မုံရွာ၊ ဩဂုတ် ၂၈
စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ ကန့်ဘလူခရိုင် စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌနှင့် တာဝန်ရှိသူများသည် ဩဂုတ်လ ၂၈ ရက်၊ နံနက်ပိုင်းတွင် ကန့်ဘလူခရိုင်၊ ကန့်ဘလူမြို့ အစိုးရစက်မှုလက်မှု သိပ္ပံကျောင်းသို့ ရောက်ရှိရာ ကျောင်းအုပ်ဆရာမကြီးနှင့် နည်းပြဆရာ/ဆရာမများက သင်ကြားစီမံရေးလုပ်ငန်းများ ဆောင်ရွက် နေမှုအခြေအနေများနှင့် သင်ထောက်ကူပစ္စည်းများ လိုအပ်မှုအခြေအနေများအား အသီး သီးဆွေးနွေးတင်ပြကြသည်။
ယင်းနောက် တိုင်းဒေသကြီး ဝန်ကြီးချုပ်က မိမိတို့တိုင်းဒေသကြီးအတွင်းရှိ တက္က သိုလ်/ဒီဂရီကောလိပ်များနှင့် အခြေခံပညာကျောင်းများရှိ ဆရာ/ဆရာမများနှင့် ကျောင်း သား/ကျောင်းသူများ စိတ်အေးချမ်းသာစွာဖြင့် ပညာသင်ကြားရေးအတွက် မိမိတိူ့တိုင်းဒေ သကြီးအစိုးရအဖွဲ့အနေဖြင့် တာဝန်ရှိသူများနှင့်ပူးပေါင်းကာ အလေးထား ဆောင်ရွက်ပေး လျက်ရှိပါကြောင်း၊ ကျောင်းအုပ်ကြီးနှင့် ဆရာ/ဆရာမများအနေဖြင့်လည်း မိမိကျောင်း ပတ်ဝန်းကျင်အား အမြဲသန့်ရှင်းသပ်ရပ်စေရေး ကျောင်းဥပဓိရုပ်ကောင်းမွန်စေရေးနှင့် ကျောင်း သား/ကျောင်းသူများအား အနာဂတ်တွင် လူတော်လူကောင်းများဖြစ်အောင် သင်ကြားပေးသွားကြရန် လိုအပ်ပါကြောင်း၊ သင်ကြားစီမံရေးလုပ်ငန်းများနှင့် ပတ်သက်၍ မိမိတို့တိုင်းဒေသကြီး အစိုးရအဖွဲ့အနေဖြင့် လိုအပ်သည်များကို ပံ့ပိုးဖြည်းဆည်းဆောင် ရွက်ပေးသွားမည် ဖြစ်ပါကြောင်း ပြောကြားကာ ကျောင်းအုပ်ဆရာမကြီးနှင့် ဆရာ/ဆရာမများ၏ တင်ပြချက်များအပေါ် တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ သည်။
ဆက်လက်၍ တိုင်းဒေသကြီး ဝန်ကြီးချုပ်က ကျောင်းအုပ်ဆရာမကြီးထံ ဂုဏ်ပြုချီး မြင့်ငွေကျပ် ( ၁၀ )သိန်းအား ပေးအပ်ချီးမြှင့်ပြီး ကျောင်းသား/ကျောင်းသူများ စိတ်အေးချမ်းသာစွာဖြင့် ပညာသင်ကြားနေမှုများအား လိုက်လံကြည့်ရှုခဲ့ကြသည်။
ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့၊ ညောင်အိုင်ရပ်ကွက်ရှိ အခြေခံပညာအထက်တန်းကျောင်း(ခွဲ)သို့ ရောက်ရှိရာ အစည်း အဝေးခန်းမတွင် ကျောင်းအုပ်ကြီးနှင့် ဆရာ/ဆရာမများအား ရင်းရင်းနှီးနှီးတွေ့ဆုံရာ ကျောင်းအုပ်ကြီးနှင့်ဆရာ/ဆရာမများက သင်ကြားရေးလုပ်ငန်းများ ဆောင်ရွက်နေမှုများနှင့်ကျောင်း၏ လိုအပ်ချက်များအား ဆွေးနွေးတင်ပြကြသည်။
