြှင့်ခဲ့ပြီး တိုင်းဒေသကြီး အစိုးရအဖွဲ့ဝင် ဝန်ကြီးများနှင့် တိုင်းဒေသကြီး ဥပဒေချုပ်တို့က မီတာ ၁၀၀ ကျား၊မ ၊ မီတာ ၂၀၀ ကျား၊မ၊ မီတာ ၄၀၀ ကျား၊မနှင့် အားကစားပြိုင်ပွဲများတွင် ဆုရ ရှိကြသော အထက်တန်းအဆင့် ကျောင်းသား၊ ကျောင်းသူများအား ဆုများအသီးသီး ပေးအပ်ချီးမြှင့်ခဲ့ကြောင်း သတင်းရရှိသည်။

မုံရွာ ဒီဇင်ဘာ ၂၇

စစ်ကိုင်းတိုင်းဒေသကြီး ရင်းနှီးမြုပ်နှံမှုကော်မတီအစည်းအဝေး (၈/၂၀၂၁)ကို ဒီဇင်ဘာလ (၂၇)ရက်၊ မွန်းလွဲ(၁)နာရီ အချိန်တွင် တိုင်းဒေသကြီးအစိုးရအဖွဲ့ရုံးရှိ အစည်းအဝေးခန်းမ၌ ကျင်းပရာ အစည်းအဝေးသို့ စစ်ကိုင်းတိုင်းဒေသကြီး ရင်းနှီးမြုပ်နှံမှုကော်မတီ ဥက္ကဌ၊ တိုင်းဒေသကြီးဝန်ကြီးချုပ် ဦးမြတ်ကျော်၊ တိုင်းဒေသကြီးစီးပွားရေးရာဝန်ကြီး ဒေါ်ရီရီသန်း၊ တိုင်းဒေသကြီးရင်းနှီးမြုပ်နှံမှုကော်မတီအဖွဲ့ဝင်၊ တိုင်းဒေသကြီးအဆင့် ဌာနဆိုင်ရာအကြီးအကဲများ၊ တာဝန်ရှိသူများ တက်ရောက်ကြ သည်။

            ရှေးဦးစွာ စစ်ကိုင်းတိုင်းဒေသကြီး ရင်းနှီးမြုပ်နှံမှုကော်မတီဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော် က အဖွင့်အမှာစကား ပြောကြားရာတွင်        “ ကျွန်တော်တို့ စစ်ကိုင်းတိုင်းဒေသကြီးမှာတော့ နိုင်ငံခြားတိုက်ရိုက် ရင်းနှီးမြုပ်နှံမှု မဝင်ရောက်သေးပေမဲ့ မြန်မာနိုင်ငံသားရင်းနှီးမြုပ်နှံမှုအနေနဲ့ မြန်မာနိုင်ငံသားရင်းနှီး မြုပ်နှံမှုကော်မရှင်က ယခင်ကြန့်ကြာနေတဲ့ ဇလုံတောင်ယာဉ်ရပ်နားစခန်းနဲ့ ဆက်စပ်ဝန်ဆောင်မှုလုပ်ငန်းနဲ့ ဟိုတယ်ဝန်ဆောင်မှုပေးတဲ့လုပ်ငန်းတွေ ခွင့်ပြုပေးခဲ့တာ တွေ့ရှိရပါကြောင်း၊ လက်ရှိအခြေအနေမှာ စီးပွားရေးအရ ပြန်လည်လည်ပတ်နိုင်ရုံသာမက အခြေအနေအရပ်ရပ်မှာလည်း တိုးတက်ကောင်းမွန်နေပြီဖြစ်တဲ့အတွက် ကော်မတီ အဖွဲ့ဝင်များမှလည်း စစ်ကိုင်းတိုင်းဒေသကြီး ဖွံ့ဖြိုးတိုးတက်ဖို့အတွက် ရင်းနှီးမြုပ်နှံမှုများ ဝင်ရောက်လာအောင် ကြိုးစားပေးကြရန် တိုက်တွန်းလိုပါကြောင်း ” ပြောကြားခဲ့ သည်။

