မုံရွာ၊ မေ ၈

စစ်ကိုင်းတိုင်းဒေသကြီး၊ စစ်ကိုင်းခရိုင်အတွင်း ၂၀၂၆-၂၀၂၇ ခုနှစ်၊ မိုးသီးနှံ (စပါး၊ နှမ်း၊နေကြာ၊ပဲတီစိမ်း၊ဝါ)ပန်းတိုင်အထွက်နှုန်းရရှိရေးအတွက် မျိုးကောင်း၊မျိုးသန့်၊ မျိုးစေ့ နှင့်စပါးမျိုးစေ့ချကိရိယာများ ပေးအပ်ပွဲအခမ်းအနားကို မေလ ၈ ရက်၊ နံနက်ပိုင်းတွင် စစ်ကိုင်းခရိုင်၊ စိုက်ပျိုးရေးဦးစီးဌာနရုံးရှိ မြတ်ဇေယျာခန်းမတွင် ကျင်းပပြုလုပ်ရာ အခမ်း အနားသို့ တိုင်းဒေသကြီး ဝန်ကြီးချုပ် ဦးကိုလေး၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ စစ်ကိုင်းမြို့နယ်အတွင်းရှိ ကျေးရွာ ၁၀ ရွာမှ ဒေသခံတောင်သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးကိုလေးက မိမိတို့တိုင်းဒေသကြီးသည် စိုက်ပျိုး ရေးအား အဓိကလုပ်ကိုင်ဆောင်ရွက်နေသည့် တိုင်းဒေသကြီးတစ်ခုဖြစ်တာနှင့်အညီ တိုင်း ဒေသကြီးအတွင်း စိုက်ပျိုးလျက်ရှိသည့် စပါး၊ ဆီထွက်သီးနှံ ပဲမျိုးစုံနှင့် စက်မှုကုန်ကြမ်းသီး နှံဝါအပါအဝင် သီးနှံမျိုးစုံစိုက်ဧကလျာထားချက်ပြည့်မီရေးနှင့် ပန်းတိုင်အတွက်နှုန်းရရှိ ရေးအတွက် ဌာနဆိုင်ရာများ၊ ဒေသခံတောင်သူများနှင့် ဝိုင်းဝန်းပူးပေါင်း ဆောင်ရွက်လျက်ရှိပါကြောင်း၊ နိုင်ငံတော်အနေဖြင့်လည်း စိုက်ပျိုးမွေးမြူရေးကဏ္ဍဖွံ့ဖြိုးတိုးတက်ရေး အတွက် စီးပွားရေးမူဝါဒများ ခိုင်မာစွာချမှတ်ပြီး စိုက်ပျိုးမွေးမြူရေးလုပ်ငန်းများ ပိုမိုကျယ် ပြန့်စွာ ထုတ်လုပ်နိုင်ရေး၊ လယ်ယာကဏ္ဍကုန်ထုတ်စွမ်းအား မြင့်မားလာစေရေး၊ တောင် သူများဝင်ငွေတိုးတက်ရရှိစေရေးနှင့် ဘေးကင်းလုံခြုံပြီး အဟာရပြည့်ဝသည့် စားရေရိက္ခာများထုတ်လုပ်နိုင်ရေးအတွက် နည်းလည်းပေါင်းစုံဖြင့် ပံ့ပိုးကူညီဆောင်ရွက်ပေးလျက် ရှိပါ ကြောင်း၊ တာဝန်ရှိသူများနှင့် ဒေသခံတောင်သူများအနေဖြင့်လည်း စိုက်ပျိုးသည့်သီးနှံများ ပန်းတိုင်အထွက်နှုန်းရရှိရေးအတွက် လိုက်နာဆောင်ရွက်ရမည့် နည်းလမ်းများအား လိုက် နာဆောင်ရွက်ကြမည်ဆိုပါက စိုက်ပျိုးသည့်သီးနှံများ အထွက်တိုးပြီး တိုင်းဒေသကြီး၏ လယ်ယာစိုက်ပျိုးရေးကဏ္ဍတိုးတက်ဖွံ့ဖြိုးလာမည် ဖြစ်ပါကြောင်း ပြောကြားသည်။

