မုံရွာ၊ ဇူလိုင် ၁၂

စစ်ကိုင်းတိုင်းဒေသကြီး မြေလွတ်၊မြေလပ်နှင့်မြေရိုင်းများ စီမံခန့်ခွဲရေးကော်မတီ အစည်း အဝေး အမှတ်စဉ်(၂/၂၀၂၄)ကို ဇူလိုင်လ ၁၂ ရက်၊ နံနက်ပိုင်းက တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး လယ်ယာမြေစီမံခန့်ခွဲမှု အဖွဲ့ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ အနောက်မြောက်တိုင်းစစ်ဌာနချုပ်မှ အရာရှိကြီးများနှင့် တိုင်းဒေသကြီး မြေလွတ်၊မြေလပ်နှင့် မြေရိုင်းများစီမံခန့်ခွဲရေးကော်မတီ အဖွဲ့ဝင်များနှင့် တာဝန်ရှိသူများ တက်ရောက်ကြသည်။

ဦးစွာ တိုင်းဒေသကြီး မြေလွတ်၊မြေလပ်နှင့်မြေရိုင်းများ စီမံခန့်ခွဲရေးကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီး မြေလွတ်၊မြေလပ်နှင့် မြေရိုင်းများ စီမံခန့်ခွဲရေးကော်မတီ အဖွဲ့ဝင်များအနေဖြင့် နိုင်ငံတော်ဖွံ့ဖြိုးတိုးတက်ရေး၊ တိုင်းဒေသကြီး ဖွံ့ဖြိုးတိုးတက်စေရန်အတွက် မြေလွတ်၊မြေရိုင်းများအား အသုံးပြုပြီးစီးပွားဖြစ်စိုက် ပျိုးရေး၊မွေး မြူရေး၊ ဓါတ်သတ္တုထုတ်လုပ် ခြင်း၊အစိုးရမှခွင့်ပြုထားသည့် ဥပဒေနှင့်ညီညွတ် သည့်အခြားလုပ် ငန်းများအား ထိရောက်မှန်ကန်စွာအသုံးချ စီမံဆောင်ရွက်နိုင်ရေးအတွက် အဖွဲ့ဝင်များမှလည်း ဝိုင်းဝန်းပူးပေါင်းကာ နိုင်ငံ့အကျိုး၊ တိုင်းဒေသကြီး၏အကျိုးရှေ့ရှုဆောင်ရွက်ပြီး အဂတိကင်းရှင်း စွာဖြင့် အမျှတဆုံးဖြစ်အောင် ဆောင်ရွက်သွားကြရန် လိုအပ်ပါကြောင်း၊ မြေလွတ်မြေလပ်နှင့် မြေရိုင်းများ စီမံခန့်ခွဲရေးကော်မတီအဖွဲ့အနေဖြင့် ခွင့်ပြုထားသည့်ဧရိယာများအား စည်းကမ်း တကျမြေပြင်တွင် လုပ်ကိုင်ဆောင်ရွက်ကြခြင်း ရှိ/မရှိစိစစ်သွားကြရန် လိုအပ်ပါကြောင်းနှင့် မြေယာများအား လုပ်ကိုင်ဆောင်ရွက်ခြင်းမရှိပါက အရေးယူဆောင်ရွက်သွားကြရန်လည်း လို အပ်ပါကြောင်း ပြောကြားခဲ့သည်။

ဆက်လက်၍ တိုင်းဒေသကြီး မြေလွတ်၊မြေလပ်နှင့်မြေရိုင်းများ စီမံခန့်ခွဲရေးကော်မတီ အတွင်းရေးမှူး၊ တိုင်းဒေသကြီး မြေစာရင်းဦးစီးဌာနမှ ညွှန်ကြားရေးမှူး ဦးသန်းလွင်က တိုင်းဒေ သကြီးအတွင်း မြေလွတ်၊မြေလပ်နှင့်မြေရိုင်းများ လျှောက်ထားလာမှုများအား Power Point ဖြင့် ရှင်းလင်းတင်ပြသည်။