            ယင်းနောက် တိုင်းဒေသကြီးရင်းနှီးမြုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ ညွှန်ကြားရေးမှူး ဒေါ်မေမျိုးဇော်က ယခင်အစည်းအဝေးဆုံးဖြတ်ချက်များ၏ ဆောင်ရွက်ပြီးစီးမှုအခြေအနေများ၊ နိုဝင်ဘာလနှင့် ဒီဇင်ဘာလအတွင်း ကွင်းဆင်းဝန်ဆောင်မှုပြုလုပ်မည့် စီမံချက်များနှင့် International Trade Center- ITC နှင့်ပူးပေါင်း၍ စစ်ကိုင်းတိုင်းဒေသကြီး ရင်းနှီးမြုပ်နှံမှုမြှင့်တင်ရေး မဟာဗျူဟာစီမံကိန်း Action Plan တွင်ပါဝင်သည့် အချက်အလက်များအား ရှင်းလင်းတင်ပြကာ အစည်း အဝေးသို့ တက်ရောက်လာသူများက ရင်းနှီးမြုပ်နှံမှုဆိုင်ရာ လုပ်ငန်းများနှင့် ပတ်သက်၍ အထွေထွေအကြံပြု ဆွေးနွေးတင်ပြကြသည်။

            ထို့နောက် စစ်ကိုင်းတိုင်းဒေသကြီးရင်းနှီးမြုပ်နှံမှုကော်မတီ ဥက္ကဌ၊ တိုင်းဒေသကြီးဝန်ကြီးချုပ် ဦးမြတ်ကျော်က အသီးသီးရှင်းလင်း တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ နိဂုံးချုပ်စကားပြောကြားပြီး အစည်းအဝေးကို ရုပ်သိမ်းခဲ့ကြောင်း သတင်းရရှိသည်။

မုံရွာ ဒီဇင်ဘာ ၂၄

၂၀၂၁-ခုနှစ်၊ စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ်ဖလား ခရိုင်ပေါင်းစုံ မြန်မာ့သိုင်းပြိုင်ပွဲ ဆုချီးမြင့်ပွဲ အခမ်းအနားကို ဒီဇင်ဘာလ(၂၃)ရက် ညနေပိုင်းက မုံရွာမြို့၊ ပြည်သူ့အားကစားကွင်းအတွင်းရှိ မိုးလုံလေလုံအားကစားခန်းမတွင် ကျင်းပရာ ဆုချီးမြှင့်ပွဲ အခမ်းအနားသို့ တိုင်းဒေသကြီး ဝန်ကြီးချုပ်ဦးမြတ်ကျော်၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာအကြီးအကဲများနှင့် ဝန်ထမ်းများ၊ ပြိုင်ပွဲဝင်အားကစားသမားများ၊ အားကစားဝါသနာရှင် ပြည်သူများ တက်ရောက်ကြ သည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက ဗိုလ်လု ပွဲစဉ်များအဖြစ် ၄၀-၄၅ ကီလ်ို အမျိုးသမီး ဓား(၁)လက်အတိုက်ပြိုင်ပွဲနှင့် ၅၃-၅၇ ကီလို အမျိုးသားဗန်တိုအတိုက် ပြိုင်ပွဲများအား ကြည့်ရှုအားပေးကြသည်။