ယင်းနောက် တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့် စစ် ကိုင်းခရိုင် စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌတို့က စစ်ကိုင်းမြို့နယ်အတွင်းရှိ ကျေးရွာ ၁၀ ရွာမှ ဒေသခံတောင်သူ ၃၀၀ ဦးအတွက် မိုးသီးနှံ စပါး၊နှမ်း၊နေကြာ၊ ပဲတီစိမ်း၊ ဝါ မျိုးစေ့များနှင့် မျိုးစေ့နှင့်စပါးမျိုးစေ့ချကိရိယာများအား ပေးအပ်ခဲ့ကြသည်။

ဆက်လက်၍ စစ်ကိုင်းမြို့နယ်အတွင်းရှိ ကျေးရွာ ၁၀ ရွာမှ ဒေသခံတောင်သူ ၃၀၀ ဦးကိုယ်စား ဒေသခံတောင်သူတစ်ဦးက ကျေးဇူးတင်စကား ပြန်လည်ပြောကြားပြီး တိုင်း ဒသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက်လာကြသည့် ဒေသခံတောင်သူများအား ရင်းရင်းနှီးနှီးနှုတ်ဆက်ခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါရုံးဝန်း အတွင်း၌ ဒေသခံတောင်သူများအား လယ်ယာသုံးစက်မောင်းဆီများ ၁ ဂါလဲ ၁ သောင်းဖြင့် ရောင်းချပေးနေမှုများနှင့် စားသုံးဆီများအား ဈေးနှုန်းသက်သာစွာဖြင့် ရောင်းချပေးနေမှု များအား လိုက်လံကြည့်ရှုခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ပါရမီ ရပ်ကွက်ရှိ “စိန်ကြည်” ခေါက်ဆွဲစက်ရုံသို့ရောက်ရှိရာ စက်ရုံတာဝန်ခံမှ စက်ရုံအတွင်း ခေါက်ဆွဲခြောက်များ ထုတ်လုပ်မှုအဆင့်ဆင့်အား လိုက်လံရှင်းလင်းပြသရာ တိုင်းဒေသကြီးဝန်ကြီးချုပ်က လိုက်လံရှင်းလင်းပြသမှုများအပေါ် လိုအပ်သည်များကို တာဝန်ရှိသူ များနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် စစ်ကိုင်းမြို့၊ စက်မှုဇုန်ကော်မတီရုံးတွင် စစ်ကိုင်းစက်မှုဇုန်ရှိ စက်ရုံအလုပ်ရုံလုပ်ငန်းရှင် များ၊ MSME လုပ်ငန်းရှင်များနှင့် တွေ့ဆုံပွဲအခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးကိုလေးက မိမိတို့တိုင်းဒေသကြီး အစိုးရအဖွဲ့ အနေဖြင့် တိုင်းဒေသကြီးအတွင်းရှိ MSME လုပ်ငန်းများဖွံ့ဖြိုးတိုးတက်ရေးအတွက် တာဝန် ရှိသူများနှင့် ဝိုင်းဝန်းပူးပေါင်း ဆောင်ရွက်ပေးသွားမည် ဖြစ်ပါကြောင်း၊ စက်ရုံအလုပ်ရုံများ အတွက်အသုံးပြုသွားမည့် ကုန်ကြမ်းပစ္စည်းများရရှိရေး၊ သယ်ယူပို့ဆောင်ရေးလုပ်ငန်း များ အဆင်ပြေချောမွေ့စေရေး၊ ကုန်ပစ္စည်းများအရည်အသွေးကောင်းမွန်စွာဖြင့် ထုတ် လုပ်သွားရေးနှင့် လုပ်ငန်းအခက်အခဲများရှိပါက မိမိတို့တိုင်းဒေသကြီး အစိုးရအဖွဲ့ထံသို့ အချိန်နှင့်တစ်ပြေးညီ တင်ပြသွားကြရန် လိုအပ်ပါကြောင်း ပြောကြားသည်။

ယင်းနောက် စစ်ကိုင်းစက်မှုဇုန်ကော်မတီ ဥက္ကဌမှ စက်မှုဇုန်အတွင်း စက်ရုံအလုပ်ရုံ များ လုပ်ငန်းဆောင်ရွက်နေမှုအခြေအနေမျာအား ရှင်းလင်းပြောကြားသည်။

ဆက်လက်၍ တွေ့ဆုံပွဲသို့ တက်ရောက်လာကြသည့် စစ်ကိုင်းစက်မှုဇုန်အတွင်းရှိ စက်ရုံအလုပ်ရုံလုပ်ငန်းရှင်များ၊ MSME လုပ်ငန်းရှင်များက မိမိတို့လုပ်ကိုင်ဆောင်ရွက်နေ သည့် လုပ်ငန်းအခြေအနေများအား ရှင်းလင်းပြောကြားကြသည်။

ထို့နောက် တိုင်းဒေသကြီး ဝန်ကြီးချုပ်က တွေ့ဆုံပွဲသို့ တက်ရောက်လာကြသည့် စစ်ကိုင်းစက်မှုဇုန်အတွင်းရှိ စက်ရုံအလုပ်ရုံလုပ်ငန်းရှင်များ၊ MSME လုပ်ငန်းရှင်များ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်း စပ်ဆောင်ရွက်ပေးပြီး နိဂုံးချုပ်အမှာစကား ပြောကြားခဲ့ကြောင်း သိရသည်။

မုံရွာ၊ မေ ၇

၂၀၂၆-ခုနှစ်၊ တိုင်းဒေသကြီးအစိုးရအဖွဲ့ ဝန်ကြီးချုပ်ဖလား မြို့နယ်ပေါင်းစုံ အသက် (၂၅)နှစ်အောက် အမျိုးသား/အမျိုးသမီး ဘော်လီဘောပြိုင်ပွဲ ဖွင့်ပွဲအခမ်းအနားကို မေလ ၇ ရက်၊ နံနက်ပိုင်းတွင် မုံရွာမြို့၊ ပြည်သူ့အားကစားကွင်းအတွင်းရှိ မိုးလုံလေလုံအားကစား ခန်းမတွင် ကျင်းပပြုလုပ်ရာ ဖွင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးကိုလေး၊တိုင်းဒေသကြီးလွှတ်တော်ဥက္ကဌ ဦးတင့်လိူင်မြင့်၊ တိုင်းဒေသကြီး တရားသူကြီးချုပ်၊ တိုင်းဒေသကြီးအစိုးရ အဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မုံရွာမြို့ ပေါ်ရှိတက္ကသိုလ်၊ ဒီဂရီကောလိပ်များမှ ကျောင်းသား/ကျောင်းသူများ၊ ဘော်လီဘောပြိုင်ပွဲဝင်အသင်း အုပ်ချုပ်သူများနှင့် အားကစားသမားများ တက်ရောက်ကြသည်။
