စစ်ကိုင်းတိုင်းဒေသကြီး ဝန်ကြီးချုပ် ဦးကိုလေး မုံရွာမြို့ လမ်းလျှောက်သင်္ကြန် ဗဟိုမဏ္ဍပ် နှင့်ဌာနဆိုင်ရာမဏ္ဍပ်များ တည်ဆောက်ထားရှိမှုများအား လိုက်ကြည့်ရှု

မုံရွာ၊ ဧပြီ ၁၂

စစ်ကိုင်းတိုင်းဒေသကြီး ဝန်ကြီးချုပ် ဦးကိုလေး၊တိုင်းဒေသကြီးအစိုးရ အဖွဲ့ဝင်များနှင့် တာဝန်ရှိသူများသည် ဧပြီလ ၁၂ ရက်နေ့၊ နံနက်ပိုင်းတွင် မုံရွာမြို့၊ ဗိုလ်ချုပ်လမ်း မကြီးပေါ်ရှိ ကန်သာယာကန်အနီး လမ်း လျှောက်သင်္ကြန် စည်ကားသိုက်မြိုက်စွာ ကျင်းပနိုင်ရေး ဗဟိုမဏ္ဍပ်နှင့် ဌာနဆိုင်ရာမဏ္ဍပ်များဖြစ်သည့် ချင်းတွင်းပိတောက်မဏ္ဍပ်၊ လျှပ်စစ်/စွမ်းအင်/လမ်းပန်းဆက်သွယ်ရေးမဏ္ဍပ်၊ ရွှေပိတောက်ပျိုပေမဏ္ဍပ်၊ ရွှေသလ္လာ နှစ်သစ်မဏ္ဍပ်၊ တည်ဆောက်ပြီးစီးမှုများအားသွားရောက် ကြည့်ရှုခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်က မုံရွာမြို့ လမ်းလျှောက်သင်္ကြန်အား စည်ကားသိုက်မြိုက်စွာ ကျင်းပနိုင်ရေး၊ မြို့ပေါ်ရှိရပ်ကွက်နေပြည်သူများ ပျော်ရွှင်စွာပါဝင် ဆင်နွှဲနိုင်ရေး၊ သင်္ကြန်အကြိုနေ့မှ အတက်နေ့အထိ ခိုက်ရန်ဖြစ်ပွားမှုများ မဖြစ်ပေါ်စေရေး၊ စတုဒီသာကျွေးမွေးဧည့်ခံမှုများ လုံလောက်မှုရှိစရေး၊ ရေလုံလောက်မှုရှိစေရေးနှင့် လုပ်ငန်းများဆောင်ရွက်ရာတွင် လုံခြုံရေးအသိ၊သတိတို့ဖြင့် ဆောင်ရွက်သွားရေးတို့အား တာဝန်ရှိသူများအား မှာကြားခဲ့ကြောင်း သိရသည်။