ယင်းနောက် ဆုချီးမြှင့်ပွဲ အခမ်းအနားကို ကျင်းပရာ တိုင်းဒေသကြီး ဥပဒေချုပ် ဒေါ်လှလှဝင်းက က ၅၃-၅၇ ကီလို အမျိုးသားဗန်တိုအတိုက် ပြိုင်ပွဲများတွင် ဆုရရှိသူ များအား ငွေသားဆုနှင့်ဆုတံဆိပ်များအား လည်းကောင်း၊ တိုင်းဒေသကြီး တိုင်းရင်းသား ရေးရာဝန်ကြီး ဦးစိုင်းနိုင်နိုင်ကျော် က ၄၀-၄၅ ကီလို အမျိုးသမီး ဓား(၁)လက်အတိုက် ပြိုင်ပွဲတွင် ဆုရရှိကြသော အားကစားသမားများအား ငွေသားဆုနှင့်ဆုတံဆိပ်များအား လည်းကောင်း၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက မြန်မာ့သိုင်းပြိုင်ပွဲတွင် အကောင်းဆုံးဆုရရှိသော အမျိုးသမီးအားကစားသမားများအား ငွေသားဆုနှင့် ဆုတံဆိပ်များအား လည်းကောင်း ဆုများအသီးသီး ပေးအပ်ချီးမြှင့်ကြသည်။

ဆက်လက်၍ တိုင်းဒေသကြီး လူမူရေးရာဝန်ကြီး ဦးအေးလိူင် က မြန်မာ့သိုင်း ပြိုင်ပွဲ တွင် အမျိုးသားအကောင်းဆုံးဆု ရရှိကြသော အားကစားသမားများအား ငွေသားဆုနှင့် ဆုတံဆိပ်များအား လည်းကောင်း၊ တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်းက တံခွန်စိုက်တတိယဆုရရှိသော စစ်ကိုင်းခရိုင်အသင်းအား ငွေသားဆု ကျပ်(၂)သိန်းနှင့် တံခွန်စိုက်ဆုအား လည်းကောင်း၊ တိုင်းဒေသကြီး လမ်းပန်းဆက်သွယ်ရေးဝန်ကြီး ရဲမှူးကြီးကျော်ထွန်းက တံခွန်စိုက်ဒုတိယဆုရရှိသော ရွှေဘိုခရိုင် အသင်းအား ငွေသားဆုကျပ်(၃)သိန်းနှင့် တံခွန်စိုက်ဆုအား လည်းကောင်း ဆုများအသီးသီး ပေးအပ်ချီးမြှင့်ခဲ့ကြသည်။

ထိုနောက် တိုင်းဒေသကြီး ဝန်ကြီးချုပ် ဦးမြတ်ကျော်က တံခွန်စိုက် ပထမဆုရရှိသော မုံရွာခရိုင်အသင်းအား တံခွန်စိုက်ဒိုင်းဆုနှင့် ငွေသားဆုကျပ်(၅)သိန်းအား ပေးအပ်ချီးမြင့်ပြီး တာဝန်ရှိသူများအတူ ဆုရအားကစားသမားများနှင့် စုပေါင်းမှတ်တမ်းတင် ဓာတ်ပုံရိုက်ကူးကာ ဆုချီးမြင့်ပွဲအခမ်းအနားကို ရုပ်သိမ်းခဲ့ကြောင်း သတင်းရရှိသည်။

ဒီဇင်ဘာ ၃၀

စစ်ကိုင်းတိုင်းဒေသကြီး ၂၀၂၂-ခုနှစ်၊ (၇၄)နှစ်မြောက်၊ လွတ်လပ်ရေးရေးနေ့ အခမ်း အနားအောင်မြင်စွာ ကျင်းပနိုင်ရေးအတွက် ဒုတိယအကြိမ် လုပ်ငန်းညှိနှိုင်းအစည်းအဝေးကို ဒီဇင်ဘာလ (၃၀)ရက်၊ နံနက်ပိုင်းက တိုင်းဒေသကြီး အစိုးရအဖွဲ့ရုံး အစည်းအဝေး ခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းဒေသကြီးအဆင့် ဌာနဆိုင်ရာအကြီး အကဲများ၊ (၇၄)နှစ်မြောက်၊ လွတ်လပ်ရေးရေးနေ့ အခမ်းအနားအောင်မြင်စွာ ကျင်းပနိုင် ရေး ကော်မတီဝင်များ၊ တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အဖွင့်အမှာစကား ပြောကြားပြီး (၇၄)နှစ်မြောက် လွတ်လပ်ရေးနေ့အခမ်းအနား ကျင်းပရေးကော်မတီ ဥက္ကဌ ၊ တိုင်းဒေသကြီးလူမူရေးဝန်ကြီး ဦးအေးလိူင်က (၇၄)နှစ်မြောက် လွတ်လပ်ရေးနေ့ အခမ်းအနား အောင်မြင်စွာကျင်းပနိုင်ရေးအတွက် ကြိုတင်ပြင်ဆင် ဆောင်ရွက်ထားရှိမှု လုပ်ငန်းများနှင့် ပတ်သက်၍ ရှင်းလင်းတင်ပြသည်။