ဦးစွာ တိုင်းဒေသကြီး ဝန်ကြီးချုပ် ဦးကိုလေးက နိုင်ငံတော်အနေဖြင့် “အားကစား မြှင့်တင်ခြင်းသည် နိုင်ငံတော်ကို ကာကွယ်စောင့်ရှောက်နေခြင်းဖြစ်ပြီး အားကစားအောင် နိုင်ခြင်းသည် နိုင်ငံနှင့်လူမျိုး၏ဂုဏ်သိက္ခာကို တိုးတက်မြင့်မားစေသည်” ဆိုသည့် ခံယူ ချက်ဖြင့် “တစ်မျိုးသားလုံး ကျန်းမာကြံ့ခိုင်ရေး”ဆိုသည့် ဦးတည်ချက်များထားရှိကာ နိုင်ငံ တော်၏အားကစား အဆင့်အတန်းတိုးတက်မြင့်မားလာစေရေး ကြိုးစားဆောင်ရွက်နေ ခြင်းကိုလည်း အားလုံးအသိပဲ ဖြစ်ပါကြောင်း၊ ဘော်လီဘော အားကစားနည်းသည် မိမိတို့ တိုင်းဒေသကြီးအတွက် အားထားရသည့် အားကစားနည်းတစ်ခုလည်း ဖြစ်ပါကြောင်း၊ ယခုလိုပြိုင်ပွဲကျင်းပရခြင်း၏ ရည်ရွယ်ချက်ဖြစ်သည့် တိုင်းဒေသကြီးကိုယ်စားပြု လက်ရွေးစင်များ ရွေးချယ်သည့်ပွဲဖြစ်ပါ၍ ပြိုင်ပွဲဝင်အသင်းများအနေဖြင့် အားကစား စိတ်ဓါတ် အပြည့်နှင့် ယှဉ်ပြိုင်ကစားရင်း မိမိတို့၏အရည်အချင်းအား ပေါ်လွင်အောင် ကြိုးစားယှဉ် ပြိုင်ကစားသွားကြရန် လိုအပ်ပါကြောင်း ပြောကြားကာ ၂၀၂၆-ခုနှစ်၊ တိုင်းဒေသကြီး အစိုးရအဖွဲ့ ဝန်ကြီးချုပ်ဖလား မြို့နယ်ပေါင်းစုံ အသက် (၂၅)နှစ်အောက် အမျိုးသား/အမျိုးသမီး ဘော်လီဘောပြိုင်ပွဲအား ဖွင့်လှစ်ပေးသည်။
ယင်းနောက် ၂၀၂၆-ခုနှစ်၊ တိုင်းဒေသကြီးအစိုးရအဖွဲ့ ဝန်ကြီးချုပ်ဖလား မြို့နယ် ပေါင်းစုံ အသက်(၂၅)နှစ်အောက် အမျိုးသား/အမျိုးသမီး ဘော်လီဘောပြိုင်ပွဲဝင် အားကစားသမားများက အားသစားသစ္စာဓိဌာန်ရွတ်ဆိုကြပြီး ကွင်းအတွင်းမှ ပြန်လည်ထွက်ခွာ ကြသည်။
ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ၂၀၂၆-ခုနှစ်၊ တိုင်း ဒေသကြီးအစိုးရအဖွဲ့ ဝန်ကြီးချုပ်ဖလား မြို့နယ်ပေါင်းစုံ အသက်(၂၅)နှစ်အောက် အမျိုး သား/အမျိုးသမီး ဘော်လီဘောပြိုင်ပွဲ အဖွင့်ပွဲစဉ်အဖြစ် ဟုမ္မလင်းမြို့နယ်အသင်းနှင့် ဝက်လက်မြို့နယ် အသင်းတို့ ယှဉ်ပြိုင်ကစားနေမှုများအား ကြည့်ရှုအားပေးခဲ့ကြသည်။
အဆိုပါ ၂၀၂၆-ခုနှစ်၊ တိုင်းဒေသကြီး အစိုးရအဖွဲ့ ဝန်ကြီးချုပ်ဖလား မြို့နယ်ပေါင်းစုံ အသက်(၂၅)နှစ်အောက် အမျိုးသား/အမျိုးသမီး ဘော်လီဘောပြိုင်ပွဲအား မေလ ၇ ရက်နေ့ မှ ၁၂ ရက်နေ့အထိ ကျင်းပသွားမည်ဖြစ်ပြီး တိုင်းဒေသကြီးအတွင်းရှိ မြို့နယ် ၂၉ မြို့နယ်မှ ပြိုင်ပွဲဝင်အားကစားသမား – ၄၈၀ ဦး ဝင်ရောက်ယှဉ်ပြိုင်သွားမည်ဖြစ်သည်။
