စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် (၇၉)နှစ်မြောက်၊ ပြည်ထောင်စုနေ့ အခမ်းအနားနှင့် MSME ဈေးရောင်းပွဲတော် အောင်မြင်စွာကျင်းပနိုင်ရေး လုပ်ငန်းညှိနှိုင်း အစည်းအဝေး တက်ရောက်

မုံရွာ၊ ဖေဖော်ဝါရီ ၆

(၇၉)နှစ်မြောက်၊ ပြည်ထောင်စုနေ့ အခမ်းအနားနှင့် MSME ဈေးရောင်းပွဲတော် အောင်မြင်စွာကျင်းပနိုင်ရေး လုပ်ငန်းညှိနှိုင်း အစည်းအဝေးကို ဖေဖော်ဝါရီလ ၆ ရက်၊ မွန်း လွဲပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပပြုလုပ်ရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မုံရွာမြို့ပေါ်ရှိ MSME လုပ် ငန်းရှင်များ၊ ပုဂ္ဂိလ ကျောင်းများ၊ ဆေးရုံများနှင့် ဘဏ်များမှ တာဝန်ရှိသူများ တက်ရောက် ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က (၇၉)နှစ်မြောက်၊ ပြည်ထောင်စု နေ့အခမ်းအနားနှင့် MSME ဈေးရောင်းပွဲတော် အောင်မြင်စွာကျင်းပနိုင်ရေးအတွက် ဖွဲ့ စည်းတာ ဝန်ပေးအပ်ထားသည့် ကော်မတီများအနေဖြင့် မိမိတို့အားပေးအပ်ထားသည့် လုပ်ငန်းတာဝန် များအားကျေပွန်အောင် အလေးထား ဝိုင်းဝန်းပူးပေါင်း ဆောင်ရွက်သွား ကြရန် လိုအပ်ပါကြောင်း၊ ဈေးရောင်းပွဲတော်တွင် စက်မှုဇုန်များနှင့်ဒေသအလိုက် ထုတ် ကုန်နှင့်ထွက်ကုန်များ၊ ကုန်ကြမ်းမှကုန်ချောသို့ နည်းပညာအသုံးပြုထုတ်လုပ်ခြင်းနှင့် ထုတ်ပိုးခြင်းဖြင့် တန်ဖိုးမြှင့်ထုတ်လုပ်ထားသည့် ထုတ်ကုန်များအား စုံညီပြည့်စုံအောင် ခင်းကျင်းပြသရောင်းချသွားကြရန် လိုအပ်ပါကြောင်း၊ ပျော်ပွဲရွှင်ပွဲများနှင့်ပြခန်းများပါဝင် ထည့်သွင်း ကျင်းပသွားမည်ဖြစ်သည့်အတွက် ဌာနဆိုင်ရာဝန်ထမ်းများ၊ မြို့နေပြည်သူ များအနေဖြင့် ပျော်ရွှင်ကာ စည်ကားသိုက်မြိုက်စွာဖြင့် ရောင်းနိုင်ဝယ်နိုင်လေ့လာ နိုင် အောင် တာဝန်ရှိသူအားလုံးမှ ပူးပေါင်းဆောင်ရွက်သွားကြရန် လိုအပ်ပါကြောင်း၊ ယခုအစည်း အဝေးသို့ တက်ရောက်လာကြသည့် ဌာနဆိုင်ရာများ၊ MSME လုပ်ငန်းရှင်များ၊ ပုဂ္ဂလိကကျောင်းများ၊ ဆေးရုံများ၊ ဘဏ်များမှ တာဝန်ရှိသူများအနေဖြင့်လည်း လိုအပ် သည်များ ဝိုင်းဝန်းအကြံပြု ဆွေးနွေးသွားကြရန် လိုအပ်ပါကြောင်း ပြောကြားခဲ့သည်။  

ယင်းနောက် MSME လုပ်ငန်းများ ပြပွဲနှင့်ဈေးရောင်းပွဲတော် ကျင်းပရေးဦးစီးကော် မတီ ဥက္ကဌ၊ တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်းက MSME လုပ်ငန်း များပြပွဲနှင့်ဈေးရောင်းပွဲတော် အောင်မြင်စွာ ကျင်းပနိုင်ရေးအတွက် လုပ်ငန်းများကြိုတင် စီမံဆောင်ရွက်ထားရှိမှု အခြေအနေများအား လည်းကောင်း၊ (၇၉)နှစ်မြောက်၊ ပြည်ထောင်စုနေ့ အခမ်းအနား ကျင်းပရေးဦးစီးကော်မတီ ဥက္ကဌ၊ တိုင်းဒေသကြီး လူမှုရေး ရာဝန်ကြီး ဦးညွန့်ဝင်းအောင်က (၇၉)နှစ်မြောက်၊ ပြည်ထောင်စုနေ့ အခမ်းအနား အောင် မြင်စွာကျင်းပနိုင်ရေးအတွက် လုပ်ငန်းများကြိုတင်စီမံဆောင်ရွက်ထားရှိမှု အခြေအနေ များအား လည်းကောင်း ဆွေးနွေးပြောကြားကြသည်။  

ဆက်လက်၍ MSME အေဂျင်စီ အတွင်းရေးမှူး၊ တိုင်းဒေသကြီး စက်မှုကြီးကြပ်ရေး နှင့်စစ်ဆေးရေးဦးစီးဌာနမှ တိုင်းဒေသကြီးဦးစီးမှူးက (၇၉)နှစ်မြောက်၊ ပြည်ထောင်စုနေ့ အခမ်းအနားနှင့် MSME ဈေးရောင်းပွဲတော် အောင်မြင်စွာကျင်းပနိုင်ရေး လုပ်ငန်းများ ကြိုတင်စီမံဆောင်ရွက်နေမှုများနှင့် ဆက်လက်ဆောင်ရွက်သွားမည့် အခြေအနေများအား Power Point ဖြင့် ရှင်းလင်းတင်ပြသည်။

ထို့နောက် တိုင်းဒေသကြီးအဆင့် ဌာနဆိုင်ရာများက မိမိတို့ကော်မတီများအလိုက် (၇၉)နှစ်မြောက်၊ ပြည်ထောင်စုနေ့ အခမ်းအနားနှင့် MSME ဈေးရောင်းပွဲတော် အောင်မြင် စွာကျင်းပနိုင်ရေး တာဝန်ယူဆောင်ရွက်နေသည့် လုပ်ငန်းခြေအနေများနှင့် ပတ်သက်၍  ရှင်းလင်းတင်ပြကြသည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့ တက် ရောက်လာသူများက (၇၉)နှစ်မြောက်၊ ပြည်ထောင်စုနေ့ အခမ်းအနားနှင့် MSME ဈေး ရောင်းပွဲတော် အောင်မြင်စွာကျင်းပနိုင်ရေးအတွက် လုပ်ငန်းများဆောင်ရွက်နေမှု အခြေ အနေများနှင့် ပတ်သက်၍ လိုအပ်သည်များကို ဖြည့်စွက်ဆွေးနွေး ပြောကြားကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာကြ သူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးပြီး နိဂုံးချုပ်အမှာစကား ပြောကြားခဲ့ကြောင်း သိရသည်။