မုံရွာ၊ မတ် ၁၅

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီးအစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ကလေးခရိုင်/မြို့နယ် စီမံအုပ်ချုပ်ရေးအဖွဲ့ ဉက္ကဌများနှင့် တာဝန်ရှိသူများ လိုက်ပါလျက် မတ်လ ၁၅ ရက်၊ နံနက်ပိုင်းတွင် ကလေးတက္ကသိုလ်ရှိ ဒုတိယပါမောက္ခချုပ်၊ ပါမောက္ခဌာနမှူးများ၊ ဆရာ / ဆရာများနှင့် တွေ့ဆုံပွဲ အခမ်းအနားသို့ တက်ရောက်ကြသည်။

ဦးစွာ ကလေးတက္ကသိုလ် ဒုတိယပါမောက္ခချုပ် ဒေါက်တာဝင်းမင်းလတ်က ကလေးတက္ကသိုလ်၏ ပညာသင်နှစ်အလိုက် သင်ကြားရေးလုပ်ငန်းများဆောင်ရွက်နေမှု အခြေအနေများနှင့် ပတ်သက်၍ ရှင်းလင်းပြောကြားပြီး ပါမောက္ခ/ဌာနမှူးများက တက္ကသိုလ်၏ လိုအပ်ချက်များအား ဆွေးနွေးပြောကြားကြပြီး တိုင်းဒေသကြီး လူမှုရေးရာဝန်ကြီးက ဖြည့်စွက်ဆွေးနွေး ပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်က နှုတ်ဆက်စကားပြော ကြားပြီး ဒုတိယပါမောက္ခချုပ်၊ ပါမောက္ခဌာနမှူးများနှင့် ဆရာ/ဆရာများ၏ ဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ ဒုတိယပါမောက္ခချုပ်ထံ ဂုဏ်ပြုချီးမြှင့်ငွေများ ပေးအပ်ခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဒေသကွပ်ကဲ မှုစစ်ဌာနချုပ်(ကလေး)ရိပ်သာ၌ လုပ်ငန်းညှိနှိုင်းအစည်းအဝေးသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ကလေးခရိုင်အတွင်းရှိ မြို့နယ် များ၌ Gread-12 ဖြေဆိုကြမည့် ကျောင်းသား/ကျောင်းသူများ စိတ်အေးချမ်းသာစွာဖြင့် စာမေးပွဲဖြေဆိုနိုင်ရေး တာ ဝန်ရှိသူများအနေဖြင့် အလေးထားဆောင်ရွက်သွားကြရန် လို အပ်ပါကြောင်း၊ စာမေးပွဲဖြေဆိုနေချိန်ကာလအတွင်း အခြေခံပညာကျောင်းများအနီး အသံဆူညံမှုများမဖြစ်စေရေး၊ ယာဉ်အန္တရာယ်လမ်းအန္တရာယ်ကင်းရှင်းရေး၊ မီးဘေး အန္တရာယ်ကြိုတင်ကာကွယ်ရေး၊ အဖြေလွှာများစနစ်တကျသိမ်း ဆည်းရေးနှင့် စာဖြေဌာန များအလိုက် လုံခြုံရေးအသိ၊သတိတို့ဖြင့် ပူးပေါင်းဆောင်ရွက်သွားကြရန် လိုအပ်ပါ ကြောင်း ပြောကြားခဲ့သည်။

ယင်းနောက် အစည်းအဝေးသို့ တက်ရောက်လာသူများမှ ကလေးခရိုင်အတွင်း Gread-12 စာမေးပွဲအောင်မြင်စွာဖြေဆိုနိုင်ရေး မိမိတို့ဌာနများအလိုက် ကြိုတင်စီမံ ဆောင်ရွက်သွားမည့် လုပ်ငန်းအခြေ အနေများအားအသီးသီးဆွေးနွေးပြောကြားခဲ့ ကြောင်း သိရသည်။

မုံရွာ၊ မတ် ၁၅

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ကလေးခရိုင်/မြို့နယ် စီမံအုပ်ချုပ်ရေးအဖွဲ့ ဉက္ကဌများနှင့် တာဝန်ရှိသူများလိုက်ပါလျက် မတ်လ ၁၅ နံနက်ပိုင်း တွင် ကလေးမြို့၊ မြို့တော်ခန်းမတွင် ကျင်းပပြုလုပ်သည့် ကလေးခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများ၊ ဒေသခံတောင်သူများနှင့် တွေ့ဆုံပွဲ အခမ်းအနားသို့ တက်ရောက်ကြသည်။