အလားတူ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မေလ ၆ ရက်၊ ညနေပိုင်းတွင် မုံရွာမြို့၊ ပြည်သူ့အားကစားကွင်းအတွင်း၌ ကျင်းပပြုလုပ်သည့် ၂၀၂၆ခုနှစ်၊ စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ်ဖလား ခရိုင်ပေါင်းစုံ အသက်(၁၈) နှစ်အောက် အမျိုးသား ဘောလုံးပြိုင်ပွဲ ဗိုလ်လုပွဲနှင့်ဆုချီးမြှင့်ပွဲ အခမ်းအနား တက်ရောက် ကြသည်။
ဦးစွာ တိုင်းဒေသကြီး ဝန်ကြီးချုပ်၊ တိုင်းဒေသကြီး လွှတ်တော် ဥက္ကဌ၊ တိုင်းဒေသကြီးအစိုးရအဖွဲ့ဝင်များနှင့် တာဝန်ရှိသူများက ၂၀၂၆-ခုနှစ်၊ တိုင်းဒေသကြီးအစိုးရ အဖွဲ့ ဝန်ကြီးချုပ်ဖလား ခရိုင်ပေါင်းစုံ အသက်(၁၈)နှစ်အောက် အမျိုးသား ဘောလုံးပြိုင်ပွဲ ဗိုလ်လုပွဲစဉ်အဖြစ်
မုံရွာခရိုင်အသင်းနှင့် ကလေးခရိုင်အသင်းတို့ ယှဉ်ပြိုင်ကစားနေမှုများ အားကြည့်ရှုအားပေးရာ မုံရွာခရိုင်အသင်းမှ ကလေးခရိုင်အသင်းအား ၂ ဂိုး၊ ၁ ဂိုးဖြင့် အနိုင် ရရှိသွားသည်။
ယင်းနောက် ဆုချီးမြှင့်ပွဲအခမ်းအနားကို ကျင်းပရာ တိုင်းဒေသကြီး အစိုးရအဖွဲ့ဝင်များက ပွဲစဉ်တစ်လျှောက် အကောင်းဆုံး ဂိုးသမားနှင့် နေရာအလိုက်အကောင်းဆုံးဆုရ အားကစားသမားများအား ဆုတံဆိပ်နှင့် ငွေသားဆုများအား ပေးအပ်ချီးမြှင့်သည်။
ဆက်လက်၍ တိုင်းဒေသကြီး တရားသူကြီးချုပ်က တတိယဆုရရှိသည့် ဟုမ္မလင်းခရိုင်အသင်းအား တစ်ဦးချင်းဆုတံဆိပ်နှင့် ဂုဏ်ပြုဆုငွေကျပ်- ၅ သိန်းအား လည်းကောင်း၊ တိုင်းဒေသကြီး လွှတ်တော် ဥက္ကဌက ဒုတိယဆုရရရှိသည့် ကလေးခရိုင်အသင်းအား တစ်ဦးချင်းဆုတံဆိပ်၊ ဂုဏ်ပြုဆုငွေကျပ် – ၇ သိန်းအား လည်းကောင်း ပေးအပ်ချီးမြှင့်ကြ သည်။
ထို့နောက် တိုင်းဒေသကြီး ဝန်ကြီးချုပ်က ပထမဆုရရှိသည့် မုံရွာခရိုင်အသင်းအား တစ်ဦးချင်းဆုတံဆိပ်၊ ဂုဏ်ပြုဆုငွေကျပ်- ၁၀ သိန်းနှင့် တံခွန်စိုက်ဆုဖလားအား ပေးအပ် ချီးမြှင့်ကာ ဆုရအားကစားသမားနှင့်အတူတကွ စုပေါင်းမှတ်တမ်းတင်ဓါတ်ပုံ ရိုက်ကူးခဲ့ကြောင်း သိရသည်။