ဆက်လက်ပြီး တိုင်းဒေသကြီး အစိုးရအဖွဲ့ဝင်များနှင့် တိုင်းဒေသကြီး ကျန်းမာရေး ဦးစီးဌာနမှ တိုင်းဒေသကြီးဦးစီးမှူးတို့က ပညာရေးကဏ္ဍဖွံ့ဖြိုးတိုးတက်ရေး လုပ်ငန်းများ ဆောင်ရွက်ပေးနေမှု အခြေအနေများနှင့် ကျောင်းကျန်းမာရေးလုပ်ငန်းများ ဆောင်ရွက် ပေနေမှုအခြေအနေများအား ရှင်းလင်းပြောကြားသည်။
ထို့နောက် တိုင်းဒေသကြီး ဝန်ကြီးချုပ်က သင်ကြားရေးလုပ်ငန်းများနှင့် ပတ်သက် ၍ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူ များနှင့်ဖြည့်ဆည်း ပေါင်းစပ်ဆောင်ရွက်ပေးကာ ကျောင်းအုပ်ဆရာမကြီးထံချီးမြှင့်ငွေကျပ် ၁၀ သိန်းအား ပေးအပ်ခဲ့ပြီး ကျောင်းသား/ကျောင်းသူများ သင်ထောက်ကူပစ္စည်းများနှင့် ပညာသင်ကြား နေမှုများအား လိုက်လံကြည့်ရှုခဲ့ကြသည်။
ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့၊ အမှတ်(၁) အခြေခံပညာအထက်တန်းကျောင်းသို့ ရောက်ရှိရာ အစည်းအဝေးခန်းတွင် ကျောင်းအုပ်ကြီးနှင့် ဆရာ/ဆရာမများအား ရင်းရင်းနှီးနှီးတွေ့ဆုံရာ ကျောင်း အုပ်ကြီးနှင့် ဆရာ/ဆရာမများက သင်ကြားစီမံရေးလုပ်ငန်းများ ဆောင်ရွက်နေမှု အခြေအနေများနှင့် ကျောင်း၏လိုအပ်ချက်များအား ဆွေးနွေးတင်ပြကြသည်။
ဆက်လက်ပြီး တိုင်းဒေသကြီး အစိုးရအဖွဲ့ဝင်များနှင့် တိုင်းဒေသကြီး ကျန်းမာရေး ဦးစီးဌာနမှ တိုင်းဒေသကြီးဦးစီးမှူးတို့က ပညာရေးကဏ္ဍဖွံ့ဖြိုးတိုးတက်ရေး လုပ်ငန်းများ ဆောင်ရွက်ပေးနေမှု အခြေအနေများနှင့် ကျောင်းကျန်းမာရေးလုပ်ငန်းများ ဆောင်ရွက် ပေနေမှုအခြေအနေများအား ရှင်းလင်းပြောကြားသည်။
ထို့နောက် တိုင်းဒေသကြီး ဝန်ကြီးချုပ်က သင်ကြားရေးလုပ်ငန်းများနှင့် ပတ်သက် ၍ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့်ဖြည့်ဆည်း ပေါင်းစပ်ဆောင်ရွက်ပေးကာ ကျောင်းအုပ်ဆရာမကြီးထံချီးမြှင့်ငွေကျပ် ၁၀ သိန်းအား ပေးအပ်ခဲ့ပြီး ကျောင်းသား/ကျောင်းသူများ စိတ်အေးချမ်းသာစွာဖြင့် ပညာသင်ကြားနေမှု များအား လိုက်လံကြည့်ရှုခဲ့ကြပြီး ဆရာ/ဆရာမများအား ရင်းရင်းနှီးနှီးတွေ့ဆုံ နှုတ်ဆက်ခဲ့ ကြောင်း သိရသည်။