ဦးစွာ ကလေးခရိုင် စီမံအုပ်ချုပ်ရေးအဖွဲ့ ဉက္ကဌ ဦးကျော်စိုးတင့်က ကလေးခရိုင် အတွင်း ဒေသဖွံ့ဖြိုးရေးလုပ်ငန်းများ လုပ်ငန်းများဆောင်ရွက်နေမှု အခြေအနေများအား Power Point ဖြင့်ရှင်းလင်းတင်ပြသည်။

ထို့နောက် တိုင်းဒေသကြီး ဝန်ကြီးချုပ်နှင့် တိုင်းဒေသကြီး အစိုးရအဖွဲ့ဝင်များက ကလေးမြို့နယ်ရှိ ကျေးရွာ ၃ ရွာမှ ဒေသခံတောင်သူ ၃၀၀ အတွက် ယူရီးယားဓါတ်မြေဩ ဇာ ၃၀၀ အိတ်အား ကျေးရွာများမှတာဝန်ရှိသူများထံ ပေးအပ်ကြသည်။

ဆက်လက်၍ တိုင်းဒေသကြီးအဆင့် ဌာနဆိုင်ရာများနှင့် တိုင်းဒေသကြီး အစိုးရ အဖွဲ့ဝင်များက မိမိတို့တာဝန်ယူဆောင်ရွက်နေသည့် လုပ်ငန်းများနှင့် ပတ်သက်၍ ရှင်း လင်းပြောကြားကြသည်။
ဆက်လက်ပြီး တိုင်းဒေသကြီး ဝန်ကြီးချုပ်က ကလေးခရိုင်/မြို့နယ် စီမံအုပ်ချုပ် ရေးအဖွဲ့ ဉက္ကဌများထံ ဌာနဆိုင်ရာဝန်ထမ်းများအတွက် ဂုဏ်ပြုချီးမြှင့်ငွေများအား လည်းကောင်း၊ တိုင်းဒေသကြီး အစိုးရအဖွဲ့ဝင်များက လုံခြုံရေးတာဝန်ထမ်းဆောင်နေများအား ဂုဏ်ပြုချီးမြှင့်ငွေများအား လည်း ကောင်း အသီးသီးပေးအပ်ချီးမြှင်ခဲ့ကြပြီး အခမ်း အနား သို့တက်ရောက်လာသည့် ဒေသခံတစ်ဦးက ကျေးဇူးတင်စကား ပြန်လည်ပြောကြားသည်။

ထို့နောက် တိုင်းဒေသကြီး ဝန်ကြီးချုပ်က နိုင်ငံတော်နှင့် မိမိတို့တိုင်းဒေသကြီး အစိုးရအဖွဲ့အနေဖြင့် ကလေးခရိုင်အတွင်းလုံခြုံတည်ငြိမ်ရေး၊တရားဉပဒေစိုးမိုးရေး၊ဒေသဖွံ့ဖြိုးရေး၊ပညာရေး၊ကျန်းမာ ရေး၊ စိုက်ပျိုးရေး၊ မွေးမြူရေးလုပ်ငန်းများနှင့် MSMEs လုပ်ငန်းများ ဆောင်ရွက်ပေးနေမှု အခြေအနေများအား ရှင်းလင်းပြောကြားသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက် လာသူများအား ရင်းရင်းနှီးနှီး လိုက်လံနှုတ်ခဲ့ကြသည်။

ကလေးခရိုင်အနေဖြင့် ၂၀၂၄-၂၀၂၅ ခုနှစ်၊ နေကြာသီးနှံ ၇၁၅၅၇ ဧက စိုက်ပျိုး လျက်ရှိရာ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကလေးမြို့၊ အင်ဒိုင်း ကြီးကျေးရွာ၊ ဦးအောင်ဖြိုးပါ တောင် သူ ၆ ဦး စိုက်ပျိုးထားသည့် ရေဆင်းစပ်မျိုး-၁ နေကြာစိုက်ခင်း ဧက ၆၀ အောင်မြင်ဖြစ်ထွန်းနေမှုအား သွားရောက်ကြည့်ရှုအားပေးပြီး နေကြာစိုက် ဒေသခံတောင်သူများနှင့် ရင်းရင်းနှီးနှီးတွေ့ဆုံကာ စိုက်ပျိုးရေးဆိုင်ရာ လိုအပ်ချက်များအား တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။