ဆက်လက်ပြီး (၇၄)နှစ်မြောက် လွတ်လပ်ရေးနေ့အခမ်းအနား အောင်မြင်စွာ ကျင်းပနိုင်ရေးအတွက် ကော်မတီ အသီးသီးမှ တာဝန်ရှိသူများများက မိမိတို့ တာဝန်ယူဆောင်ရွက်နေသော လုပ်ငန်းများဆောင်ရွက်ပြီးစီးမှု အခြေအနေများနှင့် ပတ်သက်၍ အသီးသီး ဆွေးနွေးတင်ပြကြပြီး အစည်းအဝေးသို့ တက်ရောက်လာသူများမှ လုပ်ငန်းများနှင့် ပတ်သက်၍ အသီးသီး အကြံပြုဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က (၇၄)နှစ်မြောက် လွတ်လပ် ရေးနေ့အခမ်းအနား အောင်မြင်စွာကျင်းပနိုင်ရေးအတွက် ကော်မတီအသီးသီးမှ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ နိဂုံးချုပ်စကား ပြောကြားပြီး အစည်းအဝေးကို ရုပ်သိမ်းခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မွန်းလွဲပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပပြုလုပ်သော တိုင်းဒေသကြီး ကိုဗစ်-၁၉ ရောဂါကာကွယ်၊ ထိန်းချုပ်၊ ကုသရေး လုပ်ငန်းညှိနှိုင်း အစည်းအဝေး(၄၃/၂၀၂၁)သို့ တက်ရောက်ရာ တိုင်းဒေသကြီး ဝန်ကြီးချုပ် ဦးမြတ်ကျော်က အဖွင့် အမှာစကား ပြောကြားပြီး အစည်းအဝေးသို့ တက်ရောက်လာကြသော တိုင်းဒေသကြီးအစိုးရအဖွဲ့ဝင် ဝန်ကြီးများ၊ တပ်မတော်အရာရှိကြီးများနှင့် တာဝန်ရှိသူများက နေ့စဉ် ရောဂါပိုး စစ်ဆေးတွေ့ရှိမှု၊ ဆေးရုံတက်ရောက် ကုသမှုနှင့်ဆေးရုံဆင်းမှု၊ အောက်ဆီဂျင် ထုတ်လုပ်သုံးစွဲမှု၊ သတ်မှတ်လျာထားချက်ပြည့်မီအောင် ကာကွယ်ဆေးထိုးနှံ မှုနှင့် လုံခြုံ ရေးဆောင်ရွက်ပေးနေမှု အခြေအနေများနှင့် ပတ်သက်၍ အသီးသီးအကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က အသီးသီးဆွေးနွေး တင်ပြ ချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ်စကားပြောကြားကာ အစည်းအဝေးကို ရုပ်သိမ်းခဲ့ကြောင်း သတင်းရရှိသည်။