ထို့နောက် တိုင်းဒေသကြီး အစိုးရအဖွဲ့ဝင်များနှင့် တိုင်းဒေသကြီး မြေလွတ်၊မြေလပ်နှင့် မြေရိုင်းများစီမံခန့်ခွဲရေးကော်မတီ အဖွဲ့ဝင်များက တိုင်းဒေသကြီးအတွင်း မြေလွတ်၊မြေလပ်နှင့် မြေရိုင်းများ လျှောက်ထားလာမှုများနှင့် ပတ်သက်၍ ဖြည့်စွက်ဆွေးနွေး တင်ပြကြသည်။
ယင်းနောက် တိုင်းဒေသကြီး မြေလွတ်၊မြေလပ်နှင့် မြေရိုင်းများစီမံခန့်ခွဲရေးကော်မတီ ဥက္ကဌ၊ တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူများ၏ ဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက် ပေးပြီး နိဂုံးချုပ်စကား ပြောကြားခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် မုံရွာ မြို့၊ ကုတင် ၅၀၀ ဆံ့၊ ပြည်သူ့ဆေးရုံကြီးသို့ သွားရောက်၍ မုံရွာမြို့နှင့်အနီးဝန်းကျင်ရှိ ကျေးရွာ များမှပြည်သူ ၃၀၀ ဦးအား ဇူလိုင်လ ၉ ရက်နေ့မှစတင်၍ အခမဲ့ မျက်စိစမ်းသပ်ကုသမှုများ ဆောင်ရွက်ပေးခဲ့ရာ မျက်စိခွဲစိတ်ရန်လိုအပ်သည့် ခွဲစိတ်လူနာ ၃၆ ဦးအား ခွဲစိတ်ပေးနေမှုအား ကြည့်ရှုအားပေးခဲ့ကြပြီး မျက်စိခွဲစိတ်လူနာများအား ထောက်ပံ့ပေးအပ်မည့် နေကာမျက်မှန် များနှင့်ဆေးဝါးများအား ကြည့်ရှုစစ်ဆေးခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက မျက်စီခွဲစိတ်ဆောင် ကုသတွင်ခွဲစိတ်ပြီးလူနာများအား နေကာမျက်မှန်များတပ်ဆင်ပေးခဲ့ကြပြီး ဆေးဝါးများအား ထောက်ပံ့ပေးအပ်ကာ လူနာများ၏မိသားစုဝင်များအား ရင်းရင်းနှီးနှီးလိုက်လံနှုတ်ဆက်ခဲ့ ကြောင်း သိရသည်။

မုံရွာ၊ ဇူလိုင် ၁၁

စစ်ကိုင်းတိုင်းဒေသကြီး ဖွံ့ဖြိုးတိုးတက်မှုမှတ်တမ်းပြုစုရေးအဖွဲ့ လုပ်ငန်းညှိနှိုင်းအစည်း အဝေးကို ဇူလိုင်လ ၁၁ ရက်၊ နံနက်ပိုင်းတွင် စစ်ကိုင်းတိုင်းဒေသကြီး အစိုးရအဖွဲ့ရုံး အစည်း အဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဖွံ့ဖြိုးတိုးတက်မှုမှတ်တမ်းပြုစု ရေးအဖွဲ့ ဥက္ကဌ လူမှုရေးရာဝန်ကြီး ဦးညွန့်ဝင်းအောင်၊ တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်း၊ တိုင်းဒေသကြီး ဖွံ့ဖြိုးတိုးတက်မှုမှတ်တမ်းပြုစုရေးအဖွဲ့ အတွင်းရေးမှူး၊ တွဲဖက် အတွင်းရေးမှူးနှင့်အဖွဲ့ဝင်များ တက်ရောက်ကြသည်။

ဦးစွာ တိုင်းဒေသကြီး ဖွံ့ဖြိုးတိုးတက်မှုမှတ်တမ်းပြုစုရေးအဖွဲ့ ဥက္ကဌ၊ တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်နှင့် တိုင်းဒေသကြီး သယံဇာတရေးရာ ဝန်ကြီး ဦးတင်သန်းဝင်းတို့က အမှာစကား ပြောကြားသည်။

ယင်းနောက် တိုင်းဒေသကြီး ဖွံ့ဖြိုးတိုးတက်မှုမှတ်တမ်းပြုစုရေးအဖွဲ့ အဖွဲ့ဝင်များက မိမိ တို့ဌာနများအလိုက် တိုင်းဒေသကြီး ဖွံ့ဖြိုးတိုးတက်မှုမှတ်တမ်းပြုစုရေး လုပ်ငန်းများကြိုတင်စီမံ ဆောင်ရွက်သွားမည့် လုပ်ငန်းအခြေအနေများအား ရှင်းလင်းတင်ပြကြသည်။

ဆက်လက်ပြီး အစည်းအဝေးသို့ တက်ရောက်လာကြသည့် တိုင်းဒေသကြီး ဖွံ့ဖြိုးတိုး တက်မှုမှတ်တမ်းပြုစုရေးအဖွဲ့ အတွင်းရေးမှူးနှင့် တွဲဖက်အတွင်းရေးတို့က တိုင်းဒေသကြီး ဖွံ့ဖြိုး တိုးတက်မှုမှတ်တမ်းပြုစုရေးလုပ်ငန်းများနှင့် ပတ်သက်၍ ဖြည့်စွက်ဆွေးနွေး တင်ပြကြသည်။

ထို့နောက် တိုင်းဒေသကြီး ဖွံ့ဖြိုးတိုးတက်မှုမှတ်တမ်းပြုစုရေးအဖွဲ့ ဥက္ကဌ၊ တိုင်းဒေသ ကြီး လူမှုရေးရာဝန်ကြီးက အစည်းအဝေးသို့ တက်ရောက်လာသူများ၏ ဆွေးနွေး တင်ပြချက် များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ်စကား ပြောကြားခဲ့ကြောင်း သိရသည်။