စစ်ကိုင်းတိုင်းဒေသကြီးအတွင်း အယ်လ်နီညိုဖြစ်စဉ်ကြောင့် ကြုံတွေ့လာနိုင်သည့် သဘာဝဘေးအန္တရာယ်များအား ကြိုတင်ကာကွယ်ရေး လုပ်ငန်းညှိနှိုင်း အစည်းအဝေးကို အောက်တိုဘာလ ၁၂ ရက်၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေး ခန်းမတွင် ကျင်းပပြုလုပ်ရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးကိုလေး၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် တိုင်းဒေသ ကြီးအတွင်းရှိ ခရိုင်/မြို့နယ်စီမံခန့်ခွဲရေးနှင့်အုပ်ချုပ်ရေး ကော်မတီ ဥက္ကဌများက Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးကိုလေးက အယ်လ်နီညိုဖြစ်စဉ်ကြောင့် ဖြစ် ပေါ်လာနိုင်သည့် ရာသီဥတုဆိုးရွားမှုများအပေါ် လိုအပ်သည့်ကြိုတင်ပြင်ဆင်မှုများအား ဌာနဆိုင်ရာများနှင့် အုပ်ချုပ်ရေးအဖွဲ့များမှ အလေးထားကာ ဝိုင်းဝန်းပူးပေါင်း ဆောင်ရွက် သွားကြရန် လိုအပ်ပါကြောင်း၊ အယ်လ်နီညိုဖြစ်စဉ်ကြောင့် အပူချိန်မြင့်တတ်ခြင်း၊ မိုးခေါင် ရေရှားမှုများဖြစ်ပေါ်လာနိုင်ခြင်း၊ ရုတ်တရက်မုန်တိုင်းတိုက်ခတ်ခြင်းများနှင့် အချိန်အခါ မဟုတ်မိုးရွာသွန်းမှုများဖြစ်ပေါ်လာနိုင်အတွက် မိမိတို့တိုင်းဒေသကြီးအတွင်းရှိ ခရိုင်/မြို့ နယ်များ၌ ဘေးအန္တရာယ်မျိုးစုံအတွက် ကြိုဆင်ပြင်ဆင်မှုများ ဆောင်ရွက်သွားကြရန် လိုအပ်ပါကြောင်း၊ အပူချိန်မြင့်မားမှုကြောင့် မြစ်ချောင်းများနှင့် ဆည်တမံများအတွင်း ရေ ဝင်ရောက်မှု နည်းပါးခြင်းများကြောင့် သောက်သုံးရေနှင့် စိုက်ပျိုးရေအခက်အခဲများ ကြုံ တွေ့လာနိုင်ခြင်း၊ လျှပ်စစ်ဓာတ်အားထုတ်လုပ်မှုများ လျော့ကျလာနိုင်သည့်အတွက် သောက်သုံးရေးပြတ်လပ်မှုများ မဖြစ်ပေါ်စေရေး၊ အပူဒဏ်ခံနိုင်သည့် သီးနှံများရွေးချယ်စိုက်ပျိုးသွားကြရန်နှင့် အပူရှောင်စခန်းများဖွင့်လှစ်သွားရေး၊ ဆိုလာလျှပ်စစ်မီးများ ကြို တင်စီမံ ဆောင်ရွက်သွားရေးတို့အား ဌာနများအချင်းချင်း ချိတ်ဆက်ပူးပေါင်းကာ ဆောင် ရွက်သွားကြရန် လိုအပ်ပါကြောင်း၊ ဆေးရုံဆေးခန်းများအနေဖြင့်လည်း လိုအပ်သည့် ကုသရေးလုပ်ငန်းသုံးပစ္စည်းများ၊ ဆေးဝါးများအား ကြိုတင်ဖြည့်တင်းထားရှိရေး၊ ပြည်သူ များအား ကျန်းမာရေးအသိပညာများရရှိစေရန် ဟောပြောပွဲများဆောင်ရွက်ခြင်း၊ ကြေညာ ဆိုင်းဘုတ်များ စိုက်ထူခြင်းနှင့် လက်ကမ်းစာစောင်များ ဖြန့်ဝေပေးသွားခြင်းများအား ဆောင်ရွက်သွားကြရန်နှင့် မိမိတို့တိုင်းဒေသကြီး အစိုးရအဖွဲ့အနေဖြင့်လည်း လိုအပ်သည့် ပံ့ပိုးကူညီဆောင်ရွက်မှုများအား ချိတ်ဆက်ပူးပေါင်း ဆောင်ရွက်ပေးသွားမည် ဖြစ်ပါ ကြောင်း ပြောကြားသည်။