မုံရွာ ဒီဇင်ဘာ ၂၇

စစ်ကိုင်းတိုင်းဒေသကြီးအစိုးရအဖွဲ့ လယ်ယာသုံးစက်ကိရိယာ အခြေခံမောင်းနှင်ထိန်းသိမ်းမှု သင်တန်းဖွင့်ပွဲ အခမ်းအနားကို ဒီဇင်ဘာလ(၂၇)ရက် နံနက်ပိုင်းက တိုင်းဒေသကြီးစိုက်ပျိုးရေးဦးစီးဌာနရုံး အစည်းအဝေးခန်းမတွင် ကျင်းပရာ အခမ်းအနားသို့ တိုင်းဒေသကြီးဝန်ကြီးချုပ် ဦးမြတ်ကျော်၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီး /ခရိုင်/မြို့နယ်အဆင့် ဌာနဆိုင်ရာအကြီးအကဲများနှင့် ဝန်ထမ်းများ၊ သင်တန်းနည်းပြများနှင့် သင်တန်းသားများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အဖွင့်အမှာစကား ပြောကြားရာတွင် “ စစ်ကိုင်းတိုင်းဒေသကြီးမှာရှိတဲ့ တောင်သူများ၊ လယ်ယာလုပ်ငန်းမှာ ဆက်စပ်လုပ်ကိုင်နေတဲ့ ကျေးရွာနေပြည်သူများအတွက် လယ်ယာသုံးစက်ကိရိယာများကို ကိုယ်တိုင်မောင်နှင်ပြုပြင်ထိန်းသိမ်းနိုင်ဖို့ ရည်ရွယ်ဖွင့်လှစ်တဲ့ သင်တန်းဖြစ်ပါကြောင်း၊ ရည်ရွယ်ချက်ကောင်းနဲ့ ဖွင့်လှစ်တဲ့ သင်တန်းတစ်ခု တနည်းအားဖြင့် လယ်ယာစိုက်ပျိုး ရေးကဏ္ဍအတွက် အထူးအထောက်အကူပြုမဲ့ သင်တန်းလို့ ဆိုရမှာဖြစ်ပါကြောင်း၊ သီးနှံ များကိုစိုက်ပျိုးထုတ်လုပ်ရာမှာ အချိန်မီထွန်ယက်နိုင်ဖို့၊ စိုက်ပျိုးနိုင်ဖို့၊ ရိတ်သမ်းနိုင်ဖို့ သမရိုး ကျ ကျွဲ၊ နွား၊ လူများဖြင့် ဆောင်ရွက်ခြင်းထက် စက်ကိရိယာများကို သုံးစွဲဆောင်ရွက်ခြင်းက တောင်သူများအတွက် ပိုမိုအကျိုးများစေမှာ ဖြစ်ပါကြောင်း၊ သင်တန်းသားများအနေဖြင့် သင်တန်းပြီးဆုံးတဲ့အခါမှာ မိမိကိုယ်တိုင်သော်လည်းကောင်း၊ မိမိကျေးရွာ၊ မိမိမြို့နယ်၊ မိမိတိုင်းအတွက် သီးနှံစိုက်ပျိုးထုတ်လုပ်မှု လုပ်ငန်းတွေမှာအကျိုးပြုစေမှာ ဖြစ်ပါကြောင်း ” ပြောကြားခဲ့သည်။

            ယင်းနောက် တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက လယ်ယာသုံးစက်ကိရိယာ အခြေခံမောင်းနှင်ထိန်းသိမ်းမှု သင်တန်းနှင့်ပတ်သက်၍ ဖြည့်စွက်ရှင်းလင်းဆွေးနွေးပြီး တိုင်းဒေသကြီး စက်မှုလယ်ယာဦးစီးဌာနမှာ တိုင်းဒေသကြီးဦးစီးမှူး ဦးကိုကိုက သင်တန်းဖွင့်လှစ်ရခြင်းနှင့် ပတ်သက်၍ ရှင်းလင်းတင်ပြသည်။

ဆက်လက်ပြီး တိုင်းဒေသကြီးဝန်ကြီးချုပ် ဦးမြတ်ကျော်နှင့် တာဝန်ရှိများက လယ်ယာသုံးစက်ကိရိယာ အခြေခံမောင်းနှင်ထိန်းသိမ်းမှု သင်တန်းသို့ တက်ရောက်လာကြသော သင်တန်းသားများအား ရင်းရင်းနှီးနှီး လိုက်လံနှုတ်ဆက် အားပေးခဲ့ကြသည်။

