မုံရွာ၊ မေ ၁၉
စစ်ကိုင်းတိုင်းဒေသကြီး၊ စစ်ကိုင်းခရိုင်အတွင်း ၂၀၂၆-၂၀၂၇ ပညာသင်နှစ်၊ ကျောင်း နေအရွယ်ကလေးတိုင်း ကျောင်းအုပ်နှံမှု ပိုမိုတိုးတက်မြင့်မားလာစေရေးနှင့် တန်းစဉ်ကူး ပြောင်းမှု ပိုမိုတိုးတက်လာစေရေး လုပ်ငန်းညှိနှိုင်းအစည်း အဝေးကို မေလ ၁၉ ရက်၊ မွန်းလွဲပိုင်းတွင် စစ်ကိုင်းမြို့၊ မြို့တော်ခန်းမ၌ ကျင်းပပြုလုပ်ရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးကိုလေး၊ တိုင်းဒေသကြီး အစိုးရအဖွဲ့ဝင်များ၊ ခရိုင်/မြို့နယ် စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဌများနှင့်အဖွဲ့ဝင်များ၊ခရိုင်/မြို့နယ် ပညာရေးမှူးများ၊ စစ်ကိုင်း ပေါ်ရှိ အခြေခံပညာကျောင်းများမှ ကျောင်းအုပ်ကြီးများ၊ ဆရာ/ဆရာမများနှင့် ရပ်ကွက်/ ကျေးရွာအုပ်ချုပ်ရေးမှူးများ တက်ရောက်ကြသည်။
ဦးစွာ တိုင်းဒေသကြီး ဝန်ကြီးချုပ် ဦးကိုလေးက စစ်ကိုင်းခရိုင်အတွင်းရှိ ကျောင်းနေ အရွယ်ကလေးအားလုံး ကျောင်းအပ်နှံနိုင်ရေး၊ အတန်းစဉ်ကူးပြောင်းမှု ရာခိုင်နှုန်းပြည့်မီ ရေး၊ ကျောင်းသား၊ကျောင်းသူအားလုံး အနည်းဆုံးအလယ်တန်းပညာ(KG+9) ပြီးမြောက် စေရေးအတွက် တာဝန်ရှိသူအားလုံးမှ ဝိုင်းဝန်းကြိးပမ်း ဆောင်ရွက်သွားကြရန် လိုအပ်ပါ ကြောင်း၊ ဒေသဆိုင်ရာအုပ်ချုပ်ရေးအဖွဲ့များနှင့် ပညာရေးဆိုင်ရာ တာဝန်ရှိသူများမှ မိမိတို့ ၏ကျောင်းများ၊ စာသင်ခန်းများ ဥပဓိရုပ်ကောင်းမွန်ရေး၊ ကျောင်းဝန်းနှင့် ကျောင်းပတ်ဝန်း ကျင်သန့်ရှင်းသပ်ရပ်၍ ကျန်းမာရေးရေးနှင့်ညီညွတ်သည့် ပတ်ဝန်းကျင်တစ်ရပ်အဖြစ် ဖန် တီးဆောင်ရွက်သွားကြရန် လိုအပ်ပါကြောင်းနှင့် စစ်ကိုင်းခရိုင်အတွင်းရှိ မြို့နယ်/ရပ်ကွက် /ကျေးရွာများရှိ အခြေခံပညာကျောင်းများအားလုံး ရာနှုန်းပြည့်ဖွင့်လှစ်သင်ကြားနိုင်ရေးအတွက် တာဝန်ရှိသူအားလုံးမှ အလေးထား ပူးပေါင်းဆောင်ရွက်သွားကြရန် လိုအပ်ပါကြောင်း ပြောကြားသည်။
ယင်းနောက် စစ်ကိုင်းခရိုင် ပညာရေးမှူးနှင့် မြင်းမူမြို့နယ်၊ မြောင်မြို့နယ် ပညာရေးမှူးများက ၂၀၂၆-၂၀၂၇ ပညာသင်နှစ်၊ ကျောင်းနေအရွယ်ကလေးတိုင်း ကျောင်းအုပ်နှံမှု ပိုမိုတိုးတက်မြင့်မားလာစေရေးနှင့် တန်းစဉ်ကူးပြောင်းမှု ပိုမိုတိုးတက်လာစေရေး လုပ်ငန်း များကြိုတင်စီမံ ဆောင်ရွက်ထားရှိသည့် အခြေအနေများအား ရှင်းလင်းပြောကြားသည်။
ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူများ ၏ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့ပြီး နိဂုံးချုပ်အမှာစကား ပြောကြားခဲ့ကြောင်း သိရသည်။