ယင်းနောက် အစည်းအဝေးသို့ တက်ရောက်လာသူကြသည့် တိုင်းဒေသကြီးအဆင့် ဌာနဆိုင်ရာများ၊ တိုင်းဒေသကြီးအတွင်းရှိ ခရိုင် စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌများနှင့် တိုင်းဒေသကြီးအစိုးရအဖွဲ့ဝင်များက တိုင်းဒေသကြီးအတွင်း အယ်လ်နီညို ဖြစ်စဉ်ကြောင့် ကြုံတွေ့လာနိုင်သည့် သဘာဝဘေးအန္တရာယ်များအား ကြိုတင်ကာကွယ် ရေးလုပ်ငန်းနှင့် ပတ်သက်၍ မိမိတို့ဌာနများအလိုက် ကြိုတင်စီမံဆောင်ရွက်ထားရှိသည့် လုပ်ငန်းအခြေအနေများနှင့် ဆက်လက်ဆောင်ရွက်သွားမည့် လုပ်ငန်းအခြေအနေများ အား Power Point ဖြင့် ရှင်းလင်းတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာကြသူ များ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့ပြီး နိဂုံးချုပ်အမှာစကား ပြောကြားခဲ့ကြောင်း သိရသည်။

စစ်ကိုင်းတိုင်းဒေသကြီး ဝန်ကြီးချုပ် ဦးကိုလေး၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူများသည် အောက်တိုဘာလ ၁၀ ရက်၊ နံနက်ပိုင်းတွင် မုံရွာမြို့၊ အမှတ်(၁)အခြေခံပညာအထက်တန်းကျောင်း၌ ပညာ သင်ကြားနေကြသည့် ကျောင်းသား၊ကျောင်းသူများ စိတ်အေးချမ်းသာစွာဖြင့် ပညာသင် ကြားနိုင်ရေးအတွက် ခြင်များပေါက်ဖွားနိုင်သည့် သစ်ပင်ခြုံနွယ်များ၊ ပလပ်စတစ်အမှိုက် များနှင့် သစ်ပင်သစ်ကိုင်းများ ခုတ်ထွင်ရှင်းလင်းမှုများအား မုံရွာမြို့ပေါ်ရှိ တိုင်းဒေသကြီး /ခရိုင်/မြို့နယ်အဆင့် ဌာနဆိုင်ရာများမှဝန်ထမ်းများ၊ အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ စည်ပင်သာယာရေး အဖွဲ့များနှင့် ဆရာ၊ဆရာမများနှင့် ကျောင်းသား၊ကျောင်းသူများ၊ ရပ်ကွက်နေပြည်သူများ မှစုပေါင်း၍ သန့်ရှင်းရေး လုပ်ငန်းများ ဆောင်ရွက်နေမှုများအား လိုက်လံကြည့်ရှုခဲ့ကြပြီး လိုအပ်သည်များကို တာ ဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါ ကျောင်းဝန်းအတွင်းရှိ မိုးလုံလေလုံအားကစားခန်းမနှင့် ကျောင်းဆောင်အဆောက်အဦီ များ ကြံ့ခိုင်မှုအခြေအနေများအား လိုက်လံကြည့်ရှုခဲ့ကြပြီး တိုင်းဒေသကြီး ဝန်ကြီးချုပ်က အားကစားအဆင့်အတန်း တိုးတက်မြင့်မားလာစေရန်အတွက် ကျောင်းတွင်းအားကစား ပြိုင်ပွဲများ စဉ်ဆက်မပြတ် ကျင်းပဆောင်ရွက်သွားရေး၊ ကျောင်းဆောင်အဆောက်အဦ များအတွင်းအပြင် အမြဲသန့်ရှင်းသပ်ရပ်မှုရှိစေရေး၊ ကျောင်းသုံးပရိဘောဂပစ္စည်းများနှင့် သင်ထောက်ကူပစ္စည်းများ ပြည့်စုံလုံလောက်မှုရှိစေရေးတို့အား တာဝန်ရှိသူများအား မှာ ကြားခဲ့ကြောင်း သိရသည်။