            အဆိုပါ လယ်ယာသုံးစက်ကိရိယာ အခြေခံမောင်းနှင်ထိန်းသိမ်းမှုသင်တန်းသို့ မုံရွာခရိုင်အတွင်းရှိ မုံရွာမြို့နယ်၊ ချောင်းဦးမြို့နယ်၊ ဘုတလင်မြို့နယ်၊ အရာတော်မြို့နယ်တို့မှ သင်တန်းသား (၃၀)ဦးတက်ရောက်ကြပြီး သင်တန်းတွင် တစ်လုံးထိုးအင်ဂျင် ပြုပြင်ထိန်းသိမ်းခြင်း၊ ထွန်စက်ကြီး အခြေခံမောင်းနှင်ထိန်းသိမ်းနည်း၊ ကောက်စိုက်စက် ပြုပြင်မောင်းနှင် ထိန်းသိမ်းနည်းများကို သင်တန်းချိန်(၇၀)ချိန်ဖြင့် ဒီဇင်ဘာလ (၂၇)ရက် နေ့မှ ၂၀၂၂ ခုနှစ်၊ ဇန်နဝါရီလ(၇)ရက်နေ့အထိ စာတွေ့လက်တွေ့ သင်ကြားပေးသွား မည်ဖြစ်ကြောင်း သိရသည်။

            ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက လယ်ယာသုံးစက်ကိရိယာ အခြေခံမောင်းနှင်ထိန်းသိမ်းမှုသင်တန်းတွင် အသုံးပြုမည့် ထွန်စက်ကြီးများ၊ လက်တွန်းထွန်စက်များ၊ ရိတ်သိမ်းခြွေလှေ့စက်၊ ကောက်စိုက်စက်နှင့် သမန်းနိုးကိရိယာများအား လှည့်လည်ကြည့်ရှု အားပေးခဲ့ကြသည်။

            ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မုံရွာမြို့၊ ချမ်းမြသာစည်ရပ်ကွက်ရှိ သိန်းမင်းစက်မှုလုပ်ငန်းအဖွဲ့ ဝါကြိတ်စက်ရုံသို့ ရောက်ရှိရာ စက်ရုံတာဝန်ခံမှ ဝါကြိတ်ခွဲနေမှု၊ ဂွမ်းထုပ်နေမှုနှင့် အချောထည်စောင်များ ထုတ်လုပ်နေမှုတို့အား လှည့်လည်လိုက်လံရှင်းလင်းပြသပြီး ရှင်းလင်းဆောင်တွင် ဝါကြိတ်စက်ရုံ လည်ပတ်နေမှု အခြေအနေများအား Power Point ဖြင့် ရှင်းလင်းတင်ပြကာ တိုင်းဒေသကြီး ဝန်ကြီးချုပ် ဦးမြတ်ကျော်က ရှင်းလင်းတင်ပြချက်များအပေါ် လိုအပ် သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သတင်းရရှိသည်။  

ဒီဇင်ဘာ ၂၃
စစ်ကိုင်းတိုင်းဒေသကြီး ကိုဗစ်-၁၉ ရောဂါကာကွယ်၊ ထိန်းချုပ်၊ ကုသရေး လုပ်ငန်း ညှိနှိုင်း အစည်းအဝေး(၄၂/၂၀၂၁)ကို ဒီဇင်ဘာလ(၂၃)ရက်၊ နံနက်(၉) နာရီအချိန်တွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်းစစ်ဌာနချုပ် တိုင်းမှူးဗိုလ်မှူးချုပ်ဖြိုးသန့်၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီး ကိုဗစ်-၁၉ ရောဂါ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာအကြီးအကဲများ၊ မုံရွာခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဌနှင့် တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အမှာစကား ပြောကြားရာတွင် “ စစ်ကိုင်းတိုင်းဒေသကြီးအတွင် ကိုဗစ်-၁၉ ရောဂါ ကာကွယ်ထိန်းချုပ်နိုင်ရေးနှင့် ကာကွယ်ဆေးများ၊ အောင်မြင်စွာထိုးနှံပြီးစီးရေးအတွက် အပတ်စဉ် တာဝန်ရှိသူများနှင့် တွေ့ဆုံ၍အစည်းအဝေးပြုလုပ်ကာ ညှီနှိုင်းဆောင်ရွက်လျက် ရှိပါကြောင်း၊ မိမိတို့အနေဖြင့် ပေးအပ်သောတာဝန်နှင့် ရည်မှန်ချက်များအား ကျေပွန်အောင် ဆောင်ရွက်ရ မည်ဖြစ် ပါကြောင်း၊ ကူးစက်မှုများလျော့ကျသွားသော်လည်း အသိပညာပေးခြင်းနှင့် ကြပ်မတ် စစ်ဆေးမှုများအား မလျော့ချရန်နှင့် အခြေအနေပေးသည့်နေရာများတွင် ရောဂါပိုး စစ်ဆေးခြင်းနှင့်ကာကွယ်ဆေးထိုးနှံခြင်းကို ဆောင်ရွက်ရမည် ဖြစ်ပါကြောင်း၊ မြို့ဝင် မြို့ထွက် စစ်ဆေးရေးဂိတ်များတွင် ရောဂါပိုစစ်ဆေးခြင်းနှင့် ကာကွယ်ဆေးထိုနှံခြင်းအပြင် Mobile စနစ်ဖြင့် ဆောင်ရွက်စေလိုပါကြောင်း၊ ရောဂါပိုးစစ်ဆေးခြင်းနှင့် ကာကွယ်ဆေး ထိုးနှံခြင်းများကို အရှိန်အဟုန်မြှင့်၍ ဆက်လက်ဆောင်ရွက် သွားရမည်ဖြစ်ပါကြောင်း “ ပြောကြားခဲ့သည်။

ယင်းနောက် အနောက်မြောက်တိုင်း စစ်ဌာနချုပ်တိုင်းမှူး ဗိုလ်မှူးချုပ် ဖြိုးသန့်က မိမိတို့အနေဖြင့် ကာကွယ်ဆေးထိုးနှံရေးလုပ်ငန်းများ၊ လုံခြုံရေးလုပ်ငန်းများနှင့် ပတ်သက်၍ တာဝန်ရှိသူများနှင့် ပေါင်းစပ်၍ ပူးပေါင်းဆောင်ရွက်ပေးသွားမည် ဖြစ်ပါကြောင်း ပြောကြား ကာ အစည်းအဝေးသို့ တက်ရောက်လာကြသော တိုင်းဒေသကြီး အစိုးရအဖွဲ့ဝင် ဝန်ကြီးများ၊ တပ်မတော်အရာရှိကြီးများနှင့် တာဝန်ရှိသူများက နေ့စဉ်ရောဂါပိုး စစ်ဆေးတွေ့ရှိမှု၊ ဆေးရုံတက်ရောက် ကုသမှုနှင့်ဆေးရုံဆင်းမှု၊ အောက်ဆီဂျင်ထုတ်လုပ်သုံးစွဲမှု၊ သတ်မှတ် လျာထားချက်ပြည့်မီအောင် ကာကွယ်ဆေးထိုးနှံမှုနှင့် လုံခြုံရေးဆောင်ရွက်ပေးနေမှု အခြေအနေများနှင့် ပတ်သက်၍ အသီးသီး အကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က အသီးသီးဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက် ပေးပြီး နိဂုံးချုပ်စကားပြောကြားကာ အစည်းအဝေးကို ရုပ်သိမ်းခဲ့ကြောင်း သတင်းရရှိသည်။